Policia e Kosovës ka konfirmuar se pronarët e “Abi Çarshia” në Prizren, së bashku me punëtorët kanë sulmuar tre persona, dy meshkuj dhe një femër.
“Për deri sa inspektorët komunal ishin duke rrënuar një objekt të ndërtuar pa leje, pronarët e objektit të dyshuarit, meshkuj K-Shqiptarë, së bashku me disa punëtorë kanë sulmuar fizikisht dy meshkuj dhe një femër viktima K-Shqiptarë”, thuhet në njoftimin e Policisë së Kosovës.
“Viktimat kanë pësuar lëndime trupore”.
“ Një zyrtar policor është lënduar gjatë tentimit për të qetësuar situatën. Të lënduarit kanë pranuar tretman mjekësor”.
Me vendim të prokurorit rasti ka shkuar në procedurë të rregullt.
Ndërkaq, Lëvizja Vetëvendosje ka njoftuar se pasditen e së premtes në Prizren janë sulmuar aktivistët , Rinor Kadriqeli, Rigon Kadriqeli, Muhamet Kadriqeli, Hysen Pllava dhe Mimoza Bushrani. /PrizrenPress.com/
