Pronari i njërit prej klubeve të Premierligës kishte propozuar që ndeshjet e mbetura të kampionatit të luhen në vendin aziatik
Klubet e Premierligës e kanë hedhur poshtë mundësinë që pjesa e mbetur e sezonit 2019/2020 të zhvillohet në Kinë.
Ideja ishte hedhur nga pronari i njërit prej klubeve të Premierligës, shkruan mediumi britanik “Mirror”, përcjell “Gazeta Express”.
Mirëpo, pjesa dërrmuese e krerëve të klubeve e kanë refuzuar një mundësi të tillë.
Në Kinë tashmë është nën kontroll situata me koronavirusin dhe të infektuarit janë duke u shëruar.
Ndërkohë, në Britaninë e Madhe sa vjen e shtohet numri i të infektuarve dhe viktimave.
Ende nuk dihet saktë se kur do të vazhdojë ky edicion i Premierligës.
