Barcelona mund të mbesë pa Ivan Rakitic, i cili mund të transferohet te Paris Saint-Germain këtë verë – por jo si shkëmbim me Adrien Rabiot.
Klubi katalunas e pëlqen lojën e Rabiot, dhe shpreson se mund të arrijë marrëveshje me francezin tani.
Por, kroati, Rakitic, duket se do të largohet nga ”Camp Nou” në drejtim të Parisit, transmeton IndeksOnline.
E përditshmja, SPORT, shkruan se ndonjë marrëveshje për 30-vjeçarin nuk do ta përfshijë në ofertë Rabiotin.
Sipas gazetës në fjalë, PSG nuk është e interesuar për largimin e 23-vjeçarit, i cili është zhvilluar në akademinë e klubit.
Para kësaj, Paris Saint-Germain ka bërë gati 100 milionë euro për transferimin e Rakitic duke shpresuar në finalizimin e marrëveshjes.