Presidenti amerikan, Donald Trump, ka urdhëruar që të gjithë flamujt amerikanë nëpër institucionet shtetërore të vendosen në gjysmështizë për t’i nderuar viktimat që pësuan nga përhapja e pandemisë Covid-19.
Trump ka thënë se kombi amerikan vajton për çdo jetë të humbur si pasojë e koronavirusit dhe ndanë vuajtjen me të gjithë ata që u prekën nga kjo pandemi, njofton Klan Kosova.
“Zoti qoftë me viktimat e kësaj pandemie dhe sjelltë ndihmë dhe rehati për familjet dhe miqtë e tyre”.
“Si shenjë respekti solemn për viktimat e pandemisë, si President i Shteteve të Bashkuara me Kushtetutën dhe ligjet e Shteteve të Bashkuara të Amerikës, unë urdhëroj që flamuri i Shteteve të Bashkuara të vendoset në gjysmështizë në Shtëpinë e Bardhë dhe mbi të gjitha ndërtesat dhe bazat publike, në të gjitha postet ushtarake dhe stacionet detare, dhe në të gjitha anijet detare të Qeverisë Federale në Rrethin e Kolumbisë dhe në të gjithë Shtetet e Bashkuara dhe territoret dhe pronat e saj deri në perëndimin e diellit, 24 maj 2020”.
“Unë gjithashtu kërkoj që flamuri të vendosen në gjysmështizë në të njëjtën periudhë kohore në të gjitha ambasadat, legacionet, zyrat konsullore dhe objektet e tjera jashtë vendit, përfshirë të gjitha objektet ushtarake dhe anijet detare dhe stacionet”.
