Kryeministri i Republikës së Kosovës, Albin Kurti, e ka mbrojtur Mimoza Kusarin për incizimin e dalë me Sllavko Simiqin e Listën Serbe derisa ka thënë që nuk ka komunikuar vetë e as nuk është takuar ndonjëherë me Radojiçiqin.

E pyetur nga gazetarja e Nacionales për një koment mbi incizimin dhe nëse është takuar edhe ai, Kurti u shpreh:

“Unë as që kam komunikuar e as që jam takuar ndonjëherë me personin në fjalë. Por, edhe njëherë ju lus të gjithëve sa i përket kësaj lufte hibride e cila bëhet nga Serbia kundër shtetit të pavarur dhe pushtetit demokratik në Kosovë.” – u shpreh kryeministri i vendit.

Më tutje, Kurti e mbrojti në mënyrë të qartë Kusarin duke i thënë këto fjalë:

“Gjatë takimit që ajo ka pasur me shefin e Listës Serbe kur ata ishin në Kuvend e kur e kishin Goran Rakiqin në qeveri aty asaj i është lëshuar në interfon të telefonit të Sllavko Simiqit, gjë që s’mund të thuhet që është takim.”

Ai tutje u shpreh se duhej të kishim kujdes nga lufta hibride e Serbisë në kontekstin e këtij incizimi.

Kuvendi Komunal i Rahovecit shkarkoi kryesuesin, Defrim Kafexhiun, i cili vjen nga Lëvizja Vetëvendosje në komunën që udhëhiqet nga kryetari Smajl Latifi i Aleancës për Ardhmërinë e Kosovës (AAK). Nga 27 anëtarë prezentë në këtë seancë të jashtëzakonshme, 16 votuan pro shkarkimit të Kafexhiut, dhjetë ishin kundër ndërsa një abstenoi.

Në fjalën e tij para votimit, Kafexhiu deklaroi se nuk ka arsye për ta shkarkuar atë përpos që Latifi kërkon të jetë, edhe kryetar Komune, edhe kryesues i Kuvendit Komunal. personale.Kosovapress/

Kryeministri i vendit, Albin Kurti, ka reaguar pas dakordimit që është arritur për shtensionimin e situatës në veri të vendit në takimin mes kryenegociatorit, Besnik Bislimi, e të dërguarit special të BE-së për dialogun Kosovë – Serbi, Miroslav Lajçak.

Kurti tha se pika e katërt parasheh një takim mes Bislimit e Petkoviqit, për finalizimin e planit të sekuencimit të marrëveshjes bazike dhe aneksit të Ohrit, teksa tregoi edhe planin katërpikësh të tij për sukes të zbatimit të marrëveshjes.

“Për suksesin e zbatimit të marrëveshjes bazike, së pari të dy palët duhet ta pranojnë publikisht që marrëveshja është ligjërisht e obligueshme, gjë që s’ka ndodhur nga pala serbe”.

“Së dyti, që marrëveshja duhet të zbatohet në plotni, gjë që me gjasë ende nuk është e qartë për njërën nga palët”, tha Kurti, njofton Klankosova.tv.

Tutje, Kurti tha se kushti i tretë për suksesin e zbatimit të marrëveshjes bazike është “që zbatimi i neneve të marrëveshjes nuk mund të kushtëzohet”.

“Dhe së katërti, që të dyja palët duhet të kenë mundësinë të negociojnë nga pozicione të barabarta, gjë që është cenuar prej vendosjes së masave të përkohshme kundër Kosovës nga BE-ja”, tha Kurti, njofton Klankosova.tv.

Më tej, kreu i qeverisë tha se dakordimi që ndodhi në Bratisllavë, do të ndihmojë në vendosjen e barazisë midis palëve, që sipas tij, ndihmon zbatimin e plotë të marrëveshjes bazike dhe aneksit të saj.

Rrustem Mustafa i njohur si Komandant Remi do të vazhdojë edhe sot  dëshminë në Gjykatën Speciale.

Gjatë vazhdimit të dëshmisë, ai y pyet lidhur me kanalet e komunikimit gjatë kohës së luftës.

Komandant Remi tha se kryesisht kanë komunikuar përmes radio-lidhjeve, telefonave dhe takimeve sy me sy.

Ai përmendi se si Adem Demaçi ia kishte dhënë asokohe dy telefona.

Prokurorja: A ju kujtohet se çfarë numri telefoni përdornit në atë kohë?

Mustafa: Jo nuk më kujtohet numrat.

Prokurorja: Komunikimi a ishte në nivel të mirë në Zonën e Llapit?

Mustafa:  nuk ka qenë komunikimi përmes telefonave i mirë. Në atë kohë numrat e telefonave kanë qenë të kontrolluar nga Serbia. Kurse ne për nevoja të komandës kemi pasur telefon satelitor. Mirëpo shpesh here është ata kanë qenë jofunksional për arsye të pagesave. Komunikimi nuk ka qenë i mirë, i kënaqshëm nuk ka qenë.

Prokurorja: Çfarë pajisje komunikimi kishit?

Mustafa: Ka pasur radio-lidhje, telefon, dhe personalisht udhëtimi, takime sy me sy.

Prokurorja: A mund të na thoni përafërsisht se kur i keni sigluara këto pajisje të radiove?

Mustafa: Për zonë tri katër copë i kemi pasur qershor-korrik 1998. Gradualisht ka ardhur duke u shumuar numri i tyre. Na kanë sjellë njerëzit dhe ka ardhur numri duke u rritur.

Prokurorja: A kishit një vend të caktuar se ku i merrnit këto radio-lidhje?.

Mustafa: Kujtoj që një numër i radio-lidhjeve kanë ardhur nga Perëndimi.

Prokurorja: Këto radio-lidhjet i kishin edhe Brigadat edhe njësitet?

Mustafa: Po kanë qenë edhe njësitet por ka qenë problem, se kemi qenë pa rrymë dhe problem për me i mbush. I kemi pasur vështirësi tona teknike.

Prokurorja: Ju thatë që kishit edhe një numër telefonash, po ata nga i morët?

Mustafa: Ata kanë ardhur nga jashtë. Nga bashkatdhetarët tanë.  Më kujtohet që dy prej tyre i kam marrë nga shefi i zyrës politike të UÇK-së, Adem Demaçi.

Prokurorja: A ju kujtohet se në çfarë kohe i keni marrë këto?

Mustafa: Mund të jetë pas shtatorit, pas ofensivës ndaj nesh që ishte zhvilluar.

Prokurorja: Ku i mbanit këta telefona satelitor?

Mustafa: Telefoni që ka qenë i komandës është mbajt në komandë. Ku kemi qëndru e kemi mbajtë telefonin.

Prokurorja: Kush kishte të drejtë apo qasje në ta?

Mustafa: Ka qenë komandantët e Brigadave. Ata kanë mujt me i leju edhe të tjerët. Është dasht me qenë numri kufizuar i atyre që kanë pasur të drejtë ta përdorin.

Prokuorja: A ju mundësonin të komunikonit në zona të tjera dhe Shtabin e Përgjithshëm?

Mustafa: Ka pasur momente qe kemi zënë lidhjet por kanë qenë shumë të vështira sepse ndërhyrja e forcave armike në to ka qenë e lehtë, ne s’kemi mundur dhe s’kemi ditë me punu mirë me to dhe kemi pasur probleme.

Prokurorja: Po Shtabit të \Përgjithshëm a i dhatë pajisje të tilla komunikimi?

Mustafa: U kam ofruar dy rado-lidhje por nuk më kujtohet se kemi komunikuar përmes tyre me Shtabin e Përgjithshëm.

Prokurorja: e keni fjalën konkretisht me këto pajisje?

Mustafa: Po.

Prokurorja: A do të ishte saktë të themi se anëtarët e Zonës Operative të Llapit kishin kontakte të rregullta telefonik me Shtabin e Përgjithshëm?

Mustafa: Sa herë që kam mundur me i marrë në telefon jemi dëgjuar. Por të rregullta nuk do të kisha thënë.

—

Bëhu me banes  në super lokacion, pranë qendrave tregtare “Galeria Shopping Mall,  dhe Abi Çarshia, Qëndra Mjeksis Urgjente 100m , Stacioni i Autobusëve 100m.

Kontakti:

Mob: +383 44 128 112

Email: [email protected]

Web: www.renelualtahiri.com