Sigal Prishtina fitoi ndaj Bashkimit në Prizren me rezultat 71:77 (25:18, 13:29, 12:16, 21:14), në javën e 20-të të ProCredit Superligës.

Të përkrahur nga tifozët vendas, prizrenasit e nisën sfidën më mirë, duke fituar çerekun e parë, 25:18. Por, bardhekaltrit u rikthyen shpejt, duke bërë përmbysjen dhe shkuan në pushim me nëntë pikë epërsi 38:47.

Bardhekaltrit për një nuancë ishin më të mirë edhe në periudhën e tretë, 12:16, derisa vendasit u munduan të rikthehen në dhjetë minutat e fundit, por nuk ia arritën qëllimit dhe kryeqytetasit fituan 71:77.

Më i miri te vendasit ishte Wendell Green me 17 pikë, katër kërcime e gjashtë asistime, ndërsa te mysafirët më i miri ishte Rashid Mahalbashiq me 11 pikë e 13 kërcime.

Bashkimi ka 14 fitore e gjashtë humbje, ndërsa Sigal Prishtina ka 12 fitore e tetë humbje./PrizrenPress.com/

Ballkani ka njoftuar për ndërprerjen e bashkëpunimit me tre lojtarë, përfshirë portierin Damir Luljanoviq, pas katër viteve të tij në klub.

Në një njoftim zyrtar, klubi nga Suhareka ka shprehur mirënjohje për kontributin e Luljanoviqit, duke theksuar se ai ka luajtur një rol të rëndësishëm në sukseset e arritura nga skuadra. Përveç tij, Ballkani ka falënderuar edhe mbrojtësin Arbnor Halitjahaj dhe sulmuesin Alfred Mensah për përkushtimin dhe angazhimin e tyre në çdo paraqitje.

“Me konsideratë të thellë dhe respekt për kontributin e tij të veçantë për FC Ballkanin, klubi e falenderon portierin Damir Luljanoviq për katër vite sa ishte pjesë e skuadrës. Fal edhe dedikimit të tij, skuadra ka arritur sukseset e mëdha. Poashtu, falenderojmë edhe lojtarët Arbnor Halitjahaj e Alfred Mensah, të cilët në secilën ndeshje që janë paraqitur, kanë dhënë maksimumin e tyre. FC Ballkani i dëshiron futbollistëve suksese në vazhdim të karrierës së tyre”, ka shkruar skuadra nga Suhareka.

Marketing

Bashkimi i Prizrenit do të përballet sot me Sigal Prishtinën në një ndeshje të rëndësishme për të ruajtur kreun e Superligës.

Ekipi prizrenas është aktualisht në vendin e parë me 14 fitore dhe 5 humbje, dhe ka si qëllim të mbajë distancën nga ndjekësit e tij. Sigal Prishtina renditet në vendin e tretë me 11 fitore dhe 8 humbje, dhe do të synojë të shkëputet nga konkurentët për vendin e dytë.

Ndeshja do të zhvillohet në palestrën “Sezai Surroi” në Prizren, në orën 19:00./PrizrenPress.com/

Sot në ora 16:00, palestra “Sezai Surroi” në Prizren do të jetë skena e një përballjeje vendimtare në ProCredit Superligë, ku P.C. Prizreni do të sfidojë Borën në një ndeshje me peshë të madhe për renditjen.

Prizreni ka 4 fitore dhe 15 humbje, ndërsa Bora ka 6 fitore dhe 13 humbje, duke e bërë këtë duel tejet të rëndësishëm për të dyja skuadrat. Meqenëse kjo është një nga ndeshjet më të rëndësishme për Prizrenin, ekipi vendas do të synojë ta shfrytëzojë në maksimum faktorin e palestrës për të siguruar një fitore vendimtare.

Nga ana tjetër, Bora është e gatshme për këtë sfidë dhe do të kërkojë një rezultat pozitiv jashtë fushe, duke synuar të forcojë pozitat në renditje./PrizrenPress.com/

Marketing