Kryetari i Malishevës, Ekrem Kastrati, ka pritur sot në takim ish-ministrin e Shëndetësisë, Ferid Agani, të cilin e ka nderuar me mirënjohje për kontributin e tij të çmuar në fushën e shëndetësisë dhe në shërbim të Kosovës.

Sipas një komunikate për media, mirënjohja e ndarë për ish-ministrin Aganin është bërë me motivacionin: “Për kontributin e dhënë në zhvillimin e sistemit shëndetësor dhe angazhimin e palodhshëm në shërbim të vendit dhe shoqërisë”.

“z. Ferid Agani ka shërbyer si Ministër i Shëndetësisë në Qeverinë e Republikës së Kosovës gjatë periudhës 2011–2014. Gjatë këtij mandati, ndër të tjera, ai ka themeluar dhe ka udhëhequr Këshillin Ndërministror për Parandalimin dhe Luftimin e Etheve Hemorragjike Krime Kongo (EHKK), një hap i rëndësishëm për përballjen me këtë sëmundje endemike në Kosovë, e në veçanti në Malishevë”.“Me këtë rast, kryetari Kastrati e ka falënderuar z. Agani për kontributin e tij jo vetëm si ministër, por edhe për rolin dhe përkushtimin e tij në zhvillimet e përgjithshme publike dhe politike në vend”, përfundon komunikata për medie.

Marketing

Policia e Kosovës ka publikuar raportin ditor me të dhënat e përgjithshme për 24 orët e fundit, duke përfshirë statistikat e aksidenteve në trafik, arrestimet dhe gjobat e shqiptuara.

Sipas raportit, në këtë periudhë janë regjistruar 21 aksidente me të lënduar dhe 42 të tjera me dëme materiale.

Policia ka vazhduar me zbatimin e rregullave në komunikacion, ku brenda një dite janë shqiptuar gjithsej 2083 gjoba trafiku.

Në 24 orët e fundit, Policia ka arrestuar 15 persona, prej të cilëve 10 janë dërguar në mbajtje, kurse dy t tjerë janë dërguar në vuajtje të dënimit.

Është ndarë nga jeta Prof. Dr. Isak Misin Hoxha

Lajmin për ndarjen nga jeta të Prof. Dr. Isak Misin Hoxhës e ka bërë të ditur familja e tij, duke shprehur dhimbjen e thellë për humbjen e një njeriu të dashur, të urtë dhe të përkushtuar.

I lindur më 28 shkurt 1947, Prof. Dr. Isak Misin Hoxha ndërroi jetë në moshën 78-vjeçare, duke lënë pas një trashëgimi të çmuar në fushën akademike dhe një boshllëk të pazëvendësueshëm në zemrat e familjarëve, miqve dhe kolegëve të tij.

Me një jetë të mbushur me përkushtim dhe sakrificë, ai ishte një shembull i urtësisë, dinjitetit dhe dashurisë ndaj familjes dhe komunitetit. Kujtimi i tij do të mbetet i gjallë tek të gjithë ata që patën fatin ta njohin.

Si profesor i përkushtuar i matematikës, ai ka kontribuar për dekada në Fakultetin e Ndërtimtarisë dhe Arkitekturës si dhe ka dhënë një kontribut të madh edhe në Departamentin e Matematikës të Universitetit të Prishtinës.

Gjithashtu, ishte i angazhuar edhe në Universitetin e Prizrenit dhe atë të Gjilanit, duke dhënë një kontribut të çmuar në formimin akademik të shumë gjeneratave.

Gjatë karrierës së tij të gjatë, Prof.Hoxha u dallua për profesionalizëm, përkushtim dhe integritet të lartë akademik. Ai do të mbahet mend jo vetëm si mësimdhënës i shkëlqyer, por edhe si njeri me vlera të thella humane.

Ceremonia e varrimit do të mbahet më 25 maj 2025, në orën 13:00, në varrezat e fshatit Zhurr-Prizren.

Deputetja Duda Balje gjatë ditës së sotme ka konfirmuar informacionet që qarkullonin, se asaj i është ofruar të bëhet profesoreshë në Shkup, në këmbim të votës për Albulena Haxhiun.

Balje ka jep detaje për personin i cili i’a ka ofruar pozitën e profesoreshës në Shkup në ‘këmbim të votës’ së saj.

Balje gjithashtu është shprehur se ka refuzuar ofertën dhe se ka vendosur të flas pas deklaratve të Ramush Haradinaj.

“Kjo ka ndodhë para disa jave dhe nuk kam desht me fol, por reagova pasi z.Haradinaj e përmendi.Unë kam refuzu ofertën dhe nuk kam shku as në kafe. Oferta është bërë nga njerëz të paritsë që janë në pushtet”, ka thënë Balje. Ajo është shprehur se nuk ka ndërru qëndrim dhe se nuk do ta mbështesë Vetëvendosjen”,ka thënë Balje në Tëvë1.

Për këtë ajo është shprehur se personi i cili ka ofruar që të bëjë ‘këmbim të votës’ është pjestar i UÇK-së.

“Kanë bërë ofertë ata të cilët janë në pushtet. Personi i cili ka bërë kërkesen është një doktor prej Kosovës është pjestar i UÇK-së edhe e respektoj shumë edhe unë e di se ai është duke më përcjell edhe personi edin se kush është edhe për respekt nuk po tregoj më shumë”, është shprehur Balje.