Ajo është e njohur për kreativitetin e saj në çdo aspekt.
Dhe duke se Beyonce sërish ka bërë bujë në rrjetet sociale duke u shfaqur mjaft seksi përkundër se është shtatzënë dhe pret binjakë.
35 vjeçarja, fituese e shumë çmimeve Grammy është shfaqur tejet seksi me një fustan me ngjyrë vjollcë të cilin dukej shumë elegante.
Familja e Astrit Deharit në mars të këtij viti ka dorëzuar në Ministrinë e Drejtësisë kërkesën përmes së cilës ajo ka përzgjedhur Qendrën Universitare të Mjekësisë Ligjore në Lausanne të Zvicrës për të kryer një hetim të pavarur rreth vdekjes së Astrit Deharit. E hetimet lidhur me këtë rast do të përfundojnë vetëm pas realizimit të kërkesës së familjes Dehari për hetim të pavarur.
Kështu ka bërë të ditur Ministrja e Drejtësisë në Kosovë, Dhurata Hoxha. Ajo në një intervistë dhënë lajmi.net, ka thënë se rasti ‘Dehari’ është ende në proces dhe pritet që të përfundojë pas realizimit të kërkesës së familjes për hetimin e pavarur.
“Vendimi i Kuvendit është i qartë, dhe ne do të veprojmë sipas tij. Sipas këtij vendimi, i mundësohet Familjes të angazhojë institucione kredibile nga cilido vend i BE-së apo ShBA-së dhe më këtë rast, Qeveria e Kosovës duhet t’i mbulojë tërësisht shpenzimet për çdo ekspertizë shtesë”, ka thënë Hoxha.
Ndërkohë që në fund të dhjetorit të vitit të kaluar Kuvendi i Kosovës nëpërmjet një seance të jashtëzakonshme ka miratuar rezolutën përmes së cilës i është mundësuar familjes Dehari që të kërkojë ekspertizë nga çdo vend i BE’së ose SHBA’së për kryerjen e autopsisë së Astrit Deharit.
Aktivisti i Vetëvendosjes, Astrit Dehari, 26 vjeç,ka vdekur në Qendrën e Paraburgimit në Prizren, më 5 nëntor të vitit të kaluar. Ai po mbahej në paraburgim nën dyshimet për sulm ndaj Kuvendit të Kosovës
Dje në Suharekë, në rrethana të panjohura nga zjarri është përfshirë një sipërfaqe prej 5 hektarësh pyje, njofton Policia e Kosovës, përcjllë PrizrenPress.
Njësit përkatëse dhe zjarrfikësit kanë dalur në vend-ngjarje dhe kanë shuar zjarrin. /PrizrenPress.com/
Mesfushori italian, Marco Verratti edhe pse e pranon se po ndjehet mirë për Paris, ai tha se do ta bisedojë të ardhmen e tij në fund të këtij edicioni.
“Kam edhe katër vite kontratë me PSG. Ndjehem mirë në Paris. Sikur çdo vit tjetër, do ta diskutoj me drejtuesit e skuadrës në fund të edicionit dhe do të shohim”, tha Verratti për Le Parisien.
Kujtojmë se mesfushori italian është një nga lojtarët më të kërkuar në Evropë, me Barcelonën, Interin dhe Juventusin si skuadrat favorite për të nënshkruar me të.
Real Madrid dhe Barcelona mbrëmë kishin 99 milionë fansa në Facebook dhe po luftonin se cila skuadër do ta arrinte e para shifrën prej 100 milionë.
Të dyja klubet filluan kampanjën e tyre duke i përfshirë edhe yjet që luajnë për ta që të thirrin në pëlqimin e faqeve të tyre në këtë rrjet social, njofton Klan Kosova.
Cristiano Ronaldo, Gerard Pique, Rafael Nadal ishin disa nga ata që ftuan njerëzit ta pëlqejnë Real Madridin, respektivisht Barcelonën.
Por në fund, ishte Real Madrid që fitoi duke e arritur shifrën prej 100 milionë fansave para klubit katalanas.
Besimet e fshehta fetare sfidojnë ato tradicionale. Ato zbehin dallimin ndërmjet përkushtimit dhe herezisë. Shumë prej tyre janë hibride të shumë teologjive. Këto besime të përziera fetare, kanë një mënyrë interesante të ngacmimit të strukturave të pushtetit, sidomos kur lëvizjet dalin nga shtresat e ulëta apo përmbajnë ide të huaja. Disa prej këtyre besimeve janë bërë edhe më të errëta, duke kufizuar misteret e tyre më të thella një grushti të ngushtë klerikësh drejtues.
10. Alavitët
Një në 12 sirianë është alavit, praktikues i një sekti të fshehtë të Islamit që daton në shekullin IX. Këta shiitë adhurojnë si Zot Aliun, thjeshtrin e profetit Muhamed, mohojnë që gratë kanë shpirt, dhe besojnë tek rimishërimi. Osmanët e shtypën me forcë këtë komunitet. Sunitët nuk besojnë që alavitët janë myslimanë. Alavitët akuzohen për përdorimin e fesë islame për të fshehur bindjet e tyre radikale.
“Agjërim” do të thotë mbajtja e sekreteve. Dhe një “pelegrinazh” është një vizitë tek sheikët e tyre. Ibn Batuta, kronikani i shekullit të XIV, vuri në dukje se ata nuk shkojnë në xhami. Presidenti sirian Bashar Al-Asad është anëtar i këtij sekti. Ai është duke punuar për të normalizuar këtë besim në hije. Megjithatë, shumëkush dyshon se rivaliteti shekullor alavito-sunit qëndron në thelbin e konfliktit civil sirian.
9. Kandomblë
Ky besim fetar mbërriti në Brazil me anijet e skllevërve. Është një përzierje e besimit katolik me nderimin tradicional të shpirtrave të Afrikës Perëndimore. Zoti i tyre i gjithëfuqishëm ndihmohet nga shpirtrat ndiohmës më të vegjël, si dhe udhëheqës shpirtërorë personalë. Praktikuesit nuk besojnë tek e mira apo e keqja, por vetëm tek fati personal.
Që nga viti 1970, kur u hoq ndalimi i tubimeve publike pa lejen e policisë, njerëzit filluan të identifikohen më shumë me këtë fe. Gjatë viteve të fundit, Krishterimi Ungjillor ka qenë në rritje në Brazil, dhe për të luftuar ndikimin politik të këtyre të krishterëve të rinj, disa krijuan një parti politike Kandomblë:PPLE, Partia për Lirinë e Shprehjes.
Ungjillorët kanë sulmuar faltoret e tyre dhe i etiketojnë ndjekësit si adhurues të djallit. Politika e racës qëndron në thelbin e kauzës. Brazili qe vendi i fundit që anuloi skllavërinë. Gjysma e popullsisë që e konsideron veten zezakë, ka ende shumë pak pushtet politik, dhe Kandomblë është në mënyrë të pagabueshme një fe Afrikane.
8.Kakure Kirishitan
Kakure Kirishitan janë të krishterët e fshehtë të Japonisë. Pasi Shoguni Tokugava e ndaloi fenë e tyre, besimtarët filluan ta praktikonin atë në fshehtësi. Kakure Kirishitan ekzistoi në ilegalitet për 450 vjet, deri kur persekutimi mori fund në vitin 1873. I zhvilluar në hije, ky besim u shndërrua në diçka misionarët spanjollë të mesit të viteve të 1500 vështirë se do ta njihnin.
Kakure Kirishitan shkriu në një Katolicizmin me Shintoizmin dhe Budizmin. Ata zhdukën të gjitha reliket e jashtme, e maskuan Marinë dhe Jezusin si Budam, dhe i kamufluan lutjet si himne. Megjithatë, ruajnë muzikën origjinale kristiane që u soll nga Evropa. Këto himne latine, u lejojnë dëgjuesve që udhëtojnë në kohë në Spanjën e shekullit XVI.
7. Jazidët
Me 700.000 anëtarë në të gjithë botën, besimi Jazid është aq i fshehtë, sa që shumë nga elemëntët e saj nuk janë të njohur edhe nga vetë besimtarët. Librat e tyre të shenjtë mbahen të fshehura nga klerikët, dhe ata duhet të betohen që në fillim të mos zbulojnë kurrë sekretet e tyre. Pas shekujsh përndjekjeje, Jazidët janë të kujdesshëm ndaj të huajve.
Nën sundimin osman, ata u përballën me 72 genocide të veçanta. Si Al-Kaida dhe ISIS-i i cilësojnë si të pafe. Jazidët kanë reputacionin e adhuruesve të djallit. Ata nderojnë Melek Tavusin, Engjëlli Pallua, i cili u dëbua nga Parajsa. Ata praktikojnë një grup besimesh:pagëzimin, heqjen e këpucëve në kishë, ndërsa e shohin zjarrin si një manifestim të hyjnores. Ata gjithashtu luten tri herë në ditë, por në drejtim të Diellit dhe jo të Mekës.
6. Kripto-behrenjtë e Nju Meksikos
Gjatë shekullit XV, gadishulli Iberik u përflak nga një valë anti-semitizmi. Çifutët sefardikë, që kishin banuar në Spanjë për shekuj me radhë, u detyruan të konvertohen në katolikë ose të vdisnin. Shumë u konvertuan dhe u pagëzuan, por mbetëjn hebrenj në fshehtësi. Të tjerë u larguan nga vendi. Nju Meksiko ruajti për një kohë të gjatë një traditë popullore që u vendos nga kripto-hebrenjtë.
Ligji i therrjes dhe konsumit të mishit të kafshëve sipas ligjit hebraik të kasherit, dhe Yjet e Davidit të gdhendur mbi varre, ofrojnë prova të forta. Për vite të tëra, ato janë persekutuar si një sekt i krishterë ekstremist. Megjithatë, testimi i fundit i ADN-së ka ofruar prova domëthënëse. Ndërsa më pak se 1 për qind e jo-hebrenjve posedojnë gjenin Cohanim, shenjuesi u gjet në 38 përqind të atyre që u testuan në Nju Meksiko.
Besohet se një popullsi kripto-hebreje u vendos në këtë zonë kur nisi Inkuizicioni në Meksikë. Këta hebrenj të fshehtë u detyruan të praktikonin fenë e tyre në fshehtësi. Në ndonjë rast kanë mbetur vetëm vetëm praktika tejet sipërfaqësore. Shumë banorë të zonës të rritur si katolike, janë konvertuar zyrtarisht në Judaizëm, duke përqafuar identitetin e tyre të “vërtetë”.
5. Santeria
Santeria- ose Rruga e shenjtorëve – u soll në Kubë nga skllevërit. Është zhvilluar në plantacionet e sheqerit në shekullin XVII-të, kryesisht në mesin e kominutetit nigerian të Jorubas, të cilët i përdoren shenjtorët katolikë si analogë të orishas-ve të tyre, shpirtra gjysmë-hyjnorë. Për shekuj me radhë, Santeria u dënua, fillimisht nga sundimtarët katolike të ishullit dhe pastaj nga Fidel Kastro anti-fetar.
Shekujt e persekutimit dhe shtypjes e nxorrën këtë fe në ilegalitet. Besimi ia detyron mbijetesën traditës së pasur gojore, e cila është ruajtur me fanatizëm nga një brez besimtarësh tek tjetri. Pjesa më e madhe e teologjisë Santeria është e panjohur për besimtarët e thjeshtë, përvveçse klerikëve të saj. Shumë rite, si flijimi i kafshëve, mund të shihen vetëm nga priftërinjtë – apo Santeros.
4. Shoqëritë e fshehta kineze
Kina është zyrtarisht një shtet ateist. Partia Komuniste njeh vetëm 5 besime fetare:Budizmin, Taoizmin, Islamin, Katolicizmin dhe Protestantizmin. Shumë të krishterë s’mund të gjejnë atë që kërkojnë në këtë menu të kufizuar, prandaj janë të detyruar të operojnë në një treg të zi fetar. Këto komunitete fetare sekrete mblidhen në vende të fshehta, në shtëpi private apo vende të tjera për të praktikuar besimin e tyre.
Qeveria kineze ka vepruar më dorë të hekurt ndaj të krishterëve. Gjatë dy viteve të fundit, janë shkatërruar 1700 kryqe nga kishat vetëm në Provincën e Zhejiangut. Shpesh, ky vandalizëm i sanksionuar nga qeveria, shoqërohet me përleshje të dhunshme të autoriteteve me praktikuesit. Kina ka aktualisht rreth 65 milionë të krishterë, gjysma prej të cilëve adhurojnë në fshehtësi. Së shpejti ajo do të jetë vendi më i madh i krishterë në botë.
3. Umbanda
Umbanda është e vetmja fe e krijuar në Brazil. Ajo u themelua nga mediumi psikik Fernandino de Moraes, që shkriu në një traditat afrikane, katolicizmin, spiritizmin dhe besimet indigjene. Një variant i njohur si “Quimbanda” ose “magjia e zezë” konsiderohet tashmë një fe të veçantë. Kjo fe ka rreth 400.000 pasues, shumica e të cilëve e praktikojnë në fshehtësi për të shmangur kërcënimet dhe vandalizmat ndaj tyre. Pjesa më e madhe e popullsisë braziliane e cilëson këtë besim si adhurim të djallit. Rritja e Pentakastalëve dhe Ungjillorëve përbën një kërcënim i madh për ta. Disa pastorë janë arrestuar për nxitjen e mungesës së tolerancës fetare ndaj Umbanda-s.
2. Druzët
Druzët praktikojnë një besim të fshehtë që rrjedh si një rrymë e Islamit. Feja druze përfshin elemente të krishtërimit, hinduizmit dhe filozofisë greke. Druzët janë të përhapur në të gjithë Lindjen e Mesme. Pas rënies së Perandorisë Osmane, shumica e tyre u vendosën në Siri, Liban, Jordani dhe Izrael. Druzët kanë qenë figura kyçe në historinë e Lindjes së Mesme.
Ata mbrojtën bregdetin libanez nga Kryqtarët, dhe pas rebelimeve të shpeshta fituan autonominë nga osmanët. Ata u vendosën në një territor malor për të patur vetëvendosje dhe ruajtur sekretet e besimit të tyre. Vetëm përfaqësues e lartë të klerit, të njohur si “uqqal”, marrin pjesë në shërbimet e tyre fetare, dhe kanë qasje ndaj shkrimeve të tyre të shenjta.
1.Kueta
Kuetat e Majorkës janë kripto-hebrenj të persekutuar për shekuj me radhë. Emri i tyre besohet se rrjedh nga fjala katalanase për “derr”. Kuetat u konvertuan me dhunë në fenë katolikë gjatë Inkuizicionit të shekullit XV, por shumica e tyre vazhdoi ta praktikojë fshehurazi judaizmin. Kuetat, të cilët përbëjnë 20.000 nga 860.000 banorët e ishullit spanjoll, kanë hasur vështirësi të madhe në ruajtjen e fshehtë të besimit të tyre.
Me mbiemrat lehtësisht të identifikueshëm, ata qenë objekt talljeje nga shumica, u shmangën nga profesionet kryesore, si dhe u ndalohej ndjekja e studimeve në universitet. Shumë pretendojnë se nuk ka pasur martesa ndërmjet katolikëve dhe Kuetave deri në dy brezat e fundit. Por kohët kanë filluar të ndryshojnë. Qeveria e Majorkas ka kërkuar së fundmi ndjesë për masakrën e vitit 1691, kur 37 përfaqësues të Kuetas u dogjën të gjallë para një turme prej 30.000 vetësh. Përveç kësaj, një gjykatë rabinike në Izrael ka vendosur që Kuetat, të cilët mund të vërtetojnë prejardhjen hebreje – shpesh të mbajtur në mënyrë skrupuloze nëpër pemët gjenealogjike familjare – të cilësohen hebrenj pa patur nevojën e një konvertimi formal. /bota.al
Transformimi i FSK-së në ushtri pa koordinim me bashkësinë ndërkombëtare është vështirë i realizueshëm. Kështu ka deklaruar sekretari i përgjithshëm i “Nismës për Kosovën”, Bilall Sherifi, i cili nismën e vrullshme të presidentit Hashim Thaçi për krijimin e ushtrisë nëpërmjet ligjit e ka cilësuar si tendencë për bajraktarizëm dhe protagonizëm.
Në një intervistë për gazetën “Zëri”, duke folur për bërjen e ushtrisë Sherifi ka thënë se iniciativa e presidentit Thaçi për ta ndryshuar mandatin e FSK-së përmes rrugës ligjore, në koordinim me ndërkombëtarët, ka qenë një gënjeshtër e cila, siç është shprehur ai, ra tek pas ardhjes së përfaqësuesve ndërkombëtarë në Kosovë.
E në këtë “kurth” të ngritur për të tjerët, sipas Sherifit, para pak ditësh ra vetë presidenti Thaçi. Më tej sekretari i “Nismës” ka folur edhe për Marrëveshjen e Demarkacionit me Malin e Zi, me ç’rast është shprehur i bindur se versioni aktual i saj nuk kalon në asnjë mënyrë.
Ndërkaq, ka bërë me dije se formimi i Asociacionit të Komunave me Shumicë Serbe mund të bëhet vetëm duke u bazuar në aktgjykimin e Gjykatës Kushtetuese. Gjatë kësaj interviste ai ka folur edhe mbi atë se a do të ketë zgjedhje të parakohshme në Kosovë, për kthimin e Listës Serbe në Kuvend e për shumë çështje të tjera.
Gjykata Themelore në Prizren e ka dënuar me gjashtë muaj burgim me kusht të akuzuarin për veprën penale “rrezikimi i trafikut publik”, A. P. pasi i njëjti pranoi fajësinë. I dënuari këtë e bëri pa prezencën e avokatit mbrojtës.
Pranimi i fajësisë u aprovua nga gjykatësi Refki Piraj, pasi që nuk pati kundërshtime nga ana e prokurores Sahide Sefa.
Sipas aktakuzës të ngritur nga Prokuroria Themelore në Prizren, A. P., me 24 tetor 2015, rreth orës 16:50, përkatësisht afër marketit “Kastrati”, duke mos i’u përmbajtur dispozitave të komunikacionit në rrugë, rrezikon trafikun publik, jetën e njerëzve dhe pasurinë.
Këtë e bënë në atë mënyrë që me automjetin e tij “BMW” , duke mos e përshtatur shpejtësinë e lëvizjes në rrugë, dhe duke mos e siguruar distancën e mjaftueshme për tu kyçur i sigurt, në pjesën e pasme goditet nga automjeti i markës “VW Golf”, të cilën e drejtonte i dëmtuari R. G.
Me këtë rast, përpos dëmeve material në automjet, i dëmtuari Gashi pëson edhe lëndime të lehta trupor.
Në bazë të këtij veprimi, A. P. ishte akuzuar për veprën penale “rrezikim të trafikut publik” nga neni 378 paragrafi 6, lidhur me paragrafin 1, të Kodit të ri Penal të Republikës së Kosovës , e cila dënohet me gjobë ose me burgim deri në një vit./betimiperdrejtesi/
D. U. në seancën e së premtes, pranoi se ka kryer veprën penale “lëndim i lehtë trupor”. Me këtë rast, Gjykata Themelore në Prizren të njëjtit i shqiptoi dënimin me gjobë në vlerë prej 200 euro.
Gjykatësi i rastit, Gani Kastrati, aprovoi pranimin e fajësisë nga ana e të akuzuarit, pasi një gjë e tillë nuk u kundërshtua as nga prokurori Fatos Ajvazi.
I dënuari për këtë gjykim nuk kishte angazhuar avokat mbrojtës.
D. U. ngarkohet nga Prokuroria Themelore në Prizren për veprën penale “lëndim i lehtë trupor”, sipas nenit 188 paragrafi 1.4. i Kodit Penal të Ri të Republikës së Kosovës, ku kryesi i kësaj vepre penale mund të dënohet me gjobë dhe burgim deri në një vit burgim. Sipas aktit akuzues, i dënuari kishte pasur një fjalosje me kolegun e tij të punës, lidhur me mos përmbushjen e marrëveshjes në lidhje me një porosi, ku e sulmon fizikisht të dëmtuarin duke i shkaktuar lëndime të lehta trupore./betimiper drejtesi/
Nisur nga gjendja e tanishme në drejtësi, analistë dhe njohës të kësaj fushe kanë hedhur dyshimet e tyre për atë se sikur është ndërtuar një piramidë e korruptuar dhe e klanizuar në këtë sistem drejtësie, duke e vënë kështu seriozisht në rrezik funksionimin e shtetit të së drejtës në vend. Sipas tyre, kjo drejtësi e tanishme është rrezik veç të tjerash edhe për demokracinë dhe të drejtat e liritë e njeriut, ngase, siç thonë, gjërat e kalbura e kalbin njëra -tjetrën. Ndaj, është shtruar edhe çështja se përse nuk mund të ketë akoma një shtet të fortë dhe të mirëfilltë ligjor dhe as njerëz të guximshëm, me etikë e integritet profesional, por edhe të aftë për të zbatuar ligjet dhe Kushtetutën e vendit në mënyrë të plotë!?
Analisti Naim Kelmendi, në një prononcim për Gazetën “Kosova Sot”, ka thënë se sikur është ngritur piramida e korrupsionit në sistemin e drejtësisë, duke u shtrirë gjithandej nga gjyqtarët dhe prokurorët e korruptuar, duke e vënë seriozisht në rrezik funksionimin e shtetit të së drejtës në vend, derisa, sipas tij, me gjyqtarë e prokurorë të korruptuar edhe sistemi mund të quhet i kalbëzuar dhe që është shkatërrues për demokracinë dhe të drejtat e liritë e njeriut, e që kështu këto të drejta abuzohen dhe shkelen pakrahasimisht nga njerëzit e drejtësisë.
” Prandaj, mbase është imperative reforma apo “vettingu” që do ta pastronte drejtësinë nga të korruptuarit dhe kështu të ndërtohet në themel një gjykatë e prokurori me njerëz të guximshëm, me integritet e etikë profesionale, por të aftë për të zbatuar ligjet dhe Kushtetutën e vendit plotësisht, derisa në këtë funksion do të kishim shtet të fortë ligjor dhe të pavarur nga grupet e interesit, politika apo ndikimet oligarkike”, u shpreh analisti Naim Kelmendi.
Shteti i qelbur nga koka
Analisti tjetër, Shefqet Dibrani ka bërë një krahasim në këtë drejtim, duke thënë se sistemi i drejtësisë në secilin vend është sikurse shtylla vertebrore për trupin e njeriut, e nëse ndonjë unazë e vertebrorit është lënduar, trupi i njeriut nuk ndjehet i qetë, derisa lëndimet e mëtutjeshme shpien drejt paralizimit. ” Prandaj m’u duk kjo ngjashmëri e përshtatshme për të analizuar sistemin e drejtësisë, i cili është duke e bankrotuar shtetin e ri të Kosovës. Por, askush nuk mundet ta thotë cili qenka interesi i prokurorëve, gjyqtarëve dhe komplet sistemit për të udhëhequr drejt dështimit dhe humnerës”, ka theksuar ai. Së këndejmi, Dibrani thotë se nuk do dyshim se ky sistem drejtësie është duke prodhuar padrejtësi të mëdha, pasi është duke dështuar demokracinë dhe tregun e lirë, derisa, siç tha, ky sistem kaq i plogësht ka ndikuar drejtpërdrejt në nivelin arsimor dhe shëndetësor, madje deri në zonat e thella ku punon fshatari kosovar ky sistem ia ka prekur interesin, prandaj sa më herët që të vetëdijesohen qytetarët është më mirë, sepse asnjë qytetar nuk është i mbrojtur nga një drejtësi kaq e kalbur.
” Prandaj, shteti i Kosovës po qelbet nga koka, ndërsa shpëtimi i saj mund të vijë vetëm me masa të ndërhyrjes së jashtme. Ndërkaq, shteti ligjor funksionon në demokracitë e konsoliduara, të cilat nuk ia falin besimin askujt. Bëhen ligjet të cilat ia verifikojnë mandatin secilit, prandaj kemi afera më të pakta sesa në vendet postkomuniste dhe në ato vende që kanë pasur konflikte të hapura dhe luftëra, siç ka qenë rasti me Kosovën. Por, Kosova do të ecë drejt reformave kur sistemi i drejtësisë do t’i besohet një brezi tjetër, i cili, përveçse është i aftë, nuk vuan nga e kaluara përplot ingranazhe dhe nuk është pjesë e krimit dhe korrupsionit, po ashtu nuk është pjesë e dështimit kaq të madh”, theksoi për Gazetën “Kosova Sot” analisti Shefqet Dibrani.
Pa ndryshime politike nuk ka reformë
Profesori universitar, Nexhmedin Spahiu thotë se në këtë aspekt duhet të ketë një klasë të re politike, e cila do të iniciojë çështjen e një sistemi të ri gjyqësor të pastruar, të pakorruptuar etj., gjë që, sipas tij, ne akoma nuk e kemi.
” Kjo është arsyeja se përse ne nuk e kemi pra akoma një shtet të fortë ligjor dhe as njerëz të guximshëm, me etikë e integritet profesional, por edhe të aftë për të zbatuar ligjet dhe Kushtetutën e vendit në mënyrë të plotë. Përndryshe, kjo drejtësi e tanishme është rrezik, veç të tjerash, edhe për demokracinë dhe të drejtat e liritë e njeriut, ngase gjërat e kalbura e kalbin njëra- tjetrën”, potencoi për Gazetën “Kosova Sot”
Profesori universitar, Nexhmedin Spahiu. Profesori tjetër universitar, Mazllum Baraliu mendon se për ta ndryshuar dhe për ta reformuar në tërësi gjendjen në sistemin e drejtësisë është e nevojshme që të forcohen dhe avancohen mekanizmat dhe instrumentet e brendshme të kontrollit dhe të përgjegjësisë ndaj bartësve të funksioneve përkatëse të drejtësisë, në mënyrë që,sipas tij, Këshilli Gjyqësor dhe ai Prokurorial, pastaj inspektoratet, menaxhmentet e gjykatave dhe administrata të rrisin intensitetin e angazhimit dhe përgjegjësisë së tyre si dhe ngritjen e efikasitetit në kryerjen e punëve dhe përgjegjësinë ndaj qytetarëve.