Sot ora ndryshoi, duke sjellë kështu orën verore, duke lëvizur akrepat e orëve tona një orë përpara. Konkretisht, kur ora tregoi 2:00 i çojmë akrepat e orës për të treguar 3:00.

Në Bashkimin Evropian ende nuk ka marrëveshje për t`i dhënë fund ndryshimeve sezonale të orës, megjithëse një propozim për këtë çështje ekziston prej shtatë vitesh.

Ndërsa Parlamenti Evropian ka votuar për t’i dhënë fund praktikës së ndërrimit të orës, shtetet anëtare të BE-së nuk mund të bien dakord nëse duhet të qëndrojnë në orën verore apo atë dimërore në mënyrë të përhershme.

Aktualisht, në territorin e BE-së ekzistojnë tri zona standarde kohore, ku shumica e shteteve anëtare – gjithsej 17 prej tyre – bëjnë pjesë në zonën e Evropës Qendrore, njëjtë si vendet e Ballkanit Perëndimor.

Megjithëse për këtë vendim nevojitet shumica e kualifikuar dhe jo unanimiteti, shtetet anëtare ende nuk kanë arritur një ujdi. Kjo çështje rikthehet në vëmendje sa herë vjen momenti i ndërrimit të orës, por deri më tani pa ndonjë veprim konkret.

Besimtarët myslimanë në mbarë botën festojnë sot Fitër Bajramin, festë kjo e cila shënon përfundimin e muajit të shenjtë të Ramazanit.

Manifestimi qendror u mbajt në Xhaminë e Madhe në Prishtinë, në orën 05:41, me faljen e namazit të sabahut, të i priu Hetem Sopjani,e më pas pati edhe ligjërata tematike kushtuar kësaj feste nga Agim Hyseni – anëtar i Kryesisë së BI-së së Kosovës.

Namazi i Fitër Bajramit u fal në orën 06:59, të cilit i priu Vedat Sahiti – kryeimami i BIK-ut

Mesazhet e solidaritetit, paqes dhe mirësisë dominuan fjalimet e mbajtura nga krerët fetarë, të cilët theksuan rëndësinë e dashurisë, ndihmës dhe unitetit në shoqëri.

Fitër Bajrami simbolizon përkushtimin, sakrificën dhe shpirtin human, duke qenë një mundësi e shkëlqyer për të reflektuar mbi vlerat e besimit dhe për të forcuar lidhjet me të afërmit dhe komunitetin.

Kryetari i Komunës së Dragashit, Bexhet Xheladini, ka përcjellë urimet e tij të përzemërta për të gjithë qytetarët e besimit islam me rastin e Festës së Fitër Bajramit.

“Me rastin e përfundimit të muajit të shenjtë të Ramazanit, lusim Zotin që të na ketë pranuar agjërimin dhe lutjet tona. Ky muaj ka qenë një periudhë e sakrificës dhe devotshmërisë, i cili na ka mbushur zemrat tona me mirësi dhe dashuri për njëri-tjetrin”, shkruan në urimin e tij, kryetari Xheladini.

“Më lejoni që, në emrin tim dhe të të gjithë qytetarëve të Komunës së Dragashit, t’ju uroj Fitër Bajramin, festën më të veçantë me të cilën kurorëzohet i gjithë përkushtimi ynë ndaj Zotit të madhërishëm gjatë muajit të Ramazanit. Paqja dhe harmonia shpirtërore mbizotëroftë tek ju dhe familjet tuaja!”.

Presidentja e Kosovës, Vjosa Osmani, mori pjesë në një iftar të organizuar në Shtëpinë e të Moshuarve në Suharekë, me ftesë të humanistit Halil Kastrati dhe organizatës “Jetimat e Ballkanit”.

“Mbrëmë patëm nderin të jem pjesë e një iftari të veçantë në Shtëpinë e të Moshuarve në Suharekë. Ky iftar ishte një mundësi për të shprehur respekt dhe mirënjohje për ata që kanë dhënë kaq shumë për shoqërinë tonë”, tha Osmani, përcjell PrizrenPress.

Ajo shprehu falënderim të veçantë për organizatën “Jetimat e Ballkanit”, duke vlerësuar punën e tyre në ndihmë të personave në nevojë.

“Solidariteti është vlerë, e sidomos kur tregohet ndaj atyre që kanë më së shumti nevojë”, theksoi Osmani./PrizrenPress.com/