Në Komunën e Suharekës u mbajt takimi i radhës për koordinimin lokal të sigurisë, i cili zhvillohet çdo dy javë me qëllim të analizimit të situatës dhe raportimit të aktiviteteve të realizuara.

Nënkryetarja e Komunës dhe kryesuesja e takimit, Mihrije Suka, theksoi rëndësinë e transparencës dhe informimit të qytetarëve mbi punën e institucioneve lokale.

“Të gjitha aktivitetet dhe punët që kemi realizuar janë publikuar në rrjetet sociale dhe faqen zyrtare të Komunës, për t’ju mbajtur të informuar në detaje”, u shpreh Suka, përcjell PrizrenPress.

Komandanti i Stacionit Policor në Suharekë, kapiten Afrim Sylaj, raportoi mbi gjendjen e sigurisë, duke e vlerësuar atë si të qetë dhe stabile.

“Situata e sigurisë në komunë është e qëndrueshme. Gjatë dy javëve të fundit janë shqiptuar 495 tiketa për kundërvajtje, ndërsa janë realizuar 34 urdhëresa të gjykatës”, bëri të ditur kapiten Sylaj./PrizrenPress.com/

Policia e Kosovës ka arrestuar një person në rrugën “Bashkim Suka” në Prizren, pasi ka sulmuar një zyrtar policor duke e goditur me veturë.

 

 

Sipas raportit 24-orësh të Policisë, incidenti ka ndodhur rreth orës 13:10, kur polici i ka kërkuar të dyshuarit të paraqesë dokumentet e tij. Në vend që të bashkëpunonte, i dyshuari ka refuzuar dhe ka tentuar të largohet. Në pamundësi për të ikur, ai është nisur me shpejtësi dhe ka goditur policin, duke i shkaktuar lëndime. Zyrtari policor është dërguar për trajtim mjekësor, ndërsa i dyshuari është ndaluar nga autoritetet.

Pas intervistimit, me vendim të prokurorit, i dyshuari është dërguar në mbajtje. Hetimet për rastin po vazhdojnë.