Ish-kuvendarja e Lëvizjes Vetëvendosje në Prizren, Drita Millaku, kërkon nga organet e drejtësisë që t’i zgjerojnë hetimet për uzurpimimin që kanë ndodhur në këtë qytet.

Ajo, thotë se në mesin e shumë uzurpimeve që kanë ndodhur deri më tash është edhe hapësira e pronës së Hekurudhës.

“Kërkoj nga organet e hetuesisë që të marren edhe me këtë rast”.

Millaku, e cila në zgjedhjet e qershorit është zgjedhur deputete e Kuvendit të Kosovës, tregon se si kuvendare ka parashtruar pyetje rreth uzurpimit të pronës së Hekurudhës.

“Përgjigjeje nuk kam marrë asnjëherë”.

Departamenti për Krime të Rënda në Prokurorinë Themelore në Prizren, ka ngritur aktakuzë ndaj Bujar Hasanit dhe personit me inicialet E.B. për veprat penale të keqpërdorimit të pozitës apo autoritetit zyrtar, si dhe uzurpimit të paligjshëm të pronës së paluajtshme.
Sipas aktakuzës i pandehuri Bujar Hasani nga data 10.09.2016 e deri më tani në Prizren, në cilësinë e personit zyrtar, përkatësisht drejtor i Drejtorisë së Inspekcionit në Komunën e Prizrenit, duke e shfrytëzuar detyrën apo autoritetin zyrtar, me dashje nuk i ka përmbushur detyrat e tij zyrtare të përcaktuara me ligj, me qëllim të përfitimit të dobisë pasurore për vete, duke mos ndërmarrë masat e duhura në pajtim me autorizimet e tij ligjore për largimin e aneks-konstruktit metalik të vendosur si vazhdimësi e lokalit, pronar i së cilës është vet i akuzuari, e cila gjendet në zonën e mbrojtur të qytetit. Me këtë i pandehuri ka uzurpuar në mënyrë të kundërligjshme pronën e paluajtshme të Komunës së Prizrenit në Zonën e Mbrojtur të Qytetit.

Hasani, akuzohet se ka kryer veprat penale: Keqpërdorim i pozitës apo autoritetit zyrtar dhe Uzurpim i paligjshëm i pronës së paluajtshme.

Deputetja Drita Millaku tregon ndërkaq se për këtë rast ka folur në Kuvendin e Prizrenit.

“Besoj që këto raste janë shembulli më i mirë se me çfarë personash është udhëhequr deri më tani komuna jonë”,shprehet Millaku.

Ajo, beson se shumë shpejt do të ngritët aktakuzë edhe për rastin e Hekurudhës./PrizrenPress.com/

Departamenti për Krime të Rënda në Prokurorinë Themelore në Prizren, ka ngritur aktakuzë ndaj Bujar Hasanit dhe personit me inicialet E.B. për veprat penale të keqpërdorimit të pozitës apo autoritetit zyrtar, si dhe uzurpimit të paligjshëm të pronës së paluajtshme.

Sipas aktakuzës i pandehuri Bujar Hasani nga data 10.09.2016 e deri më tani në Prizren, në cilësinë e personit zyrtar, përkatësisht drejtor i Drejtorisë së Inspekcionit në Komunën e Prizrenit, duke e shfrytëzuar detyrën apo autoritetin zyrtar, me dashje nuk i ka përmbushur detyrat e tij zyrtare të përcaktuara me ligj, me qëllim të përfitimit të dobisë pasurore për vete, duke mos ndërmarrë masat e duhura në pajtim me autorizimet e tij ligjore për largimin e aneks-konstruktit metalik të vendosur si vazhdimësi e lokalit, pronar i së cilës është vet i akuzuari, e cila gjendet në zonën e mbrojtur të qytetit. Me këtë i pandehuri ka uzurpuar në mënyrë të kundërligjshme pronën e paluajtshme të Komunës së Prizrenit në Zonën e Mbrojtur të Qytetit.

Hasani, akuzohet se ka kryer veprat penale: Keqpërdorim i pozitës apo autoritetit zyrtar dhe Uzurpim i paligjshëm i pronës së paluajtshme.

Gazeta JnK, në një hulumtim të bërë më 7 prill 2017, raportoi se drejtori i Inspekcionit Bujar Hasani, nuk ka vepruar ndaj lokalit të tij, e as ndaj lokaleve tjera që ndodhen në këtë zonë të mbrojtur me ligj.

Lokali “Fellas” gjendet në zonën e parë të Qendrës Historike të Prizrenit, e cila është e mbrojtur me ligj të veçantë për këtë qendër. Para këtij lokalit, në vitin 2015, është ndërtuar një konstruksion metalik dhe është mbuluar sipërfaqja publike.

Pesë muaj më parë, Gazeta JnK raportoi se vendosja e këtij konstruksioni metalik është në kundërshtim me ligjin për Qendrën Historike të Prizrenit.

Lidhur me këtë hulumtim, zyra ligjore e BIRN i’ u pat drejtuar me shkrese zyrtare Prokurorisë së Prizrenit lidhur me këtë hulumtim të bërë.

Ndërkaq, sipas aktakuzës së prokurorisë i akuzuari E.B. në cilësinë e personit zyrtar, përkatësisht inspektor i ndërtimit në Komunën e Prizrenit, i caktuar me përgjegjësi në zonën e mbrojtur, duke shfrytëzuar detyrën apo autoritetin zyrtar, me dashje nuk i ka përmbushur detyrat e tij zyrtare të përcaktuara me ligj, me qëllim të përfitimit të dobisë pasurore për tjetrin, në këtë rast për të akuzuarin Bujar Hasani, të cilin e ka epror, duke mos ndërmarrë masat e duhura të inspektimit në pajtim me autorizimet e tij, për inicimin e procedurës për largimin e aneks-konstruktit metalik, të vendosur si vazhdimësi e lokalit, e cila gjendet ne zonën e mbrojtur të qytetit.

Me këtë veprim i pandehuri E.B. ka kryer veprën penale: Keqpërdorim i pozitës apo autoritetit zyrtar.

Prokurori i çështjes nga Prokuroria Themelor e Prizrenit, i ka propozuar gjykatës kompetente që të pandehurit t’i shpallë fajtorë për veprat e kryera penale dhe t’i dënojë sipas ligjit.

Një aksident me fatalitet ka ndodhur në mëngjesin e sotëm në kilometrin e 5-të të autostradës Prizren – Vërmicë, njofton Klan Kosova.

Një këmbësor mashkull ka vdekur pasi është goditur nga një veturë me targa lokale.

Rastin për Klan Kosova e ka konfirmuar edhe Zëdhënësi i Policisë, Daut Hoxha, i cili tha se aksidenti ka ndodhur rreth orës 05:00 dhe se trupi i pajetë është dërguar për autopsi në QKUK.

Me urdhër të prokurorit rasti ka shkuar me procedurë të rregullt.

Në fshatin Dejnë të Komunës së Rahovecit u përkujtuan dëshmorët Arben Bytyqi, Ramiz Krasniqi, Bekim Bytyqi, Qemajl Bytyqi, Xhevdet Krasniqi, Milaim Morina dhe Martirët: Driton Hoti, Sevdije Hoti, Minkadise Bytyqi, Leonora Bytyqi, Shpresa Bytyqi, Gani Morina dhe Muhamet Hoti.

Në shenjë respekti për jetën dhe veprën e të rënëve të fshatit Dejnë, kryetari i Komunës së Rahovecit, Idriz Vehapi me bashkëpunëtorë, familjarë dhe bashkëluftëtarë të dëshmorëve sot kanë bërë homazhe pranë lapidareve dhe kanë vënë buqetë lulesh. /PrizrenPress.com/

Sot është mbajtur mbledhja e rregullt e Këshillit të Drejtorëve, i drejtuar nga Kryetari i Komunës, Ragip Begaj. Në këtë mbledhje në mesin e shumë raporteve të drejtorive, ishte edhe njoftimi i Drejtorisë për Shëndetësi, ku sipas drejtorit Hajdin Berisha, “janë ulur masat e gatishmërisë në raport me ethet hemorragjike krime kongo dhe po përmbyllet një mandat katërvjeçar pa raste të vdekjeve nga EHKK”.

“Është ulur niveli i gatishmërisë në QKMF dhe në emergjencë, në raport me EHKK, pasi sipas raporteve, rastet e thumbimeve nga rriqrat tani janë zero, dhe praktikisht jo një vit, por po e përfundojmë një mandat qeverisës katërvjeçar, pa raste të vdekjeve nga EHKK dhe po përfundojmë një periudhë tri vjeçare pa raste të infektimit me virusin e EHKK. Praktikisht, tash e tri vite, virusi vdekjeprurës i EHKK, nuk është prezent në territorin e Komunës së Malishevës, dhe kjo falë përkushtimit të të gjithë faktorëve dhe punës së palodhshme në luftimin dhe parandalimin e EHKK”, ka thënë në raportin e tij, drejtori Berisha.

Përndryshe, gjatë raportimeve të drejtorive, u tha se jemi në fazën përfundimtare të hartimit të projekt buxhetit të Komunës së Malishevës, për vitin 2018, ndërsa në fushën e investimeve kapitale, u tha se shumica e projekteve kanë hyrë në fazën finale të realizimit të tyre, dhe për këtë shumë prej tyre, kanë kërkuar edhe zhvillimin e procedurës së pranimeve teknike të punimeve. /PrizrenPress.com/

Kandidati i LDK-së për kryetar të Prizrenit, Hatim Baxhaku, përmes Facebookut të tij, ka uruar fillimin e vitit të ri shkollor.

Postimi i tij i plotë në Facebook:

Të dashur nxënës,

Të respektuar mësimdhënës dhe prindër,

Urime për vitin e ri shkollor me dëshirat për shëndet të mirë dhe një vit të mbarë e të suksesshëm në misionin tuaj fisnik dhe të shënjtë. Ju jeni e ardhmja e ndritshme e vendit. Për këte meritoni edhe mbështetjen më të fuqishme të shoqërisë dhe institucioneve shtetërore. Kam shpresën dhe besimin se kjo nuk do të mungoj në të ardhmën e afërt.