Home Blog Page 5803

Nga një muaj paraburgim të pandehurve për rrahje në Prizren

admin
-
0
Nga një muaj paraburgim të pandehurve për rrahje në Prizren

Gjykata Themelore e Prizrenit e ka aprovuar kërkesën e Prokurorisë Themelore të Prizrenit, duke i caktuar masën e paraburgimit prej një muaj të pandehurve me iniciale A.B. dhe R.K. i cili do llogaritet prej datës së arrestimit 02.09.2017 nga ora 03:55, dhe do të zgjasë deri më datën 02.10.2017.

Gjykata njofton se të pandehurit me iniciale A.B. dhe R.K dyshohet se me datën 02.09.2017 rreth orës 02.25 minuta të mesnatës i shkaktojnë lëndime trupore të dëmtuarit me iniciale A.D. duke e goditur me shkelma dhe grushte në pjesë të ndryshme të trupit.

“Të njëjtit me datën e njëjtë në ora 02.30 pas mesnate me forcë tentojnë t’i pengojnë personat zyrtarë me iniciale R.SH dhe Q.D. ku dhe i sulmojnë të njëjtit, në atë mënyrë që përderisa zyrtarët policorë i kishin ndalur të pandehurit për t’i legjitimuar në lidhje me rrahjen që kishte ndodhur mes të pandehurve dhe të dëmtuarit A.D., të pandehurit menjëherë kishin filluar t’i sulmojnë me grushte dhe me shqelma, ku dhe zyrtari policor me iniciale Q.D. ishte detyruar të përdorë edhe sprejin e syve. I pandehuri me iniciale R.K. pasi që ishte arrestuar dhe ishte futur në veturën e policisë, i njëjti kishte goditur me gjymtyrë të trupit xhamin e derës së prapme të anës së majtë të veturës ku dhe e kishte thyer me ç’rast të dëmtuarës Stacionit Policor në Prizren i shkakton dëm pasuror”, thuhet në njoftimin e Gjykatës Themelore të Prizrenit.

Me këto veprime, të pandehurit dyshohen se në bashkëveprim kanë kryer veprat penale “lëndim i rëndë trupor” nga neni 189 par.1 lidhur me nenin 31 të KPK, “pengimi i personit zyrtar në kryerjen e detyrave zyrtare” nga neni 409 par.4 lidhur me par.1 lidhur me nenin 31 të KPK, “asgjësimi apo dëmtimi i pasurisë” nga neni 333 par.1 të KPK dhe “kanosje” nga neni 185 par.3 të KPK.

Prizren: Tre nga katër policët e akuzuar pranojnë fajësinë për marrje ryshfeti

admin
-
0
Prizren: Tre nga katër policët e akuzuar pranojnë fajësinë për marrje ryshfeti

Policët rrugorë, Neshat Avdaj, Driton Bajrami dhe Myzafer Sylejmani, të cilët akuzohen për marrje ryshfeti, të martën, e kanë pranuar fajësinë.

Ndërsa, kolegu i tyre, Binak Bytyqi, i cili po ashtu akuzohet për marrje të ryshfetit, pas konsultimit me avokatin e tij, nuk e ka pranuar fajësinë.

Mbrojtësit e të akuzuarve, avokatët Bashkim Nevzati, Asman Hoxha dhe Esat Gutaj kanë kërkuar nga trupi gjykues që të pranojnë fajësinë e klientëve të tyre, pasi që një gjë të tillë ua lejon ligji ta bëjnë në çdo kohë deri në përfundim të procedurës.

Kurse, mbrojtësi i të akuzuarit Binak Bytyqi, avokati Rexhep Kabashi, ka deklaruar se klienti i tij nuk e pranon fajësinë.

Me një propozim të tillë të mbrojtjes nuk është pajtuar prokurori i rastit, Mehdi Sefa, i cili ka kërkuar që të refuzohet kërkesa me arsye se vepra penale është kryer në bashkëkryerje.

Ai tutje ka shtuar se një vullnet i tillë i tyre për të pranuar fajësinë të merret si rrethanë lehtësuese me rastin e caktimit të llojit dhe lartësisë së dënimit.

Mirëpo, trupi gjykues, ka vendosur që të pranojë fajësinë e tre të akuzuarve, për të cilët, rreth dënimit do të vendoset pasi që të përfundojë gjykimi në tërësi.

Kryetarja e trupit gjykues, Ajser Skenderi, ka shtyrë shqyrtimin gjyqësor për 25 shtator 2017, në ora 13:15, me arsye se lënda përmban prova për të gjithë të akuzuarit dhe se prokurori duhet të precizojë se cilat prova janë vetëm për të akuzuarin Binak Bytyqi.

Më 24 shkurt të këtij viti, Prokuroria Themelore në Prizren, ka ngritur aktakuzë ndaj të akuzuarve në fjalë, të cilët i akuzon se gjatë periudhës gusht-nëntor 2016, duke vepruar si policë trafiku, drejtpërdrejtë kanë kërkuar dhe marrë ryshfet në të holla.

Sipas aktakuzës, të akuzuarit, u kanë marrë para shkelësve të rregullave të trafikut, në shuma të ndryshme, duke filluar prej 10 e deri në 100 euro, në mënyrë që të mos u shqiptojnë gjobat kundërvajtëse.

Prokuroria për këto akuza ka dorëzuar së bashku me aktakuzën edhe provat e nxjerra nga masat e fshehta, në mesin e tyre edhe disa DVD, të gjitha këto të mbledhura nga Inspektorati Policor i Kosovës./betimiperdrejtesi.com/

Kur Mbreti Shqiptar i dhuroi një elefant Presidentit Amerikan

admin
-
0
Kur Mbreti Shqiptar i dhuroi një elefant Presidentit Amerikan

Në nëntor të vitit 1967, Mbreti i Shqiptarëve, Lartmadhëria e Tij, Leka Zogu derisa jetonte në Spanjë i dhuroi një elefant Guvernatorit të Kalifornisë dhe presidentit të ardhshëm të Shteteve të Bashkuara të Amerikës, Ronald Regan.

Ky i fundit, përmes një letre më 27 nëntor të këtij viti e falënderoi Mbretin Shqiptar për dhuratën në të cilën thuhet: Lartmadhërisë së Tij, Mbretit Leka.

I dashur Leka, Elefanti ka mbërritur i sigurt dhe është komfort në shtëpinë e re.

Nuk mund t’ua përshkruajmë se sa mirënjohës jeni unë dhe Nancy dhe nuk mund t’ua përshkruaj emocionet e djalit tonë Skipper’s. Sërish faleminderit dhe përshëndetje të përzemërta për Ju. Sinqerisht, Ronald Regan. /Shqip/

Zeka i kundërpërgjigjet Albin Kurtit

admin
-
0
Zeka i kundërpërgjigjet Albin Kurtit

Deputeti i Nismës për Kosovën, Milaim Zeka ka reaguar pas deklaratës së kandidatit për kryeministër nga Lëvizja Vetëvendosje, Albin Kurti i cili tha se pas marrëveshjes së djeshme në mes të AKR-së dhe koalicionit PAN,  formimi i Qeverisë së re është lënë në dorë të Vuçiqit.

Sipas Zekës, Kurti nuk ka bashkëpunuar për ta dërguar në opozitë PDK -në dhe LDK-në.

Lexoni më poshtë postimin e plotë të Zekës:

Sot, Albini Kurti, paska thene se “qeveria ka mbetur ne doren e Vuçiqit”! Albini nuk ka treguar disa te verteta, qe duhet t i dije elektorati i padjallezuar e VV:

  1. I ke ra ne dy gjunje Isa Mustafes, te cilin e ke qujte ” tradhetar, titist, hajn”, e çka jo. E keni gjujte edhe me molotov!
  2. I ke ra bash ne dy gjunje, edhe Pacollit, qe bashh 1000 akuza ja keni ba!
  3. Ke refuzu mu ule e me fole me ata qe te kane lidhur 1000 fije. Je sjelle si kapadai, e ke dale ne foltoren e Kuvendit me fole si kryeminister!
  4. Jav ke kthy shpinen Ramushit e Fatmirit, me te cilet ishe ne kualicion, deri nje jave para zgjedhejeve. U ba Isa per Ty, ma i mire se sa Ramushi e Fatmiri.

Albin, ne kemi dashte me qu ne opozite PDK dhe LDK ne, po ti nuk ke dashte. Me krejte veprimet tua, ti dhe Isa Mustafa e krijuat kete qeveri.
Mbase ju ka konvenu Vuçiqi. Ashte koha me heshte, te pakten nja 3 muaj, pastaj flasim…

Lëvizja për Bashkim tërhiqet nga koalicioni PAN

admin
-
0
Lëvizja për Bashkim tërhiqet nga koalicioni PAN

Lëvizja për Bashkim, përmes një komunikate për media, thotë se që nga përfundimi i zgjedhjeve, me vëmendje e ka përcjellë situatën paszgjedhore dhe procesin e formimit të institucioneve të vendit.

Fatkeqësisht, sipas LB-së, për shkak të konstelacionit të forcave politike të krijuar nga rezultati zgjedhor dhe mbi të gjitha, të pozicionimit të mbrapshtë të tyre, Kosova do ta ketë një qeveri të varur nga Lista Serbe.

“Kështu, pakicës serbe, përveç privilegjeve të padrejta juridike e politike që iu siguruan nga Pakoja e Ahtisaarit dhe nga bisedimet e Brukselit, si dhuratë nga partitë shqiptare do t’iu jepet fuqi edhe më e madhe politike. Përderisa deri dje ata e kishin fuqinë të kushtëzonin çdo vendim të Kuvendit për ndryshime kushtetuese, prej nesër ata do ta kenë fuqinë të kushtëzojnë çdo vendim të qeverisë për çështje krejtësisht të zakonshme.

Kjo situatë, për ne, është krejtësisht e papranueshme. Andaj, Lëvizja për Bashkim ka vendosur që, përkundër marrëveshjes parazgjedhore, e cila ia garantonte LB-së një ministri dhe dy zëvendësministra, të mos implikohet në asnjë formë në qeverinë e re”, thuhet në komunikatën e LB-së.

Lëvizja për Bashkim, gjithashtu, thotë se ka vendosur që ta vazhdojë e vetme rrugëtimin e saj, në të mirë të vendit dhe të qytetarëve të tij.

Lëvizja për Bashkim, më e vendosur se kurrë, thotë se tashmë i ka hyrë punës që të përgatitet për zgjedhjet e reja të përgjithshme, në mënyrë që të garojë si subjekt i vetëm politik dhe si rrjedhojë të mos futet në koalicione me synim kalimin e pragut zgjedhor.
“Me këtë rast, i ftojmë të gjithë ata njerëz vullnetmirë, që janë të gatshëm të angazhohen për një të ardhme më të mirë të vendit tonë, të bashkohen rreth projektit të Lëvizjes për Bashkim”, ka përfunduar njoftimin Lëvizja për Bashkim.

Suharekë: Dorëzohet i dyshuari për vrasje në tentativë

admin
-
0
Suharekë: Dorëzohet i dyshuari për vrasje në tentativë

Një qytetar nga Suhareka, i dyshuar për vrasje në tentativë, dje është dorëzuar në polici. Ai ka dorëzuar edhe një pistoletë me tre fishekë, shkruan PrizrenPress.

Të premtën e kaluar, në rrugën “Xhavit Syla”, i dyshuari kishte qëlluar me armë zjarri viktimën mashkull duke i shkaktuar lëndime trupore.

“Në lidhje me rastin raportohet se me 04.09.2017 është dorëzuar në polici i dyshuari mashkull K/Shqiptar dhe i njëjti ka dorëzuar një pistoletë me tre fishekë. Me vendim të prokurorit i dyshuari është dërguar në mbajtje”, thuhet në raportin e Policisë. /PrizrenPress.com/

Ja si e komenton Albin Kurti marrëveshjen AKR-PAN

admin
-
0
Ja si e komenton Albin Kurti marrëveshjen AKR-PAN

Lideri i Vetëvendosjes Albin Kurti me anë të një postimi në Facebook ka komentuar për marrëveshjen e AKR-së dhe PAN-it.

Kurti ka thënë se pasi që AKR doli nga LAA apetitet nga njëra anë dhe pasiviteti nga krahu tjetër e humbën edhe një shans tjetër pas atij të VLAN-it.

Postimi i Kurtit në Facebook:

AKR doli nga koalicioni LAA. Ky koalicion parazgjedhor edhe zyrtarisht u shpërbë dje. Apetitet nga njëra anë dhe pasiviteti nga krahu tjetër, e humbën edhe një shans shtesë pas atij të VLAN-it. Kot je pasiv që të mos bësh gabime, sepse pasiviteti është gabimi më i madh.

Mirëpo, dje u shpërbë edhe koalicioni tjetër PAN. Marrëveshjen me kryetarin e AKR-së nuk e bëri kryetari i PAN, por të tre kryetarët e tre partive të PAN-it (prej 12 sosh gjithsej) që kanë deputetë në legjislaturën e gjashtë.

Koalicionet parazgjedhore të oportunizmit po shthuren. Po kthehemi te partitë, te përmasat e tyre, tek ato si masë.

Pas marrëveshjes së mbrëmshme, konstituimi i Kuvendit të Kosovës dhe formimi i qeverisë së re është lënë në dorë të Vuçiqit.

Shteti nuk është karrikë. Shteti ka karrika. Por, ka edhe karrika pa shtet, karrika në kurriz të shtetit. Pushteti i varur nga Serbia, e var pavarësinë e shtetit.

26 vjet më vonë, 22 tetori i vitit 2017 po bëhet referendum i ri.

PAN – AKR, qeveri transitore

admin
-
0
PAN – AKR, qeveri transitore

Njohësi i rrethanave politike, Shkëlzen Maliqi, e ka quajtur të pritshme prishjen e koalicionit LAA dhe shkuarjen e AKR-së te PAN-i.

Në një intervistë dhënë për gazetën “Epoka e re”, Maliqi ka thënë se PAN-AKR do të jetë një Qeveri e cila do të bëjë akrobacione të ndryshme për ta mbajtur pushtetin. Sipas tij, kjo Qeveri do të jetë funksionale derisa t’i kryejë disa detyra që nuk ka mundur t’i kryejë Qeveria e kaluar.

“Në këtë aspekt e shoh se do të mund të jetë Qeveri transitore”, është shprehur ai.

Maliqi e ka quajtur të vonuar ujdinë në mes të Lëvizjes Vetëvendosje! dhe të Lidhjes Demokratike të Kosovës për realizimin e një platforme të përbashkët qeverisëse.

Në Rahovec filloi edicioni i tretë i Festivalit Ndërkombëtar i Poezisë

admin
-
0
Në Rahovec filloi edicioni i tretë i Festivalit Ndërkombëtar i Poezisë

Në qytetin e Rahovecit ka filluar edicioni i tretë i Festivalit Ndërkombëtar të poezisë, festival ky i cili do të zgjat tre ditë me pjesëmarrjen e poetëve nga pesë kontinente.

Drejtori i festivalit, njëkohësisht ideator dhe organizator, poeti i mirënjohur Fahredin Shehu, në fjalën e vet ka falënderuar të gjithë pjesëmarrësit si dhe shumë donator të cilit me mjete financiare kanë mundësuar mbajtjen e festivalit, përfshi këtu edhe Komunën e rahovecit.

I pari i Komunës së Rahovecit, kryetari Idriz Vehapi, thotë se poetët gjithkund janë shpirti i kombit, i kanë prirë ndryshimeve pozitive në shoqëri me dhënien e shpirtit poetik, por edhe Rahovecit, rrushit dhe verës. Vehapi në vazhdim falënderoi poetin Fahredin Shehu për organizimin e festivalit, për çka thotë se ishte ideja e tij e qëlluar, sepse kultivimi i rrushit dhe begatia e Rahovecit me trashëgiminë kulturore, lidhen ngushtë me poezinë.

Mbajtjen e festivalit e përshëndeti edhe poeti nga SHBA, William S.Peters, i cili nesër promovon edhe librin “Kosova e dashur ëndrrat e Rahovecit”. /PrizrenPress.com/

Kush sa e cilat ministri do t’i drejtojë

admin
-
0
Kush sa e cilat ministri do t’i drejtojë

Sipas raportimeve të publikuara sot, subjektet politike që do të qeverisin vendin sipas marrëveshjes së djeshme, tashmë i kanë ndarë edhe ministritë. Siç raporton servisi publik, PDK do të drejtojë 6 ministri, Lista Serbe 2, Nisma 3, AAK 3 dhe AKR 5 ministri.

PDK do ta ketë një zëvendëskryeministër dhe 6 ministri. Këto janë ministritë: Ministria e Financave, Ministria e Drejtësisë, Ministria e Integrimeve Evropiane, Ministria e Diasporës, Ministria e Kulturës dhe Ministrinë për Dialog.

Ndërkaq, 2 ministri, atë për Kthim dhe Komunitete dhe atë për Administrimin e Pushtetit Lokal, do ta udhëheq Lista Serbe, derisa një ministri do t’i jepet minoriteteve tjera.

Nismës ndërkaq i takojnë Ministria e Arsimit, Shkencës dhe Teknologjisë, e Tregtisë dhe të Industrisë, si dhe Ministria e Punës dhe të Mirëqenies Sociale.

Ndërkaq, AAK do të udhëheq me Ministrinë e Shëndetësisë, Infrastrukturës dhe Ministrinë e Forcës dhe Sigurisë së Kosovës (FSK).

AKR-ja, e cila doli më e fituara duke marrë 5 ministri, do të udhëheq Ministrinë e Punëve të Jashtme, të Punëve të Brendshme, Ministrinë e Planifikimit Hapësinor, të Bujqësisë dhe Ministrinë e Zhvillimit Ekonomik.

1...5 8025 8035 804...9 264Page 5 803 of 9 264