Home Blog Page 5833

Identifikohet viktima e së shtunës në autostradën “Ibrahim Rugova”

admin
-
0
Identifikohet viktima e së shtunës në autostradën “Ibrahim Rugova”

Është identifikuar viktima e aksidentit të komunikacionit të së shtunës në autostradën “Ibrahim Rugova”, afër Prizrenit.

 

Policia e Kosovës njofton se ka arrestuar të dyshuarin i cili me automjetin e tij ka goditur këmbësorin, kurse viktima është identifikuar nga familjarët e tij.

“I dyshuari mashkull K/ Shqiptar gjersa ishte duke drejtuar automjetin në autostradë, ka goditur një këmbësor mashkull. Vdekja është konstatuar nga ekipi mjekësor në vend të ngjarjes. Me vendim të prokurorit trupi i pajetë është dërguar në Institutin e Mjekësisë Ligjore për obduksion, ndërsa i dyshuari është arrestuar dhe dërguar në mbajtje. Personi i aksidentuar është identifikuar nga familjaret”, thuhet në raportin e Policisë.

Digjet një stallë e bagëtive në Malishevë, lëndohen dy persona

admin
-
0
Digjet një stallë e bagëtive në Malishevë, lëndohen dy persona

Të shtunën në fshatin Gurbardhë të Malishevës, në rrethana të panjohura është përfshirë nga zjarri një stallë me ushqim bagëtish.

Gjatë shuarjes së zjarrit pronari dhe një qytetar tjetër kanë pësuar lëndime trupore dhe janë dërguar për trajtim mjekësor.

Njësit policore janë duke hetuar rastin.

Adem Mikullovci: Nesër në seancë ju presin dy befasi

admin
-
0
Adem Mikullovci: Nesër në seancë ju presin dy befasi

Nesër pritet të mbahet përpjekja e katërt për vazhdimin e seancës konstituive të Kuvendit për zgjedhjen e krye parlamentarit që do të udhëhiqet nga kryesuesi, deputeti Adem Mikullovci. Ky i fundit po premton befasi për seancën e nesërme nëse Kuvendi arrin që ta bëjë kuorumin e nevojshëm për vazhdimin e seancës.

Kontaktuar nga Gazeta Express, kryesuesi Adem Mikullovci, ka bërë të ditur se seanca e nesërme do të zhvillohet me apo pa koalicionin PAN. Thotë se shpreson se ky i fundit do t’i përgjigjet ftesës për pjesëmarrje në seancë.

Mikullovci i shprehet i vendosur se nuk do të bëjë konsulta ditën e mërkurë ashtu siç ka kërkuar PAN, në takimin konsultativ që u mbajte të mërkurën.

Megjithatë, Mikullovci për Express ka treguar se për seancën e nesërme do të ketë dy propozime interesante. Propozime këto të cilat sipas tij, do t’ia mundësonin Kuvendit që të punojë, të paktën një pjesë e tija.

“Nëse nesër kemi kuorum, unë do t’i hap dy tema, por Kuvendi do të punojë, gjysmak, por një pjesë do të punojë, nëse vërtetë ka kuorum. Do të jetë një propozim interesant i një deputeti të LDK’së, ai ma ka kërkuar dhe një temë timen që do ta bëjë publike e që do të jetë befasuese. Gjithmonë nëse kemi kuorum”, ka thënë kryesuesi Mikullovci për Express, të dielën.

Ndërkohë që ai deklaroi se nuk do të ketë më takime konsultative me liderët e koalicioneve dhe partive tjera. Thotë se të gjithë janë të mirëseardhur në seancën që do të mbahet nesër, e nëse seanca e së hënës dështon, atëherë Mikullovci, paralajmëron një seancë tjetër në ditën e enjte. Mikullovci shprehet se asnjëherë nuk e ka thyer ligjin si dhe ka vepruar në bazë të Kushtetutës së vendit.

“Me rregullore të Kuvendit nuk ka kurrfarë bisedash përpara, e as konsultime. Ato nuk kanë vlerë e as peshë juridike, përpos seancës ku propozohet kryetari i Kuvendit. Kështu që kur disa po më kritikojnë që e kam thyer ligjin, unë e kam thyer ligjin vërtetë që kam bërë konsultime me ta. E nuk po e thyej Ligjin që po bëjë konsultime me ta. Ata ma kanë kërkuar një konsultim, unë i kom mbajt tri konsultime me ta, e kanë kërkuar të katërtin, por unë më nuk bëjë konsultime me ta. Unë e ftoj seancën, ata le të urdhërojnë. Por unë gjithmonë do veproj në bazë të ligjit, asnjë pikë nuk largohem nga ligji”, ka deklaruar tutje Adem Mikullovci.

Ndërkaq, Kuvendi i Kosovës, zyrtarisht ka njoftuar se për të hënën në ora 10:00 është thirrur vazhdimi i seancës konstituive. Seanca ka vetëm një pikë të rendit të ditës, atë të zgjedhjes së Kryetarit të Kuvendit dhe të nënkryetarëve.

Koalicioni fitues i zgjedhjeve parlamentare të 11 qershorit, PDK-AAK-NISMA, të cilët edhe u takon propozimi i krye parlamentarit kanë paralajmëruar se do ta bojkotojnë edhe këtë seancë, sikurse atë të 10 gushtit.

Ndërkohë i nominuari për kryeministër nga koalicioni PAN, Ramush Haradinaj, ka deklaruar në një intervistë për Radion Evropa e Lirë, se gjatë 10 ditëve të ardhshme pritet që të konstituohet Kuvendi i Kosovës dhe më pas të formohet edhe Qeveria e re e Kosovës.

Në rast të zgjedhjes së kryetarit të Kuvendit, më pas fillon faza prej 15 ditëve për formimin e Qeverisë.

Në bazë të rezultatit të zgjedhjeve, kjo e drejtë i takon koalicionit PAN (PDK, AAK dhe Nisma) si fitues i zgjedhjeve. Për formimin e Qeverisë janë të nevojshme të paktën 61 vota të deputetëve.

Paqarizi: Rektorati i UP-së duhet të reflektojë rreth seminarit

admin
-
0
Paqarizi: Rektorati i UP-së duhet të reflektojë rreth seminarit

Në edicionin e 36-të të Seminarit Ndërkombëtar për Gjuhën, Letërsinë dhe Kulturën Shqiptare do të marrin pjesë rreth 140 studentë, të cilët janë të interesuar të mësojnë apo përmirësojnë gjuhën shqipe.

Pjesë e seminarit do të jenë edhe më shumë se 80 studiues të cilët do të paraqiten me punime shkencore.

Por, ky numër i punimeve shkencore po del se është modest në krahasim me vitet e kaluara.

Rrahman Paçarizi, drejtor i seminarit, në një intervistë për Ekonomia Online, ka thënë se për të prezantuar punimet e tyre studiuesit po hezitojnë, ngase në bazë të një vendimi të Rektoratit të Universitetit të Prishtinës, prezantimet dhe publikimet e bëra në revistën e këtij seminari, nuk po pranohen si punime ndërkombëtare.

Kjo, sipas Paçarizit, ka dekurajuar pjesëmarrësit potencialë. “Sidomos sivjet ka reflektuar në sesionin e kulturologjisë, të cilin sesion ne e kemi themeluar para tre vjetësh. Ka pasur sukses dhe interesim në rritje, mirëpo sivjet interesim ka qenë gogja modest, kryesisht për shkak të vendimit dhe rektoratit. Studiuesit sikur nuk shohin shumë interes për të botuar në një revistë e cila nuk konsiderohet mjaft kredibile nga Universiteti i Prishtinës”, tha Paçarizi.

Nëse një dekurajim i pjesëmarrësve vazhdon, Paçarizi paralajmëron se seminari rrezikon edhe të shuhet.

“Rëndësia e seminarit është e madhe, në kuptimin e promovimit të gjuhës, sidomos; por edhe të letërsisë e kulturës shqiptare në përgjithësi; të vlerave të Kosovës, të vlerave shtetërore kulturore, arkeologjike, historike, të turizmit e të tjera”.

“Do ta dëmtojë shumë Kosovën në rast se do të vazhdojë ky dekurajim, sepse seminari do të detyrohet ndoshta edhe të shuhet, ndoshta edhe të mbyllet, nëse do të vazhdojë ky trend i mospjesëmarrjes së shfaqur sivjet në sesionin e kulturologjisë”, shprehet Paçarizi.

Ai pret që Rektorati “të reflektojë” dhe të ndryshojë këtë vendim. “Nuk mund të hidhet poshtë një traditë 43-vjeçare e një seminari, i cili në fakt është ngjarja më e madhe, më e rëndësishme dhe me me traditë në fushë e Albanologjisë”.

Përkundër vështirësive më të cilat përballet, seminari pritet që të sjellë studiues dhe studentë nga vende të ndryshme të botës, madje edhe prej vendeve me të cilat politika nuk po arrin që të ketë kompromis.

“Nuk ka ministri të Kosovës e cila mund ta krijojë këtë lidhje me botën të cilën e krijon seminari. Vetëm një element: në seminar marrin pjesë studiues nga vendet të cilat jo vetëm që nuk e kanë njohur pavarësinë e Kosovës, por edhe nga vendet që konsiderohen si armiq të pavarësisë së Kosovës. Ne kemi një pjesëmarrje masive të studiuesve të njohur eminentë nga Rusia; kemi një pjesëmarrje masive të studentëve nga qyteti i Beogradit, studentë serbë të cilët e studiojnë shqipen. Kemi studiues dhe studentë nga Sllovakia, e vende të ndryshme të botës”, tha Paçarizi.

Seminari Ndërkombëtar për Gjuhën, Letërsinë dhe Kulturën Shqiptare do të fillojë nesër dhe do të zgjasë deri më 25 gusht.

Policia kërkon ndihmë për identifikimin e personit që vdiq nga aksidenti në autostradë afër Prizrenit

admin
-
0

Policia e Kosovës konfirmon se sot rreth orës 17:00, në autostradën “Ibrahim Rugova”, në dalje Veriu-Prizren, ka ndodhur një aksident me fatalitet, identiteti i të cilit është i paditur.

Përmes një komunikate për media Policia thotë se dyshohet se një veturë ka goditur një këmbësor, vdekjen e të cilit e ka konfirmuar ekipi mjekësor.

Lidhur me aksidentin me pasoja fatale, Policia e Kosovës jep këto detaje të viktimës me qëllim të identifikimit të tij:

Mosha: 30-40 vjeçar,

Gjatësia: 165 cm,

Flokët: ngjyrë kafeje,

Sytë: e kafenjtë,

Veshja: farmerka të kaltra, bluzë ngjyrë hiri me vija të bardha, këpucë dhe çorape të zeza.

“Policia e Kosovës njofton dhe njëherësh kërkon nga të gjithë qytetarët se kushdo që ka informacione apo e njehë personin me përshkrimin në fjalë të lajmërojë Policinë e Kosovës në stacionet më të afërta policore apo në nr.192”, thuhet në komunikatë.

Aksident tjetër në autostradë në afërsi të Prizrenit, tre të lënduar (Foto)

admin
-
0
Aksident tjetër në autostradë në afërsi të Prizrenit, tre të lënduar (Foto)

Pas ngjarjes së djeshme në autostradën “Ibrahim Rugova” ku një këmbësor vdiq pas goditjes nga  vetura, në mëngjesin e sotëm ka ndodh një tjetër aksident.

Sipas lexuesit të Indeksonline i cili ka dërguar foto, në aksident kanë marr lëndime tre persona.

Ai ka thënë se aksidenti ka ndodhur në afërsi të Prizrenit, derisa në mesin e të lënduarve është edhe një fëmijë. /Indeksonline/

Asnjë gjykatë nuk e do rastin e Ramadan Mujës

admin
-
0
Asnjë gjykatë nuk e do rastin e Ramadan Mujës

Ka më shumë se një muaj që kur Gjykata e Apelit vendosi të kthej në rigjykim rastin ndaj kryetarit të Prizrenit, Ramadan Muja dhe 5 ish-zyrtarëve të tjerë të kësaj komune, por ky rast ende nuk i është marr nga asnjë gjykatë.

Asnjë nga 6 gjykatat themelore të Kosovës nuk i janë përgjigjur deri tash Gjykatës Themelore të Prizrenit, e cila që nga momenti i marrjes së vendimit nga Gjykata e Apelit u është drejtuar këtyre gjykatave me kërkesë për marrjen e kësaj lënde.

Zëdhënësja e Gjykatës Themelore në Prizren Aferdita Kicaj i ka thënë “Arbresh.info” se janë në pritje të përgjigjes nga kryetarët e gjykatave themelore dhe nëse nuk ka ndonjë përgjigje, sipas saj, atëherë gjykata do t’i drejtohet Apelit.

“Sipas ligjit kemi kërkuar nga Kryetarët e Gjykatave të Republikës së Kosovës që ta marrin këtë lëndë në rigjykim edhe jemi në pritje të përgjigjes, nëse asnjëra prej këtyre gjykatave nuk vendos që ta marr këtë rast, atëherë Gjykata Themelore e Prizrenit i drejtohet Gjykatës së Apelit që e njëjta të vendos se cila gjykatë do ta merr këtë lëndë në rigjykim”, është shprehur Kicaj.

Ndryshe në fillim të muajit korrik, Gjykata e Apelit pati dhënë vendimin e saj, duke kthyer në rigjykim rastin ndaj kryetarit të komunës së Prizrenit, Ramadan Muja dhe 5 ish-zyrtarëve të tjerë të kësaj komune, të cilët akuzohen për keqpërdorim të detyrës zyrtare.

Në mars të vitit 2014, Gjykata Themelore në Prizren pati dënuar Ramadan Mujën me 2 vite burgim me kusht që i njëjti të mos kryej asnjë vepër penale për një periudhë 3 vjeçare, dhe me një dënim alternativ të ndalimit të ushtrimit të funksioneve në administratën publike ose në shërbimin publik për 30 muaj.

Ndërsa, Gjykata e Apelit, pas gati një viti e gjysmë kishte vendosur që lënda të kthehej në rigjykim në gjykatën e shkallës së parë në Prizren, për shkak se kishte konkluduar se ishin bërë shkelje esenciale në përmbajtjen e aktgjykimit të shkallës së parë.

Aktvendimi i Gjykatës së Apelit kishte arritur në Gjykatën Themelore të Prizrenit në shtator të vitit 2015.
Në këtë aktvendim ishte anuluar aktgjykimi i Gjykatës Themelore të Prizrenit P.nr.171/13 i lëshuar më 13 mars 2014 dhe lënda ishte kthyer në Gjykatën Themelore për rigjykim.

Mirëpo, në dhjetor të vitit 2015, Gjykata Supreme e pati rrëzuar vendimin e fundit të Gjykatës së Apelit ndaj Mujës dhe të tjerëve, duke marrë vendim që ky rast të kthehet sërish në Gjykatën e Apelit për rivendosje të aktgjykimit të shkallës së parë.

Vendimi i Supremes kishte ardhur pas pranimit të ankesës së prokurorisë ndaj vendimit të Gjykatës së Apelit në shtatorin e po të njëjtit vit, që rasti ndaj kreut të Prizrenit, Ramadan Muja të kthehet në Gjykatën Themelore të Prizrenit për rivendosje.

Supremja, kishte vendosur që aktvendimi i apeluar të anulohet dhe lënda t’ i kthehet Gjykatës së Apelit për rishqyrtim nga një trup i ri gjykues./Arbresh.info

37 vjetori i vdekjes së gjuhëtarit, Eqrem Çabej

admin
-
0
37 vjetori i vdekjes së gjuhëtarit, Eqrem Çabej

Eqrem Çabej është një ndër përfaqësuesit më të shquar të gjuhësisë shqiptare.

Ai lindi më 7 gusht 1908 në Gjirokastër, ku mori dhe mësimet e para. Pasi kreu gjimnazin në Klagenfurt të Austrisë, ndoqi studimet e larta për gjuhësi krahasuese indoevropiane dhe albanalogji në Universitetin e Gracit e më pas në Universitetin e Vjenës.

Në vitin 1933, Eqrem Çabej diplomohet Doktor në filozofi. Pasi kthehet në Shqipëri punon si mësues në disa shkolla të mesme e më pas në Institutin e Shkencave, ku ishte ndër pedagogët e parë të Institutit të Lartë Pedagogjik Dyvjecar, gjithashtu si dhe pedagog në Universitetin e Tiranës e në Institutin e Gjuhësisë dhe Letërsisë.

Veprimtaria shkencore e Eqrem Çabej u shtjellua kryesisht në gjuhësi, por u shtri dhe në folklor, etnografi, histori të letërsisë. Një rëndësi tepër të madhe ka puna e studimet e tij në problemet dhe prejardhjen e gjuhës shqipe, marrëdhëniet e saj me gjuhët e tjera indoevropiane dhe me gjuhët ballkanike. Disa nga veprat e tij janë Hyrje në Indoevropianistikë, Studime etimologjike në fushën e shqipes, Hyrja në historinë e gjuhës shqipe, Fonetika historike e shqipes, Shqiptarët midis Perëndimit dhe Lindjes, Meshari i Gjon Buzukut, etj.

Në studimet e tij Eqrem Çabej argumentoi prejardhjen ilire të gjuhës shqipe dhe rëndësinë e saj. Eqrem Çabej është dekoruar me urdhrin Nderi i Kombit.

Çabej u specializua në gjuhësinë krahasuese indo-evropiane. Veprimtarinë shkencore e shtjelloi në gjuhësi, por edhe jashtë saj, në folklor, etnografi dhe histori të letërsisë. Vend zenë studimet etimologjike dhe leksikologjike historike, dialektologjia e onomastikës si edhe kodifikimi i gjuhës letrare.

Eqrem Çabej ka dhënë një ndihmë të çmuar me një varg sqarimesh etimologjike gjatë hartimit të Fjalorit të gjuhës shqipe të botuar në Tiranë më 1980. Vdiq në Romë më 1980.

Universiteti i Gjirokastrës mban emrin Eqrem Çabej.

DokuFest XVI shpall fituesit

admin
-
0
DokuFest XVI shpall fituesit

Fituesit e edicionit të 16-të të Dokufest u shpallën gjatë ceremonisë përmbyllëse të festivalit, mbajtur në mbrëmjen e sotme në kinemanë e qytetit të Prizrenit, “Lumbardhi”. Ndarja e çmimeve, e ndjekur nga diskutime të jurisë, vuri në fokus plot 102 filma, përfaqësues të 50 shteteve gjatë konkurrimit për 6 kategori të ndryshme, duke përfshirë dhe çmimin e audiencës.

Aktivitetet e festivalit 9-ditor përfshinë të tilla, si: shfaqja e 254 filmave nga 63 shtete, punëtori, diskutime, debate, masterclass-e, ekspozita dhe një seri të performancave live të njohura si DokuNights, të cilat në vetvete mikpritën yje botërorë në skenën “Andrra”, si Princess Nokia dhe shumë artist të tjerë te njohur. Sërish për të satin vit radhazi, Prizreni u shndërrua në një qytet të zhytur thellësisht në magjinë e kinemasë, kulturës dhe shpresës për të ardhmen.

Ju lutem gjeni listën e fituesve më poshtë:

GARA PËR FILMIN MË TË MIRË TË BALLKANIT – FITUESI: BUFFET ŽELJEZARA nga Goran Devi?

Juria: Karen Cirillo, Mimi Brody, Ognjen Glavoni?.

DEKLARATA: Ne e shpërblyem BUFFET ŽELJEZARA (Steel Mill Café) si një portret i punuar në mënyrë eksperte të një komuniteti që lufton me realitetet ekonomike të popullatës që po pakësohet. Me shkathtësi kap pronarët e kafenesë dhe vizitorët me humor të hollë dhe një intimitet që tregon se sa e vështirë është t’i thuash lamtumirë shtëpisë.

Juria e njëjtë zgjodhi për “Çmim Special” në kategorinë për FILMIN MË TË MIRË TË BALLKANIT filmin ONI SAMO DOLAZE I ODLAZE nga Boris Poljak.

DEKLARATË: ONI SAMO DOLAZE I ODLAZE/ THEY JUST COME AND GO është një film lozonjar në aspektin vizual dhe një alegori që të lë gojëhapur, i dedikuar të pikturojë në mënyrë të hollë një botë në të cilën, nga agimi në perëndim, kapet jeta njerëzore në shkallë të ndryshme të dëshirës dhe pasigurisë në të gjitha ndërthurjet e veta pa drejtim.

Juria e njëjtë zgjodhi FILMIN MË TË MIRË NGA REGJISORI BALLKANIK NË ARDHJE: MY LIFE WITHOUT AIR nga Bojana Burna?.

DEKLARATË: Ne e shpërblejmë filmin MY LIFE WITHOUT AIR për qasjen e tij të freskët dhe origjinale dhe fotografinë e mrekullueshme. Me një bindje që nuk shihet shpesh në filmat debutues, Bojana Burnac i beson subjektit të saj dhe audiencës dhe e le tregimin e saj të shpaloset ngadalë për të zbuluar personalitetin dhe realitetin e një zotëruesi tepër privat të rekordit botëror.

Juria e njëjtë zgjodhi për “Çmim Special” në kategorinë për FILMIN MË TË MIRË NGA REGJISORI BALLKANIK NË ARDHJE filmin Gora nga Stefan Maleševi?.

DEKLARATË: Vlerësimi special shkon për filmin e Stefan Maleševi? i mrekullueshëm në aspektin vizual dhe meditimin e pasur lehtas për një komunitet të maleve dhe natyrës, kafshëve dhe njerëzve. Koha, tradita, ritmi dhe rregullat e jetës në Gora me kuriozitetin dhe vëzhgimin e autorit sillen më afër atyre që mund të mos kenë kurrë shansin ta vizitojnë këtë pjesë të botës.

FILMI MË I MIRË DOKUMENTAR NDËRKOMBËTAR I METRAZHIT TË GJATË – FITUESI: EL MAR LA MAR by Joshua Bonnetta, J.P. Sniadecki.

Juria: Carmen Gray, Cíntia Gli, Melody Gilbert, Rodolfo Castillo-Morales, Wood LIN.

DEKLARATË: Vështrimi i regjisorit në kohë dhe peizazhin e shkretëtirës në kufi mes SHBA dhe Meksikës, me filmin 16mm. Shenjat e jetës njerëzore vështirë se duken, por shkretëtira e zbrazët përgjatë kolonës zanore shërben si metaforë e gjallë e gjithçkaje të dukshme, megjithatë ndikuese, për jetët tona të përditshme. Aspektet gjeografike, ideologjike dhe politike po ashtu janë ndriçuar përmes strukturës narrative siç edhe e shpjegon udhëtimi. El Mar La Mar është një poemë e bukur dhe një deklaratë tepër politike me sinqeritet në kontekstin bashkëkohor.

Juria e njëjtë zgjodhi për “Çmim Special” në kategorinë për FILMIN MË TË MIRË DOKUMENTAR NDËRKOMBËTAR TË METRAZHIT TË GJATË filmin 69 MINUTES OF 86 DAYS nga Egil Håskjold Larsen.

DEKLARATË: Një film i ndjeshëm që përshkruan udhëtimin e një familje përmes syve të pafajshëm, në kohë të vështira dhe të pasigurta të politikës dhe të ankthit shoqëror, ku mund të interpretohen shumë qasje drejt thelbit të filmit, të duhura apo problematike.

FILMI MË I MIRË DOKUMENTAR NDËRKOMBËTAR I METRAZHIT TË SHKURTËR – FITUESI:IF ONLY THERE WERE PEACE nga Carmine Grimaldi, Deniz Tortum.

Juria: Carmen Gray, Cíntia Gli, Melody Gilbert, Rodolfo Castillo-Morales, Wood LIN.

DEKLARATË: Një eksplorim origjinal dhe shumë shtresor i marrëdhënieve të pushtetit, identitetit dhe performancës që na lejon të reflektojmë për funksionet e kinemasë si mjet shoqëror dhe kulturor.

FILMI MË I MIRË PËR TË DREJTAT E NJERIUT – FITUESI:THE WAR SHOWnga Andreas Dalsgaard, Obaidah Zytoon

Juria: Laura Limani, Mante Valiunaite, Miranda Pennel

DEKLARATË: Juria është impresionuar nga forma e punuar mirë e filmit, intimiteti i kamerës së tij dhe kualiteti reflektiv i rrëfimit të tij. Filmi arrin të ofrojë një pamje të afërt të rezistencës në Siri; ai është një homazh i bukur për aktivizmin politik dhe në fund, një tregim intim i miqësisë së humbur shumë shpejt. Ajo çka fillon si një tregim personal transformohet në një rrëfim guximi gazetaresk dhe përkushtimi për të dokumentuar ndikimin brutal të luftës në jetët njerëzore prej afër.

Juria e njëjtë zgjodhi për “Çmim Special” në kategorinë për FILMIN MË TË MIRË PËR TË DREJTAT E NJERIUT filminA FEELING GREATER THAN LOVE nga Mary Jirmanus Saba.

DEKLARATË: Një hetim i rëndësishëm dhe në kohë i historive të punës dhe solidaritetit të klasës punëtore në Liban në periudhën pak para luftës civile.

FILMI MË I MIRË PËR AMBIENTIN – FITUESI:AMA-SAN by Cla?udia Vareja?o

Juria: Bilge Ebir, Riina Zachariassen, Uta Ibrahimi

DEKLARATË: Derisa ne ishim tepër të impresionuar me të gjitha propozimet e filmave këtë vit, çmimi për filmin më të mirë për Green Dox ishte unanim. I shkon një vepre që balancon për bukuri një ndjenjë komuniteti dhe humaniteti me ashpërsi dhe elegancë. Ky është një film me mirëkuptim të gjallë të ritmeve të natyrës, të krijuara nga një regjisore e cila jo vetëm që ka një sy të jashtëzakonshëm, por edhe di se si të na zhys në të gjithë botën. Ju mund ta ndieni këtë prani të regjisores në secilin kuadër të këtij filmi, dhe megjithatë ajo kurrë nuk del në rrugën e realitetit fascinues që po e prezanton.

FILMI MË I MIRË I SHKURTËR – FITUESI I PARË A DROWNING MAN nga Mahdi Fleifel.

Juria: Afolabi (Afo) Kuti, Jasmin Basic, Trimor Dhomi

DEKLARATË: A DROWNING MAN na çon në një udhëtim mbërthyes të një refugjati, me një aluzion të përkrahjes apo bujarisë së madhe. Me dramë që e ngacmon audiencën që jo vetëm të ndjekë por edhe të angazhohet. Mahdi Fleifel ka krijuar një film rrëzëllues me thellësi dhe frymë.

FILMI MË I MIRË I SHKURTËR – FITUESI I DYTË THE CHIMERICAL MUSEUM OF SHIFTING SHAPES

DEKLARATË: THE CHIMERICAL MUSEUM OF SHIFTING SHAPES është premierë botërore në DokuFest dhe juria janë kënaqur së tepërmi nga veçantia e imazhit me muzikën e kompozuar. Damiàn Alquichire ka vetë punuar secilin aspekt të filmit duke e ndarë vetëm punën e muzikës. Talenti i tij është origjinal dhe unik me një zë që futet përmes kinemasë.

GARA KOMBËTARE – FITUESI:SANS LE KOSOVO nga Dea Gjinovci

DEKLARATË: Një zë i ngrohtë dhe poetik përshkon rrugëtimin e sinqertë edelikat të një vajze dhe babait të saj ndërsa së bashku provojnë të kuptojnë plagët e së kaluarës.

Juria e Garës Kombëtare vlerëson filmin SANS LE KOSOVO / PAKOSOVËN nga Dea Gjinovci si filmin më të mirë dhe siç përkonme temën e këtij edicioni të DokuFest, urojmë që regjisorja tavazhdoj këtë kërkim drejt të vërtetës dhe respektimit të dinjitetitnjerëzor, sepse një e ardhme e mbarë e pret!!!

Juria e njëjtë zgjodhi për “Çmim Special” në kategorinë për GARËN KOMBËTARE filminETHNOPHOBIA.

DEKLARATË: Për vëmendjen e treguar ndaj çdo detaji, për sensin e fortë të humorit, për dashurinë, durimin, si dhemjeshtërinë regjisoriale të treguar, juria vendosi të ndaj dhe një çmim special: Special Mention për filmin ETHNOPHOBIA ngaJoan Zhonga i cili na ka dhuruar një film të hareshëm që preknjësoj si zemrat e fëmijëve, ashtu edhe të të rriturve.

ÇMIMI I AUDIENCËS:

Me dasht’ Me dasht’ Me dasht’ nga Ilir Hasanaj.

PAN-i e bëri AKR-në për vete, po tash si ka votat e duhura të deputetëve serbë që kanë një kusht tjetër!?

admin
-
0
PAN-i e bëri AKR-në për vete, po tash si ka votat e duhura të deputetëve serbë që kanë një kusht tjetër!?

Kryetari i Aleancës Kosova e Re (AKR), Behgjet Pacolli, i cili në zgjedhjet parlamentare të 11 qershorit kishte garuar në listën e njëjtë të koalicionit me Lidhjen Demokratike të Kosovës, Alternativën dhe Lëvizjen për Drejtësi (koalicion iLAA), të mërkurën tha se nëse formimi i Qeverisë varet nga ai, ai do ta votojë Ramush Haradinajn, kandidatin e koalicionit PDK-AAK-NISMA (PAN) për kryeministër të Kosovës.

Pacolli ka thënë se nuk do të mbajë të bllokuar Kosovën dhe institucionet e vendit, dhe se Lidhja Demokratike e Kosovës, sipas tij, i ka 10 ditë kohë për të ndryshuar qëndrimin.

Telegrafi mëson se një ditë para këtyre deklaratave, PAN veç kishte siguruar mbështetjen e liderët të AKR-së.

Në anën tjetër, kryesuesi i seancës konstituive, Adem Mikullovci nga Lëvizja Vetëvendosje, pret që të hënën të mbahet vazhdimi i seancës konstitutive të Kuvendit. Përfaqësuesit e koalicionit PAN kanë paralajmëruar se nuk do të marrin pjesë as në këtë seancë, me arsyetimin se kanë nevojë për konsultime shtesë.

Burimet e Telegrafit thonë se PAN – ndonëse ka mbështetjen e AKR-së – prapë nuk i ka numrat meqë kanë lindur kundërshtime me pesë deputetët e Listës Serbe të cilët teksa më herët kërkonin postin e të parit të Kuvendit, nga i cili më vonë heqin dorë, tash duan ta kenë nga radhët e tyre zëvendëspresidentin e Kosovës.

Posti i zëvendëspresidentit momentalisht nuk ekziston dhe atë serbët mund ta kenë veç me ndryshime kushtetuese. /Telegrafi/

1...5 8325 8335 834...9 261Page 5 833 of 9 261