Gjykata Themelore e Prizrenit shqiptoi dënimin me shtatë (7) vite burgim efektiv si dhe dënimin me gjobë në shumën prej katër mijë (4.000) euro të të akuzuarve nga Prizreni.

Gjykata Themelore e Prizrenit, departamenti i krimeve të rënda ka bërë shpalljen e aktgjykimit ndaj të akuzuarve me iniciale E.R. nga Prizreni dhe GJ.A. nga fshati Shkozë, Komuna e Prizrenit dhe i ka shpallur fajtor për shkak se secili veç e veç kanë kryer veprën penale blerja,posedimi, shpërndarja dhe shitja e paautorizuar e narkotikëve,substancave psikotrope dhe analoge nga neni 273 paragrafi 2 të KPRK-së, dhe i ka shqiptuar të akuzuarit me iniciale:

E.R. dënim me burgim efektiv në kohëzgjatje prej tre (3) vitesh,si dhe dënimin me gjobë në shumën prej dymijë(2.000) euro.

Të akuzuarit me iniciale GJ.A. nga fshati Shkozë Komuna e Prizrenit i shqiptoi dënimin me burgim efektiv në kohëzgjatje prej katër vitesh si dhe dënimin me gjobë në shumën prej dymijë (2.000) euro.

I akuzuari me iniciale E.R. me datën 13Dhjetor 2016 rrethe orës 15:00 pa autorizim e transporton dhe e dërgon në tranzit substancën narkotike me qëllim të shpërndarjes nga fshati Zhur Komuna e Prizreni për në Prishtinë në lagjen “Bregu i Diellit”.

I akuzuari GJ.A. pa autorizim ka poseduar dhe ka shpërndarë me qëllim të shitjes substancën narkotike në atë mënyrë që paraprakisht se bashku me të pandehurin E.R. merren vesh që këtë substancë ta dërgon nga fshati Zhur Komuna e Prizrenit për në Prishtinë në lagjen “Bregu i Diellit”.

Fshati Kobaj ka mbetur jashtë dorës së qeverisjes komunale. Bujar Rrahmanaj, kryetar i fshatit Kobaj, është shprehur për “Kosova Sot” se preokupim i fshatarëve është që vitet e fundit ky fshat nuk është në projektet buxhetore komunale dhe se nuk është bërë asnjë investim në fshat.”Në fshatrat përreth jam i vetëdijshëm se është investuar shumë, ndërsa fshati Kobaj ende nuk ka infrastrukturë të rrjeteve të ujërave të zeza dhe e pësojnë edhe qytetarët e fshatit Grazhdanik, për shkak të derdhjeve të ujërave të këtij fshati”, është shprehur Rrahmanaj. Ai shton se rrugët kanë mbetur të pashtruara në shumë lagje.

“Rinia e fshatit nuk e ka as edhe me të voglin vend për të ushtruar ndonjë aktivitet sportiv, shkolla që është ndërtuar tërësisht e re ka mbetur pa fushë sporti, pa rrethojë dhe se është demoluar pothuajse 50 për qind e asaj godine”, është shprehur ai.

Shquhen për traditën e mikpritjes

Rrahmanaj thotë se lapidarët e dëshmorëve të kombit në fshat kanë mbetur në mjerim, pa as edhe një cent investim.”Është një neglizhencë e madhe nga Qeveria lokale për fshatin Kobaj, premtime boshe të kota nga zyrtarë lokalë. Edhe pse është investuar në ujë të pijes, ende shkolla dhe gjithë fshati ballafaqohen me këtë problem për shkak të mospunës sa duhet të kompanisë”, shprehet ai për gazetën. Ky vendbanim është themeluar me të ardhurit nga lagjja Badallaj e Zhurit.

“I pari i kësaj lagjeje ka ardhur këtu si bari me stane. Prandaj banorët e këtij fshati janë të një barku dhe të një gjaku, duke përjashtuar dy familjet e ardhura, Fanaj dhe Rashkaj”, ka thënë Bislimaj. Fshati Kobaj i Prizrenit konsiderohet si vendbanim i ri. Mr. Orhan Bislimaj tregon se banori i parë i këtushëm kishte ardhur nga fshati Zhur, lagjja Badallaj, dhe që i përkasin fisit Bytyçi.”I pari i kësaj lagjeje ka ardhur këtu si bari me stane. Prandaj, të gjithë fshati janë të një barku dhe një gjaku, duke përjashtuar dy familjet e ardhura, Fanaj dhe Rashkaj”, ka thënë Bislimaj. Sipas tij, banorët shquhen për traditën e mikpritjes si dhe festimin e disa festave të vjetra.”Shënohen dhe festohen me përkushtim akoma dy festat, ajo e Shëngjergjit dhe Shënmitrit”, tregon Bislimaj. Po ashtu, banorët tregojnë respekt edhe për objekte që për ta janë të veçanta, si Tyrbja e Baba Soziut dhe Guri i Zi

Kobaj, me shumë kurbetçinj

Bujar Rrahmanaj thotë se fshati Kobaj i ka 1300 banorë. “Kobaj për shkak të konfiguracionit strategjik gjatë luftës ishte pika kryesore e të gjitha takimeve, sepse kishte rrugë lidhëse në të gjitha anët nga qyteti në fshatra dhe anasjelltas. Prandaj, Kobaj luftës i fali dy dëshmorë”, shprehet Rrahmanaj.

“Ishte korridor i UÇK-së”, thotë Rrahmanaj, duke shtuar se të parët i kushtuan shumë rëndësi shkollimit të gjeneratave të reja dhe tani ky fshat ka 13 magjistra shkencash. Megjithatë, sipas tij, banorët kryesisht merren me bujqësi. Rrahmanaj tregon se nga 160 familje sa ka fshati, për fat të keq, rreth gjysma e banorëve jetojnë jashtë vendit, siç shprehet ai, “me bukën e kurbetit”. Por, ai shprehet se banorët e mbetur po përpiqen të ruajnë traditën e trashëguar nga të parët.

“Fshati ka ruajtur në mënyrë fanatike sidomos traditën e dasmave dhe kanagjeqeve”, shprehet Rrahmanaj. Ndryshe, fshati Kobaj tani ka pasur shumë investime pas lufte, por jo për t’i plotësuar të gjitha nevojat. Banorët tregojnë se përfituan nga iniciativat të gjitha shtigjet e UÇK-së të asfaltohen, andaj edhe fshati Kobaj deshi fati të lidhet në katër anë me asfalt

(Kosova Sot)

Në fshatin Samadrexhë të Vushtrrisë, dy vetura me targa vendore dhe një qerre me kuaj janë përfshirë në aksident trafiku në mes veti.

Si pasojë e aksidentit lëndime trupore kanë pësuar dy drejtuesit e veturave meshkuj si dhe drejtuesi i qerres së kuajve, transmeton Klan Kosova.

Të lënduarit janë dërguar në trajtim mjekësorë në QKUK.

Gjykata Themelore e Prizrenit e ka aprovuar kërkesën e Prokurorisë Themelore të Prizrenit, duke i caktuar masën e paraburgimit prej një muaj të pandehurit H.K nga fshati Vërmicë, Komuna e Prizrenit.

I pandehuri dyshohet për shkelje të Kodit Penal. Me datën 01.08.201, rreth orës 17:45 minuta në rrugën “ Tahir Sinani ” në drejtim të rrugës “ Viliam Voker ”, duke mos iu përmbajtur dispozitave të komunikacionit në rrugë, shkel Ligjin për rregullat e trafikut rrugor. Ai duke e drejtuar automjetin e tij. fillon kthimin majtas për të hyrë në qendrën tregtare ” ETC ”, kalon në shiritin e kundërt të rrugës. Gjatë lëvizjes me anën e djathtë të veturës së tij godet motoçikletën e markës ” Honda ” të cilën e drejtonte i dëmtuari me iniciale N.B, me të cilat veprime i pandehuri shkakton aksident në trafik. I dëmtuari merr lëndime të rënda trupore me rrezik për jetën. I njëjti transferohet në QKUK në Prishtinë, po ashtu lëndime trupore pëson edhe pasagjerja e të pandehurit.

Gjykata ka ardhur në përfundim se janë plotësuar të gjitha kushtet ligjore të parapara në nenin 187 par.1 nën par.1.1 të KPRK-së, për caktimin e masës së paraburgimit.

Me këto veprime i pandehurit me iniciale H.K. dyshohet se ka kryer veprën penale, rrezikim i trafikut publik nga neni 378 par.8 lidhur me par.6 të KPRK-së./PrizrenPress.com/

Sot është mbajtur seanca e kolegjit gjyqësor për shqyrtimin e ankesave në rastin e Zejnepe Berishës, cila u vra nga bashkëshorti i saj më 23 tetor 2015.

Burri i saj, Nehbi Berisha u dënua me 12 vjet burg për vrasje të rëndë.

Avokatja e familjes së Zejnepe Berishës, Fehmije Berisha-Bytyqi, ka kërkuar që Nehbi Berishës, t’i rritet dënimi, njofton Klan Kosova.

“Me Kodin e Ri Penal, kjo vetëm mund të dënohet edhe me burg për përjetshëm”, ka thënë ajo.

Këtë avokate e ka angazhuar Rrjeti i Grave, të cilat ishin prezente para Gjykatës duke protestuar dhe kërkuar që kërkesa e avokates për rritje të dënimit të aprovohet.

Ndërsa avokati i palës së akuzuar, Esat Gutaj, tha se “e ndjera bashkëshortja Zejnepja e ka tradhtuar bashkëshortin e saj me një zyrtar policor”.

“Duhet të shqyrtohet motive i vrasjes”, ka thënë ai, njofton Klan Kosova.

Përveç kësaj, avokati tha se klienti i tij është i sëmurë psikik dhe se ai duhet të trajtohet më ndonjë spital psikiatrik dhe jo në burg.

Një i dyshuar duke lëvizur me kamion me targa lokale nga pakujdesia dhe mospërshtatja e shpejtësisë së lëvizjes me kushtet e rrugës ka goditur murin e një shtëpie dhe ka rënë disa metra poshtë.

Ngjarja ka ndodhur në fshatin Mushtisht, transmeton kp.

Në aksident, drejtuesi dhe një pasagjer anë pësuar lëndime të rënda trupore të cilët janë dërguar për tretman mjekësor në QKUK-Prishtinë, ndërsa pasagjeri i tretë pëson lëndime të lehta.