Nënkryetari i Partisë Demokratike të Kosovës (PDK), Xhavit Haliti, e ka komentuar deklaratën e anëtarit të Lidhjes Demokratike të Kosovës (LDK), Driton Selmanaj i cili nëpërmes një postimi në facebook ka thënë se një qeveri pa PDK-në, pa shkatërruesit e shtetit, e zhvatësit e pasurisë do t’i bënte mirë vendit dhe të ardhmes së tij.

I pyetur nga “Blic” për këto deklarata të Selmanajt, Haliti ka thënë se shpreson që deputeti i zgjedhur në bazë të numrave të koalicionit, të jetë e ta njohë opinioni si politikan dhe të besueshëm, e jo si opinionist të paguar.

“Shpresoj që deputeti i zgjedhur në bazë të numrit të koalicionit të jetë, e ta njohë opinioni si politikan të besueshëm për opinionin, për vlerësimet politike, jo si opinionist të paguar por si politikan, përfaqësues të besueshëm të popullit.”, ka thënë Haliti.

Para pak orësh Driton Selmanaj nga LDK nëpërmes një positmi në facebook ka deklaruar se

Anëtari i Lidhjes Demokratike të Kosovës, Driton Selmanaj, nëpërmes një postimi në rrjetin social “Facebook” ka thënë se një qeveri pa PDK-në do t’i bënte nder vendit dhe të ardhës së tij.

Sipas Selmanajt, Shtet-ndërtimin si proces, zhvillimin e Kosovës si domosdoshmëri dhe ecjen e shtetit në binarë të qartë dhe të sigurt, e kemi zëvendësuar me lajme për protagonist të pavlerë, për sekser ordinere dhe për ndërmjetësues profiter gjë që sipas tij ka bërë që të krijohet përshtypja se të zgjedhurit e popullit (deputët) janë vënë në ankand publik dhe po presin Kush? dhe Sa? po ofron për ta blerë votën e tyre, moralin e tyre, dinjitetin dhe integritetin e tyre.

Ai ka shtuar se ‘krejt çka i duhet tani vendit tonë, është që ti kthehemi institucioneve dhe përgjegjësive shtetërore e kushtetuese. Ta konstituojmë Kuvendin sa më shpejt që është e mundur, dhe më pas të ecim tutje në themelimin e qeverisë për ti dal në ballë sfidave të shtetit dhe problemeve që ballafaqohen qytetarët e Kosovës.’

Ky është postimi i tij i plotë:

Euu “poshtë ka ra katundi” thotë një fjalë e popullit tonë. Ditëve të fundit qytetarët e Kosovës janë ngarkuar me lloj-lloj konspiracionesh, me lloj-lloj shpifjesh e lloj-lloj përpjekjesh për pazaresh të ulta politike dhe shumë të rrezikshme për vendin. Shtet-ndëritimin si proces, zhvillimin e Kosovës si domosdoshmëri dhe ecjen e shtetit tonë në binarë të qartë dhe të sigurt, e kemi zëvendesuar me lajme për protagonist të pavlerë, për sekser ordinere dhe për ndërmjetësues profiter. Kjo ka bërë që të krijohet përshtypja se të zgjedhurit e popullit (deputët) janë vënë në ankand publik dhe po presin Kush? dhe Sa? po ofron për ta blerë votën e tyre, moralin e tyre, dinjitetin dhe integritetin e tyre.

Veprimet e tilla me ose pa vetëdije po e shkatërrojnë çdo koncept dhe parim të përfaqësimit, po fyen rëndë shumë qytetarë (votues) të Kosovës, po fyen çdo arritje të jetës institucionale tashmë të ndërtuar në vend.

Drejtori ekzekutiv i Institutit Demokratik të Kosovës (KDI), Ismet Kryeziu, duke iu referuar zhvillimeve pas vizitës së Ramush Haradinaj në shtëpinë e familjes Rugova, ka thënë se sikurse Tetuta Rugova, në të kaluarën kanë vepruar edhe Ibrahim Rugova, Hashim Thaçi, Ramush Haradinaj, Fatmir Sejdiu, Nexhat Daci, Isa Mustafa dhe Albin Kurti.

“Të mos i përmendi veprimet dhe votat, apo koalicionet qoftë si subjekte politike apo si individ”, ka shkuar Kryeziu në llogarinë e vet në “Facebook”.

Postimi i plotë i Kryeziut:

Sa për rikujtim, përpara Teutës

Në forma dhe përmbajtje si kjo, veprime të tilla kanë bërë Rugova, Thaçi, Haradinaj, Daci, Sejdiu, Kurti, Mustafa etj.

Të mos i përmendi veprimet dhe votat, apo koalicionet qoftë si subjekte politike apo si individ. Duke nisur nga rangu i dytë i politikanëve, analistë, opinionistë, aktivistë të shoqërisë civile, prej më të paimagjinueshmëve.

Po mendoj, por s’më bie ndërmend autoritet kredibil nga sfera publike të atakoj me një gjuhë denigruese si kjo ndaj Teutës.

Ish-zyrtari i LDK’së, Dardan Gashi i është përgjigjur Isa Mustafës me të njëjtën gjuhë. Ka thënë se Kryetari i LDK’së është pikërisht ai matrapazi që ka humbur katër palë zgjedhje, ka tradhtuar partnerët e koalicionit dhe ka hyrë në koalicion me PDK’në.

Kryetari i LDK’së, Isa Mustafa, shkroi sot një status në FB, duke i quajtur Dardan Gashin e Astrit Haraqinë matrapazë e kontrabandues. Kryetari i LDK’së s’kishte pasur guxim t’ua përmendte emrat, por, shkroi vetëm me aludime.

Ndërkohë, ka ardhur përgjigja e Dardan Gashit, i cili është përfshirë në arritjen e marrëveshjes ndërmjet Teuta Rugovës dhe AAK’së për të mbështetur Ramush Haradinajn për Kryeministër.

Gashi e ka quajtur Kryetarin e LDK’së pikërisht matrapaz duke thënë se i njëjti ka humbur katër palë zgjedhje, ka tradhtuar partnerët dhe ka bërë koalicion me kundërshtarin më të madh politik, PDK’në. Ka thënë, po ashtu, se Isa Mustafa është matrapaz edhe për shkak se ka larguar nga LDK ata që nuk kanë menduar sikur ai.

“Hyna wikipedia edhe e lexova kuptimin e fjales matrapaz, dhe deshta me nda me kryeministrin! “Njeri pa parime që bën gjithfarë pazarllëqesh e allishverishesh për t’ia arritur një qëllimi të caktuar. Matrapaz politik. Punë (sjellje) prej matrapazi.”, ka shkruar Gashi, në FB.

“Per me kualifiku per kete pershkrim, duhet me i humbe 4 pare zgjedhje por mi majte pozitat. Per me u kualifiku duhet me i ndeshku njerezit e partise qe nuk mendojne si ti. Per me u kualifiku, duhet me bo pazare te nates me kundershtater politik e me i tradhtu aleatet, vetem e vetem per te marre pozite. Gjithashtu per me u kualifiku duhet me i tradhetu krejt miqt, nje nga nje, me i lene ne lloq… Duhet me zell me i sherby okupatorit e me lujt rolin e patriotit! Me fjale te tjera duhet mos me pase pike ftyre… Thojne: “Kur je ne shpi te xhamit, mos gjuj me gure”, ka shkruar më tej Gashi.

Dardan Gashi ka qenë pjesë e LDK’së prej pasluftës. Pastaj ishte bërë bashkëudhëheqës i Listës Dr Ibrahim Rugova, e cila pati fituar një deputet në një listë me AAK’në. Në këtë koalicion ishte bërë Ministër në Qeverinë e udhëhequr prej PDK’së.

Kryetari i LDK’së, Isa Mustafa, ka vazhduar të shprehet i nervozuar se pse koalicioni parazgjedhor, PAN, ka siguruar votat në partinë e tij, për ta bërë Haradinajn Kryeministër.

Sidoqoftë, Kryetari i LDK’së, Mustafa ka përdorë gjuhë fyese ndaj dy ish-zyrtarëve të LDK’së, emrat e të cilëve s’i ka përmendur, Astrit Haraqija e Dardan Gashi, se janë shndërruar në kontrabandistë e matrapazë të PAN’it.

Ka thënë se ata janë kontraktuar nga dikush për t’i siguruar votat për formimin e Qeverisë së udhëhequr prej PDK’së e paketuar prej AAK’së.

“Matrapazët e kontraktuar po donë me ia shitë opinionit Qeverinë e PAN-it, në paketimin e AAK-së dhe të miqve të Ibrahim Rugovës. Do të jetë i mjerë ai shtet, ajo qeveri, ajo parti dhe ajo derë që lejon që dy matrapazë t’ia bëjnë politikat, të kontrabandojnë votat dhe të flasin për rugovizmin dhe rugovistët”, ka shkruar Mustafa, pa përmendur emrat e Gashit e Haraqisë, të cilët dolën publikisht se kanë ndihmuar në arritjen e marrëveshjes së AAK’së me Teuta Rugovën për të votuar Haradinajn Kryeministër. /Express/