Deputeti i LDK-së në Prizren, Haxhi Avdyli, ka falënderuar të gjithë votuesit për besimin e dhënë.

Ai, premton se do të jetë zëri i qytetarëve në Parlamentin e Kosovës.

Postimi në Facebook

Të nderuar qytetarë,

Pas publikimit zyrtar të emrave për deputetë të Kuvendit të Kosovës, ku në mesin e 29 deputetëve të LDK-së renditem edhe unë, dua të ju falenderoj veq e veq secilin që keni besuar te unë. Besimi juaj me obligon të jem zëri juaj besnik, si gjithmonë, në mbrojtje të vlerave humane, lirisë dhe integritetit shtetëror , dhe interesave zhvillimore shtetërore.

Do mundohem të jem aktiv në hartimin e akteve ligjore më të mira për ju, por edhe kritik i palodhur i çdo shkelje eventuale që do bëjnë pushtetarët e secilës parti pa dallim.

Ne ia nisëm bashkë , këtu kemi arritë bashkë dhe bashkë do arrijmë edhe më shumë duke sjellë ndryshime pozitive edhe në pushtete lokale por edhe qendrore.
#bashkëtëvendosur për të jetësuar ëndrrën.
#faliminderit

Deputeti i Vetëvendosjes nga Prizreni, Arbër Rexhaj, ka shprehur mirënjohje për besimin që i është dhënë në zgjedhjet e 11 qershorit.

Ai, premton se do të jetë zëri i qytetarëve.

Postimi në Fcebook

Të dashur qytetarë të Republikës, të dashur qytetarë të Prizrenit dhe Kosovës gjithandej. Të dashur aktivistë të Lëvizjës VETËVENDOSJE!, mbështetës, shokë dhe shoqe të mia,
Përgjatë tërë fushatës, së bashku me ju kemi takuar me qindra qytetarë, me qindra zemra të cilët kanë qenë të etur për ndryshim. Falë punës së palodhshme, angazhimit tuaj për çdo moment, Lëvizja VETËVENDOSJE! sot është subjekti i parë në Kosovë.

Po të mos ishte përkushtimi juaj të dashur miq, puna dhe mbëshetja të cilën na keni dhënë në çdo moment, nuk do të bëhej e mundur që sot t’ju përfaqësoj në Kuvendin e Kosovës, përkatësisht as nuk do të ndaja gëzimin e fitores së mandantit tim të deputetit. Për këtë ju detyrohem juve.

Duke shprehur mirënjohje të thellë ndaj jush, zotohem që do të jem zë i qytetarëve në nevojë, zë i të nëpërkëmburve, zë i bujqëve dhe blegtorëve, zë i mësimdhënësve, i afaristëve, i mjekëve, do të jem zëri i punëtorëve të shkelur. Mbi t’gjitha, do të vazhdoj të mbetem miku e vëllau i juaj në vazhdimësi.
Ju faleminderit prej zemrës e #meZemër!

Gjashtë të akuzuarve në procesin gjyqësor për fajde, detyrim e krim të organizuar u është ndërprerë paraburgimi.
Në seancën gjyqësore në rastin e 14 të akuzuarve për fajde, detyrim, krim të organizuar, e vepra tjera penale të paraburgosurve që dy vjet u është ndërprerë kjo masë.

Nga 14 të akuzuarit, në paraburgim mbi dy vjet po mbaheshin Tunë, Gjon, Marian e Kastriot Kqira, Benson Buza dhe Besfort Omaj.

Lajmin për ndërprerjen e paraburgimit për KALLXO.com e konfirmoi avokati Esat Gutaj.

“Të gjithë të akuzuarit nga nesër do të jenë në arrest shtëpiak, atyre do t’u ndërpritet masa e paraburgimit dhe do t’u zëvendësohet me masën e arrestit shtëpiak”, tha avokati Gutaj.

Më 7 prill Tunë e Gjon Kqira ishin liruar nga paraburgimi, i cili u ishte kthyer në arrest shtëpiak, por Gjykata e Apelit pa u bërë një muaj ua ktheu këtë masë të akuzuarve.

Tunë Kqirës i ishte ndërprerë paraburgimi edhe më 2 qershor.

Deputetja e PDK-së nga Prizreni, Luljeta Veselaj-Gutaj, ka falënderuar votuesit për besimin e dhëne me 11 qershor.

“Fitorja është nderim por njëkohësisht përgjegjësi”, shkruan Veselaj-Gutaj në Facebook.

Postimi i plotë

Të dashur qytetarë,

Sot, po ndihem shumë e përulur, falenderuese dhe krenare.
Tanimë u publikuan edhe rezultatet zyrtare nga ana e KQZ-së, gjithashtu u rikonfirmua fitorja e PDK-së dhe koalicionit për konstituimin e institucioneve.

Zyrtarisht u konfirmua që edhe une do të jem pjesë e legjislaturës së re për herën e dytë në Parlamentin e Kosovës.

Të gjithë Ju, secilin votues nga e gjithë Kosova që më përkrahët, më besuat dhe më vlerësuat në këtë mandat të dytë për deputete, juve ua dedikoi këtë sukses e fitore të radhës. Vazhdojmë bashkarisht me bashkëpunimin edhe më të madh duke u angazhuar që çështjet dhe nevojat e përbashkëta ti shtyjmë përpara për të mirën e fëmijëve tanë dhe vendit tonë. Sfidat do ti kalojmë bashkë me sukses për Prizrenin dhe Kosovën!

Një FillimiRi, vërtetë çdo herë e më shumë po kërkon model me më shumë punë e sa më pak fjalë. Fitorja është nderim por njëkohësisht përgjegjësi!
Me konsideratën më të lart personale e familjare, pranoni mirënjohjen tonë të sinqertë dhe të përzemërt për mbështetjen e madhe e të vazhdueshme që më keni dhënë.

Ju simpatizantë, anëtarë e struktura të Partisë Demokratike anembanë Kosovës, miqësi, familjarë e dashamirë, Falemnderit!
Kur jemi të bashkuar dhe i besojmë njëri tjetrit gjatë rrugëtimit të përbashkët e pashmangshme është fitorja.
Vlerësimi dhe Besimi juaj, është nderim, përgjegjësi dhe detyrim për mua.
URIME!
Me respekt,
Luljeta Veselaj-Gutaj