I akuzuari për vjedhje të biçikletës, F. B. u shpall fajtor në shqyrtimin gjyqësor  në Gjykatën Themelore në Prizren. Ndaj tij u shpall aktgjykim dënues, sipas të cilit ai u dënua me 240 euro gjobë dhe 8 muaj burgim me kusht. Dënimi me burgim nuk do të ekzekutohet nëse i njëjti nuk kryen vepër tjetër penale brenda 2 viteve.

Pasi gjykatësi Refki Piraj e njoftoi të akuzuarin me të drejtat e tij, i njëjti, pa praninë e mbrojtësit, u shpall fajtorë për vjedhje e biçikletës. Gjykatësi Piraj e njoftojë tani të dënuarin,  se mund të bëjë ankesë lidhur me këtë aktgjykim.

Sipas aktakuzës nga Prokuroria Themelore në Prizren, F. B. me qëllim që vetit ti sjell përfitime të kundërligjshme pasurore, ka hyrë në shtëpinë e të dëmtuarit B. J. dhe nga aty ka marrë biçikletën e markës “Herkules”. Të njëjtën me pas i’a shet përsonit tjetër, me shumë prej 15 eurove.

Ndryshe, sipas Kodit Penal të Republikës së Kosovës, vepra penale “vjedhje” nga neni 325, është e dënueshme me gjobë dhe me burgim deri në tre (3) vjet./betimiperdrejtesi/

Një person është arrestuar në Prizren.

Arrestimi i tij është bërë me urdhër të Gjykatës Themelore në Prizren.

Policia njofton se i arrestuari ka qenë në kërkim të organeve të drejtësisë.

Ai është dërguar në mbajtje./PrizrenPress.com/

Policia Rajonale e Prizrenit gjatë bastisjes së një shtëpie ka gjetur dhe konfiskuar, substancë të dyshuar narkotike të llojit marihuanë, një peshore digjitale e cila dyshohet se ka shërbyer për matjen e narkotikëve, tre grindura që shërbejnë për bluarjen e narkotikëve, fara të ndryshme për lëndë narkotike, një substancë e ngurtë që dyshohet të jetë e llojit kokainë.

Sipas policisë tek i dyshuari janë gjetur edhe tri paketime të mbështjella me foli alumini, me substancë të dyshuar narkotike të llojit marihuanë, dhe dy telefona.

I dyshuari është arrestuar dhe pas intervistimit me urdhër të prokurorit është liruar në procedurë të rregullt.

Nebih Berisha është dënuar sot nga Gjykata në Priztren për vrasjen e Zejnepe Berishës.

Nebih Berisha është dënuar me 12 vjet e gjashtë muaj burg për vrasjen bashkëshortes së tij Zejnepe Berishës.
Vendimi është shpallur sot nga gjykata e Prizrenit.

Nebih Berisha akuzohet se në mbrëmjen e 23 tetorit 2015 në shtëpinë e tij duke përdorur një thikë e privoi nga jeta bashkëshorten Zejnepe Berisha dhe i shkaktoi lëndime trupore vajzës së tij.

Gjatë fjalës përfundimtare të këtij procesi të zhvilluar të martën, Esat Gutaj, avokati i Nebih Berishës, kishte kërkuar që të mbrojturit të tij gjykata t’i caktojë masën e trajtimit të detyrueshëm psikiatrik me ndalim në institucionin e kujdesit mental, ngase, sipas tij, vetë ekspertiza psikiatrike e ka konstatuar se i akuzuari ka aftësi esencialisht të zvogëluar./kallxo.com/