Këngëtarja e njohur e muzikës popullore, Shyhrete Behluli gjatë ditës së djeshme ka publikuar këngën më të re.
Kënga më e re e Behlulit mban emrin “Për shoqni” dhe është me tekst të Ilir Beranit.
Ky është projekti më i ri i këngëtares e cila numëron shumë hite ndërsa edhe kjo këngë, ashtu si pothuajse të gjitha këngët e fundit është e realizuar me videoklip.
Për videoklipin është përkujdesur produksioni “Mproduction”.
Drejtësisë në Kosovë që nga paslufta, por edhe tani në vazhdimësi, i ka munguar një qasje serioze, por edhe interesimi që ajo të forcohet e të bëhet sa më efikase dhe e mirëfilltë. Veç kësaj, analistët e kësaj fushe, deputetët e Kuvendit të Kosovës, por edhe opozita kanë thënë se me sistemin e drejtësisë janë bërë pandalshëm eksperimente që nga koha e UNMIKU-u dhe më pas edhe nga EULEX-i, por edhe nga njerëzit e mafio-politikës vendore, duke e shkatërruar kësisoj dhe lënë sistemin e drejtësisë në këtë gjendje dhe shumë të dobët.
Analisti Shefqet Dibrani, në një prononcim për gazetën “Kosova Sot”, ka thënë se në sistemin e drejtësisë ka pasur eksperimente të shumta dhe të nduarduarta, dhe ato, sipas tij, kanë ndodhur jo vetëm aty, por gjithkund, gjë që ky kaos është reflektuar drejtpërdrejt në jetën qytetare, në administratën shtetërore dhe kudo.
“Pasi këto gjëra janë bërë edhe në drejtësi, dështimi është reflektim i kësaj ndërhyrjeje, duke i ngadalësuar kësisoj proceset e shumta, që janë grumbulluar në kohën e sistemit komunist dhe atë të tranzicionit fillestar, duke bërë që në Kosovë të jenë të paprekshëm bashkëpunëtorët e UDB-së dhe të KOS-it, madje bashkë me bijtë e tyre të shpërndarë nëpër OJQ dhe si këshilltarë të oligarkëve politikë. Rrjedhimisht, ky kaos me ligje e norma, të cilat jo rrallë kanë qenë të pazbatueshme, ka qenë një livadh për të kullotur pa pengesa oligarkët dhe mafio-politika e Kosovës”, thotë ai.
Mafia e shfrytëzoi kaosin ligjor Tutje, në këtë drejtim Dibrani ka thënë se jemi dëshmitarë të asaj se jo pak ligje dhe norma juridike kanë rënë në kundërshtim të njëra-tjetrës, derisa, siç tha, shumë ligje nuk kanë mundur të adaptohen as nga EULEXi, që ishte pasardhës i UNMIK-ut, e lëre më nga institucionet e drejtësisë në Kosovë.
“Me sa duket, këtë konflikt dhe këtë gjendje kaotike e ka shfrytëzuar me perfiditet mafia e politikës në Kosovë, e cila ka instaluar pa asnjë pengesë sistemin e haraçit, përmes së cilit ka lulëzuar krimi ekonomik dhe ai politik, që e ka prekur gjithë sistemin administrativ në Kosovë, duke filluar nga ai qendror e deri në nivelin lokal”, u shpreh ai.
Veç kësaj, Dibrani shton se edhe vetë fakti se struktura e prokurorëve dhe gjyqtarëve nga sistemi komunist i kohës së Serbisë, është lejuar që të vazhdojë punën me struktura të paprekshme, sipas tij, kjo nënkupton se një pjesë e tyre duke u përpjekur që t’i mbulojnë veprimet e atij sistemi, kanë bërë gabime të reja, gjë që efikasiteti i drejtësisë nuk ka mundur të preket e përjetohet nga qytetarët e Kosovës.
“Andaj, si duket oligarkët e politikës së Kosovës me mjeshtri i kanë përdorur hipotekat e së kaluarës së tyre duke i shndërruar prokurorë dhe gjyqtarë në levë jo të pushtetit, por të interesave të grupeve të caktuara”, tha ai.
Hipotekat e së kaluarës Sipas Dibranit, njerëzit e sistemit të kaluar, qofshin edhe eprorë të njohur, që kanë punuar në UDB dhe KOS, kanë vazhduar paprekur veprimtarin e tyre në dëm të Kosovës, dhe ata nuk e kanë harruar zanatin e hershëm për t’u shërbyer interesave të Serbisë, në dëm të interesit kombëtar dhe nacional.
“Natyrisht disa i kanë pasur hipotekat nga sistemi paraprak, ku një pjesë e gjyqtarëve dhe prokurorëve mund të jenë korruptuar, të tjerë janë shantazhuar, e shumë e shumë të tjerëve u ka pamundësuar veprimi i mirë, që do të thotë se pa spastrimin e listave nëpër partitë politike, dhe pa ua ndaluar me ligj të tillëve, që të jenë përfaqësues të popullit edhe në pushtetin legjislativ, vështirë se do të bëhen hapa konkretë në sistemin e drejtësisë. Por, si duket vetë kupola e krimit lidhet drejtpërdrejt, ose në mënyrë indirekte, me kupolën e politikës, të cilët si duket janë edhe kupola e krimit ekonomik dhe politik në Kosovë”, është shprehur Dibrani.
Deputeti nga radhët e koalicionit në pushtet nga LDK-ja, Adem Salihaj, tha se Kosova paimagjinueshëm është larg vendosjes së një sundimi të ligjit.
“Në anën tjetër, një shtet ku nuk sundon ligji, por sundon mafia asnjëherë nuk do të bëhet shtet i mirëfilltë, por do të jetë një shtet ku sundojnë kriminelët e të gjitha ngjyrave, e veçanërisht krimi i organizuar dhe i lidhur me politikën”, ka theksuar deputeti Adem Salihaj për gazetën “Kosova Sot”
Duhet të iniciohet reforma Eksperti i fushës së sundimit të ligjit, Blerim Burjani, thotë se eksperimente të shumta janë bërë në këtë drejtim që prej kohës së UNMIK-u, ku ky mision, sipas tij, kishte bërë disa dështime, por edhe kishte zhvilluar një program të rikonstruimit të drejtësisë në Kosovë me kuadro të vjetra, dhe që aty kishte kuadro, të cilët kishin punuar në drejtësinë e dhunshme gjatë viteve të 90-ta, derisa më pas kishte filluar të rekrutojnë kuadër të ri. Ai tha se problemet e drejtësisë së UNMIK-ut ishin edhe në mandatet kontraktuese të dhëna, përderisa EULEX-i kishte marrë kompetenca vendore, duke respektuar ligjet aktuale, por duke vepruar njëjtë për rastet e rënda.
“Andaj, përplot eksperimente janë bërë në drejtësinë vendore, duke vendosur edhe kuadro me ndërhyrje nga bosët e politikes, të cilët i referuan ata për qëllime të caktuara, gjersa ndikimi apo ndërhyrja këtu vlerësohet se bëhet nga njerëzit e të gjitha partive. Andaj, presidenti duhet që të fillojë inicimin e reformës së bashku me KGJK-në dhe KPK-në, ngase është edhe garantues i funksionimit të institucioneve demokratike e të pavarura. Pra, në këtë aspekt, Thaçi ka problem si duket t’i kuptojë kompetencat kushtetuese ose qëllimisht u shmanget atyre kompetencave”, ka potencuar Burjani për gazetën “Kosova Sot”.
Nënkryetari i AAK-së, Ahmet Isufi, ka bërë me dije se jo vetëm se është bërë eksperiment, por edhe është lënë qëllimisht niveli i sistemit të drejtësisë i dobët, në mënyrë që, sipas tij, krimi i organizuar dhe korrupsioni të lulëzojnë dhe në të njëjtën kohë të ketë vërejtje edhe nga mekanizmat e ndryshëm vendorë dhe ndërkombëtarë.
“Ne mendojmë se është dashur që të ketë shumë kujdes, sidomos në rend dhe ligj dhe në drejtësi, sepse funksionimi i shtetit varet shumë nga stabiliteti ligjor e juridik, por nuk ka ecur një projekt i tillë”, tha ai. / Kosova Sot
Lucy Watson nuk ka respekt për armiqtë e saj, të cilët e kishin kritikuar për format e saj trupore. Ajo ka ndarë më ndjekësit e saj në Instagram një imazh super sexy.
26-vjeçarja Made In Chelsea dukej si yll me pamjen e saj, duke iu përgjigjur kështu atyre që diskutuan formën e saj.
Një shishe me pije alkoolike u ka shkaktuar vdekjen të paktën 21 personave. Ngjarja ka ndodhur në shtetin indian Uttar Pradesh. Policia ka arrestuar një person që mendohet se është përgjegjës për shitjen e pijes.
Lajmin e bën të ditur “Zee News”, sipas të cilës, të premten e kaluar, pesë persona kanë ndërruar jetë menjëherë pasi kishin shfaqur simptoma helmimi, ndërsa gjashtë të tjerë kanë humbur shikimin pasi kanë konsumuar pijen e blerë në një dyqan të zonës rurale ku jetonin.
Guvernatori i shtetit të Uttar Pradeshit, Akhilesh Yadav, ka urdhëruar pezullimin e menjëhershëm të disa gjyqtarëve dhe funksionarëve lokalë.
Dyshohet se pija që u mori jetën 21 personave ka qenë e falsifikuar dhe jashtë të gjitha parametrave të përcaktuar nga ligji.
Një krim i rëndë në familje ka ndodhur në Shkodër, ku gruaja i ka marrë jetën të shoqit duke e qëlluar për vdekje me sëpatë teksa ai flinte.
Mësohet se ngjarja e rëndë ka ndodhur gjatë natës duke u gdhirë e hënë në fshatin Barbullush të Vaut të Dejës. Gjatë natës 35- vjeçarja Mirela Buzalli ka vrarë në gjumë me sëpatë bashkëshortin e saj Shkëlzen Buzalli 45 vjeç.
Pas krimit e dyshuara është vetëdorëzuar në komisariatin e policisë të Vaut të Dejës, duke treguar gjithçka. Paraprakisht dyshohet se çifti ka pasur konflikte të vazhdueshme, ndërsa grupi hetimor po punon për zbardhjen e plotë të rrethanave të ngjarjes.
Shkrimtari turk, Orhan Pamuk, Fitues i Çmimit Nobel, ka folur rreth situatës kaotike në Turqi, pas tentativës së ushtarëve për grusht shteti ndaj Presidentit Recep Tayyip Erdoan.
Ai ka thënë se ushtarët nuk janë zgjidhja e problemeve të Turqisë.
“Grushti i dështuar i shtetit në Turqi, që shkaktoi shumë viktima, edhe mes civilëve, gjatë përplasjeve që ndodhën natën e të premtes, më shkakton një dhimbje të thellë”.
“Edhe unë, ashtu si miliona qytetarë turq, natën e të premtes kalova orë të tëra përpara televizorit, duke parë në mënyrë të drejtpërdrejtë zhvillimin e grushtit të shtetit, dhe rezistencën që iu bë prej rrjeteve televizive”.
“Edhe unë i përqendruar, bashkë me miliona telespektatorë të tjerë, në tentativën për të kuptuar se çfarë po ndodhte në të vërtetë”.
“Dua të them se unë kam një besim të plotë te demokracia. Pastaj, për shumë arsye të ndryshme, unë jam kritik ndaj Qeverisë aktuale të AKP, Partisë për Drejtësi dhe Zhvillim. Megjithatë, dua ta them me shumë qartësi se grushtet ushtarake të shtetit nuk janë kurrë një zgjidhje për problemet e Turqisë”.
“Gjatë jetës sime kam parë tre grushte shteti ushtarakësh ‘të suksesshëm’, dhe katër ‘të dështuar’… Të gjithë ata i kanë bërë problemet e Turqisë edhe më të mëdha, dhe njerëzit edhe më të pakënaqur. Kështu që, ndihem i lehtësuar që, partitë e opozitës shprehën qysh në fillim kundërshtimin e tyre ndaj grushtit të shtetit. Sepse, e ardhmja e Turqisë është te demokracia e plotë”, ka shkruar Pamuk në mesazhin e tij. / Bota.al
Kryeministri Edi Rama ka thirrur në një mbledhje urgjente ministrat e tij.
Zhvillimet vijnë pas deklaratës bombë të Ilir Metës që paralajmëroi rënien e koalicionit dhe kërkoi qeveri teknike me dhe pa reformën në drejtësi.
Burime të sigurta i thanë Opinion.al se në orën 20:00 të mbrëmjes së sotme Rama ka thirrur urgjent në vilën qeveritare në Durrës, ministrat e PS dhe eksponentë të lartë të Partisë Socialiste.
Mbledhja po vazhdon edhe në këto momente. Opinion.al do tju informojë në vazhdimësi mbi të gjitha zhvillimet në vazhdim.
Gjenerali turk, Adem Huduti – me origjinë nga Kosova e i cili po akuzohet se ishte prapa puçit kundër pushtetit të presidentit turk Recep Tayyip Erdogan – një pjesë të fëmijërisë së hershme e kaloi në fshatin Reçan të Prizrenit. Në këtë lokalitet, ende jetojnë një pjesë e kushërinjve të tij, kryesisht nga ana e nënës.
Ata tregojnë se Huduti u largua nga Kosova në moshën pesëvjeçare, bashkë me familjen e ngushtë të tij.
Një kushëriri i tij thotë se kontaktet me të afërmit e tij në Turqi nuk i ka humbur, veçse me gjeneralin rrallë fiste.
E, një kushërirë tjetër e Hudutit, thotë se gjenerali turk me prejardhje nga Kosova nuk është shqiptar. /Klan Kosova/
Kjo, sipas medieve turke, e rrit frikën për një puç të ri ushtarak kundër Erdoganit.
Së paku 42 helikopterë janë zhdukur në Turqi që nga nisja e puçit ushtarak kundër presidentit Erdogan dhe institucioneve shtetërore.
Kjo, sipas medieve turke, e rrit frikën për një puç të ri ushtarak kundër Erdoganit.
Megjithatë, ministri i Mbrojtjes i Turqisë, Fikri Isik ka mohuar informacionet për zhdukjen e disa avionëve.
“Prej mbrëmë flas, momentalisht nuk ka avion të zhdukur. Edhe unë më herët kam dëgjuar informacionet se janë zhdukur pesë-gjashtë helikopterë, se është zhdukur një avion, por kjo as për së afërmi nuk është e vërtetë”, ka pohuar Isik.
Ditët e mërkura në sheshin “Shadërvan” në Prizren është një traditë e lashtë kur dalin plot lëkurëpunues dhe ua ofrojnë lëkurat e përpunuara të dhisë, deles ose edhit për tupanxhinjtë e këtij qyteti. Ata pohojnë se dita e mërkurë është për faktin se lodraxhinjtë ose tupanxhinjtë goditen dhe bëjnë pazare për dasma, që në traditën e shumë fshatrave të Prizrenit ruhen me fanatizëm të madh. Kryesisht ata ofrojnë lëkurë dhie të përpunuar të zbardhuar për mrekulli, sepse ato lëkura kanë elasticitetin më të mirë, tregon Isak Elezi, shkruan gazeta Kosova Sot.
Ky elasticitet bën që tupanët, daullet të lëshojnë më shumë zhurmë dhe të ndihen larg lodrat. Ky qytet edhe në lashtësi ishte i njohur për përpunimin e lëkurës. Është e njohur Lagjja e “Tabakhanes”, që ka marrë këtë emër, pasi që aty bëhej përpunimi i lëkurës me të gjitha proceset përkatëse: larja, tharja, ngjyrosja etj. Në fund të shek. XIX në këtë lagje kanë punuar qindra punëtorë për përpunimin e lëkurës (tabakët). Kompleksi i “Tabakhanës” gjendet në anën e djathtë të Lumëbardhit në mes të Xhamisë së Ahmed Beut, Xhamisë së Suziut dhe ndërtesës së Beledijes. I pari këpucëtar në Prizren thuhet se ka ardhur nga Budapesti.
Zeja e vjetër
Zeja e tabakëve është ndër më të vjetrat në Prizren dhe ka pasur ndikim të madh në tregun ekonomik dhe zhvillimin tregtar të qytetit. Arkitektura e “Tabakhanes” u është përshtatur nevojave të punës: janë hapur kanale dhe jaze për të shfrytëzuar ujin e lumit. Kompleksi i “Tabakhanes” përfshin objektin administrativ, punëtorinë e lëkurës, mullirin dhe objektet e tjera përcjellëse. Prof. dr. Mejdi Elezi pohon se edhe faktet historike, por edhe gojëdhëna thotë se në Prizren u mirëprit, sepse filloi të prodhojë këpucët e para të kohës, ngase këtu ishin të njohur ustallarët e opingave. Të parat kryesisht nga lëkura e buallicës e më vonë edhe nga lëkurat e tjera.
Ata në trashëgimi krijuan lëkurën e meshinit, duke prodhuar përveç këpucëve edhe kolona për fishekë, opinga “krygali” të punuara prej lëkurës e të zbardhuara prej zhtavitjes, e cila qepej mbrapsht e kthehej mbarë ku pastaj u qepej thembra me një pjesë lëkure, u shtohej rripi me mbërthecka dhe krijonte opinga për fëmijë që ndryshe i quanin edhe “qystele”. Si bazë e kishin lëkurën e trashë me sholla. Pastaj bënin maja zbukuruese dhe opinga llastiku dhe qepja nuk iu dukej fare. Ata prodhonin edhe takëme për kuaj shala të vendit “bashibozukë”, që kështu quheshin, kullona të ndryshëm, rregullonin zbukurime për kuaj, qafëza, jaka e kështu me radhë. Kanë ekzistuar mijëra vjet më parë dhe krijimtaria e tyre ka përjetuar ndryshime të shumta”, pohon Elezi.
Vërshimet e dëmtuan lagjen
Pas vërshimeve të 17-20 nëntorit 1979, lagjja “Tabakhane” pothuajse tërësisht u shkatërrua dhe humbi pamjen e vet karakteristike, kështu që tani kanë mbetur vetëm mulliri dhe depoja e lëkurës. Mullisi Maliq Gërmizaj për “Kosova Sot” tregon se vetëm mulliri tij dhe objekti i grumbullimit të lëkurave e kanë ruajtur lashtësinë e kësaj lagjeje, që dikur ishte perla e trashëgimisë. Lumbardhi e rrënoi dhe tashmë ajo nuk ka as mundësi e as kushte të rikthehet në atë lagje të bukur, tregon Mejdin Rramanaj, historian. Kurse, Mujë Berisha, po kështu historian, pohon se kjo lagje duhet të restaurohet, sepse ishte një lagje me rëndësi për kohën e veprimit të vet, ngase në vete ka edhe një pjesë të historisë. Lëkura e përpunuar e kafshëve ka shumë përdorime si p.sh. në prodhimin e këpucëve, çantave, rripave, veshjeve etj.
Sot në shumë përdorime të saj ajo është zëvendësuar nga lëkura sintetike (nën-produkt i naftës) thotë profesor Sylejman Randobrava, njëherësh edhe njohës i përpunimit të lëkurës. Ai tregon se që lëkura e kafshëve të therura të bëhet e përdorshme ajo duhet përpunuar. Bërja e lëkurës natyrale me metoda artizanale është një proces i gjatë dhe i vështirë. Lëkurat e përdorura mund të jenë të gjedhit, deleve, dhive, edhit etj,. Për t’i ruajtur lëkurat nga prishja derisa të fillonte përpunimi i tyre, lëkurat kriposeshin, në të thatë ose në shëllirë. Përpara fillimit të përpunimit lëkurat regjeshin për rreth 24 orë në ujë që të zbuteshin dhe t’u largohej kripa. Pastaj pastroheshin në ujë të bollshëm. Lëkura regjej në ujë gëlqeror, në finjë që është përpunim hiri, ose në urinë. Regjja i fryn lëkurat dhe lehtëson heqjen e pjesës së sipërme të lëkurës (epidermës), nxjerrjen e qimeve me thikë dhe pastaj tanizimin. Guri gëlqeror digjej në furrë për të përgatitur gëlqeren CaO, kjo shuhej me ujë dhe përgatitej kështu uji gëlqeror. Gropa e regjjes mbushej me ujë gëlqeror dhe lëkerat liheshin rreth 1 muaj të regjeshin në të. Çdo ditë lëkurëpunuesi trazonte lëkurët në ujin gëlqeror që procesi të përshpejtohej.
Regjja e lëkurës
Lëkura lihej të regjej disa javë. Çdo javë përzierja zëvendësohej me një përzierje të re, derisa lëkurëpunuesi gjykonte se lëkura ishte regjur mjaftueshëm. Lëkura hiqej dhe lihej të thahej. Lëkurat kanë trashësi të ndryshme. Në varësi të qëllimit të përdorimit të tyre, lëkurat holloheshin. Hollimi i lëkurave bëhej me një thikë, pasi lëkura ishte lagur. Ky është një proces që kërkon shumë eksperiencë, sepse është e lehtë bërja e vrimave në lëkurë ose prodhimi i lëkurave me trashësi të ndryshme. Lëkura tani është e fortë si dërrasë. Në vartësi të përdorimit, nëse lëkura duhet të jetë më e butë, lëkurëpunuesi e regjte në ujë dhe pasandaj lyente anën e saj të brendshme dhe të jashtme me yndyrë.
Zbutja me yndyrë rrit dhe jetëgjatësinë e lëkurës. Kjo bëhej duke mbledhur fara të yndyrta, shtypur në havan dhe më brumin e përfituar fërkohej ana e brendshme e lëkurës. Ose përdorej yndyrë e përzier me ujë me sapun, ose e verdha e vezës, ose trutë e vetë kafshës të ziera në ujë. Fërkohej lëkura me këtë, palosej më dysh dhe shtypej me këmbë, që yndyra të penetronte më kollaj në të gjithë lëkurën. dhe së fundi bëhej tërheqja e lëkurës. Ky proces duhej bërë nga fillimi deri në fund pa pushuar. Lëkura që është duke u tharë, tërhiqet në të gjitha drejtimet. Kjo siguron që yndyra të penetrojë në fibrat e lëkurës.
(Kosova Sot)