Kandidatët e PDK-së, nga Prizreni sot së bashku me qytetarinë politike, përfaqësuese në kuvendin e ardhshëm të Republikës së Kosovës, zyrtarisht filluan fushatën elektorale dhe premtuan që dënjesisht do përfaqësojnë zërin e qytetarëve në institucionin më të lartë politik vendimmarrës, gjatë mandatit të ardhshëm.

“Kandidatët e degës sonë, aktivitetin e parë e filluan me mbjelljen e luleve si kreacion: “Fillimi i Ri” dhe gatishmërinë e politikës vijuese të kujdesit për ruajtjen dhe kultivimin e botës së gjallë-bimësisë, si garantuese e respektimit të vlerave universale të planetit”, thuhet në komunikatën e këtij subjekti politik, përcjellë PrizrenPress.

“Pas këtij kreativiteti, aktivitetet e shpalosjes së programit ‘’Fillimi i Ri’’ nga PDK-ja, i vazhduan në shoqatat e dala nga lufta e UÇK-së, dhe në disa familje të dëshmoreve të komunës sonë. Kujdesi institucional ndaj krenarisë Kombëtare do jetë prioritet publik yni”. /PrizrenPress.com/

Policia e Kosovës njofton se në fshatin Leshan të Suharekës, ka arrestuar një person të gjinisë mashkullore, pasi që i njëjti me datë 15.03.2017, duke mashtruar, në mënyrë të kundërligjshme ka përvetësuar një autobus pronë e viktimës mashkull, shkruan PrizrenPress.

Me urdhër të prokurorit pas intervistimit i dyshuari dërgohet në mbajtje. /PrizrenPress.com/

Ndërtimi i objektit të urgjencës të shëndetësisë parësore në Malishevë ka mbetur peng i një kontesti gjyqësor ndërmjet Komunës dhe një operatori ekonomik.

Ujdia e nënshkruar ndërmjet këtyre dy palëve para disa vjetësh për realizimin e këtij projekti, sipas zyrtarëve komunalë, nuk është respektuar dhe para çfarëdo procedimi të mëtejmë duhet të pritet vendimi i gjyqësorit për këtë çështje, shkruan sot “Koha Ditore”.

Ndërkohë zgjerimi në aneksin e Qendrës Kryesore të Mjekësisë Familjare në Malishevë shihet si nevojë imediate për shkak të hapësirave të pamjaftueshme për punë në nivelin parësor shëndetësor.

Drejtori për Shëndetësi dhe Mirëqenie Sociale në Komunën e Malishevës, Hajdin Berisha, ka konfirmuar se ndërtimi i objektit të urgjencës ende nuk është kryer, pasi lënda ende është në kontest. Ai ka theksuar se operatori ekonomik që ka qenë i obliguar ta ndërtojë objektin e urgjencës, faktikisht ka falimentuar dhe tani nuk pritet që ta realizojë obligim e vet

Gazetarët e Prizrenit, do të mbajnë një mbledhje komemorative për ish-gazetarin “Rilindjes”, Ruzhdi Shusha.

Kryetari i gazetarëve të Prizrenit, Qazim Thaçi, njofton se mbledhja mbahet në ora 14,oo në lokale e SHKA”Agimi”.

Ruzhdi Shusha, ka qenë gazetar shumëvjeçar i gazetës “Rilindja ”
Përveç, gazetar, Shusha ka punuar edhe mësimdhënës.

Ishte njëri ndër themeluesit e Klubit letrar “Fan S. Noli” në Prizren.

Varrimi i tij, është bërë dje në varrezat e Prizrenit./PrizrenPress.com/

Një aksident i rëndë ka ndodhur pak më parë në Autostradën Prishtinë-Prizren. Nga ky aksident ka mbetur i vdekur një person. Rastin për Express e ka konfirmuar Policia e Kosovës.

Në hyrje të Prizrenit pak minuta më parë ka ndodhur një aksident i rëndë. Aty siç ka treguar Policia ka  mbetur i vdekur një person, derisa disa të tjerë janë lënduar.

“Po një aksident ka ndodhur pak më herët. Aty janë përplasur një veturë dhe një kamion. Nga aksidenti, ka mbetur i vdekur një pasagjer i veturës. Ai është dërguar pa shenja jetë për në spital:, ka thënë Hazir Berisha, zyrtar për informon në Policinë e Kosovës.

Ai ka thënë se nga ky aksident kanë mbetur të lënduar edhe disa persona tjerë.

“ Të tjeret që janë lënduar, janë dërguar për trajtim në spital. Me shkaqet e aksidentit është duke u marr Polica e Kosovës”, ka thënë ai.

Tre muaj burgim me kusht, ka qenë dënimi që ka shqiptuar Gjykata Themelore në Prizren, ndaj të akuzuarit për rrezikim të trafikut publik, H.  Th.

Në shqyrtimin fillestar të mbajtur të martën, i akuzuari e pranoi se ka kryer veprën penale.

I Akuzuari, i cili për këtë proces gjyqësor nuk kishte angazhuar mbrojtës, deklaroi se në ditën kur ka ndodhur aksidenti, moti ka qenë me të reshura të shiut dhe sipas tij, gjatë frenimit ka ardhur deri te rrëshqitja e automjetit të tij, me ç’rast ka shkaktuar aksidentin.

Në bazë të këtyre arsyeve dhe pas pranimit të fajësisë, ai kërkoi nga gjykata rrethana lehtësuese.

Gjykatësja, Teuta Krusha bëri shpalljen e aktgjykimit, pasi paraprakisht nuk pati kundërshtime nga ana e prokurores, Mehreme Hoxha.

Dënimi me burgim me kusht, nuk do të ekzekutohet nëse i njëjti nuk kryen vepra të tjera  penale, në periudhën kohore prej një viti.

A. Th., akuzohej se me 10 dhjetor 2015, rreth orës 18:20 minuta, në magjistralen Prizren-Gjakovë, saktësisht në fshatin Landovic, duke e drejtuar automjetin e tij, duke mos respektuar rregullat e trafikut publik, hyn në tejkalim në vijë të plotë, dhe e godet veturen e tipit “Opel Corsa”, të cilën e drejtonte, Selajdin Krsniqi, dhe më pas e godet edhe veturën e tipit “Mercedes Benz”, të cilën e drejtonte Gzim Sadiku, ku si pasojë e cilës, përveç dëmëve materiale të konsiderueshme, i shkakton edhe lëndime të lehta trupore, të dëmtuarit, S.  K.

Sipas Prokurorisë, Thaqi ka kryer veprën penale “rrezikim i trafikut publik”, sipas nenit 378 paragrafit 1, të Kodit të ri Penal të Republikës së Kosovës, e cila dënohet me gjobë ose me burgim deri në tre (3) vjet./betimiperdrejtesi/

Prokurorja Mehreme Hoxha, në seancën e së martës të mbajtur në Gjykatën Themelore në Prizren, ka hequr dorë nga aktakuza, pasi i dëmtuari, L. T. është tërhequr nga propozimi për ndjekje penale.

Prokurorja Hoxha deklaroi se tërhiqet nga aktakuza ndaj të akuzuarit G.B. , për veprën penale kanosje, sepse ndjekja penale për këtë vepër parashihet vetëm nga propozimi i palës së dëmtuar.

Ndryshe, G. B.  me 16 mars 2015 rreth orës 19:55 në Prizren, në rrugën “Sheh Emini” seriozisht i kanoset personit tjetër se do t’i shkaktoj ndonjë të keqe, në atë mënyrë i pandehuri përmes mesazhit telefonik e kanos me fjalë të dëmtuarin, Leotrim Tafallari, me të cilat veprime te i dëmtuari është shkaktuar frikë.

Sipas Prokurorisë, i akuzuari ngarkohej  më veprën penale “kanosje”, sipas nenit 185 paragrafit 1, të Kodit të ri Penal të Republikës së Kosovës, e cila dënohet me gjobë ose me burgim deri në gjashtë (6) muaj./betimiprdrejtesi/