Udhëheqësi i NISMA’s për Kosovën, Jakup Krasniqi, ka konfirmuar për Gazetën Express se ka ndodhur një takim sot ndërmjet udhëheqësve të AAK’së, VV e NISMA’s për Kosovën.
“Kemi diskutuar edhe për koalicioni parazgjedhore e paszgjedhore”, ka thënë Krasniqi për Express.
Ai ka treguar se në takim ishte edhe ish-Ambasadori Wolker, ndërsa, takimi ka ndodhur në Parkun Gërmia, në periferi të Prishtinës. Muharrem Nitaj i AAK’së ka thënë se takimi i udhëheqësve të partive ishte ide e Ambasadorit Wolker.
Këngëtari i njohur kosovar Genc Salihu, ka promovuar librin e tij poetik ‘Plane për jetë’, në Tiranë, shkruan KultPlus. Ky libërth siç e ka quajtur vetë Genci, është promovuar në ambientet e ‘librAria’ te liqeni artificial. Gjatë këtij promovimi i pranishëm ishte edhe Erion Veliaj, i cili nuk la pa lexuar edhe një poezi nga libri i Gencit për të pranishmit.
“Sot e promovova libërthin tim poetik ‘Plane për jetë’ te librAria në parkun e liqenit në Tiranë. Nr. 1 i Tiranës, miku im Erion Veliu, i cili foli për librArinë dhe afrimin e qytetit me qytetarët përmes projekteve si ky, më nderoi me nji lexim publik të poezisë time ‘Tezja Dritë’. Flm shtëpinë Dudaj për gjithçka & nji bravo për iniciativën librAria – mos e leni pa e vizitu”, k ashkruar Salihu në facebook.
Redaktor i librit ‘Planë për jetën’ është Gazmend Bërlajolli, kopertina nga Jeta Dobranja/Trembelat dhe botues Dudaj.
Pikërisht më 13 maj të vitit 1999, në fshatin Korishë të Prizrenit, si pasojë e kurtheve të ngritura dhe të montuara nga forcat serbe, aleatët e vendit tonë, aksidentalisht goditën popullatën e cila ishte e rrethuar dhe mbaheshin rob nga forcat ushtarake, policore dhe paramilitare serbe.
Si pasojë e kësaj, natën e 13 majit të vitit 1999, u vranë 77 civilë, në mesin e tyre gra, burra, pleq e plaka, dhe fëmijë të pafajshëm.
Familja Ahmetaj, ishte ajo që pësoi më së shumti nga kjo tragjedi, me ç’rast humbi 41 anëtarë të familjes së saj, pastaj familja Kukaj 12 anëtarë, familja Dakaj 4 anëtarë, familja Xhaferi 3 anëtarë, dhe familja Rexhaj një anëtarë, të gjithë nga fshati Korishë i Prizrenit, shkruan kp.
Në tragjedinë e 13 majit të vitit 1999, pësuan edhe familja Suka nga fshati Bllacë i Suharekës ku ka humbur gjithsej 7 anëtarë, familja Palushi nga Budakova 3 anëtarë, dhe familja Behluli nga Mushtishti dhe familja Selimi nga Grejkoci i Suharekës kanë humbur nga një anëtarë të familjes.
Ish-gazetarja, Arbana Xharra, e cila ditë më parë iu bashkua partisë të cilën e kritikoi më së shumti, PDK-së, është rrahur mbrëmë brutalisht nga persona ende të panjohur.
Rasti kishte ndodhur mbrëmë pas mesnatës ndërsa në QKUK ishte dërguar nga bashkëpartikët e saj.
Ndërkaq, këtë rast e kanë dënuar shumë qytetarë të thjeshtë e njerëz të politikës.
Kryeministri në largim, Isa Mustafa, këtë sulm e ka quajtur akt të ulët dhe të turpshëm.
“Sulmi mbi Arbana Xharrën është akt i ulët dhe i turpshëm. Kryerësit duhet të sillen para drejtësisë”, ka thënë Mustafa.
Presidenti i Kosovës, Hashim Thaçi, në një postim në Facebook, ka thënë se “me këtë sulm të ulët nuk janë cenuar vetëm Arbana dhe familja e saj, por edhe parimet dhe vlerat demokratike mbi të cilat po e ndërtojmë shoqërinë tonë”.
“Jam thellësisht i tronditur dhe i shqetësuar me sulmin kundër Arbana Xharrës. Është krejtësisht i papranueshëm dhe i dënueshëm përdorimi i dhunës dhe asgjë nuk e arsyeton atë”.
“Si shoqëri nuk bën të lejojmë që dhuna të bëhet mjet i shprehjes së pakënaqësisë sonë”.
“Me këtë sulm të ulët nuk janë cenuar vetëm Arbana dhe familja e saj, por edhe parimet dhe vlerat demokratike mbi të cilat po e ndërtojmë shoqërinë tonë”.
“Organet e rendit duhet ta zbardhin në tërësi rastin dhe t’i sjellin sulmuesit para drejtësisë”, ka komentuar Thaçi.
Enver Hoxhaj, ministri në largim i Punëve të Jashtme, është ndierë thellësisht i tronditur nga “sulmi qyqar ndaj Arbana Xharrës”.
“I shokuar nga ajo që mund ti ndodhë një gruaje, një nëne dhe mbi të gjitha një aktiviste të guximshme në tërë këto vite që nuk ka hezituar t’i thotë hapur dhe pa frikë gjërat të cilat i mendon. Kemi dështuar të tërë që nuk kemi mbrojtur një grua e cila i thotë mendimet ndryshe. Jo toleranca jonë ndaj njerëzve që nuk pajtohemi me ta po na shtyn drejt këtyre ngjarjeve të papranueshme. Mjaft më! Të bashkëndjejmë të gjithë. Ta dënojmë të gjithë! Sulmuesit para drejtësisë. Arbana, shërim të shpejt”, thuhet në reagimin e Hoxhajt.
Sulmin e mbrëmshëm ndaj Arbana Xharrës e ka dënuar edhe kryetari i AAK-së, Ramush Haradinaj.
“Sulmi ndaj Arbana Xharrës, është i papranueshëm dhe i dënueshëm. Aktet e tilla janë edhe kundër logjikës dhe traditës shqiptare. U kërkoj organeve të rendit që ta zbardhin këtë rast, dhe t’i nxjerrin para drejtësisë kryesit e këtij akti të lig”, u shpreh Haradinaj.
Po ashtu, shërim të shpejtë dhe kapje të kriminelëve i ka uruar edhe deputetja e Vetëvendosjes, Albulena Haxhiu.
“E kam thënë edhe kur u sulmuan Dardani dhe Agroni se ata që sulmojnë prapa krahëve dhe në errësirë janë as më shumë dhe as më pak kriminel por mbi të gjitha frikacakë e qyqarë. Metodat e tilla, tashmë janë të njohura për ne! Moszbardhja e kërcënimeve dhe sulmit ndaj aktivisteve tanë, i ka inkurajuar sulmuesit e kriminelet, që për bindjen time janë nga e njëjta adresë, sepse janë metoda SHIK-iste! Uroj që kriminelët të identifikohen sa më parë dhe të dalin para drejtësisë! Arbanës, shërim të shpejt”, ka shkruar ajo.
Edhe deputeti tjetër i Vetëvendosjes, Fisnik Ismaili, e ka dënuar dhunën e ushtruar ndaj Xharrës, duke thënë se dhuna nuk arsyetohet me kurrgjë, posaçërisht dhuna ndaj një gruaje, sado keqkuptime a inate që mundesh me pas me të në shpi, punë, apo thjesht, në rrugë.
“Arbanë, njajtë si për ty, qashtu edhe për plot gra që janë abuzue e vra prej burrave të tyne, edhe për plot aktivista që janë rrehë e vra për shkak të bindjeve të tyne politike, edhe për plot studenta e nxanësa që po rrahen e vriten nëpër oborre të shkollave, unë s’kam me u ndalë tuj lypë drejtësi. Qekjo shoqni, me qet sistem, po krijon bisha. Në mungesë të drejtësisë, këto bisha po e marrin lirinë me rrehë, dhunue e vra, pa frikë se kanë me u zanë. More, qoftë nga problemet familjare, politike apo fetare, ai që është i dhunshëm duhet me shkue n’burg. Pikë. Sinqerisht po shpresoj se ata që të sulmuen kanë me u gjetë edhe dënue sa më shpejt. Por edhe sinqerisht po shpresoj që kurrkush nuk ta (keq)përdorë këtë incident për përfitime politike, duke e dijtë se kujt iu ke bashkëngjitë. E as mos e përjashto mundësinë që pikërisht ata vetë kanë mujtë me ta ba këtë, tuj i njoftë çka janë në gjendje me ba, e qe ti henez ke me e kuptue. Të dëshiroj shërim të shpejtë, e të uroj angazhim të pashoq në luftën kundër dhunës, posaçërisht asaj ndaj grues. Qaty ku munden edhe rrugët me na u kryqye nganjëherë”, ka shkruar Ismaili në Facebook.
Edhe ministri tjetër në largim, ai i Diasporës, Valon Murati, ka thënë se sulmi ndaj Xharrës, “edhe pse pa i pasur informatat e plota, po reflekton linçimin publik që iu bë veprimeve të saj të fundit politike”.
“Liria e mendimit, shprehjes dhe e përcaktimit politik janë themelet e një shoqërie të lirë, vlera pa të cilat nuk mund të ndërtojmë demokracinë. Është obligim i gjithë nesh që t’i mbrojmë këto vlera, sepse nëse bëhemi opurtunistë, shumë lehtë mund të jemi viktima e radhës e intolerancës. Shpeshherë mund të mos na pëlqejnë mendimet e të tjerëve dhe shprehja e tyre publike, por përveç tolerancës, debatit publik apo edhe të padisë civile kur konsiderojmë se liria e shprehjes është keqpërdorur për të shpifur, rrugët e tjera na dërgojnë në anarki të dhunshme ose totalitarizëm. Sulmi i sotëm ndaj Arbanës, edhe pse pa i pasur informatat e plota, po reflekton linçimin publik që iu bë veprimeve të saj të fundit politike. Të gjithë duhet të solidarizohemi me të pa marrë parasysh a pajtohemi me atë që tha publikisht pardje apo atë që veproi politikisht dje. Të gjithë duhet ta shohim veten në sy sesa po i kontribuojmë këtij ambienti linçues. Në fund, organet e sigurisë dhe ato të zbatimit të ligjit duhet të jenë të pakompromis ndaj gjithë atyre që kërcënojnë sigurinë e jetës së njeriut për shkak të mendimit politik dhe shprehjes së lirë”, ka shkruar Murati.
“Nuk ka motiv që justifikon një sulm të tillë. Aktorët të përballen me drejtësi”, ka shkruar në Facebook, zyrtari i AAK-së, Avni Arifi.
Drejtoresha ekzekutive e “Grupit KOHA”, Flaka Surroi, ka thënë se sulmi ndaj Xharrës është i gabuar dhe kryesit e tij duhet dënuar.
“Kushdo dhe për çfarëdo motivi ta ketë sulmuar Arbanën, e ka gabim dhe duhet të dënohet. Mospajtimet, çfarëdo qofshin, duhet të zgjidhen me argumente e jo me dhunë”, ka shkruar Surroi.
Edhe redaktorja e politikës në “Kohën Ditore”, Brikenda Rexhepi, e ka dënuar aktin e dhunës së ushtruar ndaj Arbana Xharrës, duke thënë se “problemi nuk është te mungesa e lirisë së shprehjes, por te liria e krimit”.
“Arbana është viktimë e një prokurorie që nuk ndjek kriminelë, e një sistemi të drejtësisë që i mban të lirë dhe e një shteti që i ushqen ata”, ka shkruar Rexhepi në Facebook.
Producenti dhe autori i emisionit “Rubikon” të KTV-së, Adriatik Kelmendi, sulmin ndaj Xharrës e ka lidhur me gjuhën e ndyrë të përdorur ndaj saj kohëve të fundit në rrjetet sociale.
“Si duket na kanë lënë bukur pasoja traumat e luftës! Se vështirë të shpjegohet ndryshe nevoja e ethshme për gjetjen e individëve, të cilëve duhet në korr t’i bëjmë linç publik – me mllef, sharje e mallkime – vetëm se nuk pajtohemi me qëndrimet personale të tyre, orientimin jetësor të tyre. Sulmi i ligë ndaj Arbana Xharrës është ndërsyer edhe nga gjuha e ndyrë e përdorur ndaj saj kohëve të fundit në rrjetet sociale. Ngjashëm ndodhi edhe para pak kohësh ndaj shoqëruesit të Dardan Molliqajt. Me këtë mendësi së shpejti do të shohim edhe viktima. E viktimat do të jemi ne, shqiptarët, që kemi filluar të mos e durojmë njëri-tjetrin. Deri në linç, publik e fizik”, ka shkruar Kelmendi.
Kolumnisti i rregullt i “Kohës Ditore”, njëherësh drejtor në Institutin RIINVEST, Lumir Abdixhiku, ka thënë se mospajtimet politike s’mund të përfundojnë në dhunë fizike.
“Sidomos ndaj një nëne e një gruaje të pambrojtur. Sot, të sulmuar jemi të gjithë. Ngjarje e mjerë. Fatkeqësisht, shteti i kapur s’ka për të zbardhur as këtë rast ndonjëherë. Si tolerues të zakonshëm të dhunës, e shkaktarë të shpeshtë të saj, të njëjtit mbijetojnë mes frikës lehtë”, ka shkruar ai në faqen e tij në Facebook.
Analisti dhe opinionisti i rregullt i “Kohës Ditore”, Halil Matoshi, ka thënë se sulmi mbi Arbanën është sulm mbi themelet e lirisë së Kosovës.
“I pajetueshëm është ai vend ku sulmohen e rrihen lajmësit (gazetarët) dhe akecili qytetar. I shkretë është një komb që ngrihet n’mëngjes me lajme të tilla. I lig është ai njeri dhe ajo mendje kriminale që ngre dore mbi një grua e nënën! Republika ka me u rezistue barbarëve dhe ka me i mund ata. Jam i sigurt”, ka komentuar Matshoi.
Reagim ndaj këtij sulmi ka pasur edhe nga ish-deputetja e Vetëvendosjes, Puhie Demaku, e cila ditë më parë lajmëroi se do të tërhiqet nga politika aktive.
Ajo thotë se për shkak të rastit të Arbanës “nuk duhet pushuar së kërkuari drejtësi e sundim të ligjit sepse në një vend ku behet “normale” me vra, me rreh e me kërcënuar, e ku askush kurrë nuk dënohet ose kur dënohet nuk e merr dënimin e merituar, kriminelët marrin krahë dhe fuqizohen”.
“Amnistinë ua jep edhe heshtja jone kolektive”, thotë Demaku.
“Arbana e kaloftë shpejtë këtë përjetim të tmerrshëm dhe qoftë viktima e fundit. Kushdo që e sulmoi e marrtë dënimin e merituar”, u shpreh ish-deputetja Demaku. /Koha.net
Nga raporti 24 orësh i Policisë së Kosovës është bërë e ditur se ka ndërruar jetë një vajzë e mitur e cila ishte aksidentuar në rrugën e “UÇK-s” në Rahovec, më 26.04.2017.
“Rr. UÇK-së, Rahovec, më 26.04.2017-13:40h. Në lidhje me rastin raportohet viktima femër K/Shqiptare(fëmijë) e cila si pasojë e lëndimeve të pësuara në aksident trafiku ishte duke u trajtuar në QKUK, me 12.05.2017 e njëjta ka ndërruar jetë”, thuhet në raportin e policisë, përcjellë PrizrenPress.
“Ndërsa me vendim të prokurorit trupi i pajetë është dërguar në Institutin e Mjekësisë Ligjore për obduksion”, njofton policia. /PrizrenPress.com/
Analisti politik dhe publicisti, Halil Matoshi, përfundimisht ka vendosur që të rikthehet në politikë.
Matoshi ka zgjedhur Aleancën për Ardhmërinë e Kosovës, partinë e Ramush Haradinajt, për të bërë rrugëtimin e tij politik.
Lajmin e ka bërë publik AAK, përmes një njoftimi ku është thirrur një konferencë për media, me ç’rast do të prezantohet aderimi i Matoshit. /Telegrafi/
Policia e Kosovës ka njoftuar se ka konfiskuar 4.17 gram drogë tek Qendra Zejtare në Suharekë.
“Njësit policore gjatë kontrollit të një kafiterie kanë gjetur dhe konfiskuar sasi të dyshuar narkotike të llojit marihuanë me peshë 4.17 gram”, njofton PK-ja, përcjellë PrizrenPress.
Nuk raportohet për të dyshuar, njësit përkatëse policore janë duke hetuar rastin. /PrizrenPress.com/
Ali Hertica
Aftësia për t’iu përgjigjur në një qeveri të dështuar. Nëse është e pakënaqur me rezultatet e qeverisë mund të korrigjohen nga vota e sovranit
Kush mbron këtë. keqëqeverisje, kundër trashëgimëtarëve të paaftë dhe klaneve të saja të përditëshme në Kosovë.
Kjo vetëdije merr gjëmba nga pikëpamjet më radikale kundër qeverisë. Veç kësaj është probabiliteti i një trazire të konsiderueshme.
Në Kosovë ekseset që lulëzon jetën e partive politike të atyre kolltukgjinjëve që e udhëheqin … demokracinë parlamentare të lirë që mbështetet në një sistem të perfaqësuesit siq është Kryeparlamentari dhe disa partia tjera. Pasi tërë populli është i manipuluar që të zgjedhin atë në votim pa ia dhenë votën atij,duke menduar se kanë votuar dikë tjetër,e jo atë qe e ngulfat popullin dhe ia merr bukën nga goja ku detyrimisht lëshojnë Kosovën për bukë .
Në këtë vit ndoshta do të godasin atë që iu bëri kështu jetën për ta marr rrugën e mërgimit,dhe zgjedhjet e ardhshme do të dalë një përfaqësus i tyre , apo ndonji parti politike .Sepse tani nuk jetojnë në një jetë të mirë ekonomike të sigurt për të ardhmen e tyre.Kështu që është koha që elektorati të këtë përfaqësimin e tyre për të mundsu një jetë me norma evropiane atë në maksimale.
Përfaqësuesit duhet të jenë zgjedhur ata që janë të devotshëm që elektoratit tu zgjedhin krizën ekonomike dhe papunësinë ,e jo të sjellim kob në elektorat siq ësht kjo gjendje e mjerë. Një problem themelor është që votusit duhet të kenë komunikim me partitë politike. Votuesit do të binden se këto subjekte politike do tu shëndërrojnë ferrin në parajsë por të kan kujdes që tani .Thuhet se disa qindra njerëz në Kosovë do të jenë të gatshëm për të luajtur rolin e tyre për këtë qëllim.Kështu që këto subjekte poiltike nuk do të grumbullojnë njerëz që nuk mendojnë për elektoratin të ulën si përfaqësues të popullit, siq janë tani të ulur bizismen,profesorët univerzitar me diploma të falsifikuara, mjek, dhe roker si përfaqësues të popullit..Kjo dështon në të gjitha format e qeverisjes së mirë për elektoratin. Unë do të mendoj se një alternativë konkrete do ta gjallëron popullin në jetën e tyre të varfër wshtë se ajo nuk është e nevojshme për të gjithë popullsinë.
Kjo formë e demokracisë është shumë më e pastër se sa ajo që hasim për ditë . Në shoqërinë tonë , demokracia është përdorur shpesh si simbol i moralit tonë të një sistemi superior duke aluduar si demokraci por del e kundërta në jetën praktike.Suksesi i demokracive tona do të demonstronte se nuk është demokraci universale ku vërtet nuk ekzistojnë vlerat demokratike.
Ajo që më shqetëson është sot pandërgjegjshme, që , lidhë konceptin abstrakt të vendit. Kjo “Demokracia,, është vetëm zbatim i një grumbull interesash grupesh dhe klandistinet tyre profiter të kësaj qeverie. Kështu që besoj se do të ketë demokraci për nipërit e mi që do të jetojnë në një demokraci me të denjt e jo rrugëve të europës për një lëmoshë siq ishë deri tani. Elektorati që del në votim dhe nganjëherë në të vërtetë nuk e dinë se për kë të përcaktohet,por tani është shumë lehtë sepse tani dihet se kush ju solli deri ketu me lotin e faqe dhe buzen e dridhur.
Kryetari i degës së LDK-së në Prizren, Haxhi Avdyli apelon drejtuesit e partisë tij, ata të Vetëvendosje, AKR dhe Alternativa që të ulen të bisedojnë dhe të bëhen bashkë në një koalicion parazgjedhor.
Ky apel i tij, vjen për shkak siç thotë ai, ndryshimit që i duhet vendit.
“Nëse e doni ndryshimin , e doni Kosovën pa krim e korrupsion, nëse e doni vendin më shumë se veten, e grupin tuaj atëherë tejkaloni dallimet dhe etjen për poste e LIDHENI KOALICION PARAZGJEDHOR”, ka shkruar Avdyli.
“Deri te premten me 19.05 .2017 ne ora 24.00 keni kohë për ta liruar Kosovën nga kthetrat e Shikut ose pas 11 qershorit do i përqafoni ato kthetra deri sa kanë për t’iu shpuar. Vendoseni Kosovën para posteve tuaja. Gjeni pika të përbashkëta e emra KONSENSUAL sepse tekefundit vetëm Kosova është e përhershme , e postet tona janë të përkohshme”, ka shtuar ai.
Postimi i plotë i tij:
“APEL në kohë koalicionesh
Për kryetarin e LDK-së Isa Mustafa, për kryetarin e VV-së Visar Ymeri, për kryetarin e AKR-së Bexhet Pacolli , për Alternativen.
Duke dëgjuar zërin e qindra aktivistëve të partisë time , duke dëgjuar zërin e qindra qytetarëve pa parti, ju apeloj të uleni, të bisedoni sinqerisht, ta shikoni njëri tjetrin në sy dhe të tejkaloni veten dhe egon tuaj për të sjell një ndryshim substancial të pritur tash 17 vite.
Nëse LDK e VV rrezikojnë t? mos dalin të para dhe fillimi i ri i rishkatërrimit të Kosovës vazhdon, vullneti i mëvonshëm për të bashkëpunuar për NDRYSHIM do jetë i kotë dhe pa efekt.
Prandaj Ndryshimi i Kosov?s pa korrupsion, me njerzë të ndershëm, ku nuk sundojnë komandantët milionerë të Rognerit ,e bënë vetëm ky BLLOK I RI politik që me siguri do e kalon 50% .
Militant?t presin pushtet por qytetarët duan NDRYSHIM . Jepni frym? dhe shpresë ketyre njerzve dhe këtij vendi të cfilitur nga zhvatja e një grupi që Kosovën e panë vetëm si plaqkë të luftës.
Deri te premten me 19.05 .2017 ne ora 24.00 keni kohë për ta liruar Kosovën nga kthetrat e Shikut ose pas 11 qershorit do i perqafoni ato kthetra deri sa kanë për tiu shpuar.
Vendosne Kosovën para posteve tuaja. Gjeni pika të përbashkëta e emra KONSENSUAL sepse tekefundit vetëm
Kosova është e përhershme , e postet tona janë të përkohëshme.
I juaji ,
Haxhi Avdyli , kryetari i degës së Ldk-së në Prizren”.
Duke u nisur nga dita e parë e fillimit de fakto të fushatës elektorale të kreut të PDK-së, Kadri Veseli, ndonëse akoma pa u shpallur zyrtarisht nga KQZ-ja, ajo tani ka marrë formë dhe duket një vazhdimësi e ish-projektit mashtrues “Misioni i Ri” nga mandati i kaluar. Analistët politikë dhe përfaqësues të partive konsiderojnë se kjo fushatë e riformuluar tani si ‘FILLIMI I RI’ nuk është asgjë tjetër veçse një tentativë dhe ofendim ndaj qytetarëve të Kosovës, ku si në çdo fushatë zgjedhore, edhe kësaj radhe, me fushata prej miliona eurosh të zhvatura nga qytetarët, përpiqen të ofendojnë inteligjencën qytetare, duke riprezantuar veten dhe partinë thuajse asnjëherë nuk e kanë pasur qeverinë, dhe se çdo gjë do të fillojë nga fillimi. Kjo konsiderohet si një tentativë për ta fshirë memorien e deridjeshme për korrupsionin dhe krimin e organizuar. Është një thirrje e analistëve dhe njohësve të pavarur të zhvillimeve politike në vend që qytetarët t’i thonë mjaft një loje të tillë teatrale, të mos tolerohet një ofendim që po i bëhet për t’i marrë edhe votat e më pastaj të vazhdohet përsëri të qeverisë krimi i organizuar, klani ‘Pronto’ që ua lag fytin Shkëlqim Devolli me vëllanë e vet, dhe jo vetëm, siç po ndodh që nga paslufta në Kosovën e kapur nga oligarkia kriminale.
Fyerje e inteligjencës
Analisti politik, Hidajet Ahmeti, vlerëson se ‘Fillimi i Ri’ është fundi i një retorike boshe të zyrtarëve të lartë të PDK-së, e cila do të mbetët në fjalorin e tyre për këto ditë fushate. “Një tentativë e PDK-së për të fyer inteligjencën e qytetarëve të lodhur nga ky mjerim socio-ekonomik, nuk është serioze, e sinqertë e mbi të gjitha as e moralshme. Pragmatizmi politik që po e praktikon PDK-ja, në një shoqëri në tranzicion deri në një- farë mase lejohet, por jo deri aty se të manipulohet me ndjenjat e qytetarëve të lodhur nga kjo gjendje e rënd socio-ekonomike. Nuk ka dyshim se PDK-ja do të abuzojë me mekanizmat e pushtetit, që ka kapur që nga paslufta, dhe tash në kohë fushata i fut në funksion për t’iu kthyer në favore të partisë”, theksoi ai.
“Abuzimi me pushtetin është një lojë e ndytë që PDK-ja di të luajë mirë, duke përdorur njerëzit që ka instaluar nëpër institucionet kyçe të shtetit, por edhe bizneset, të cilat nga zero kanë bërë milionat, duke u pasuruar në mënyrë të jashtëligjshme e në kurriz të qytetarëve të Republikës së Kosovës”, tha Hidajet Ahmeti. Ai mendon se kjo strategji e shkollës Thaçiane e Veseliane parimin bazik e ka gjunjëzimin e partnerëve të koalicionit, dhunën psikologjike si mjet për të ruajtur e marrë dhe mbajtur pushtetin me atë pragmatizimin politik si mundësi për të notuar në ujëra të turbullta vetëm e vetëm për ta arritur qëllimin. “Makiavelizmi politik duke përdorur kriterin shtazarak është praktikë e PDK-së, e cila deri tani ju ka funksionuar në nivelin e kënaqshëm. Dy partitë politike, që u shkurorëzuan , tash nuk kanë çka të ofrojnë për qytetarët e Republikës së Kosovës përveç ripërsëritje të gënjeshtrave që jemi mësuar t’i dëgjojmë në kohë fushatash. LDK-ja duke u sjellë si viktimë nga e gjithë kjo e keqe, që është instaluar për këto tri vite, duke u sjellë sikur të mos kishte qenë udhëheqëse e ekzekutivit, por duhet kuptuar se gënjeshtrat e tyre kanë përfunduar dhe nuk duhet të vazhdojnë manipulimin me qytetarët e lodhur nga ky mjerim socio-ekonomik. Kurse PDKja do të vazhdojë me misione e fillime të reja, të cilat në esencë kanë përfunduar që moti, do të vazhdojë duke kritikuar ish-partnerin e koalicionit, LDK-në, në mungesë vizioni për ndërtimin e shtetit dhe anë- tarësimin e Kosovës në strukturat euro-atlantike, duke harruar se kanë bashkë qeverisur për tri vite së bashku, e shumë vite kanë udhëhequr me ekzekutivin”, tha Hidajet Ahmeti.
Shteti i kapur nga oligarkët
Analisti Skënder Mulliqi thotë se përkundër faktit që tani po duket i ri në skenën politike, Kadri Veseli gjithmonë ka qenë njeriu i dytë i PDK-së, afër Hashim Thaçit. Prandaj, edhe kjo fushatë e nisur që disa ditë e kryetarit Veseli nuk do të sjellë diçka në të mirë të qytetarëve. “Ai ka plotë fjalë të mira, sikurse kishte Hashim Thaçi dikur në fushata, ku kishte premtuar 200 mijë vende të punës e shumë çka tjetër, por nuk doli ashtu. Përkundër kësaj shteti degradoi aq shumë nga vjedhjet, plaçkitjet, zhvatjet dhe shumë kriminalitete, të cilat e keqësuan gjendjen ekonomike dhe sociale të qytetarëve . Afër 20 për qind po jetojnë skajshmërisht dobët, por edhe shumë të tjerë po jetojnë keq së shteti është kapur fort nga oligarkët politiko-financiar. Këta po të ishin pak të ndërgjegjshëm politikisht dhe moralisht do t’i bënin të gjitha mjetet e fushatave elektorale transparente. Kurrë deri më sot nuk e bënë një gjë të tillë, së të gjitha fushatat janë duke i bërë me paratë e popullit, jo sa u dedikohen partive politike. Po derdhen nëpër fushata shumë marramendëse parash edhe për blerje votash, që është ofendimi më i rëndë që po u behët qytetarëve”, ka thënë ai.
“Sigurisht se fushata e nisur e Kadri Veselit e quajtur ‘Fillimi i Ri’ është një bllamazh tjetër politik për t’i fshehur mirë të gjitha krimet paraprake politike dhe ato të karakterit ekonomik. Ti fshehësh në mënyrë perfide të gjitha ato të liga, të cilat i ndodhën Kosovës për 17 vite , e tash të fillosh nga e para thuajse nuk ka ndodhur asgjë, kjo është e patolerueshme për një shtet normal demokratik. Së pari të gjithë ata, të cilët keqpërdorën paranë publike dhe u pasuruan në mënyrë të paligjshme duhet të përgjigjen para organeve të drejtësisë, e tek atëherë të flasim për ndonjë ‘Fillim të Ri’. Të gjitha korporatat si ‘Devolli’ apo të tjerat dhe klanet e tipit ‘Pronto’ duhet të japin llogari për dëmet që ia kanë shkaktuar shtetit. Populli, të gjithë keqbërësit politikë dhe ekonomikë, të cilët nuk janë të paktë ishte dashur që me zgjedhjet e 11 qershorit t’i ndëshkojë me votën e lirë”, theksoi Skënder Mulliqi/kosova sot/