Një shi i rrëmbyeshëm e ka përfshirë sot qytetin e Prizrenit.
Një lexues i Gazetës Express, e ka dërguar një video në redaksi, ku tregon se për disa minuta ka rënë edhe breshër.
Nuk dihet ende nëse ka shkaktuar dëme në këtë qytet.
Për më shumë shikojeni videon.
http://dai.ly/x4ifisx
Marrëdhëniet mes moderatorës sexy Marina Vjollca dhe drejtuesve të Top Channel janë zyrtarisht në kuotat me të ulta.
Biondja e “Procesit Sportiv”, sipas burimeve pranë këtij emisioni, mësohet se po numëron puntatat e fundit para se të divorcohet nga futbolli e ndoshta dhe nga “Topi”, shkruan InfoMedia.
Lufta e ftohtë me të shkuarën në “Top Channel” dhe reforma në programacion, pritet të mos prekë vetëm disa formate show por dhe disa personazhe me të cilët është identifikuar ky televizion prej disa vitesh.
Për të shkuar më tej, marrëdhënia e Marinës me pronarët e Top Channel nuk është cënuar nga emisioni sportiv. Marina u injorua në spektaklin e fundit “Top Music Awards”, ku nuk pati asnjë moment mundësinë për tu bërë protagoniste në dhënien e ndonjë çmimi apo ndoshta dhe diçka më tepër se kaq.
Gjithashtu i dashuri i saj Getoar Selimi, injoroi këtë format show dhe në portale është shkruar shumë së fundmi për një tensionim të situatës edhe për këto rrethana nxitëse që afrojnë divorcin e biondes sexy me Top Channel.
Mbetet për tu parë se si do të rrjedhin ngjarjet. E sigurt është se reforma në “Top” do të bëhet dhe e sigurt është se largimi i Marinës të paktën nga futbolli është një alternativë që është diskutuar.
Pak orë para se të mbushen shtatë vjet nga vdekja e pop ikonës, Michael Jackson, vëllezërit e tij janë bërë bashkë për të kujtuar vëlluan e tyre, legjendën e muzikës pop.
Jermaine, Jackie, Tito and Marlon kanë performuar së bashku hitet e Jackson Five në San Diego duke e nderuar kështu kujtimin dhe veprat e vëllaut të tyre.
Ata kënduan edhe këngë të ikonës së pop muzikës si dhe këngë që dikur kishin kënduar së bashku.
Jackson Five është themeluar në vitin 1963 ndërsa më pas Michael ishte tërhequr në vitin 1983 kur edhe kishte nisur karrierën e tij solo.
Një vit pas ngjarjeës së rëndë në Lazarat, ku mbeti i vrarë efektivi i Policisë Ibrahim Basha, oficer i RENEA-s, Prokuroria për Krime të Rnda ka ngritur akuzë ndaj 11 personave të dyshuar për krimin.
Burimet zyrtare thanë se organi i akuzës ka përfunduar hetimet dhe dërguar për gjykim 11 të pandehur të dosjen “Lazarati 2”. Të gjithë personat e pandehur në këtë rast, sipas Prokurorisë, kanë qenë pjesë e një grupi të strukturuar kriminal, që kanë marrë pjesë në ngjarjet e qershorit 2015, në të cilën mbeti i vdekur efektivi i Policisë së Shtetit, Ibrahim Basha. Grupi prej 11 personash, nga të cilët sipas Prokurorisë, pesë kanë marrë pjesë direkt në vrasje dhe gjashtë të tjerët kanë bashkëpunuar, akuzohet për një sëri ngjarjes të ndodhura në Lazarat gjatë përpjekjes së disa banorëve të fshatit për të larguar praninë e policisë aty, me qëllim rinisjen e kultivimit të kanabisit.
“Pesë të pandehur akuzohen për ‘vrasjen e punonjësit të Policisë’, si edhe ‘vrasje e punonjësit të policisë’, mbetur në tentativë 5 herë dhe armëmbajtje pa leje”, thanë burimet e Prokurorisë. Sipas tyre, 6 persona të tjerë akuzohen për armëmbajtje pa leje dhe kundërshtim të forcave të Policisë.
“KRYENGRITJA”
Nga hetimi i Prokurorisë për Krime të Rënda ka rezultuar se një grup të rinjsh, nën drejtimin e Arbjon dhe Alban Alikos, kanë planifikuar, organizuar dhe goditur forcat e Policisë, të cilat gjendeshin në patrullim në zonën e Lazaratit, në datat 2324 qershor 2015. Të pandehurit, së bashku edhe me persona të tjerë, kanë qenë të armatosur me armë të ndryshme dhe kanë tentuar që të largojnë me forcë policinë, me qëllim që në zonën e tyre të rikthehej kultivimi i lëndës narkotike kanabis sativa, një paligjshmëri që ishte goditur në një operacion të gjerë një vit më parë (në vitin 2014).
Mesnatën, duke u gdhirë data 24 qershor 2015, forcat e policisë kanë nisur operacion në zonën e Lazaratit, pasi kishin informacione se disa të rinj po përgatiteshin për veprime kriminale.
VRASJA E POLICIT
Gjatë kontrolleve, pranë qendrës së fshatit, forcat speciale të Policisë kanë arrestuar në flagrancë shtetasin Xhulio Malo, i cili po drejtonte një mjet, ku gjendeshin armë të ndryshme dhe lëndë narkotike kokainë. Pas arrestimit, forcat speciale kanë njoftuar kolegët e tyre, të cilët gjendeshin në një furgon, për të realizuar shoqërimin e Malos. Në momentin që furgoni po afrohej, ndaj tij është qëlluar me armë zjarri, nga një largësi rreth 200 metra. Nga goditjet me armë ka mbetur i vdekur efektivi i Policisë, Ibrahim Basha, si edhe janë plagosur efektivët Jetmir Isai dhe Perlat Hamitaj. Në vijim të operacionit policor dhe, më tej, nga hetimet e drejtuara nga Prokuroria për Krime të Rënda, u arrit të identifikoheshin dhe të arrestoheshin 11 pjesëtarë të grupit të strukturuar kriminal. Sipas burimeve të hetimit, arma e vrasjes së efektivit të Policisë Ibrahim Basha nuk është gjetur.
Edhe pse u fol fillimisht se arma ka qenë një snajper, ajo nuk është arritur të gjendet, pasi policia ka mbërritur me vonëse në vendin ku ka qenë “qendra e zjarrit” në Lazrat. Bëhet fjalë për një ambient të krijuar qëllimisht me mur dhe me vrima të hapura anësore, nga ku është qëlluar me armë ndaj forcave të policisë. Pasi kanë qëlluar mbi forcat e rendit, autorët kanë arritur që të largohen e të fshehin armët. /Panorama
Edhe pse është parashikuar që moti për ditën e sotme të jetë i nxehtë dhe me diell, kështu nuk ndodhi në Prizren.
Një lexues i Gazetës Express, i ka dërguar disa foto dhe video në redaksi, ku tregon se atje është duke rënë si dhe breshër.
Për më shumë shikoni fotot dhe videot.
http://dai.ly/x4ifflq
http://dai.ly/x4ife0g
http://dai.ly/x4ifebq
Gjithmonë ka qenë e gatshme të tregojë format e saj fizike në çdo rast të mundshëm dhe Mariah Carey e ka bërë këtë gjë edhe mbrëmjen e së shtunës, kur në Las Vegas u pa ndoshta me veshjen më provokuese me të cilën ka dalë në publik.
Këngëtarja 46-vjeçare u pa në tapetin e kuq të 1 Oak at The Mirage me tiranta, geta dhe me shumë pak gjëra të tjera veshur.
Mariah u siguruar që të pasmet e saj të buta, të tonifikuara dhe të rrumbullakta të binin në sy, duke marrë një seri pozash provokuese.
Në Kataloni, të dielën do të mbahen zgjedhjet rajonale, ndërsa fitorja eventuale e separatistëve, do të nënkuptonte fundin e Spanjës me kufijtë e tanishëm, konstaton EU Observer.
Rezultati i zgjedhjeve, i cili po vlerësohet si një referendum i penguar për këto vite nga Qeveria në Madrid, do të mund të fillojë procesin e ndarjes së këtij rajoni të pasur.
Sipas anketave të bëra në prag të zgjedhjeve tregojnë se blloku i partive për pavarësi do të shënojnë fitore, por jo të mjaftueshme për të krijuar shumicën në parlamentin e Katalonisë, që do të mund t’i jepte mandat për inicimin e planit 18 mujor për krijimin e shtetit të pavarur, transmeton lajmi.net.
Kryetari i Katalonisë, Artur Mas, vlerëson se ky rajon do të shkëputet nga Spanja, përderisa qeveria në Madrid vazhdon ta kundërshtoj referendumin për pavarësi. Por, ndryshe mendon kryeministri i Katalonisë, i cili këtë ide e quan qesharake.
Sipas anketës të bërë së fundmi, përkrahje më të madhe kanë blloku Junts pel Si (Së bashku për Po), koalicioni i dy partive të cilat pajtohen për pavarësi, më pas e majta republikane e Katalonisë (ERC) dhe unioni demokratik i Katalonisë (CDC) me 41 për qind të votave.
Teksa Borges e imagjinon parajsën si një vend me shumë libra, ka nga ata njerëz, të cilët, të mahnitur pas librave, e kanë të vështirë ta ndajnë leximin nga vetja.
Nga ana tjetër, Hemingway i përshkruan librat si miqtë më besnikë.
Për të gjithë ata që lexojnë shumë, këto janë 20 shenjat që paralajmërojnë për varësinë ndaj librave.
1. Nëse në vegjëli librat ishin miqtë tuaj më të mirë. Pasioni për librin zakonisht kultivohet që në fëmijëri, nëse e keni pasur këtë “ves”, atëherë jeni një lexues me premisa për t’u bërë të varur prej dijes së librave.
2. Kur lexoni një libër të mirë, harroni të ushqeheni apo të flini. Dikur, matematikanit të njohur Njuton, iu bë një lojë prej mikut të tij. Njutoni kishte harruar të hante drekën dhe miku i tij ia hëngri atë. Kur ai shkoi për të ngrënë drekën shumë vonë pasdite, miku iu përgjigj se vetë Njutoni e kishte ngrënë. Ky shumë i hutuar, iu kthye punës me sigurinë që kishte ngrënë. Nëse ju ndodh e njëjta gjë me librat, atëherë me siguri jeni të varur.
3. Nëse gjendja juaj emocionale varet prej librave. Kur lexoni një libër të trishtë, ju ndodh të futeni në një gjendje tepër të rënë moralisht, nga ana tjetër, kur lexoni një libër me aventura ktheheni në kërkim të çasteve plot adrenalinë.
4. Nëse jeni tronditur prej atyre që keni lexuar. Nëse jeni një lexues i rregullt, atëherë patjetër do të keni hasur ndonjë fakt të palexuar më parë, i cili ju ka futur në mendime të thella.
5. Nëse fotoja që mbani në portofol është karta juaj e anëtarësimit në bibliotekë, atëherë kjo tregon shumë për ju. Librat me shumë gjasa janë një pjesë e rëndësishme e jetës suaj.
6. Kur moti nuk ka shumë rëndësi. Nëse pavarësisht kohës, keni gjithnjë një libër në duar, kjo nënkupton se jeni shumë të varur pas librave.
7. Nëse shtëpia juaj e ëndrrave ka një librari në çdo mur të saj, juve e shijoni shumë kohën e shpenzuar pranë librave dhe është e qartë se jeni tepër të dhënë pas tyre.
8. Kur e shpenzoni gjithë fundjavën për të rregulluar bibliotekën vetjake, kjo tregon se jeni shumë krenarë për librat e koleksionit tuaj dhe se e vlerësoni si shumë të bukur kohën që kaloni me ta.
9. Nëse një librari e mbyllur ju trishton, sepse dëshironi shumë të futeni brenda e të vështroni me ëndje librat që ajo ka, e mbase edhe të blini ndonjë, atëherë jeni vërtet të varur prej librave.
10. Nëse jeni dhënë pas një punonjësi librarie, i cili ju ka këshilluar një libër të mirë për të lexuar, dëshira për të lexuar ka depërtuar aq shumë tek ju, saqë po bëhet një përzgjedhëse personash.
11. I ndërtoni projektet bazuar në libra. Nëse keni ndonjë projekt të rëndësishëm për të hartuar, apo ju duhet ndonjë ide e re dhe këto mund t’i gjeni vetëm tek librat, atëherë leximi është për ju një stil jetese dhe një metodë pune.
12. Nëse pranoni se librat mund t’ju mësojnë gjithçka, kjo tregon se shumë gjëra në jetë i keni mësuar prej librave dhe se tashmë nuk mund të hiqni më dorë prej tyre.
13. Nëse këshillat i jepni vetëm me tituj librash. Kur dikush ju kërkon një këshillë apo mendim dhe ju e referoni atë tek një libër që i jep zgjidhjen, duhet ta pranoni, jeni të varur.
14. Nëse shkoni për pushime me valixhen plot libra, atëherë jeni një person që e pëlqen leximin dhe s’mund të ndahet prej tij as në periudhën e pushimeve kur secili prej nesh dëshiron thjesht të bëjë një jetë të lehtë.
15. Nëse radha e librave për të lexuar bëhet e gjatë, kjo tregon se ju keni mbledhur rreth vetes shumë libra dhe po i bëni presion të pavetëdijshëm shpejtësisë suaj të leximit, pasi dëshira dhe kurioziteti nuk ju lë të qetë.
16. I vlerësoni si shumë të pashëm personat që pozojnë me një libër. Ky është një nga kulmet e varësisë suaj ndaj librave, nëse edhe bukurinë e jashtme filloni ta lidhni me praninë e librave, atëherë jeni pranë një varësie shumë të thellë.
17. Nëse i gjykoni njerëzit prej librave që kanë lexuar, duhet të kuptoni se ju i idealizoni librat dhe mesazhet që ato u përcjellin lexuesve, për këtë arsye ju e shihni dikë shumë më interesant kur ai ka lexuar shumë.
18. Nëse e pëlqeni shumë aromën e librave të vjetër, jeni një person që vlerëson jo vetëm aromën, por edhe përmbajtjen e librave, që sipas jush kanë një histori interesante dhe duhen lexuar.
19. Nëse ju shqetëson dhuna ndaj librit, kini parasysh që admirimi juaj për librat ka arritur një shkallë të madhe. Ju u jeni shumë mirënjohës atyre dhe për këtë arsye, e shihni shumë të pavend keqtrajtimin që u bëhet librave.
20. Leximi ju përhumb. Lexuesve të pasionuar u ndodh të harrohen plotësisht teksa lexojnë një libër, ata mund të marrin pozicione nga më të çuditshmet kur nuk e kanë mendjen. Nëse ju ka ndodhur edhe juve, urime, jeni një lexues i varur prej diturisë së librit.
Banorët e fshatit Dubravë të Komunës së Suharekës janë duke votuar për herë të parë në një referendum në Kosovë. Ky referendum është duke u mbajtur për ose kundër ndërtimit të një xhamie në fshatin Dubravë.
Përkitazi me këtë çështje, nga ora 07:00 është hapur qendra e votimit në Shkollën Fillore “Gjergj Kastrioti – Skënderbeu” në fshatin Sallagrazhdë, shumë pranë Dubravës, transmeton “TherandaPost”.
Sipas zyrtarëve nga Komuna e Suharekës, deri tash ka pasur interesim të madh nga ana e banorëve për të votuar në këtë referendum.
Ky proces do të përfundojë në orën 19:00, e më pas pritet të shpallen rezultatet e këtij referendumi të parë në Kosovë.
Gjendja sa i përket rriqrave në Komunën e Malishevës raportohet se është e qetë, duke mos u regjistruar asnjë rast i infektimit me Ethe Hemorragjike Krime Kongo.
Por pavarësisht kësaj situate, gjendja do të vazhdojë të jetë e mbikëqyrur rreptësisht, duke ju përmbajtur udhëzimeve të dala nga strategjia për luftimin dhe parandalimin e EHKK, kurse faktorët e që kanë ndikuar në këtë përmirësim, janë fushatat e vazhdueshme, vetëdijesues, dezinsketimi dhe repelimi i kafshëve.
Kështu ka thënë për Zyrën për Informim Publik, drejtori komunal për shëndetësi dhe anëtari i shtabit komunal për luftimin dhe parandalimin e EHKK, Hajdin Berisha.
Ai ka konfirmuar se deri më tani nuk ka asnjë rast të infektuar dhe ky është një lajm i mirë, pasi jemi në vitin e dytë që nuk janë regjistruar raste të infektimit dhe shpresohet të përmbyllet viti i tretë radhazi pa raste të vdekjeve nga ethet hemorragjike.
“Aktualisht gjendja epidemiologjike, në Komunën e Malishevës, paraqitet e qetë. Gjithsesi gjendja është duke u monitoruar në kontinuitet. Numri i thumbimeve ka arritur në 836 gjithsej, ku prej tyre 60 raste janë nga komunat tjera, si: Klina, Drenasi, Rahoveci, Suhareka dhe të tjera. Pra, nga Komuna jonë janë të regjistruara 776 raste të thumbimeve nga rriqrat. Përkundër rasteve të dyshimta të cilat janë udhëzuar për në Klinikën Infektive, nuk është shënuar asnjë rast i prekur nga virusi i EHKK”, ka thënë Berisha.
“Ndërsa sa i përket faktorëve që kanë mundur të ndikojnë në krijimin e kësaj situate të qetë, drejtori Berisha, tha se faktor “në radhë të parë është vetëdijësimi i qytetarëve që është arritur përmes mbajtjes së ligjëratave, shpërndarjes së fletëpalosjeve, vendosje të posterëve në vendet publike. Faktorë tjetër që kanë ndikuar, janë aktivitetet e shumta si në dezinsektim të zonave endemike, pastaj aktiviteti i repelimit të kafshëve, ku aktualisht jemi në përfundim të ciklit të tretë si dhe masa tjera, si ngritja e nivelit të gatishmërisë në QKMF dhe të tjera”.
“Po besoj që është e nevojshme që masat të cilat jemi duke i ndërmarrë aktualisht të përforcohen edhe më tepër, duhet të intensifikohet niveli i bashkëpunimit në mes të Komunës dhe nivelit qendror, duke aluduar në Këshillin Ndërministror për Parandalimin dhe Luftimin e EHKK, bashkëpunim i cili nuk ka munguar deri më tani, si dhe mund të ketë risi apo elemente të reja që mund të implementohen pasi që të jenë futur në Planin Strategjik për Parandalimin dhe Luftimin e EHKK” është shprehur Berisha.
Pavarësisht kësaj situate të qetë, ai ka thënë se edhe për një kohë nuk do të lirohemi nga kjo problematikë dhe masat duhet të vazhdojnë të zbatohet me përpikëri”. /PrizrenPress.com/