Deputeti i PDK-së Nait Hasani shpreson se partia më e madhe në vend do të kërkojë rishikimin e marrëveshjes së demarkacionit me Malin e Zi.
Në një intervistë për ‘Epokën e Re’, Hasani ka bërë me dije se tani edhe bashkëpartiakët e tij nga rajoni i Dukagjinit e kanë kuptuar se versioni aktual i kësaj marrëveshje është i gabueshëm.
Sipas tij, rishikimi i kësaj marrëveshje dhe shkarkimi i komisionit qeveritar që ka bërë demarkacionin do të ndikojë në qetësimin e situatës politike në vend.
Këngëtari ferizajas Labinot Tahiri, i cili së fundmi është shndërruar në simbol të bamirësisë, e ka vizituar të premten familjen e 3 vjeçares Xheneta Gashi, e cila para pak ditësh humbi tragjikisht jetën pasi një mur në qendrën historike të Prizrenit u shemb.
“Te familja e rastit ku vajza 3 vjeçare humbi jetën në Prizren. Miq të dashur, unë isha te nëna e Xheneta Gashit! Më vjen shumë keq që shpenzoheni e shpenzohemi por kjo është jeta, nuk mund t’i mbyllim sytë dhe veshët për këto raste”.
“Unë ua plotësova dëshirën edhe shumë personave të cilët më kanë kërkuar që ta vizitoj këtë familje. Unë kam me qindra punë të mia, por ishte rast i rende dhe nuk hezitova të loboj dhe që të kërkojmë të mbledhim paratë vlerë prej 20.000 eurosh”, shkruan Labi në profilin e tij në Facebook.
Ai bën thirrje që njerëzit të japin donacione për t’i siguruar strehimin familjes dhe ka bërë me dije se vetë ai do të jetë donatori i 500 eurove për familjen.
“Unë nesër hedh 500 euro nga familja ime. Konton e keni në Raifasen Bank – Lirie Gashi. Momentin që mblidhen paratë tubimi i parave ndalohet”, ka thënë Labi, transmeton Klan Kosova
Të premten, në ditën e ditëlindjes së 73-të së tij, në kampusin e Universitetit të Prizrenit, u vu gurthemeli i shtatores së Ukshin Hotit.
Pjesëmarrës në këtë ngjarje ishin disa nga figurat eminente politike në vend, familjarë e shumë të tjerë.
Dëshirën për gjetjen e babait te tij të zhdukur që nga viti 1999, e shprehu Andin Hoti, përgjatë një fjalimi të mbajtur me këtë rast.
Ndërsa zëvendës kryeministri i Kosovës, Hajredin Kuçi, pati një mesazh për rektorin e universitetit, duke thënë që sa herë të kaloj andej të kthej kokën ta përshëndes, e të bej një pune siç kishte bërë Ukshin Hot
Presidenti rus Vladimir Putin ka pranuar gjatë kësaj të premteje se, Shtetet e Bashkuara me shumë mundësi janë ende superfuqia e parë e botës dhe se është i gatshëm të bashkëpunojë me cilindo që zgjidhet president në zgjedhjet e nëntorit, por shtoi se nuk dëshiron aspak të marrë këshilla prej amerikanëve sesi duhet të jetojë ai apo edhe rusët.
Komentet e Putinit vijnë pas një periudhe acarimesh në marrëdhëniet mes SHBA-ve dhe Rusisë, që janë minuar kryesisht nga çështje të tilla si Ukraina dhe Siria. Putin ritheksoi edhe njëherë kritikat mbi atë që ai e quajti si rol të devijuar të Shteteve të Bashkuara në çështjet e Ukrainës, ndërsa shtoi se kundërshton edhe ato që ai i konsideron si përpjekje të SHBA-ve për të penguar Rusinë të riparojë marrëdhëniet e saj me Bashkimin Europian.
Gjithsesi, pati edhe fjalë të mira për Amerikën.
“Amerika është një fuqi e madhe, ndoshta në ditët e sotme është e vetmja superfuqi në botë. E pranojmë këtë”, tha Putin gjatë Forumit Ekonomik Ndërkombëtar që zhvillon punimet në Shën Pjetërburg të Rusisë. “Ne duam dhe jemi të gatshëm të punojmë me Shtetet e Bashkuara”.
I pyetur në lidhje me Donald Trumpin, Putin duket se kërkoi të hidhte poshtë komentet pozitive të bëra prej tij në lidhje me kandidatin republikan për Shtëpinë e Bardhë në të kaluarën, duke shpjeguar se ato janë keqinterpretuar.
Në dhjetor, Putin e përshkroi Trumpin si “shumë pompoz, të talentuar dhe një udhëheqës absolut në garën presidenciale amerikane”. Këto komente, por edhe fjalët e ngrohta të shprehura prej Trumpit në lidhje me Putinin, shtuan spekulimet se Kremlini do të ishte i kënaqur të shihte manjatin e pasurive të paluajtshme në krye të Shtëpisë së Bardhë.
Por këtë të premte, Putin tha se e kishte përshkruar Trumpin thjesht dhe vetëm si një personazh “pompoz”.
“Ai është i tillë apo jo? – pyeti Putin duke buzëqeshur. – Nuk dhashë ndonjë vlerësim tjetër ndaj tij”.
Megjithatë, Putin shtoi se mirëpret vullnetin e mirë të Trumpit për të riparuar marrëdhëniet SHBA-Rusi. “E çfarë ka të keqe këtu?”, pyeti shefi i Kremlinit duke shkaktuar duartrokitje mes audiencës. Ai theksoi gjithashtu edhe “marrëdhëniet e ngrohta” të tij me ish-presidentin amerikan Bill Clinton, bashkëshortja e të cilit, Hillary është kandidate e demokratëve për Presidencën amerikane.
Putin tha se, ishte mirënjohës për vëmendjen dhe respektin që Bill Clinton ka shfaqur ndaj Rusisë dhe vet presidentit të saj personalisht. Por, nuk kishte shumë për të thënë mbi Hillary Clintonin, pasi u justifikua se me të nuk ka punuar kurrë drejtpërdrejt. TCH
Një kamion i ngarkuar me kontenier ka dalë nga rruga duke u përplasur me një banesë të pabanuar. Aksidenti ka ndodhur në hyrje të autostradës Durrës-Tiranë.
Si pasojë ka mbetur i lënduar lehtë drejtuesi i kamionit. Në vend shkuan efektivë të policisë dhe paraprakisht dyshohet që shkak është bërë pakujdesia e drejtuesit të kamionit, i cili ka humbur kontrollin duke devijuar nga rruga. /tvklan.al
Deputeti i Nismës për Kosovën, Zafir Berisha është mërzitur sot nga fjalimet e kolegëve të tij deputetet në kohën kur po diskutohet për vazhdimin e mandatit të EULEX-it.
Berisha ka thënë se fjalimet janë punë koti.
Ja postimi i plotë i tij;
Fjalime koti, kur fillojn me folë secili thot fakte interesante për dështimin e EULEX-it tash e 8 vite sa është në Kosovë, besa u befasova se sa mir i majn mendë dështimet, shantazhet improvizimet dhe korrupsionin e këti misjoni.
… Patriotizëm folklorik a.. .
Por ajo që bafason është se po të njejtit që japin fakte se EULEX-i s,ka bër asgjë në fund thon se ,,fluturon traktori,, Injoranc se jo mahi… Z.B
Grupi i organizatave të shoqërisë civile, që veprojnë në Prizren kërkojnë debat në Kuvendin e Kosovës për humbjen e jetës së vajzës 3 –vjecare.
Ata ftojnë deputetët nga Prizreni, që të kërkojnë përgjegjësi për tragjedinë e Prizrenit.
“Nga ju kërkojmë që të merrni nismën brenda Kuvendit të Kosovës për të përfshirë në rendin e ditës së seancës së ardhshme parlamentare rastin e tre vjeçares Xheneta Gashi, e cila humbi jetën javën e kaluar në Prizren. Kërkojmë që Kuvendi i Kosovës, konform mandatit që ka, të ftojë qeverinë e Kosovës dhe institucionet tjera në përgjegjësi për këtë tragjedi”, thuhet në komunikatën e këtyre organizatave.
“Ne si organizata të shoqërisë civile kemi publikuar qëndimin tonë dhe po angazhohemi për të kërkuar llogari nga institucionet lokale dhe qendrore për vdekjen e tre vjeçares Xheneta Gashi. Ne i kemi dy kërkesa: dorëheqjen e Kryetarit të Komunës së Prizrenit dhe dy ministrave të qeverisë së Kosovës, atij të kulturës dhe atij të planifikimit hapësinor, si dhe ndjekjen penale të të gjithë përgjegjësve institucional që me mosveprimin e tyre shkaktuan tragjedinë”.
“Ne kërkojmë që rasti i neglizhencës institucionale që prodhoi tragjedinë e javës së kaluar të diskutohet si pikë e veçantë e rendit të ditës në seancën e ardhshme të Kuvendit të Kosovës”.
“Për këtë, ju ftojmë që sa më parë të merrni këtë nismë për debat parlamentar për tragjedinë e Prizrenit”.
Kërkesa u është drejtuar deputetëve: Anton Çuni, Duda Balje, Emilija Redzepi, Fikrim Damka, Hatim Baxhaku, Kujtim Paçaku, Mufera Sinik, Mytaher Haskuka, Nait Hasani, Nezir Çoçaj, Zafir Berisha./PrizrenPress.com/
Refki Musaj, në prani të gjykatësit dhe prokurorit, ka goditur me grushte kushëririn e tij, Elezin gjatë një seance në të cilën këta dy janë palë të kundërta në proces.
Refkiu kishte ardhur të mërkurën në cilësinë e të akuzuarit për t’u paraqitur para gjykatësit së bashku me Elez Musaj, për një përleshje që kishin pasur në mes vete në gusht të vitit 2014.
Por mosmarrëveshja u përsërit edhe në seancë.
Sipas dëshmitarëve në seancë, deri te rrahja ka ardhur pasi që i pandehuri Refki Musaj, ka kërkuar sqarim nga i pandehurit tjetër Elez Musaj që të tregojë se kush kë e ka goditur në ditën kritike.
Kur Elez Musaj ka thënë se ai kishte qenë viktimë e sulmit, Refki Musaj ka reaguar menjëherë duke e ka goditur me grushte dhe duke i shkaktuat lëndime trupore.
Gjykatësi ka lajmëruar policinë, të cilët e kanë arrestuar në seancë të akuzuarin Refki Musaj, ndërsa emergjenca ia ka dhënë ndihmën e parë të dëmtuarit në gjykatë, ndërsa trajtimin mjekësor e ka vazhduar në emergjencën e Suharekës.
Gjykatësi Qemajl Suka, tha për KALLXO.com se të akuzuarit ishin ftuar në seancë për një rrahje që kishte ndodhur në vitin 2014, por në një moment ka eskaluar situata edhe në seancë.
Sipas tij, krejt ngjarja ka ndodhur në përfundim të seancës fillestare.
Komandanti i Stacioni Policor në Suharekë, Milazim Lumi, tha për KALLXO.com, se një person është arrestuar, për sulm ndaj një personi tjetër, në një seancë gjyqësore në Gjykatën Themelore në Suharekë, ndërsa me urdhër të prokurorit është ndaluar.
“Një person është arrestuar, për sulm ndaj një personi tjetër, i cili është intervistuar dhe me urdhër të prokurorit është ndaluar”, ka thënë komandanti i stacionit policor në Suharekë
Mbrëmë në lokalin “Cobra City” kishte shumë atmosferë. Njëra arsye ishte edhe “fejesa e Kallashit”.
Në videon që e ka siguruar Gazeta Express shihet valltarja së bashku me një burrë dhe dy këngëtarë të cilët këndojnë për bashkimin e atyre dyve.
Kallashi shihet duke buzëqeshur me të madhe ndërsa këngëtari në dorë mban një shumë të madhe të hollave.
Në një moment burri në krahë të Kallashit ia fut disa të holla asaj në gjoksin e madh
http://dai.ly/x4h051l
Kryeparlamentari i Kosovës Kadri Veseli, ka vizituar familjen Krasniqi në Landovicë.
Ai tha se kjo familje dhe Landovica, gjatë luftës ka dhënë shumë për çlirimin e Kosovës.
“Landovica ka dhënë shumë”, tha Veseli.
Vëllezërit, Xhelal e Hajdar Krasniqi nga Landovica, kanë qenë ish- veteranë të luftës së UÇK-së . Ata, ditë më parë kanë ndërruar jetë brenda një jave.
“Dy veteranët dhe bashkëluftëtarët, ishin pjesë e kontributi të luftës. Ne do të mundohemi t’i kujtojmë me pietet”, tha Veseli.
Ai ka premtuar përkrahje për familjen Krasniqi.
Ish -komandant “Çuni”, Osman Qerreti, ka falënderuar kryeparlamentarin Veseli,për vizitën që ia ka bërë familjes Krasnqi.
“Familja Krasniqi njihet si një familje patriotike sepse edhe vetë Miftari ishte i dënuar portikë”, tha ai./PrizrenPress.com/