Kuvendarja e Nismës në Prizren,Ganimete Hoxha-Babuna, akuzon qeverinë “Muja”, për fshehje të pronave publike. Sipas saj, këto prona po shfrytëzohen nga “klientela e tij”.

“Kjo u dëshmua në raportin e punës që u paraqit për t’u diskutuar në Kuvendin e Prizrenit, në mbledhjen e fundit”, tha Hoxha-Babuna.

Ajo tha se dokumenti që është paraqitur në Kuvedn, nuk meriton të quhet dokument i punës.

“Dokumenti është me shumë të meta, si në aspektin përmbajtjesor, kuptimor dhe semantik”.

“Vërtet është mëkat që në Kuvend vjen një dokument i tillë. Kjo tregon nivelin më minimal të përformancës te Ekzekutivi dhe seriozitetin e tij karshi Kuvendit. Me të tilla shkrime, Kuvendi po bëhet gjithnjë e më i zbehtë”.

Hoxha-Babuna tha se raporti i punës, nuk paraqet asnjë lloj informacioni.

“E vetmja gjë pozitive, që është prezantuar në këtë letër është specifikacioni i raportit financiar të shfrytëzuesve të pronës komunale.

Aty shihet se ka shfrytëzues të pronës, të cilët për një kohë shumë të gjatë nuk ju janë përgjigjur obligimeve ndaj Komunës”.

“Pastaj ne dyshojmë se kjo nuk është lista e plotë e pronave komunale të cilat shfrytëzohen nga personat fizike apo juridik. Ne, pretendojmë se ka më shumë prona komunale se sa janë paraqitur”/PrizrenPress.com/

Nënkryetari i Degës së AAK-së në Prizren, Naim Çelaj, kërkon që të prishet koalicioni me PDK-në në Prizren.

Ai thotë se AAK-së nuk i duhet PDK-ja.

Çelaj, për herë të parë ka treguar se prishjen e koalicionit m PDK-në, ka kërkuar që dy vite.

“Ka më shumë se dy vite që kam ngritur zërin tim në kundërshtim të koalicionit mes AAK-së dhe PDK-së në Komunën e Prizrenit”, tregon ai, shkruan PrizrenPress.

“PDK-ja në Prizren nuk është e aftë të qeveris Prizrenin. Ka mungesë të njerëzve dhe vizionit që qëllim ka zhvillimin e kësaj komune dhe qeverisjen e mirë”.

“Kjo vërtetohet edhe me faktin se shumica dërmuese e drejtorëve komunal të kësaj partie, janë të inkriminuar, e nën akuza për keqpërdorim të detyrës zyrtare”.

“PDK-ja në Prizren , pushtetin e shfrytëzon vetëm për përfitime të grupeve të ngushta të interesit, në një keqqeverisje pa vizion dhe pa të ardhme.Prandaj, Aleancës për Ardhmërinë e Kosovë në Prizren nuk i duhet PDK-ja dhe nuk duhet të vazhdoj koalicionin me të paaftët dhe të inkriminuarit as edhe një ditë…!!!!”/PrizrenPress.com/

Në shqyrtimin gjyqësor të mbajtur të premten, në Gjykatën Themelore në Prizren,  ndaj përmbaruesit privat Mehdi Reshani, i akuzuar për keqpërdorim të detyrës zyrtare janë paraqitur prova te reja, të cilat nuk i kishte në posedim gjykata.

Gjatë leximit të provave materiale nga shkresat e lëndës, kryetarja e trupit gjykues, Ajser Skenderi, ka konstatuar se në aktakuzë përmendet një parashtresë me prova të mbrojtjes, por ato prova nuk i posedonte gjykata.

Prokurorja e rastit, Ervehe Gashi, tha se nuk e dinte si ka ndodhur që ato prova, nuk gjenden në lëndë, pasi që, siç tha jo, i kishte dërguar të gjitha. Gashi, një kopje të tyre ia dorëzoi gjykatës.

Mbrojtësi i të akuzuarit Reshani, avokati Bashkim Nevzati, tha se bëhet fjalë për një parashtresë me rreth 20 prova, të cilat ai ia kishte dërguar prokurorisë në fazën hetuese. Nevzati kërkoi që të njëjtat prova, të administrohen nga gjykata.

Përfaqësuesja e palës së dëmtuar, avokatja Shpresa Berisha-Rexhepi, kërkoi që të administrohet si provë, marrëveshja e zotimit të nënshkruar në mes dy aksionarëve të ndërmarrjes “Agrokosova Holding”. Sipas saj, me këtë dëshmohet se përmbaruesi privat Mehdi Reshani, ia kishte pamundësuar administrimin e ndërmarrjes njërit prej pronarëve legjitim.

Trupi gjykues, do të vendos në seancën e radhës, rreth administrimit apo jo të këtyre provave të prezantuara nga palët, pasi të bëjë analizimin e tyre.

Seanca e radhës u caktua më 7 prill, në ora 09:30.

Prokuroria Themelore në Prizren, e akuzon përmbaruesin privat Mehdi Reshanin, se kishte tejkaluar kompetencat e tij, me qëllim të përfitimit të dobisë pasurore për personin tjetër, e njëkohësisht i kishte shkaktuar dëm personave tjerë. Sipas aktakuzës, Reshani, përkundër faktit se e kishte përmbaruar lëndën përmbarimore të kreditorit “Gruppo Vinicolo Fantineli”, ndaj debitorit “QMI”, të dy palët si aksionarë në “Agrokosova Holding”, ai kishte marrë sërish veprime ekzekutive, pa e njoftuar debitorin “QMI”, duke nxjerrë nga objekti i “Agrokosova Holding”, të gjithë stafin e të dëmtuarit “QMI”./betimiperdrejtesi/

Deputeti i Nismës, Zafir Berisha, (s)është habitur kur ka dëgjuar siç i quan ai “rrenat e Hashim Thaçit ”, për Prizrenin, nga goja e kryetarit të PDK-së, Kadri Veseli.

Ai, tha se Veselit, i kanë ikur pa përmendur edhe disa “rrena të tjera”, që ish- lideri i PDK-së Hashim Thaçi, kishte bërë në Prizren, në vitin 2009.

“Veseli e ka filluar fushatën në Prizren, me rrenat që Hashim Thaçi, i ka bërë që në vitin 2009”, tha Berisha, shkruan PrizrenPress.

Kryetari i PDK-së, Kadri Veseli, ka premtuar se nëse e fiton besimin e qytetarëve të Kosovës, dy ministri të Qeverisë së Kosovës, do t’i bartë në Prizren. Ai, ka premtuar se Ministria e Kulturës dhe ajo e Turizmit, do të transferohen nga Prishtina në Prizren.

Ndërkaq, Zafir Berisha, i cili e drejton Nismën në Prizren, tha se këto dy premtime kanë qenë të Hashim Thaçit.

“Thaçi ka pas premtuar se do të vendosë Shkollën Diplomatike në Prizren, Stadium Evropian…, por i paska harruar Veseli me i përmend”, tha Berisha.
Ai, tha se me mashtrimeve të tilla nuk do t’i besojnë qytetarët e Prizrenit.

“Jam shumë i bindur se qytetarët e Prizrenit nuk munden me i besuar më mashtrimeve të këtij lloji”.

Berisha tha se Veseli këto premtime i ka bërë duke i pasur në krah dy njerëz të dënuar për krime të organizuara dhe korrupsion
“Prizreni nëse është mashtruar njëherë në besim nuk do të thotë se mundesh, gjithnjë ta mashtrosh sa herë vinë zgjedhjet”, shprehet Berisha./PrizrenPress.com/

Kuvendari i Lëvizjes Vetëvendosje! në Prizren, Arbër Rexhaj tha se premtimi i kryetarit të PDK-së, Kadri Veseli, se dy ministri në të ardhmën do të bartën në Prizren, nuk është asgjë tjetër, përvq përpjekje për t’i mashtruar qytetarët. Sipas tij, partia e Veselit, ka rrënuar cdo gjë në Prizren.
“Kryetari i PDK-se Kadri Veseli paska zgjedhur Prizrenin për të filluar parafushatën zgjedhore parlamentare, madje edhe lokale ne Prizren. Ai paska premtuar që në qeverisjen e ardhshme Ministria e Turzimit ta ketë selinë në Prizren. Sigurisht që vendosja e kësaj ministrie në Prizren, si qyteti i dytë me i madh në Kosovë, do të ishte e mirëseardhur,  por, Kadri Veseli me parafushata të tilla po rren qytetaret”, tha Rexhaj.

“Këto ministri jo që nuk do të vendosen në Prizren por ai, si kryetar, qeverisja e tij, në Prizren duhet të japin llogari para drejtesisë për gjithë shkaterrimin e trashegimisë kulturore në Prizren, gjë që VETEVENDOSJE! në Prizren iu ka bërë thirrje publike prokurorerëve të Prokurorisë në Prizren”

“ Rasti i fundit, si pasojë e papergjegjesisë së ministrit dhe aktereve qeverisës në Prizren ka humbur jetën një femijë!”

“Ne Prizren e gjithë trashegimia kulturore, qëllimshëm është duke u shkaterruar, është duke u djegur, dhe degraduar skajshëm, pavarësisht reagimeve qe ia ka bërë VV-ja në Prizren, dhe pavarësisht reagimeve që i ka bërë Këshilli për Qendrën Historike të Prizrenit”.

“Nese shkon kështu, Prizreni do të mbetet pa kurrëfarë trashegime kulturore, dhe pastaj edhe vendosja e selisë së kësaj ministrie nuk ka cfare i duhet kur këtu, në Prizren nuk do të keteë asgjë për turistë”./PrizenPress.com/

Dy të akuzuar munguan në gjykimin për fajde në Prizren.

Në gjykimin e 14 të akuzuarve për krim të organizuar, fajde e vepra të tjera të rënda penale, munguan dy të akuzuarit Ekrem Lecaj e Zef Oroshi.

Mbrojtësi i Ekrem Lecajt, avokati Azim Loshi, i tha trupit gjykues se i akuzuari Lecaj e ka prindin në gjendje të rëndë shëndetësore.

Ndërsa i akuzuari Zef Oroshi, sipas fletë-kthesës së policisë ka shkuar për shërim jashtë vendit.

Avokati Hazër Susuri për shkak të këtyre mungesave propozoi që Oroshit e Lecajt t’u veçohet procedura.

“Konsideroj se janë plotësuar kushtet ligjore për veçimin e lëndës ndaj dy të akuzuarve të cilët mungojnë sot në shqyrtimin kryesor, ngase kjo lëndë është duke u zhagitur dhe nëse sot nuk veçohet kjo lëndë, atëherë gjykata nuk po vepron në drejtim të ekonomicitetit dhe parimit nga Konventa Europiane për të Drejtat e Njeriut dhe kodit të procedurës, që çdo çështje penale duhet të kryhet në një kohë sa më të shkurtër të mundur”, tha Susuri.

Propozimin e avokatit Susuri e përkrahën edhe avokatët tjerë. Avokati Skender Musa kërkoi që të akuzuarit Tunë qira t’i ndërpritet paraburgimi.

“Duke pasë parasysh gjendjen e tij shëndetësore dhe kohën e qëndrimit në paraburgim si dhe zvarritjen e procesit gjyqësor, ju kisha lutë juve si trup gjykues, por edhe Prokurorinë Speciale që ta shqyrtoni seriozisht çështjen e zëvendësimit të masës së paraburgimit me ndonjë masë më të lehtë, apo me masën e arrestit shtëpiak”, tha Musa.

Prokurorja e Prokurorisë Speciale, Merita Binaj- Rugova kundërshtoi propozimet për veçim procedure dhe lirim të Tunë Kqirës nga paraburgimi.

Prokurorja tha se në këtë fazë të procedurës Kqira nëse lirohet nga paraburgimi mund të ndikojë në dëshmitarët që ende nuk e kanë dhënë dëshminë në këtë gjykim.

Pasi u tërhoq për këshillim, trupi gjykues vendosi të mos e veçojë procedurën ndaj të akuzuarve që munguan dhe shtyu seancën e sotme gjyqësore.

Gjykata paralajmëroi që për të akuzuarit që mungojnë pa arsye do të kërkojë sjelljen me dhunë.

Sipas Prokurorisë Speciale, gjatë disa viteve të kaluara, të pandehurit Tunë, Kastriot, Gjon, Marjan, Gjekson e Gëzim Kqira dhe Benson Buza kanë vepruar si grup i organizuar kriminal më qëllim të përfitimit të drejtpërdrejt të dobisë financiare, duke kryer vepra të rënda penale.

Sipas aktakuzës, Tunë Kqira i ka mbikëqyrur dhe i ka drejtuar veprimet e këtij grupi kriminal.

Grupi ka shfrytëzuar gjendjen e rëndë financiare ose papërvojën e të dëmtuarve dhe u ka dhënë para me fajde. Pastaj, duke përdorur kërcënimet e rënda, i kanë detyruar të paguajnë kamata dukshëm joproporcionale ose të kryejnë ndonjë veprim tjetër në dëm të pasurisë së tyre.

Të akuzuar në këtë rast janë: Tunë, Kastriot, Gjon, Marjan, Gjekson e Gëzim Kqira, Benson Buza, Besfort Omaj, Zyrafete Hukolli, Ragip Fazlija, Ekrem Leci, Hil Katinari, Sejdë Kaqorraj dhe Zef Oroshi.

KALLXO.com ka raportuar edhe nga seancat e kaluara të këtij procesi. Raportet mund t’i gjeni në këtë link.

Kryetari i PDK-së, Kadri Veseli, ka zgjedhur Prizrenin, për të filluar përpilimin e Platformës së re politike të PDK-së. Ai, ka kërkuar ndihmë nga strukturat e partisë në këtë qytet.

“Jam para jush për t’ ju dëgjuar nga afër, për të gjitha shqetësimet eventuale, që mund të keni. Vërejtjet dhe sugjerimet tuaja, do merren për bazë në ndërtimin e Platformës tonë të përbashkët”, tha Veseli, shkruan PrizrenPress.

Strukturat drejtuese të Degës së PDK-së në Prizren,ndërkaq, para kryetarit Veseli paraqitën të gjitha shqetësimet , duke ofruar edhe alternativa konkrete për ndërtimin e Platformës së re qeverisëse./PrizrenPress.com/