Prokuroria Speciale ka nisur hetimet kundër Adem Grabovcit dhe personave tjerë të përfshirë në përgjimet, Dosja e Shefave.
Grabovci po hetimet për vepra penale që lidhen me keqpërdorimin e pozitës zyrtare gjatë viteve 2011-2012. Hetimi ka nisur 26 ditë pas nisjes së publikimit të përgjimeve nga Insajderi të Adem Grabovcit, me zyrtarët tjerë të lartë shtetëror e partiak, përfshirë presidentin Hashim Thaçi.
Të shtunën, Liria në kuadër të javës së dytë të Vala Superligës së Kosovës do të ndeshet me Prishtinën në “Përparim Thaçi”.
Interesimi për ballafaqimin e rivalëve të vjetër është shumë i madh , jo vetëm në Prizren por më gjerë.
Në kampin ‘bardhezi’, mbretëron atmosferë optimiste, pasi që ka një mobilizim të përgjithshëm, si nga futbollistët, shtabi teknik dhe Bordi.
“Janë bërë dhe po bëhen përgatitjet përfundimtare para ndeshjes derbi me Prishtinën”, kan thënë nënkryetari Qemal Krasniqi dhe anëtari i Bordit Afrim Kala, që kanë kërkuar përkrahjen e tifozërisë.
“Presim një ndeshje të fortë dhe lojë të bukur. Me angazhim të të gjithëve besoj të dalim me rezultat pozitiv. Ftoj që edhe publiku të na përkrahë nëkëtë ndeshje shumë të vështirë”, ka thënë kapiteni, Robert Gjeraj.
Në këtë ndeshje, Liria pritet të starton me ekipin më të mirë.
Ndeshja, Liria – Prishtina zhvillohet të shtunën në ora 16.00. /PrizrenPress.com/
Katër biseda të reja telefonike të Adem Grabovcit që sjell Insajderi në pjesën e XX-të të Dosjes së Shefave, zbulojnë servilizmin e një doktori për t’i shërbyer shefit kurdo dhe në çdo kohë. Bisedat dëshmojnë ndikimin e Grabovcit edhe në shëndetësi, e institucione tjera. Ai, zgjedh njerëzit e vetë për ta mundur Ilir Tolajn, një ish-sekretar të Ministrisë së Shëndetësisë. Grabovci thoshte se puna ka hyrë me inati dhe duhet të kryhet bindshëm.
Një doktor i ishte betuar Adem Grabovcit, që do t’i kryente të gjitha obligimet që ia ngarkonte ai.
Doktori, i paidentifikuar ishte caktuar nga Grabovci si kryesues i një komisioni për zgjedhjen e një zyrtari të lartë shtetëror.
Grabovci, kërkonte që njeriu i tij të fitonte bindshëm sepse siç thoshte ai, “puna është me inati me Ilir Tolajn”.
Në një bisedë telefonike mes Grabovcit dhe këtij doktori, dëshmohet se ai kishte qenë edhe në komisione tjera. Por, në një rast, ministri e kishte hequr për shkak të konfliktit.
Kësaj radhe, zotohej se nëse Grabovci e vendoste në krye të komisionit, atëherë do të kryente punë. Ky doktor, kishte kërkuar që pos Ilhami Gashit, ta kishte në komision edhe Arben Çitakun, i cili aktualisht është sekretar në Ministrinë e Ambientit.
Ndërkohë, anëtarë tjerë ishin caktuar Isuf Dedushaj dhe Ramush Beiqi. Me Dedushajn nuk kishin asnjë problem, derisa për Beiqin garantonte ky doktor se do ta bindte të mos dilte kundër.
Në një bisedë tjetër në mes të Grabovcit dhe Ilhami Gashit, flasin për sistemimin e Ganimete Rifajt.
Grabovci, e porosit Gashin , ish-sekretar i Ministrisë së Punëve të Brendshme që vendosej në krye të shumë komisioneve, që ta ketë parasysh Ganimete Rifaj. Për këtë do të bisedonin detaljisht kur të takoheshin, pas një takimi që do ta kryente Grabovci me Ambasadën Amerikane.
Gjatë bisedave telefonike, Grabovci i garantonte një personi që do të sistemohej në një institucion, por jo në pozitën që donte kandidati. Arsyeja pse nuk mund të ndodhte kjo, ishte mungesa e certifikimit për kontabilitet. Megjithatë, Grabovci e garantonte se do të sistemohej po në atë institucion.
Në fillim të bisedës së parë, doktori i tregon Grabovcit se po e shikonte Shaip Mujën në një debat me Rexhep Selimin. Doktori i thoshte se Muja e kishte qitë prej sistemi, Selimin. Grabovci, i tregon doktorit se ia kishte dhënë disa dokumente Mujës për këtë debat.
Ata, kalojnë drejtë në temën e krijimit të komisionit. Biseda zbulon se bëhej fjalë për një institucion që kishte të bënte me shëndetësi.
“A ki drejtë…, me kanë prapë aty ku…, ku je kanë”, interesohet Grabovci, teksa doktori i thotë se me dashtë ministri e vendos.
“Paj, vallahin, me dashtë, me dashtë, ai ministri m’qet, se kit herën e dytë, osht anulu me vendim tinaj, për shkak t’konflikti edhe… Edhe personat, konfliktuoz, a din n’qit rastin e dytë, kur kem, u ka… A din kishe, jon kanë Iliri edhe ai Nazi”, thotë doktori.
“Po…, e tash unë e kom lujt ni rol shumë amortizues aty, a din shumë konstruktiv… Ai, me dasht për hir t’përvojes, e t’konstruktivitetit, e sene, munet mem qit aty”, shpjegon doktori.
“Atëherë, po dufka me shku ti… Ilhamia… Edhe njo tjetër, kon ta kish marr menja”, e pyet Grabobvci. Doktori e kërkon Arben Çitakun.
“Atëherë ti e din edhe… ti mu bo kryesues… Për… përderisa, përderisa, ka propozu, Isufin, Dedushin… Atëherë, ki drejt edhe ti”, shton shefi.
“Po se Isufin, e kom pas edhe dy herë tjera… Kom drejt lirisht, se unë jom ka…, unë jon kanë në konsultime konstruktive që e kom amortizua, atë fërkim aty…, a pe din”, e pyet doktori, shefin.
“U bo pra atëherë, pot… Po, po…, për atë arsye, qashtu po ja bajmë”, shton Grabobci.
“Jo valla, bonum shlirë, se unë pa e kry se la”, zotohet doktori.
Grabovci i tregon për Ramush Beiqin që ishte caktuar nga dikush tjetër. Kërkonte që të bindej që edhe ai të mos votonte ndryshe nga doktori, Ilhami Gashi e Arben Çitaku.
“Po, Ramush Beiqi oshtë kardiolog, pediatër… Njihna me Ramushin, muj me kthye pozitiv, Ramushin”, thotë doktori.
“Munesh me kthy a? Bravo”, e lavdëron Grabovci.
“Muj me kthy, po besoj që muj, 99 për qind, muj”, garanton doktori. E, Grabovci i thotë se ka hy puna me inat, me Ilirin.
“Ti e din tashti, aty ka hi puna mo me inati, me Ilirin… Aty din me çdo kusht… duhet, duhet bindshëm, bindshëm me ec”, i thotë Grabovci.
“Unë, jom n’shërbim, t’asaj pune pa problem”, rikonfirmon doktori. /Insajderi.com
Policia e Kosovës njofton se në fshatin Bellacërk të Rahovecit, dje ka ndodhur një aksident trafiku në mes të një automjeti dhe një biçiklete, shkruan PrizrenPress.
Përveç dëmeve materiale lëndime trupore ka pësuar ngasësi i biçikletës, i cili është dërguar në Spitalin e Gjakovës.
Në njoftim të Policisë thuhet se është arrestuar ngasësi i automjetit dhe me vendim të prokurorit është dërguar në mbajtje. /PrizrenPress.com/
Një femër është goditur nga një veturë në Mamushë të Prizrenit duke i shkaktuar lëndime trupore.
“Lëndime trupore ka pësuar viktima femër K/Turke pasi që e njëjta është goditur nga një veturë në lëvizje me ngasës një mashkull K/Shqiptar. Viktima është dërguar në Spitalin e Prizrenit për trajtim të nevojshëm mjekësor”, njofton Policia e Kosovës, shkruan PrizrenPress.
Nuk raportohet për të arrestuar. /PrizrenPress.com/
Tre persona janë rrahur keq mes veti në Prizren. Policia njofton se ngjarja ka ndodhur dje tek Tranziti i ri, shkruan PrizrenPress.
“Pas një mosmarrëveshje janë rrahur mes veti tre të dyshuar meshkuj K/Shqiptar, ku si pasoj lëndime të rënda trupore ka pësuar njëri prej tyre i cili ka pranuar tretmanë mjekësor, ndërsa dy të dyshuarit tjerë janë arrestuar dhe me vendim të prokurorit pas intervistimit janë dërguar në mbajtje”, njofton Policia e Kosovës. /PrizrenPress.com/
Deputeti i Kuvendit të Kosovës nga radhët e Nismës për Kosovën, Zafir Berisha, ka kërcënuar me prishje të sigurisë në rast se kalon versioni aktual i demarkacionit, që pritet të votohet nga deputetët në seancën e 1 shtatorit.
Në një prononcim për “Indeksonline”, Berisha thotë se shqiptarët nuk duhet t’i falin toka shteteve tjera. Andaj, sipas tij, nëse eventualisht kalon ky version, atëherë pritet të ketë pasoja të këqija për vendin dhe rajonin.
“Kalimi i këtij versioni të demarkacioni është thellim i krizës të sigurisë në rajon. Fillimisht acarimi i marrëdhënieve midis dy shteteve ku do edhe do të prodhon krizë edhe me vendet të tjera. Pra, besoj se moskalimi i demarkacionit i shërben shumë edhe sigurisë të rajonit e cila është nëse e domosdoshme. Ju e dini se përpjekjet shekullore të shqiptarëve kanë qenë për tokë dhe kështu që në këtë moment unë nuk besoj se ka ardh komoditeti i shqiptarëve që me i fal edhe më tej tokë Malit të Zi”, ka thënë ai.
Megjithatë, Berisha shprehet optimist se Marrëveshja ndërmjet dy shteteve përpos që do të kundërshtohet nga subjektet opozitare, atë do ta bëjnë edhe disa deputet të koalicionit, PDK-LDK.
“Ne jemi shumë të sigurt që nuk kalon pasi tani kemi edhe deputetë të mazhorancës të cilët kanë deklaruar publikisht votën kundër dhe për këtë jemi përcaktuar të mos bëjmë ndonjë veprim tjetër përpos me i ripërsërit faktet dhe argumentet në seancë”, ka thënë ai.
Më tej, deputeti i Nismas për Kosovën thotë se partia e Fatmir Limajt dhe Aleanca për Ardhmërinë e Kosovës kanë platformën e vet politike dhe metodat e veprimit për seancën e 1 shtatorit. Ai thotë se nuk do të dalin në protesta pasi janë të bindur se demarkacioni nuk do të kalojë.
“Kështu që nuk kemi nevojë të përdorim metoda jo-parlamentare. Sidoqoftë, çdo subjekt politik i ka variantet të veprimit, kështu që ata (Vetëvendosje v.j.) ja pafshin ‘hajrin’ atij veprimi që janë përcaktuar”, është shprehur ai.
Në fund, Berisha ka komentuar edhe kritikat e sekteratit të LVV-së, Dardan Molliqaj, ku ky i fundit në një debat televiziv kritikoi dy subjektet opozitare për “urtësi” karshi disa proceseve.
“Molliqi nuk mundet ma shumë se Nisma dhe AAK-ja me qenë për Kosovën, mundet një qik me qenë më i mirë se Hashim Thaci dhe Isa Mustafa por jo më i mirë se Nisma dhe Aleanca”, është shprehur ai. /Indeksonline/
Sot bëhen 106 vjet nga lindja e humanistes së njohur shqiptare, Anjezë Gonxhe Bojaxhiu e njohur si Nënë Tereza.
“Nënë Tereza” është fituese e çmimit Nobel për Paqen, kurse më 19 tetor të vitit 2003 u shpall e bekuar nga Vatikani.
Gonxhja mësimet e para i mori në një shkollë shqipe në Shkup, ku po ashtu e kreu dhe gjimnazin, por në gjuhën serbo-kroate. Pasionet e rinisë së Gonxhes ishin tre: të bëhej mësuese, të shkruante dhe recitonte poezi dhe të kompozonte e të luante muzikë. Emrin “Tereza” e mori kur ishte 18 vjeçe dhe u dorëzua murgeshë.
Nënë Tereza u vendos në Kalkuta të Indisë ku fillimisht u bë mësuese dhe shumë shpejt drejtore e shkollës së vajzave. “Nënë Tereza e Kalkutës” u quajt kur themeloi urdhrin “Misionaret e Dashurisë” në vitin 1951, për t’u shërbyer më të varfërve dhe më të pashpresëve të Kalkutës, Indisë dhe gjithë botës.
Në çastin e marrjes së Çmimit Nobel më 1979, një nga klerikët që merrte pjesë në sallë e pyeti Nënë Terezën se nga ishte. Ajo deklaroi: “Kam lindur në Shkup, jam shkolluar në Londër, jetoj në Kalkutë dhe punoj për të gjithë njerëzit e varfër në Botë. Atdheu im është një vend i vogël me emrin Shqipëri”.
Nënë Tereza u bë një nga urat ndërlidhëse të njohjes së shqiptarëve në botë. Presidenti I ShBA-ve, Bill Clinton, është shprehur në qershor 2002: “Nënë Tereza, ishte e para ajo qe më bëri ta dua kombin shqiptar. Dhe tani ndihem shumë krenar që plotësova një detyrë morale ndaj saj dhe ndaj vlerave të lirisë”.
Nënë Tereza lindi në Shkup më 26 gusht të vitit 1910 dhe vdiq më 5 shtator 1997 në Kalkuta.
Numri i viktimave të tërmetit që goditi të mërkurën Italinë ka arritur në 267.
Sipas të dhënave që u publikuan sot në Romë nga Shërbimi i Mbrojtjes Civile, në këtë fatkeqësi natyrore janë plagosur rreth 400 persona të tjerë.
Zyrtarë të Mbrojtjes Civile deklaruan se lëkundjet e tokës vazhdojnë edhe më tutje me ç`rast që nga e mërkura janë regjistruar lëkundje, kurse nga mesnata e së enjtes 57 sish.
Në rajonet qendrore të Italisë, në mëngjes u regjistrua një tërmet i ri i fuqishëm në Amatrice, e cila tashmë është dëmtuar rëndë.
Shërbimi Gjeologjik amerikan tha se tërmeti i fundit ishte me magnitudë 4.7 të shkallës Rihter, ndërsa Instituti Gjeologjik Kombëtar Italian tha se ishte 4.8 gradë, raporton Reuters.
Një kamerier në një restorant në Teksas, SHBA është filmuar teksa hapte zjarr ndaj disa klientëve.
Ngjarja ka ndodhur, pasi klientët u ankuan se ai iu kishte sjellë porosinë e gabuar.
Sipas klientëve të tjerë të pranishëm, kamerieri në fillim u largua, por njëri prej klientëve e ndoqi dhe nisi ta godiste me grushta.
Ndërkaq, kamerieri është kthyer sërish duke nxjerrë armën dhe ka qëlluar ndaj tij.