Festivali i filmit mbi temat nga zonat e luftës ka mbledhur fotografë, historianë dhe aktivistë nga mbarë bota në Sarajeve.
Qëllimi i festivalit është të ndahen përvojat me pjesëmarrësit dhe të mos harrohen luftërat që kanë ndodhur e që ende po vazhdojnë.
Bashkëshortja e ish-presidentit francez, Nicolas Sarkozy, Carla Bruni, ka bërë një deklaratë “shokuese” nëse një ditë do të zbulojë se politikani 61-vjeçar e tradhtonte atë.
Bruni, aktorja italo-franceze 48-vjeçare, e cila u martua me Sarkozyn në vitin 2008, pasi ai u nda nga gruaja e tij e dytë, Sesilia, i tha me humor revistës “Elle” se nëse do të zbulojë që partneri i saj nuk është besnik “do bëjë gjëra ekstreme si për shembull t’i prisja fytin apo veshët kur ai të ishte në gjumë”.
Gjermani-Itali, një superndeshje e cila do të përcaktojë ekipin e radhës gjysmëfinalist të Euro 2016 do të zhvillohet mbrëmjen e sotme.
Joachim Low në prag të sfidës është shprehur i vetëdijshëm për forcën e kundërshtarëve, ndërsa shprehet se i ka studiuar të kaltrit me detaje.
“Italia di të mbrohet, i kemi analizuar me detaje dhe dimë si të përballemi me ata. Nuk ka rëndësi nëse luajmë me tre apo katër mbrojtës, thelbësor është ekuilibri në skuadër. Duhet të jemi cinikë dhe të mos gabojmë. Kemi përballë artistë të mbrojtjes dhe ndaj Italisë nuk do të kemi shumë raste për shënim. Jemi të vetëdijshëm për potencialin tonë, kemi shumë kualitet dhe talent. Të gjithë duam të shpallemi kampionë Europe”.
Pasi e cilësoi Italinë pengesën më të madhe për t’u kaluar në Euro 2016, trajneri kampion i botës nuk i beson suksesit 4-1 të “panzera”-ve në miqësoren e muajit Mars, por është i kujdesshëm përballë surprizave të mundshme.
“Miqësorja e luajtur në Mars nuk më entuziazmon. Italia është ai lloj skuadre që di si të reagojë edhe pas një humbje si ajo me shifrat 4-1 ndaj nesh. Janë një skuadër e fort, por ne dimë si ti përballojmë. Nuk e di nëse De Rossi do të luajë, por Italia është një skuadër fleksible, që gjithmonë gjen zgjidhje. Kundër tyre pres gjithmonë surpriza”.
Ajo është padyshim një nga femrat më seksi të showbizit shqiptar dhe diçka të tillë e dëshmon në çdo dalje të saj.
Këtë herë këngëtarja Adelina Tahiri ka ekspozuar linjat e saj të përkryera ndërkohë që ndodhej në plazh.
Përmes kësaj foto Adelina tregon çdo hir të saj duke u dukur më në formë se kurrë.
Yves Bonnefoy, një nga poet më të shquar modern francez, ka ndërruar jetë në moshën 93 vjeçare, bëjnë të ditura mediat franceze.
100 e më shumë libra të tij janë përkthyer në 30 gjuhë të ndryshme të botës, shkruan BBC.
Ai po ashtu njihej si përkthyes në versionin francez të veprave të autorit William Shakespeare.
Stili i tij ishte surrealist në një shkallë, por ai kërkonte që të shmangte paqartësitë, të cilat i izolonin lexuesit e tij nga çdo botë tjetër.
I lindur në vitin 1923 në Tours, ai po ashtu njihej edhe si kritik i artit, i cili kishte shkruar me mjeshtëri, si për Pablo Picasso, Alberto Giacometti dhe Piet Mondrain.
Këngëtarja shqiptare shihet të jetë e kërkuar në shumë fusha, përpos asaj të muzikës prej të cilës edhe është bërë e famshme.
Mediet e huaja shkruajnë, se këngëtarja shqiptare do të jetë pjesë e panelistëve në garën e madhe të modelizmit që mbahet në Amerikë “America’s Next Top Model”.
Në këtë event më herët ishte Tyra Banks, e cila ka shkëputur kontratën me këtë event përgjatë këtij viti. Organizatorët mendojnë se Rita Ora është një figurë shumë e përshtatshme për të qenë pjesë e këtij kompetecioni.
Dejan Cvetkoviq (46) ka masakruar me thikë bashkëshorten e tij Irena Cvetkoviq (31) para syve të djalit të tij. Kjo ka ndodhur në Drenovc pranë Knjezhevcit në Serbi.
Vrasja, sipas medieve serbe, është paraprirë nga një grindje e ashpër, pasi burri kishte shumë borxhe nga bixhozi, që sillej rreth 10 mijë euro.
Djali i tyre (11) e ka shikuar të gjithë ngjarjen. E atij, babai që kreu krimin i la edhe një letër në të cilën shkruhej: “Do mbetesh pa nënën, të cilën e deshe më së shumti, babai nuk mund ta durojë më këtë”.
Ai është arrestuar dhe është në mbajtje.
Trajneri Conte është shprehur i ndërgjegjshëm për forcën e kundërshtarit në prag të sfidës me Gjermaninë, dhe për të arritur suksesin e radhës në Euro 2016, strategu italian u shpreh se lojtarët duhet të japin 120% të tyre në këtë ndeshje.
“Këto janë ndeshje ku duhet të luash në 120%, janë ndeshje shumë fizike. Duhet që të jesh jo pothuajse mirë, por shumë mirë. Unë kam besim te i gjithë grupi, Përballemi me një kundërshtar shumë të fortë, në këtë moment më i mirë se Spanja, janë kampionë të botës. Kanë gjithçka për një skuadër të fortë, teknikë, talent, forcë fizike. Kanë organizim, besoj se janë skuadra më e kompletuar në botë”.
Por si mund të ndalet Gjermania sipas Contes, edhe kjo është një pyetje prej një milionë dollarësh.
“E kemi studiuar dhe punuar shumë. Jemi përgatitur për një skuadër që kur sulmon, të bën keq. Kanë shumë kualitete dhe jo rastësisht janë kampionë të Botës”, tha trajneri italian.
Deri në shtatë për qind të njerëzve që kanë votuar për BREXIT janë penduar dhe tani do të votonin ndryshe, thuhet në një hulumtim të fundit, shkruan The Independent.
Sipas studimit të realizuar nga Opinium diku 1.2 milion njerëz nuk do të votonin më për t’u larguar, çka do të ndryshonte vendimin që shokoi të gjithë të premten e kaluar.
Studimi tregon edhe se njerëzit tani pas BREXIT mendojnë se pozicioni i Britanisë së Madhe është shumë më i dobët në botë dhe se Mbretëria është më e dobët ekonomikisht.
Ndërsa një në 10 persona thotë se nuk e kishte besuar se largimi do të ndodhte, ndaj edhe kishte votuar për të frikësuar qeverinë.
Të gjeturat kanë ardhur pasi disa votues filluan atë që po njihet si “BREGRET” apo “Pendimi”, për zgjedhjen e tyre, përcjell Klan Kosova.
“Sikur ta kishim mundësinë të votonim edhe një herë”, thotë Mandy Suthi, që ka votuar për t’u larguar nga Bashkimi Europian, duke shtuar se pas rezultatit ishte “shumë e zhgënjyer”.
Që nga 12 qershori EULEX-i vazhdon të mos i shqyrtojë lëndët gjyqësore që i kanë mbetur në proces si pasojë e mosfuqizimit të ligjit, i cili është votuar në Kuvendin e Kosovës. Sipas njohësve të ligjit, ky vakum juridik më së shumti po i dëmton të paraburgosurit
Misioni i Bashkimit Evropian për Sundim të Ligjit – EULEX ende nuk i ka marrë “frerët” ligjorë për t’i vazhduar proceset gjyqësore që i kanë mbetur në proces, për shkak të procedurave ligjore që i ka Republika e Kosovës. Krejt kjo situatë konfuze e krijuar për më shumë se dy javë ka bërë që të paraburgosurit në procese gjyqësore të pësojnë më së shumti nga pezullimi i punës së EULEX-it, shkruan ‘Zëri’.
Edhe pse këtij misioni i është vazhduar mandati edhe për dy vjet të tjera, EULEX-i vazhdon të mos i shqyrtojë lëndët gjyqësore si pasojë e mosfuqizimit të ligjit, i cili është votuar nga deputetët e Kuvendit të Kosovës, por proceduralisht duhet ta marrë dekretin e presidentit dhe të botohet në gazetën zyrtare në mënyrë që të bëhet i plotfuqishëm./Zëri/