Shkrimtari Ismail Kadare do t’i nënshtrohet një ndërhyrjeje kirurgjikale.

Shkrimtari i madh është shtruar me urgjencë në spitalin Amerikan numër dy, i transportuar me barrelë dhe nën masa të repta sigurie e privatësie.

Nga burime konfidenciale mësohet se Kadare është shtruar në pavionin urologjik të spitalit privat.

Ai ndodhej me pushime në Shqipëri dhe ka shkuar në gjendje shumë të rënduar në spital, ku është marrë menjëherë nën kujdes nga mjekët. Në dhomën ku është rehabilituar shkrimtari dhe ku është kryer vizita nuk është lejuar madje as stafi.

Pas vizitës mjekët kanë konstatuar probleme urologjike dhe Kadare do t’i nënshtrohet një ndërhyrje kirurgjikale për prostatën.

Ai ka porositur stafin dhe mjekët që të mos lejojnë asnjë të afërm të hyjë përveç bashkëshortes së tij, Helenës. /BoldNews/

Në ditën e pestë të festivalit DokuFest, sot më 9 gusht, në konferencën e përditshme për media, folën përzgjedhësi i filmave të shkurtër për DokuFest, Samir Karahoda dhe Senta Van der Weetening nga festivali i filmave të shkurtër Winterthur. Karahoda foli për ecurinë e festivalit, ku sot me përmirësimin e motit, të gjitha filmat do të mbahen në vendet e parapara.

DokuKids po vazhdon aktivitet dhe punëtoritë duke ofruar një ambient të mrekullueshëm për fëmijët. “Një slogan do të shkruhet nga fëmijët e DokuKids murin e Kino Lumëbardhit, me ndihmën e regjisores nga Polonia, Eva Smyk, ku do të mundohen të krijojnë edhe një film të animuar, që do të shfaqet në fund të festivalit, tha Karahoda. Sa i përket ecurisë së DokuFestit, Karahoda ka bërë të ditur se në garën nacionale të së martës, katër prej filmave kanë qenë premierë. Ai paralajmëroi programin e pasur për ditën e sotme duke theksuar master klasën me artistin Anri Sala, me fillim nga ora 14:00, shkruan zëri.info.

Për të prezantuar disa nga filmat e shkurtër, në konferencë foli Senta Van der Weetening, përfaqësuese e Winterthur Short Film Festival, në Zvicër. Filmat janë ndarë në një kategori të veçantë të quajtur 5X5X5 dhe do të shfaqen sot nga ora 16:00 në KinoKlubi. “Winterthur është një fshat i vogël në Zvicër dhe ne organizojmë një festival atje që prej 20 vitesh” tha Weetening. Festivali ka rezultuar shumë i suksesshëm dhe ka filluar edhe të prodhojë filma së fundi.

“Festivali zhvillohet çdo vit në nëntor dhe numëron një mesatare prej 17.000 pranimeve në programet e tyre, si dhe 650 pjesëmarrës nga industria e filmit. Në nëntor të vitit 2014, Akademia e Arteve filmike dhe Shkencave ka shtuar këtë festival në listën e «Akademia e festivaleve kualifikuese për Film të Shkurtës.

Fituesit e Çmimit të Madh dhe çmimit për filmin më të mirë të Zvicrës në festival mund të konkurrojnë në garën për OSCAR® në kategorinë më të mirë për film të shkurtër,” bënë të ditur ajo. Weetening është shprehur shumë e lumtur me bashkëpunimin e tyre me DokuFest dhe shpreson që ky bashkëpunim të zgjerohet edhe në mënyra të tjera. /Zëri/

Para tri ditësh kanë filluar aktiviteteve vullnetare për trashëgimi kulturore në Kalanë e Prizrenit. Ambasadori i Shteteve të Bashkuara të Amerikës me rastin e vizitës së Kalasë së Prizrenit, vizitoi edhe vullnetarët që janë duke zhvilluar aktivitetet në Kala.

Duke shprehur përkushtimin e tij, Ambasadori Delawi i ka falënderuar vullnetaret që kanë zgjedhur Kosovës për aktivitete të tilla. Pjesëmarrësit ishin mjaft të impresionuar më vizitën e Ambasadorit, dhe një herësh shprehen përshtypjet e tyre të mira për Kosovën dhe trashëgiminë e pasur kulturore. Gjatë ditës së enjte aktivitetet do të vazhdojnë me disa vizita në lokalitetet arkeologjike të Kosovës siç janë lokaliteti arkeologjik Ulpiana, Kalaja e Harilaqit, lokaliteti arkeologjik Dresnik etj.