P residenti i Kosovës, Hashim Thaçi, ka kohë që i ka ndërprerë udhëtimet e tij jashtë vendit që i pati filluar në fillim të mandatit të tij, me gjasë të aranzhuara gjatë kohës sa ishte në pozitën e shefit të diplomacisë, ministër i Jashtëm. Burime brenda Presidencës thonë se ka disa dhjetëra kërkesa të presidentit për të bërë vizita jashtë vendit, por që ato po refuzohen.

Sidomos pas zhvillimeve të fundit dhe hapjes së temës për transformimin e njëanshëm të FSK-së në ushtri pa pëlqimin e faktorit ndërkombëtar, analistët politikë po e shohin presidentin e Kosovës si një nga figurat më të izoluara nga ndërkombëtarët. Për ta thyer këtë izolim ndërkombëtar, tani po duket se megjithatë presidenti ka filluar që të tërhiqet në mënyrë tinëzare, për shkak të presionit ndërkombëtar, nga insistimi i tij që me çdo kusht FSK-ja të transformohet në ushtri vetëm me ligj dhe pa ndryshimet kushtetuese.

Ky taktizim i pamatur i presidentit të vendit, nga analistët konsiderohet se do të jetë një minus i madh që do të mund të faturohet në CV-në e presidentit Thaçi, i cili po provon që, duke shpikur tema të mëdha, të dalë nga izolimi i brendshëm politik në të cilin është futur që nga dita e parë e fillimit të mandatit te presidentit.

Taktizimi me ushtrinë Analisti politik, Ali Hertica thotë se në bazë të informacionit që posedon ai, presidenti i Kosovës po renditet në një nga figurat më të izoluara politike, jo vetëm brenda vendit, por edhe jashtë nga faktori ndërkombë- tar, sepse janë dhjetëra vizita të kërkuara e të papranuara nga shtete të caktuara. “Presidentit Thaçi deri me tani i janë anuluar 27 kërkesa për vizita jashtë nga disa vendet të ndryshme për t’u takuar me burrështetas që të lidhin marrëdhënie bilaterale dhe bashkëpunim politik në të gjitha fushat. Një izolim i tillë nuk do të jetë pasqyrë e mirë për presidentin e Republikës së Kosovës, ngase po tregohet se ato shtete nuk duan të kontaktojnë më një burrështetas të tillë për shumë arsye”, është shprehur ai.

“Tani, duke parë një situatë jo të mirë të një konsiderate presidenciale të shteteve, Hashim Thaçi ka filluar gradualisht ta ndryshojë kursin e tij politik edhe të qëndrimeve rreth formimit të ushtrisë, duke mos i marrë në pah konsultimet me shtetet mike. Tani, Thaçi del dhe thotë se asnjë shtet nuk është kundër, por duhet të ketë një bashkëpunim se si duhet të jetë një ushtri moderne, se edhe shndërrimi i FSK-së nuk bëhet për një ditë, por gradualisht me vite, ku de fakto tani Thaçi ndryshon qëndrimin e tij të pakthyeshëm siç e deklaronte ai”, tha Ali Hertica. Ai konsideron se të gjitha këto skandale politike dhe hapa të ngutshëm, pa u konsultuar me faktorin ndërkombë- tar dhe atë të brendshëm, presidentit mund t’i kushtojnë shumë.

Në seancë të mbyllur, i akuzuari Nebih Berisha ka rrëfyer ngjarjen dhe motivet që e shtynë ta vriste bashkëshorten e tij në Suharekë.

Pas një konsulte me Nebih Berishën, i akuzuar për vrasjen e bashkëshortes së tij Zejnepes, eksperti i forenzikës psikiatrike dr. Arsim Gashi tha se klienti i tij mund të marrë pjesë dhe ta përcjellë seancën gjyqësore.

“Pas konsultës paraprake me klientin Berisha, konstatoj se klienti mund të marrë pjesë në seancë gjyqësore, është në gjendje t’i kuptoj procedurat dhe të japë mbrojtjen, mirëpo për shkak të gjendjes emocionale ndoshta do të ketë nevojë për pushime apo pauza të kohëpaskohshme”, tha eksperti psikiatrik.

Pas dëgjimit dhe mendimit të ekspertit psikiatrik, prokurori dhe mbrojtja nuk patën propozime për prova të reja me çka edhe përfundoi procedura e provave në këtë çështje.

Gjykimi vazhdoi me dëgjimin e deklaratës së të akuzuarit Nebih Berisha, me ç’rast trupi gjykues mori aktvendim që seanca nga ky moment të jetë e mbyllur për publikun, ngase bëhej fjalë për çështje private familjare.

Gjatë dëshmisë së të akuzuarit, prezent ishte monitoruesi i KALLXO.com, mirëpo meqë seanca ishte e mbyllur deklaratat e të akuzuarit të dhëna para trupit gjykues nuk do të bëhen publike.

Pas seancës, Esat Gutaj, avokat i të akuzuarit, tha për KALLXO.com se klienti i tij në hollësi ka përshkruar gjithë ngjarjen dhe motivet që e kanë shtyrë për kryerjen e veprës penale.

“Sipas rregullave dhe sipas kodit të procedurës, ku ka çështje që janë të lidhura me interesa personale, gjykata merr vendim vet për me e përjashtu publikun ose mos të lejojë incizime për shkak të privatësisë. Me datën 5 prill e kemi fjalën përfundimtare prokuroria dhe mbrojtja. Janë administru të gjitha provat, është marrë në pyetje i akuzuari dhe është vetëm edhe fjala e fundit e mbrojtjes dhe e prokurorisë”, tha Gutaj për KALLXO.com.

Nebih Berisha akuzohet se në mbrëmjen e 23 tetorit 2015 në shtëpinë e tij familjare me dashje privoi nga jeta bashkëshorten Zejnepe Berishën dhe i shkaktoi lëndime trupore vajzës së tij.

Deputeti nga radhët e Nisma për Kosovën, Zafir Berisha ka thënë se fushata parazgjedhore e Kadri Veselit është kopje e fushatës së Hashim Thaçit të bërë në vitin 2014.
Berisha përmes një postimi në Facebook ka theksuar se e gjithë kjo po ndodhë për prishje të koalicionit me LDK-në.

Postim i plotë:

Fushata parazgjedhore e Kadri Veselit është kopje e fushatës parazgjedhore të Hashim Thaqit në 2014 i cili e qoj vendin në zgjedhje, me arsyetimin se s,ka koncenzues për tresformimin e FSK-së.
E njejta storje po ndodhë edhe këtë vitë, për me kërku ,,qime në ve,, për me prishë kualicionin me LDK-në.
Dallimi nga 2014 është se sivjet në fushatën parazgjedhore përveç Hashimit është edhe Kadria….
Isa i gjorë ka mbet ,,as me shehër as me Barilevë,, siç thotë populli. Pra nuk po i shitet më as vet-viktimizimi, sepse edhe ata që i kanë humbur të dashurit e tyre pas luftës, nuk po i besojnë më./Telegrafi/

Prokurori i Prokurorisë Themelore në Gjakovë, kërkoi që ish drejtori i Arsimit në Komunën e Malishevës, Blerim Thaçi, të shpallet fajtor për veprën penale për të cilën akuzohet, por avokati i tij e kërkoi të kundërtën e prokurorit.

Agron Matjani, që e mbron lëndën ndaj Blerim Thaçit, tha se në tërësi qëndron pranë aktakuzës së ngritur.

“Ngeli në tërësi pranë aktakuzës të ngritur kundër të akuzuarit Blerim Thaçi. Propozoj që gjykata të akuzuarin Blerim Thaçi ta shpall fajtor”, tha prokurori Matjani.

Sipas aktakuzës së Prokurorisë Themelore të Gjakovës, Blerim Thaçi në cilësinë e drejtorit të Arsimit në Malishevë akuzohet se ka dhënë urdhër që të kryhen punimet e rrethojës së Gjimnazit “Hamdi Berisha” në Malishevë në mars të vitit 2014, përderisa fituesi i tenderit është shpallur tek më 10 prill të atij viti në uebfaqen e Komisionit Rregullativ të Prokurimit Publik.

Prokurori theksoi se punimet janë kryer pa asnjë lloj procedure.

“E gjithë kjo procedurë ka qenë formale pasi që punimet janë kryer më herët,” shtoi prokurori i Prokurorisë Themelore të Gjakovës, Agron Matjani.

Ndërsa, Emrush Kastrati, avokati i të akuzuarit Thaçi e kundërshtoi në tërësi aktakuzën me arsyetimin se ajo është e pabazuar në prova dhe fakte.

“Gjatë këtij shqyrtimi gjyqësor, konsideroj se me asnjë provë relevante nuk është vërtetuar teza e aktakuzës së prokurorit të shtetit“, tha avokati Kastrati.

Shpallja e aktgjykimit do të bëhet të martën