Buxheti prej 38 milionë eurove, i ndarë për veteranët për vitin 2017, konsiderohet i pamjaftueshëm për t’i rehatuar ish-guerilët e pensionuar të UÇK-së.

Megjithatë, Qeveria dhe Organizata e Veteranëve janë duke bërë përpjekje për ta arritur një marrëveshje për plotësim-ndryshimin e Ligjit për Veteranët, në mënyrë që kjo çështje të zgjidhet përfundimisht.

Kështu, në bazë të këtyre ndryshimeve pritet të bëhet një kategorizim i veteranëve, si dhe që t’u mundësohet atyre, të cilët janë të punësuar në sektorin privat, të marrin edhe 50 për qind të pensionit të veteranit, shkruan sot Gazeta “Zëri”.

Kryeministri i vendit, Isa Mustafa, ka thënë se Qeveria e Kosovës me pajtimin e Fondit Monetar Ndërkombëtar ka vendosur që të ndajë një buxhet prej 50 milionë eurosh për kategoritë e dala nga lufta, 38 milionë prej të cilave janë për veteranët.

Sipas tij, kjo shumë nuk është e mjaftueshme nëse merren për bazë kriteret aktuale të ligjit, megjithatë, sipas tij, kjo shumë mund të shkojë deri në 45 milionë.

“Në qoftë se marrim kriteret e tanishme të ligjit, ky buxhet prej 38 milionëve nuk është i mjaftueshëm që t’i përmbushim nevojat e tyre, sepse çdo ditë po rritet numri i tyre. Tani e disa ditë jemi në biseda me udhëheqësin e Organizatës së Veteranëve për të gjetur një zgjidhje. Është kërkesa e FMN-së që ne mund të ndajmë deri në 0,7 për qind të Bruto Produktit Vendor (GDP) për veteranët që në përmasat e sotme ai do të ishte rreth 45 milionë euro. Pastaj ashtu siç rritet GDP-ja rritet shuma absolute”, ka deklaruar Mustafa, shkruan “Zëri”.

Ai më tej ka bërë të ditur që bëjnë përpjekje këtë kriter ta harmonizojnë me Organizatën e Veteranëve në mënyrë që të mundësohet njëlloj kategorizimi.

“Pastaj shpërndarjen e brendshme ta bëjnë sipas vlerësimeve që i kanë, qoftë në aspektin e kohëzgjatjes, pjesëmarrjes së tyre në luftë, qoftë në atë të fazave të ndryshme të pjesëmarrjes dhe të mundësojmë që ata të kenë të drejtë që të marrin 50 për qind të kësaj shume, në qoftë se janë në marrëdhënie pune në sektorin privat, për të mos i privuar nga e drejta e marrëdhënies së punës”, ka shtuar Mustafa

Një rrugë në Krushë të Madhe, edhe pse e rëndësishme jo vetëm për fshatin, ka mbetur në terr, derisa rrugë tjera të këtushme ka kohë që janë ndriçuar.

Rruga kryesore në Krushë të Madhe që e bën lidhjen e Magjistrales Prizren-Gjakovë me qendrën e fshatit ende nuk ka ndriçim.

Ndriçimi i rrugëve në fshat ka filluar të bëhet disa vite më parë, por jo në rrugën që lidh qytetet e Prizrenit, Gjakovës dhe Rahovecit.

Haziz Krasniqi, zyrtar për informim nga Komuna e Rahovecit tha për KALLXO.com se ky projekt ka filluar në qytetin e Rahovecit për të vazhduar edhe në fshatrat tjera më të mëdha, por sipas tij, kompania e kontraktuar nga komuna nuk mund të punojë njëkohësisht në të gjitha vendet.

“Projekti ka fillue në qytet edhe duhet të vazhdojë edhe nëpër fshatra tjerë. Dhe kompania nuk mundet me ja fillu përnjiherë në krejt vendet,” tha Krasniqi.

Sipas Krasniqit, problemi nuk qëndron te instalimi i ndriçimit, por te mirëmbajtja e tij.

“Problemi nuk është me ndërtu, me i qit ato shtyllat. Mirëmbajtja kushton për komunën, kushton shumë mirëmbajtja,” shpjegoi Krasniqi.

Ndërsa Selami Hoti, kryetari i fshatit Krushë e Madhe tha se mundësitë buxhetore janë faktorë që kufizojnë shumë gjëra.

“Do të mundohemi që në të ardhmen gjërat do të bëhen njëjtë për të gjithë, duke e kuptu që mundësitë buxhetore janë ato që ndalojnë shumë gjëra, por bile së paku të bëhet ajo më me prioritet, e mbase në atë kohë, e kanë konsideru këtë me prioritet,” tha Hoti për KALLXO.com.

Drejtoria e Shërbimeve Publike në Komunën e Rahovecit planifikon që rrugën e rëndësishme jo vetëm për Krushën e Madhe ta ndriçojë në pranverën e vitit që vjen.

Nuk është hera e parë që kjo rrugë është lënë pasdore. Derisa asfaltoheshin rrugët dytësore apo sokaqet në lagjet tjera, “Rruga e Drinit” vazhdonte të kishte gropat të cilat e vështirësonin komunikacionin.

Ky problem është zgjidhur vitin e kalu

Dega e PDK-së në Suharekë , sot mbajti konferencë me gazetarë, të cilën e hapi sekretari i kësaj dege Halil Krasniqi, ku tregoi shkurtimisht për angazhimin e asamblistëve të PDK- së, të Rinisë Demokratike dhe aktiviteteve të tyre të cilat kanë qenë të vazhdushme.

Alush Shala Shef i Grupit të PDK-së në Kuvendin Komunal të Suharekës, prezentoi vendimin e Ministrisë së Mjedisit dhe Planifikimit Hapsinor, ku kërkohet nga Drejtoria për Urbanizëm, Kadastër dhe Mbrojtje të Mjedist e Komunës së Suharekës, që të inicojë procedurën për pezullimin e të gjitha Planeve Rregulluese të Hollësishme të miratuara në kundërshtim me ligjin për Planifikim Hapsinor Nr.04/L-175, pra fjala është më saktësisht për Planin Rregullues i Hollësishëm, për lagjen “Kodra”, zonën “Qendra” dhe lagjen “ Rosula”.

“Dëmi i shkaktuar Komunës së Suharekës, në hartimin e planeve rregulluese, në kundërshtim me ligjin Nr.04/L-174 është rreth 100 mijë euro, të gjitha taksa të banorëve lokal, kurse kemi edhe dëmin në mungesë të të cilave, nuk kemi pagesa të taksave në ndërtim të objekteve e që njihet si ndërtim pa leje” –theksoi Shala.

Asambleisti nga kjo parti Jeton Rrakaqi, theksoi se shumë Shoqëri Kulturoro-artistike janë shuar në aktivitete nga mungesa e përkrahjes së Komunës së Suharekës, ndërsa për KF “Ballkani” i cili për momentin është i vetmi klub aktiv, mezi po arrin mbijetesen nga mungesa e mjeteve dhe përkrahjes fnanciare./therandapost.com/

Një gjyqtar është kërcënuar në Rahovec. Kërcënuesi është arrestuar nga policia.
“Është arrestuar i dyshuari pasi që i njëjti ka kanosur me fjalë viktimën-gjyqtar”, njofton PK.

“Kërcënimi dyshohet sa ka ndodhur për shkak të një kontesti pronësor që kishte pasur prindi i të dyshuarit me një punonjëse në gjykatë”, njofton PK.

“Me vendim të prokurorit i dyshuari është dërguar në mbajtje./PrizrenPress.com/

Policia ka njoftuar se në komunën e Suharekës është gjetur një trup i groposur.

Policia e Kosovës ka njoftuar se pas hetimeve që ka kryer dje lidhur me një rast që ka ndodhur me datë 06.10.2016 rreth orës 13:00 në komunën e Suharekës në ”Oraq” është gjetur një trup i pajetë, i groposur.

”Pas hetimeve lidhur me rastin me 27.12.2016 në vendin e quajtur “Oraq” është gjetur një trup i pajetë, i dekompozuar dhe i groposur”, njofton policia.

Sipas policisë, me vendim të prokurorit trupi i pajetë i viktimës është dërguar në IML për obduksion, ndërsa njësitet policore janë duke hetuar rastin

Policia e Kosovës ka njoftuar se ka arrestuar një person në Suharekë, i cili dyshohet se derisa ishte i dehur ka rrahur gruan e tij.

“Është arrestuar një i dyshuar mashkull K-Shqiptar pasi që i njëjti nën ndikim të alkoolit e kishte sulmuar fizikisht viktimën femër K-Shqiptare bashkëshorten e tij, duke i shkaktuar lëndime trupore. Me vendim të prokurorit pas është intervistuar i dyshuari dërgohet në mbajtje”, thuhet në raportin policor.