Një gjykatë në Turqi ka lëshuar fletarrestim për klerikun, Fethullah Gulen, i cili jeton në SHBA dhe akuzohet për orkestrimin e tentim puçit të 15 korrikut.
Lajmi është bërë me dije nga mediet shtetërore turke.
Orlando Bloom tregon penisin
Aktori i njohur, Orlando Bloom u zhvesh plotësisht, teksa po pushon në Itali me të dashurën, këngëtaren Katy Perry.
Rrjeti është çmendur me fotot e 39-vjeçarit.
Lewandowski transferohet në Real?
Drejtuesit e Real Madridit po synojnë që gjatë këtij afati kalimtar ta bëjnë një transferim të madhe, pasi deri më tani kanë afruar vetëm Alvaro Moratan.
Sipas të përditshmes sporeve madrilene, AS, Real Madridi ende nuk ka hequr dorë nga transferimi i Robert Lewandowskit.
Sipas AS-it, sulmuesi polak ende nuk ka nënshkruar kontratën e re me Bayern Munichun, derisa nuk i është rritur as paga.
Kjo mund të shtyjë polakun që të kërkoj transferimin te Real Madridi. Përveç kësaj, transferimi i Jese Rodríguez në PSG mund t’i hap rrugë transferimit të Lewandowskit në Santiago Bernabeu
Dosja e Shefave, Kryeprokurori i Shtetit takohet me EULEX-in
Kryeprokuroi i Shtetit, Aleksandër Lumezi, priti sot në një takim pune kryeprokurorin e EULEX-it, Claudio Pala.
Pas këtij takimi, kryeprokurori i EULEX-it Pala e ka ngarkuar prokurorin përgjegjës për rastin e ashtuquajtur të MTPT-së për të bërë një vlerësim të përmbajtjes së telekomunikimeve të përgjuara, për të gjetur nëse ekziston ose jo dyshimi i bazuar për inicimin e hetimit për pohimet e përmbajtura që dallojnë nga ato për të cilat tashmë është marrë vendimi për ndërprerjen e hetimit.
Në njoftim bëhet e ditur se raporti mbi këtë vlerësim do t’i dorëzohet kryeprokurorit të Shtetit Aleksandër Lumezi,
“Më pas varësisht nga informatat e pranuara nga prokurori ndërkombëtar i çëshjtes, nëse nuk është bërë hetimi i atyre telekomunikimeve, nga kryeprokurori i Shtetit Aleksandër Lumezi, do të krijohet një ekipë e prokurorëve nga Zyra e Kryeprokurorit të Shtetit dhe Prokuroria Speciale e Republikës së Kosovës, të cilët do të verifikojnë dhe analizojnë përmbajtjen e telekomunikimeve në mënyrë që të arrihet përfundimi se a ekzistojnë elemente të ndonjë vepre penale, të kryera nga subjektet e përgjuara, të cilat mund të ndiqen penalisht”, sqaron njoftimi.
Nëse do të gjenden elemente të kryerjes së ndonjë vepre penale, të cilat do të mund të ndiqen penalisht, prokuroria do t’i filloj hetimet për ato vepra penale, pavarësisht se nga kush mund të jenë kryer. /PrizrenPress.com/
Shapllen juritë e DokuFestit
DokuFest ka shpallur emrat e anëtarëve të jurive të sivjetme për gjashtë kategoritë garuese. Juritë e përbëra nga profesionistë dhe entuziastë filmi do të shikojnë dhe përzgjedhin filmat e tyre të preferuar në mesin e 107 filmave.
GARA E DOKUMENTARËVE NGA BALLKANI
Eric Hynes është gazetar me bazë në New York, kritik i filmit dhe programmer. Herë pas here ai shkruan një kolonë mbi artin jofiksion të quajtur “Make It Real” për Film Comment Magazine. Ai ka shkruar edhe për The New York Times, The Washington Post, Rolling Stone, Slate, The Intercept, Sight & Sound, The Village Voice si dhe për Reverse Shot, për të cilën shkruan qe një kohë të gjatë. Hynes s drejton serinë me video intervista “Talkies”.
Marek Septimus Wieser, i lindur në Poloni, ishte vetëm shtatë vjec kur me familjen e tij iku si refugjat në Suedi. Më 1995 ai u rikthye në Poloni për të studiuar Kinematografi në Shkollën Nacionale të Filmit/Polish National Film School në Lodz. Ai jeton në Stockholm ku edhe punon si Kinematograf, kryesisht me filma fiksion por edhe reklama e dokumentarë.
Maria Bonsanti që nga viti 2000 ka punuar në shumë festivale filmash, mes tyre edhe Locarno Film Festival. Që nga viti 2002 ajo është drejtoreshë artistike e Cinéma du Réel, festival ky që mbahet cdo vit në Paris, në Qendrën Pompidou. Ajo ka bashkëpunuar gjatë me Festival dei Pooli – International Documentary Film Festival of Florence, në të cilin ishte caktuar si bashkë-drejtoreshë më 2011.
GARA E DOKUMENTARËVE PËR AMBIENTIN
Defne Koryürek është aktiviste e ekologjisë, ish kuzhiniere dhe pronare restorantesh. Një shkrimtare dhe pedagoge e arrirë, ajo shkruan dhe udhëheq një program javor në TV. Përvec që është këshilltare për Slow Food International Councillor për Turqinë ajo gjithashtu drejton një nga grupet më të mëdha në vend që përkujdeset për ruajtjen e faunës.
Diego Mas Trelles është regjisor dhe producent filmash. Ai ka bërë dokumentarë për ARTE, TVE, MDR, Canal+, MDR dhe ZDF. Punon kryesisht me reklama, video muzikore dhe programe televizive. Trelles ka qenë president i DOCUS MADRID, një shoqatë që promovon filmin dokumentar. Ai ka punuar me shumë festivale filmash dhe momentalisht është programer në DocumentaMadrid.
Martin Horyna kishte filluar studimet universitare në fushën e fizikës teorike. Sidoqoftë, jeta nganjëherë sjell të papritura dhe një vendim spontan i kishte ndryshuar fokusin që e orientoi më pas tek studimet mbi filmin. Që nga 2011, ai ka qenë anëtar në Departamentin e Programit në Karlovy Vary IFF që mbahet në korrik të cdo viti në Republikën Ceke. Tani ai bën përzgjedhjen e filmave dokumentarë në KVIFF.
GARA E DOKUMENTARËVE PËR TË DREJTAT E NJERIU
James Longley është regjisor dhe fotograf, i njohur më së shumti me filmin e tij GAZA STRIP, i xhiruar gjatë kryengritjes së dytë në Palestinë, dhe filmat e tij dokumentarë IRAQ IN FRAGMENTS dhe SARI’S MOTHER. Dokumentarët, të nominuar në Akademi dhe fitues të shumë festivaleve dokumentarë, tregojnë jetën e qytetarëve irakianë gjatë kohës së luftës dhe okupimit. James tani po punon për një film të ri, ANGELS ARE MADE OF LIGHT, një film që ndjek jetën e studentëve dhe mësuesve përgjatë tre vjetëve në një shkollë në Kabul, Afganistan. James është anëtar i Academy of Motion Picture Arts and Sciences në MacArthur Foundation Fellow.
Tüe Sten Muller, danez i lindur më 1947, ka punuar me dokumentarë dhe filma të shkurtër për më shumë se 20 vite në Danish Film Board. Ai është bashkë-themelues i Balticum Film dhe TVFestival, Filmkontakt Nord dhe Documentary për Bashkimin Evropian. Nga 1996 deri më 2005 ka qenë drejtor i European Documentary Network. Ai ka mbajtur kurse dhe seminare mbi filmat dokumentarë në më shumë se 30 shtete. Nga 2006 bën punën e këshilltarit dhe mësuesit të pavarur duke organizuar workshope.
Mustafa Kerem Yuksel është koordinator programesh në World Cinema Program Coordinator për Ankara IFF. Më parë ai ka punuar në nivele të ndryshme në FF, përfshirë Adana Golden Boll IFF, Flying Broom Int’I Women’s FF, Pink Life QueerFest LGBTT FF, Refugee Film Days, Sinemardin Mardin FF.
GARA E DOKUMENTARËVE NDËRKOMBËTARË
Carlos Ramos, i diplomuar në Ingjinieri Kompjuterike vjen nga Lisbona, Portugalia. Ai është drejtor i IndieLisboa Film Festival dhe programmer për filma të shkurtër dhe muzikë për dokumentarë që nga 2006. Ramos poashtu është drejtor i PLUNC, një festival i ri digjital për media dhe art që mbahet në Almada dhe Lisbonë.
Jetmir Idrizi është fotograf i pavarur, i lindur në Prishtinë, Kosovë. Ai ka studiuar gazetari në Prishtinë dhe ka punuar si fotograf gazetar për 7 vite në një gazetë ditore në Kosovë. Më 2012 ai ka fituar cmimin “Gjon Mili” për fotografinë më të mirë ndërkombëtare, të organizuar nga Galeria Kombëtare e Arteve të Kosovës. Më 2015, Jetmir Idrizi është vendosur në Brazil për të punuar me projektin e tij të parë afatgjatë me teme mbi Gjininë dhe Identitetin. Me 2016, me punën e tij në Brazil ka fituar Sony World Photography Awards, cmimi i pare ne Campaign Category.
Luke Moody është kryetar i filmit në BRITDOC. Ai menagjon fondet për filma përfshirë Bertha BRITDOC Jounalism Fund, Bertha BRITDOC Connect Fund, Pulse BRITDOC Genesis Fund dhe BRITDOC Circle Fund. Puna e tij ka vazhduar edhe me shumë projekte të tjera të ngjashme.
Nick Pinkerton është kritik i filmit dhe programmer nga Ohio, por me bazë në New York. Shkrimet e tij mbi filmin dhe artet vizuele janë publikuar në Artforum, Frieze magazine, Film Comment, Sight & Sound, The Village Voice dhe të tjera vende.
Rachael Rakes është programere për Film Society të Lincoln Center dhe bashkë-themeluese e Art of the Real Festival, redaktore e sektorit të filmit në Brooklyn Rail, dhe redaktore në Large for Verso Books. Ajo ka shkruar ese dhe kritikë për Art Agenda, Artforum, Hyperallergic dhe Bomb dhe se fundi, bashkë me Leo Goldsmith po shkruan një libër mbi regjisorin Peter Watkins. Tani po mban një kurs në Shkollën Verore në Harvard mbi Estetikën e Dokumentarëve në Artin Bashkëkohor.
GARA E FILMAVE TË SHKURTËR
Anri Sala është artist bashkëkohor, me bazë në Berlin i cili u shqua për punën e tij me video dhe instalacione, të cilat i pati nga përvoja personale në reflektimin e tij mbi ndryshimet sociale dhe politike që po ndodhnin në vendlindjen e tij, Shqipëri. Së fundi, Sala i ka kushtuar shumë rëndësi zërit, vecmas marrëdhënies së zërit me imazhin, gjë qe kuptohet lehtë kur kihet parasysh interesimi e Salës për muzikën. Ai ishte zgjedhur që ta prezantojë Francën në International Art Exhibition Venice Biennale më 2013.
Barbara Orlicz-Szczyputa është njëra nga programeret të Krakow Film Festival. Më 2005 ajo themeloi Film Promotion Agency në kuadër të Krakow Film Foundation, që promovon dokumentarët, filmat e animuar dhe filmat e shkurtër polakë jashtë vendit. Më 2006 është zgjedhur zëvendës presidente e Krakow Film Foundation.
Christopher Tidman është zëvendës president i Shorts International dhe Shorts TV. Shorts International është kompani ndërkombëtare mediale me qendër në Britaninë e Madhe, e cila i dedikohet filmave të shkurtër, ndërsa Shorts TV operon më kanalet e filmave të shkurtër në Evropë, Lindjen e Mesme, Afrikë dhe Shtetet e Bashkuara të Amerikës.
GARA KOMBËTARE
Blerta Basholli është regjisore nga Kosova. Ajo ka shkruar dhe bërë shumë filma të shkurtër dhe dokumentarë. Filmi i saj i shkurtër “Gjakova726” ishte pjesë e Rotterdam Film Festival, Busho Film Festival, Dokufest e vende të tjera. Filma të tjerë të shkurtër përfshijnë “Lena & Me”, “The three of us”, “Third Endtrance” dhe dokumentarin “Mirror, mirror..”. Basholli tani po punon në filmin e saj të parë.
Christoffer Olofsson tash e 15 vite është Drejtori i Progamit për Uppsala International Short Film Festival në Suedi. Olofsson ka studiuar film dhe më pas histori të artit dhe estetikë, kurse tani punon si kurator dhe kritik i pavarur.
Eriola Pira është kuratore, shkrimtare dhe drejtoreshë e Young Visual Artists Awards Program në New York. Puna e saj si redaktore dhe shkrimet e saj janë publikuar në Guernica Magazine, Bomb Magazine, Huffington Post dhe Kosovo 2.0. Pira ka kryer master në Teori të Kulturës Vizuele në Universitetin e New York-ut dhe tani menagjon programet e NARS Foundation. /PrizrenPress.com/
DokuFest shpall filmat e hapjes dhe mbylljes
DokuFest sot shpall filmat e hapjes dhe mbylljes së edicionit të 15-të të festivalit, i të cilit mbahet nga 5 deri më 13 gusht në Prizren, Kosovë.
Behemoth, një dokumentar nga regjisori dhe artisti kinez Zhao Liang do bëj hapjen e festivalit, të premten më 5 gusht, ndëra filmi ikonik Close Up nga regjisori i ndjerë iranian Abbas Kiarostami do të jetë filmi përmbyllës i festivalit.
Behemoth është një shiqim tmerrues i rrënimit që sjell në brendësinë e Mongolisë industria e qymyrit dhe e hekurit. Filmi në mes të dokumentarit dhe video-artit është një vështrim në Kinën bashkëkohore nga një ndër regjisorët më të vlerësuar kinez Zhao Lian, i cili është frymëzuar nga Komedia Hyjnore e Dante-s për të na përcuar një vizion të ferrit, purgatorit dhe parajsës.
I sofistikuar dhe i thellë Close-Up është krijimi artistk më radikal i Abbas Kiarostami-t dhe një investigim fantasktik në kinema, krijimin artistik, identitet dhe falje.I cilësuar nga Werner Herzog si “dokumentari më i mirë që e kam parë ndonjëherë”, kjo ikonë e jashëzakonshme filmike ende mbetet kryevepër artistike. /PrizrenPress.com/
DokuPhoto sjell në Prizren ekspozitën e Seamus Murphy
Sonte prej orës 19:00 në Sheshin e Dëshmorëve në Prizren do të hapet ekspozita “Dokuphoto” e cila i paraprinë festivalit ndërkombëtar të filmit të shkurtër dhe dokumentar DokuFest.
Kjo ngjarje rikthen fotografin e njohur Seamus Murphy me projektin e tij “Në gropë të dorës” (The Hollow of the Hand). Publikimi është pjesë e bashkëpunimit mes Murphy dhe këngëtares PJ Harvey, dhe përmban një koleksion të poezive dhe fotografive nga udhëtimet e tyre në Kosovë, Afganistan dhe Washington DC.
Publiku DokuFest-it gjithashtu do të ketë mundësi për të shikuar tri video të xhiruara gjatë udhëtimeve në këto vende me Harvey. Sonte do të shfaqen edhe tri video shtesë, ku Murphy gjithashtu është regjisor, të përgatitura për albumin e fundit të PJ Harvey, The Hope Six Demolition Project (2016).
Murphy është një fotograf i shquar me një karrierë që tejkalon dy dekada, të fokusuar në Evropë, Lindje të Mesme, Azi, Afrikë dhe Amerikën Latine. Ekspozita DokuPhoto hapet një ditë para fillimit zyrtar të DokuFest. Kjo ekspozitë do të qëndrojë e hapur gjatë tërë festivalit dhe do të shfaqë fotografi nga botimi i autorit Murphy, “The Hollow of the Hand.
Dosja e Shefave III: Grabovci e Nijazi Kryeziu vendosin natën për Bordin e Ujësjellsit
Një nga bisedat telefonike të përgjuara të Adem Grabovcit shpalosë mënyrën më të errët se kush duhet të jenë anëtarët e Bordit të Ujësjellësit të Prizrenit. Grabovci bashkë me Njazi Kryeziun marrin vendimin përfundimtar, përtej kualiteteve të kandidatëve. Kriter për ta është vetëm nëse kandidati është i tyre. Biseda dëshmon se kryeprokurori i Prizrenit, Sylë Hoxha është zgjedhur nga PDK-ja. Hoxha një kohë ka qenë edhe ushtrues detyre i kryeprokurorit të Shtetit.
Adem Grabovci dhe Njazi Kryeziu, kanë vendosur se kush duhet të jetë anëtarë të Bordit të ndërmarrjes së ujësjellësit të Prizrenit.
Në një bisedë telefonike në mes të shefit të Grupit Parlamentar të PDK-së, Adem Grabovci dhe nënkryetarit të PDK-së, Dega në Prizren, Njazi Kryeziu klasifikohen kandidatët në mënyrën më klandestine.
Grabovci, që i telefonon Kryeziu ia lexon 34 emra kandidatësh. Ata seleksionohen nga Kryeziu. Bashkëbiseduesit heqin nga lista kandidatë që nuk u përkasin atyre.
Në këtë bisedë të zhvilluar në nëntor 2011, dëshmohet se PDK-ja në Prizren ka zgjedhur për kryeprokuror, Sylë Hoxhën i cili në të kaluarën ishte zyrtar i lartë i Lidhjes Demokratike të Kosovës. Hoxha ka qenë zëvendësministër i Drejtësisë nga kjo parti.
Teksa Grabovci ia lexon emrat e kandidatëve, Kryeziu i seleksionon ata duke i hequr nga lista kandidatët që i konsideron se nuk janë të PDK-së, por të Eqrem Kryeziut dhe Fatmir Limajt.
Në këtë përgjim tregohet po ashtu se edhe deputeti Nait Hasani, kishte shtyrë përpara emërimin e një të afërmi të tij, por që Kryeziu e heq nga lista.
“34 kanë konkurs”, e njofton Grabovci posa nis biseda.
“Esat Krasniqi, Dalip Hoda, Habib Elshani, ky shkon”, vazhdon ai teksa merr sugjerimin që Esatin ta mbajë të parin në listë.
Ata vazhdojnë heqjen nga lista të shumicës së kandidatëve duke i sharë e fyer dhe duke konstatuar se nuk janë të “tyre”.
Për Fadil Kryeziun, një aktivistë i LDK-së në Prizren, Njazi Kryeziu thotë se duhet të hiqet nga lista sepse mund të veprojë njëjtë si Sylë Hoxha.
“Kush i ka premtu, mos osht dikush prej tonve i paska premtu nashta”, pyet Kryeziu
“Jo, jo s`të thom unë me shti atë, qysh kemi me shti atë po ja bajmë me ta si me Sylë Hoxhën tani na e qin nanën”.
Insajderi sjell të plotë bisedën mes Grabovcit dhe Kryeziut.
Kryeziu: Allo
Grabovci: Ej.
Kryeziu : Urno shef!
Grabovci: Çka po bon?
Kryeziu: Qe
Grabovci: Atje te Drini, pe din?
Kryeziu: Po
Grabovc: A e ke, kënd e kem, a s’kem fol hiq as sen?
Kryeziu: Jo se kam të qartë.
Grabovc: 34 kanë konkuru.
Kryeziu: Për në bord a?
Grabovci: hë.
Kryeziu: Po, po unë s`kam as listë as kurgja hiq, kur skam listë qysh kam me të thanë kush ka konkuru.
Grabovci: Esat Krasniqi, Dalip Hoda, Habib Elshani ky shkon.
Kryeziu: Esatin mbaje të parin në listë.
Grabovci: Kënd, Esat..
Kryeziu: Krasniqin, po.
Grabovci: Shkon domëthanë?
Kryeziu: Po. Okej.
Grabovci: Hamëz Rama?
Kryeziu: Hiqe se s’pe nxhoh kush osht.
Grabovci: Ibrahim Bajraktari?
Kryeziu: S’po e nxhoh edhe kta.
Grabovci: Sami Gashi?
Kryeziu: Sami Gashi nuk po e di kush osht.
Grabovci: Xhelal Këpuska?
Kryeziu: Jo, jo.
Grabovci: Blerim Dyla?
Kryeziu: Jo.
Grabovci: Jeton Daku?
Kryeziu: Jo.
Grabovci: Bahrie Besimi?
Kryeziu: Bahrie Besimi?
Grabovci: Hë?
Kryeziu: Jo, s’po e di kush o.
Grabovci: Salih Sallteku?
Kryeziu: Jo, jo.
Grabovci: Fadil Kryeziu?
Kryeziu: Fadil Kryeziu?
Grabovci: Po.
Kryeziu: Kush i ka premtu, mos osht dikush prej tonve i paska premtu nashta?
Grabovci: Se di unë. A me shti a jo?
Kryeziu : Jo, jo s`të thom unë me shti atë, qysh kemi me shti atë po ja bajmë me ta si me Sylë Hoxhën tani na e qin nanën.
Grabovci: Bujar Hasani, më ka thanë Naiti o i joni.
Kryeziu : Bujar Hasani, ja qifsha nanën Naitit se drejtor i LDK-së osht ai. Bujar Hasani. Edhe le ta qin nanën Naiti me ta bashkë. Se drejtor i Eqremit oshtë ai.
Grabovci: Agron Shala?
Kryeziu : Azem Shala?
Grabovci: Agron.
Kryeziu: Agron Shala, jo s`pe di kush osht.
Grabovci: Rexhep Gashi?
Kryeziu: As Rexhep Gashin s’po e njoh.
Grabovci: Avni Caka?
Kryeziu: Avni Cakaj?
Grabovci: Po.
Kryeziu: S`pe di kush osht.
Grabovci: Naser Bajraktari?
Kryeziu: Qyky Naser Bajraktari po të kallxoj ty, ky thirret në emër të Partisë Demokratike edhe u bohet ma me kompetent se na në Prizren kur osht puna për PDK-në. Unë nuk ja di adresën këtij osht… m’doket i Fatmirit osht dikund i Malishëvës anena.
Grabovci: Une se shti pa m’thonë ti.
Kryeziu: Jo, qija nanën mos e shti, se po të kallxoj çka na ka ba tri vjet.
Grabovci: Luan Morina?
Kryeziu: Kush?
Grabovci: Luan Morina?
Kryeziu: Luan Morina, s`pe di kush është.
Grabovci: Bashkim Krasniqi?
Kryeziu: Bashkim Krasniqi, kha na kemi Bashkim Krasniqi…po s’di a osht i joni najkush.
Grabovci: Agim Thaçi?
Kryeziu: Agim Thaçi? Jo.
Kryeziu: Sa kena me i qu na tontit? A?
Kryeziu: Ami ti emrat Agim Thaçi. Amin Rrustemoviq.
Kryeziu: Po smuj, po qysh bre nonen ja qifsha me t`i dhanë emrat kur se di listën, kur se di kush ka konkurue. Esati e di që ka konkurs, se më ka vet.
Grabovci: Po qita janë që…
Kryeziu: Që kanë konkuru.
Grabovci: Drita Grazhda?
Kryeziu: Drita Grazhda, mahet me neve po s’osht me neve, se herën e kalume kur e kemi çue ka thanë më ka çue tjetër kush. A po din?
Grabovci: Atifete Zuma?
Kryeziu: Atifete?
Grabovci: Atifete Zuma.
Kryeziu: S`pe nxho.
Grabovci: Ali Zanaj?
Kryeziu: Edhe kta s’po e nxho.
Grabovci: Memnona Hajdini?
Kryeziu: Memnona Hajdini osht e koalicionit, .. osht grue e mirë. Duhet me e shti… për komunitete duhet me e shti qeto… ish deputete e jonja.
Grabovci: Amir Rrustemoviq.
Kryeziu: Amir Rrustemoviq?
Grabovci: He?
Kryeziu: Po, me mujtë me shti duhet me shti.
Grabovci: Afrim Berisha.
Kryeziu: Kush?
Grabovci: Afrim Berisha.
Kryeziu: Afrim Berisha, s`pe di kush osht.
Grabovci: Shqipe Arifi?
Kryeziu: Shqipe Arifi, osht e LDK-së.
Grabovci: Fat…
Kryeziu: Kush?
Grabovci: Fatmir Pireci?
Kryeziu: Ish-zëdhënës i Eqremit, qija nanën…
Grabovci: Daut Islami?
Kryeziu: Daut Islami, në qoftë se është qaj që po menoj unë, burrë i mirë po s’po di a është qaj që po menoj unë.
Grabovci: A osht i joni?
Kryeziu: Jo sosht.
Grabovci: Halit Isufi?
Kryeziu: Kush?
Grabovci: Halit Isufi.
Kryeziu: Halit Isufi, jo kta s’janë, po si regjion kanë konkuru ktu.
Grabovci: … Mizimi.
Kryeziu: Jo.
Grabovci: Mahir Vllaqo?
Kryeziu: Mahir Vllaqo, vëllau i Naim Vllaqos profesorit, s’janë me neve.
Grabovci: Sarandra Morina?
Kryeziu: Sarandra Morina, s’pe nxhoh, qikjo gjeneratë e re o.
Grabovci: Arben Krasniqi?
Kryeziu: Arben Krasniqi. Jo as kta s’pe nxho.
Grabovci: Qita jon emrat shoqi jam.
Kryeziu: Maj Amirin, Memnunën edhe Esat Krasniqin. Veç kqyre mirë Memnunin … e përdorin kartën e komuniteteve.
Grabovci: Po.
Kryeziu: Në kartën e komunitetve.
Grabovci: Memnunën…
Kryeziu: Amirin edhe Esat Krasniqin.
Grabovci: Fahrie Besimi, Habib Elshani, Esat Krasniqi.
Kryeziu: Po.
Grabovci: Qita unë po i propozoj.
Kryeziu: U ba shef.
Grabovci: Konsultohemi edhe një herë bashkë.
Kryeziu: Hajt.
Grabovci: Hajt. /Insajderi.com
(Në transkriptim të bisedave mund të ketë lëshime të vogla teknike).
Hasani akuzon Shalën për Ligjin e Kinematografisë
Gjatë seancës që po mbahet në Kuvendin e Kosovës, Ministri i Kulturës Kujtim Shala kërkoi që Projektligji për Kinematografi të tërhiqet, pasiqë ky Projektligj nuk i përfaqëson interesat e producentëve të Kosovës.
I menjehershëm ka qenë reagimi i kryetarit të komisonit Nait Hasani, i cili ka thënë se Shala po kërkon të tërhiqet projektligji edhe pse vetë e ka pohur se çkado që miraton komisioni është në rregull.
Më tej Hasani ka vazhuar ta akuzojë Shalën për korrupsion në QKK duke thënë se Ministri po gabon dhe po dorëzohet para njerëzve të papërgjegjshëm.
Pas këtij debati të shkurtë është miratuar tërheqja e Projektligjit për Kinematografi përkatësisht pika e 12 e rëndit të ditës.
Nishani ftesë ‘surprizë’ klasës politikë
Presidenti fton grupet parlamentare në Presidencë për një konsensus në lidhje me Reformën në Drejtësi, por edhe për çështje të tjera të rëndësishme për politikën në vend.
Kreu i shtetit ka zyrtarizuar ftesën për grupet parlamentare në lidhje me diskutimet mes tyre për miratimin e 7 ligjeve në lidhje me Reformën ën Drejtësi. Nishani bëri me dije nga një konferencë e posaçme për shtyp ftesën për ditën e martë drejtuar grupeve parlamentare për të diskutuar për një zgjidhje me të përshtatshme për Reformën në Drejtësi, por edhe çshtje të tjera me rëndësi kombetare.
Kur ndryshimet kushtetuese hyjnë në fuqi më 11 gusht Presidenti ngarkohet të zgjedhë përmes shortit anëtarët e Këshillit të Emërimeve në Drejtësi. Kushtetuta i kërkon Presidentit të shpallë shortin brenda 5 ditëve. Por presidenti shprehu shqetësimin pasi nuk ka ligj për të përcaktuar kriteret e anëtarëve të KED dhe ftoi një takim konsultativ me përfaqësuesit e grupeve parlamentare