Më datën 10 qershor 2016 në shkup të maqedonisë artsisti Gani Sunduri nga shoqata e karikaturistëve Maqedonase zgjidhet ambasador i karikaturës për Kosovë.

Nga ana e artistëve të karikaturës në maqedoni artsiti Gani Sunduri është vlerësuar si artist i sukseshëm po ashtu edhe lider në prezantimin e karikaturës si në Kosovë dhe më gjërë. Në festivalin e 12 “të ndërkombëtar të stripit dhe të karikaturës që është mbajtur në prizren në muajin maj të këtij viti, sekretar i shoqatës së karikaturistëve maqedonase ,karikaturisti Jordan Pop Ilijev ishte myasfir në festival dhe sjellë lajmin shumë të gëzuar për artistin.

Më 10 qershor 2016 artisti ftohet dhe pritet në qendrën e karikaturistëve në shkup dhe iu dorëzohet diploma e ambasadorit.Artisti Sunduri shton që “ky titull është edhe një pasqyrë e bashkëpunimit të artistëve botëror me atë Kosovar, si deri më sot edhe më tej do të jem në detyrë të prezantimit dhe mbështejtjes të artistëve si kosovar po ashtu edhe më gjërë”.

Në vitin 2015 Gani Sunduri ishte zgjedhur ambasadori i pare i kosovës nga shoqata e karikaturistëve nga Polonia “PDH” dhe me titullën e dhënë nga Maqedonia për artistin është titull I dytë i shpadhur si ambasador.

Përposë organizimit të festivalit të 13” ndërkombëtar që do të mbahet në Korrik të këtij viti në Prizren, artisti Sunduri është duke punuar edhe në një strip historik dhe ku po me atë strip do të merë pjesë në Leskovec të Sërbisë,Veles të Maqedonisë dhe në Tiran të Shqipërisë.

Ylber Kryeziu, konsull i përgjithshëm i Republikës së Kosovës në New York, ka vlerësuar figurën dhe veprën e artistit shqiptar Bekim Fehmiu, shkruan KultPlus
Konsullata e Republikës së Kosovës në New York, ka organizuar së fundi shënimin e 80- të vjetorit të lindjes të aktorit të madh Bekim Fehmiu, ku të pranishëm ishin edhe aktorë dhe përfaqësues të komunitetit shqiptar në New York.

Ylber Kryeziu, konsull i përgjithshëm i Republikës së Kosovës në New York, ka vlerësuar figurën dhe veprën e artistit shqiptar Bekim Fehmiu, shkruan KultPlus.
“Bekim Fehmiu ndër vite ka luajtur një rol të çmuar në njohjen ndërkombëtare të vlerave artistike shqiptare, pavarësisht rrethanave të kohës kur ai lindi dhe veproi”, ka thënë mes të tjerash Kryeziu.

Më pas Kryeziu ka thënë se qershori i viteve të ardhshme do të jetë muaji kur do të takohet komuniteti shqiptar, me qëllim të gjetjes së formave për bashkëpunimit dhe promovimit të kulturës shqiptare në New York. Në këtë mbrëmje, më pas, për figurën e Bekim Fehmiut ka folur edhe aktori Xhevat Limani. / KultPlus.com

Në ditën e fundit të Panairit të 18-të të Librit në Prishtinë, janë shpallur edhe librat më të kërkuar.

Në kategorinë e librave në gjuhën shqipe, në këtë panair më së shumti janë shitur librat “Përcaktimi i dashurisë së Marie Gjonit” nga Veton Surroi, “Rrebelimi i Lulus” nga Albatros Rexhaj, “Shkëlqim dhe tmerr” nga Bekim Fehmiu, Veli Karahoda me librin “Serpenti dhe hija” dhe “Puthësi i paligjshëm” shkruar nga Azem Deliu.

Daut Demaku, pjesë e organizimit të Panairit të Librit, ka shpallur edhe librat më të kërkuar nga letërsia e huaj.

“Muzeu i Pafajësisë” nga Orhan Pamuk, “Origjinalet” nga Adam Grant, Noel Malcolm me “Agjentët Perandorakë”, Umberto Eco me “Numri zero” dhe “Kupidet kokulur” nga Jennie Dorny janë librat më të shitur nga letërsia e huaj, gjatë gjashtë ditëve sa zgjati Panairi.

Demaku po ashtu ka treguar sot se përafërsisht rreth 38 mijë deri në 40 mijë vizitorë ka numëruar Panairi i sivjetmë.

“Kërkesat janë plotësuar në përgjithësi, me përjashtim të letërsisë për fëmijë e cila ka mbetur më pak e plotësuar në Panairin tonë. Megjithatë kemi pasur promovime të shumta, i kemi festuar përvjetorët dhe viteve tjera duam ta ndërkombëtarizojmë këtë Panair” ka thënë mes tjerash Demaku në ditën e fundit të Panairit të Librit në Prishtinë. / KultPlus.com

George Bernard Shaw (26 korrik 1856 – 2 nëntor 1950) ishte një dramaturgët më të mirë të historisë dhe bashkëthemelues i London School of Economics.
Irlandezi që ishte edhe kritik e polemist, ndikoi në teatrin perëndimor, por edhe në kulturë dhe politikë. Shaw shkroi mbi 60 vepra dhe i njohur për satirën bashkëkohore dhe ai u bë dramaturg kryesor i brezit të tij, ndërsa në vitin 1925 u nderua me Çmimin Nobel në letërsi.

Refuzimi i parave të Nobelit

Në vitin 1926, shkrimtari George Bernard Shaw refuzon të pranojë paratë për Çmimin Nobel që kishte fituar, duke thënë: “Unë mund ta fal Alfred Nobelin për shpikjen e dinamitit, por vetëm një djalli në formë njeriu mund t’i kishte shkuar në mendje për ta shpikur Çmimin Nobel”. Çmimi Nobel u themelua në vitin 1895 nga kimisti suedez Alfred Nobel (1833-1896), autor i rreth 350 shpikjeve, por më i famshëm për shpikjen e dinamitit.

Vlerësimi për Nolin

Kur Fan Noli botoi librin “Bethoven and French Revolution”, i dërgoi një kopje edhe kritikut George Berndard Shaw. E ky iu përgjigj me shaka e kompliment: “Ngatërruat profesionin kur u bëtë prift…”.

30 thëniet më brilante të George Bernard Shawt

George Bernard Shaw dikur tha: “Shpesh e citoj veten time. Është si një erëz e shtuar në bisedat e mia”. Dhe ai kishte plot shprehje të mira nga të cilat mund të zgjedhësh.

1 – “Koha është një mësues i mirë, por i vret të gjithë nxënësit e saj”.
2 – “Një jetë e kaluar me gabime jo vetëm që është më e ndershme, por më e vlefshme se një jetë e kaluar duke mos bërë asgjë”.
3 – “Fuqia e vëzhgimit të saktë është quajtur zakonisht cinizëm nga ata që nuk e kanë këtë aftësi”.
4 – “Vetja e pandërgjegjshme është gjeniu i vërtetë. Frymëmarrja juaj bëhet keq në momentin që vetë e ndërgjegjshmja përzihet me të”.
5 – “Nuk ka sekrete të mbajtura më mirë sesa sekretet që supozojnë të gjithë”.
6 – “Ne mësojmë nga përvoja, se njerëzit nuk mësojnë kurrë ndonjë gjë nga përvoja”.
7 – “Mos i bëj të tjerëve atë që të tjerët të bëjnë ty, pasi nuk mund të keni të njëjtat shije”.
8 – “Ai s’di asgjë dhe mendon se di çdo gjë. Kjo tregon një karrierë të qartë politike”.
9 – “Nuk ka dashuri më të sinqertë se sa dashuria për ushqimin”
10 – “Ferri është plot i mbushur me muzikantë amatorë”.
11 – “Mënyra ime e të bërit shaka është të tregoj të vërtetën. Është shakaja më qesharake në botë”
12 – “Për aq kohë sa kam një dëshirë, kam një arsye për të jetuar. Kënaqësia është vdekje” .
13 – “Në burgun e parë që pashë ishte e gdhendur: Mos bëni keq, mësoni të bëni mirë, por ajo ishte e shkruar jashtë, kështu që të burgosurit nuk mund ta shihnin”.
14 – “Ata të cilët nuk ndryshojnë dot mendjen e tyre, nuk mund të ndryshojnë asgjë”
15- “Nuk luajmë më sepse plakemi. Plakemi sepse nuk luajmë më”.
16 – “Gazetat duket se e kanë të pamundur të diskriminojnë mes një aksidenti me biçikletë dhe kolapsit të një qytetërimi”.
17 – “Kërcimi: Shprehja vertikale e një dëshire horizontale të legalizuar nga muzika”.
18- “Sikur të gjithë ekonomistët në botë të ishin vënë njëri pas tjetrit, nuk do të arrinin asnjë konkluzion”.
19- “Rregulli i artë është se nuk ekzistojnë rregullat e arta”.
20- “Nëse nuk shkëputesh dot nga skeleti i familjes, ju mund ta bëni atë të kërcejë”.
21 -“Rinia është e mrekullueshme. Sa krim që shpenzohet më kot tek fëmijët”.
22 – “Martirizimi është e vetmja mënyrë si një njeri mund të bëhet i famshëm pa aftësi”.
23- “Mungesa e parave janë rrënja e gjithë të këqijave”
24- “Kur një gjë është për të qeshur, kërko me kujdes për një të vërtetë të fshehur”.
25- “Fuqia e vëzhgimit të saktë është quajtur shpesh cinizëm nga ata që nuk e kanë atë”.
26- “Shkenca kurrë nuk zgjidh një problem pa krijuar dhjetë të tjerë”.
27- “Nuk ka dashuri më të sinqertë se ajo për ushqimin”.
28- “Potinusi: Është e mundur që Çezari, zotëruesi i botës ka kohë të merret me çikërrima te tilla si puna e taksave? Çezari: Miku im, taksat janë lufta më e rëndësishme e një perandori”. – George Bernard Shaw (Çezari dhe Kleopatra)
29- “Nuk kemi të drejtë të konsumojmë lumturinë nëse nuk e prodhojmë atë, si dhe nuk kemi të drejtë të konsumojmë pasuri pa e fituar me mund”.
30- “Kujdes nga dituria e devijuar sepse ajo është më e rrezikshme se padituria”. (“TO”)