Bujar Hasanit nuk i ka lënë përshtypje lakmi i emrit të tij, nga Sekretari i PDK-së në Prizren, Nijazi Kryeziu, në përgjimet me Adem Grabovcin.  Hasani thotë se nuk dëshiron të merret me fyrjet që Kryeziu ka bërë në këto përgjime.

“ Nuk po më interson kjo punë hiq. Secili njeri e ka karakterin e vet.Ai e ka treguar karakterin e vet”, tha shkurt Hasani për “PrizrenPress”.

Ndryshe, në audio përgjimet ndaj Adem Grabovcit, të publikuara të hënën nga portali “Insajderi”, në një nga bisedat me një koleget e tij partiak, dëgjohet i fundit duke e ofenduar rëndë Hasanin.

Biseda zhvillohet për Bujar Hasanin, e që bashkëbiseduesi pretendon se i takon LDK’së.

“Bujar Hasani… Ja q***ha Nanen Naitit, se Bujar Hasani është drejtor i LDK’së…”, thotë ai në një moment të bisedës me Grabovcin.

“Le ta q* nanën Naiti, bashkë më të”, vazhdon ofendonim, i njëjti, ndaj Hasanit./PrizrenPress.com/

Deputeti Zafir Berisha, nga Nisma për Kosovën, thotë se zbardhja e kësaj afere të ndikimit politik e parapolitik, me instrumente të kriminalizuara në të gjitha institucionet e vendit, është një strorje që tregon se sa të shumta janë gjërat e këqija që ia kanë bërë vendit strukturat e parapolitikës së PDK-së, subjekt politik të cilit i ka takuar edhe ai, por që më pas u largua.

“Jo rastësisht unë nuk jam në PDK prej vitit 2010, sepse e kam parë që kjo parti, nga një parti që ishte fillimisht normale, ka filluar të kalojë në një organizatë kriminale. Dhe, tani drejtësia nuk është që nuk i ka ditur këto gjëra, sepse, sipas të gjitha gjasave, edhe portali që i ka bërë publike këto përgjime thotë se i ka marrë nga organet e drejtësisë, që nënkupton se vetë drejtësia në pamundësi për t’u përballur me këto banda, po mundohet që duke i publikuar ato detaje t’i zbehë disi në opinion këta njerëz dhe t’jua humbë fuqinë politike, e që dikur më vonë edhe t’i kapë dhe t’i fusë përfundimisht edhe në birucë”, u shpreh Berisha për “Kosova Sot”.

Kryetari i Lëvizjes Vetëvendosje në Prizren, Artan Abrashi thotë se ky qytet nuk ka nevojë vetëm për ndryshim, por edhe për çlirim. Sipas tij, publikimi i përgjimeve “Dosja e Shefave“, tregon më së miri se nga kush drejtohet ky qytet.

“Përzgjedhja e kryeprokurorit, presioni për kalimin e Ligjit për Qendrën Historike, punësimet e jashtëligjshme, filtrimi I njerëzve të LDK-së më PDK-në dhe fjalori përplot thesar i drejtorit të Urbanizmit na len me kuptu se Prizreni nuk ka nevojë vetëm për ndryshim, por edhe për çlirim”, shkruan Abrashi në Facebook.

Në përgjimet e publikuar dje nga Insajderi është i përfshirë edhe Sekretari I PDK-së, njëherësh drejtor I Urbanizmit në Prizren, Nijazi Kryeziu. Ai në këtë përgjim dëgjohet duke sharë me nënë deputetin e PDK-së, Nait Hasanin. /PrizrenPress.com/

Në Prizren, mbrëmë rreth orës 21:15, Policia e Kosovës ka arrestuar një person, pasi që i njëjti pas një mosmarrëveshje ka sulmuar fizikisht një femër me të cilën është duke bashkëjetuar, shkruan PrizrenPress.

Viktima ka pranuar tretmanë mjekësor, ndërsa i dyshuari pas intervistimit me vendim të prokurorit është dërguar në mbajtje. /PrizrenPress.com/

Në orët e pasdites së djeshme Policia në Prizren ka arrestuar një person të dyshuar në rrugën e “Flamurit”, pasi që i njëjti ka sulmuar fizikisht dy zyrtar policor derisa ishin në kryerje të detyrës, shkruan PrizrenPress. Të njëjtit kanë pranuar trajtim mjekësor.

Gjatë kontrollit në veturën e të dyshuarit është gjetur dhe konfiskuar një shufër metali.

I njëjti pas intervistimit me vendim të prokurorit është dërguar në mbajtje. /PrizrenPress.com/

Policia e Rajonale e Prizrenit përmes një komunikate ka bërë të ditur se në Mamushë janë vjedhur 80 pata nga të dyshuar prej Velezhës së Prizrenit.

Policia ka treguar se rreth orës 07:10 minuta, një qytetar nga Mamusha ka informuar policinë se gjatë orëve të natës nga ferma e tij e shpezëve ishin vjedhur 80 pata. Pas pranimit të informatës, hetues policorë kanë nisur me hetimin e rastit. Gjurmët e rastit kishin quar hetuesit në drejtim të fshatit Velezhë, shkruan PrizrenPress.

Pranë shtëpive të para hetuesit kishin dëgjuar kukurisjen e shpendëve, shenjë kjo e cila i kishte përforcuar dyshimet se kryerësi mund të ishte aty pran. Pas konsultimit me prokurorin e shtetit është marrë pëlqimi për kontroll të oborrit ku dëgjohej kukurisja. I dyshuari P. Përlazëri, në ato momente kishte qenë në oborr dhe posa e kishe vërejtur policinë, përmes një dritareje të stallës nga ana e kundër e oborrit ka ikur në drejtim të panjohur.

Gjatë kontrollit, në prani të një anëtari të familjes, janë gjetur edhe disa gjësende tjera të cilat dyshohen sa janë vjedhur në fshatrat e rajonit.

Janë gjetur:

70 pata (dhjetë dyshohet të kenë ikur në natyrë)

dy goma për kamion tipi Langvigator

dymbëdhjetë goma për rimorkio të kamionit të tipit Transtong

një fuqi me 200 litra naftë

dymbëdhjetë bidonë plastik të zbrazët për karburant

nëntë bidonë plastik 25 litërsh të mbushur me naftë

Mjet bujqësor frezë

Pompë për ujitje

19 gypa alumini për ujitje

Najlon i serrave

Fije të armaturës

18m kub dru për ngrohje.

Ndërkaq një sasi e druve për ngrohje prej 18m kub janë gjetur tek fqinji i tij me mbiemër Domgjoni.

Të gjitha këto gjësende u janë kthyer pronarëve sepse ishin të raportuara në polici si të vjedhura. Policia po punon për verifikimin e prejardhjes edhe të disa mjeteve tjera bujqësore që ndodhen në oborrin e të dyshuarit. /PrizrenPress.com/

Policia e Kosovës ka treguar se ka arrestuar dy të dyshuar meshkuj, pasi që të njëjtit pas konfrontimit fizik kanë rezultuar me lëndime trupore, shkruan PrizrenPress.

Ngjarja ka ndodhur dje në ora 14:50, në fshatin Panorc të Malishevës.

Të njëjtit pas intervistimit me vendim të prokurorit janë dërguar në mbajtje. /PrizrenPress.com/

Në Prizren, përkatësisht në rrugën “Reshat Kajragliu“, dje një person është sulmuar fizikisht me thikë nga disa të dyshuar meshkuj, të cilët janë larguar në drejtim të panjohur, thuhet në raportin e PK-së, shkruan PrizrenPress.

Viktima ka pësuar lëndime të rënda trupore dhe është dërguar për trajtim mjekësor.

Në raport thuhet se njësit përkatëse policore janë duke hetuar rastin. /PrizrenPress.com/