Kryetari i PDK-së, Kadri Veseli, ka zgjedhur Prizrenin, për të filluar përpilimin e Platformës së re politike të PDK-së. Ai, ka kërkuar ndihmë nga strukturat e partisë në këtë qytet.

“Jam para jush për t’ ju dëgjuar nga afër, për të gjitha shqetësimet eventuale, që mund të keni. Vërejtjet dhe sugjerimet tuaja, do merren për bazë në ndërtimin e Platformës tonë të përbashkët”, tha Veseli, shkruan PrizrenPress.

Strukturat drejtuese të Degës së PDK-së në Prizren,ndërkaq, para kryetarit Veseli paraqitën të gjitha shqetësimet , duke ofruar edhe alternativa konkrete për ndërtimin e Platformës së re qeverisëse./PrizrenPress.com/

Një persona është arrestuar në fshatin Kobajë të Prizrenit. Arrestimi i tij është bërë me urdhër të Gjykatës Themelore të Prizrent.

Policia e Kosovës njofton se i arrestuari është dërguar në vuajtje të dënimi në burgun e Dubravës./PrizrenPress.com/

Drejtoria e Qendrës Kryesore të Mjekësisë Familjare (QKMF) Mehmedali Gashi, ka mohuar se është shantazhuar për shkak bindjeve politike mjeku Arsim Berisha. Ai thotë se mjeku Berisha, është transferuar në vendin e punës, ku është pranuar me konkurs.

“Kuvendari i LDK –së Qemajl Krasniqi ka bërë deklarata të pavërteta kinse është shantazhuar dr. Arsim Berisha”, thotë Gashi.

Kuvendari i LDK-së, Qemajl Krasniqi, në seancën e fundit të Kuvendit Komunal, ka akuzuar pushtetin se po shantazhohen antarët e partisë së tij, në vende të punës.

Ai, ka përmendur transferimin e mjekut, Arsim Berisha nga Prizreni në fshatin Korishë.

Drejtori Mehmedali Gashi tha ndërkaq se kjo nuk është e vërtet.

“Në Kujdesi Primar Shëndetësor në Prizren respektohet secili punëtor dhe vlerësohet sipas meritave dhe kontributeve, pa marrë parasysh orientimin politik të tij.

Ne i zbatojmë politikat shëndetësore që i harton Ministria e Shëndetësisë”.

“Nuk është aspak e vërtetë se dr Arsim Berisha është shantazhuar, me rastin e kthimit të tij në vendin e mëparshëm të punës, në QMF Korishë”.

“Ai është i pranuar me konkurs publik për QMF Korishë. Këtë e dëshmojnë edhe kontratat e tij të punës, të nënshkruara nga vet ai dhe punëdhënësi, që nga kontrata e parë, më 01 qershor 2011 deri më 31 maj 2018, sipas kontratës së fundit”.

“Dr. Arsim Berisha ka qenë përkohësisht i sistemuar në QMF 3, për shkak të specializimit të tij në Mjekësi Familjare dhe pamundësisë për të punuar 5 ditë në QMF Korishë, gjatë specializimit”.

“Ne konsiderojmë se me përfundimin e specializimit të dr. Arsimit, qytetarët e Korishës do të marin shërbime shëndetësore më cilësore, të cilat i meritojnë, sikurse edhe regjionet e tjera të Komunës së Prizrenit”.

“Në QMF 3 , Kurilla ku ka punuar përkohësisht dr. Arsim Berisha, vazhdon të punojë specialisti i Mjekësisë Familjare, i cili punon që nga fillimi, kontratë për atë vend pune si dhe dy mjeke të përgjithshme. Dmth se nuk është e vërtetë se QMF Kurila ka mbetur pa mjek specialist”.

“Prandaj, në rastin e Dr Arsim Berishës nuk është bërë kurfarë shkeljesh ligjore dhe është absurd të mendohet se ai është shantazhuar. Nuk është mirë të politizohen çështjet e tilla të brendshme, organizative të Institucionit tonë nga ana e kuvendarëve të LDK si dhe nga ana e vet dr. Arsimit”.

“Shërbimet shëndetësore të ofruara nga Kujdesi Parësor Shëndetësor në Prizren janë dhe do të vazhdojnë të jenë cilësore dhe shembull për tërë Kosovën. Këtë e argumentojnë satisfaksionet e qytetarëve të komunës sonë, si me deklarime gojore ashtu edhe përmes hulumtimeve të kryera nga ne”.

“Ne i mirëpresim të gjitha këshillat qëllim mira, të cilat kontribuojnë në avancimin e KPSH-së dhe ngritjen e cilësisë së shërbimeve shëndetësore, por jo edhe insinuatat dhe dezinformatat që nuk shkojnë në favor të interesave të qytetarëve”./PrizrenPress.com/

Ka përfunduar rigjykimi ndaj  ish- drejtorit Komunal të Arsimit në Prizren, Nexhat Çoçaj dhe drejtorit të gjimnazit “Gjon Buzuku”, Shaip Buduri, të akuzuar për keqpërdorim të pozitës zyrtare.

Nexhat Çoçaj, në mbrojtjen e tij, tha se kontratën e punës për Besnik Krasniqin, e kishte nënshkruar duke u bazuar në rekomandimin e Ministrisë së Arsimit Shkencës dhe Teknologjisë (MASHT). Sipas tij, më 2 shkurt 2013, kishte pranuar një rekomandim nga MASHT, me të cilin i është kërkuar që të sistemojë profesorin Besnik Krasniqi, në sistemin arsimor. Tutje,  Çoçaj shtoi se kur e kishte lexuar rekomandimin, nuk e kishte ditur se Udhëzimi Administrativ(UA) 8/14, në të cilin është mbështetur rekomandimi, ende nuk kishte hyrë në fuqi.

Prokurori  Mehdi Sefa, në fjalën përfundimtare tha se, mbetet pranë fjalës së dhënë në gjykimin e parë dhe se kërkon që të akuzuarit të shpallen fajtorë, dhe të dënohen sipas ligjit.

Mbrojtësi i Budurit, avokati Esat Gutaj, tha se i mbrojturi i tij nuk kishte pasur kompetencë që të punësojë profesorin Besnik Krasniqi, dhe se e kishte njoftuar Drejtorinë e Arsimit që i njëjti po punonte në shkollë pa kontratë pune. Gutaj shtoi se, në këtë rast nuk ka të dëmtuar, pasi që profesori Krasniqi, nuk kishte marrë pagë për punën e kryer në shkollë.

I akuzuari Shaip Buduri, tha se ligji i punës e njeh një person si të punësuar vetëm nëse paguhet për punën që kryen, dhe se lidhja e marrëdhënies së punës bëhet me kontratë. Andaj sipas tij, profesori Krasniqi nuk është paguar për punën e bërë në shkollë, dhe nuk mund të thuhet se ka qenë i punësuar.

Në anën tjetër, mbrojtësi i Çoçajt, avokati Rexhep Hasani, deklaroi se i mbrojturi i tij, kur e kishte nënshkruar kontratën, kishte besuar se rekomandimi i MASHT-it, është në harmoni me normat në fuqi, andaj edhe nuk e kishte ditur se UA 8/14, nuk kishte hyrë në fuqi ende. Hasani tutje shtoi se në rigjykim, sekretari i përhershëm i MASHT-it, Alush Istogu kishte thënë se, drejtorët e institucioneve arsimore, punësohen pa konkurs.

I akuzuari Nexhat Çoçaj, tha se në bazë të ligjit për arsimin parauniversitar të vitit 2011, gjithmonë janë sistemuar drejtorët e shkollave në pozitat ku kanë qenë të sistemuar para se të bëhen drejtorë.

Shpallja e aktgjykimit do të bëhet më 27 shkurt, në ora 09:00.

Shaip Buduri dhe Nexhat Çoçaj akuzoheshin, se kanë punësuar profesorin Besnik Krasniqi, në gjimnazin “Gjon Buzuku”, pa konkurs publik. Sipas aktakuzës, Buduri duke qenë drejtor i shkollës “Gjon Buzuku”, kishte lejuar profesorin Krasniqi, të japë mësim për pesë muaj, pa kontratë të punës. Ndërsa Çoçaj akuzohej se ia kishte lidhur kontratën e punës profesorit Besnik Krasniqi, në mënyrë të kundërligjshme, pasi që nuk kishin shpallur konkurs publik për atë vend të punës.

Shaip Buduri, në maj të vitit 2016, ishte dënuar nga kjo gjykatë me një vit burgim efektiv, ndërsa i akuzuari tjetër Nexhat Çoçaj ishte liruar nga akuza.

Por, Gjykata e Apelit, kishte prishur aktgjykimin e shkallës së parë, me arsyetimin se nuk është vërtetuar në tërësi gjendja faktike. Sipas Gjykatës së Apelit, nuk ishte vërtetuar përgjegjësia e drejtorit të shkollës Buduri, për punësimin e profesorit Krasniqi në shkollën “Gjon Buzuku”, pasi që punësimin e bënë Drejtoria Komunale e Arsimit (DKA).

Gjykata e Apelit, poashtu kishte gjetur se, nuk qëndron arsyetimi se drejtori i DKA-së Çoçaj, kishte lidhur kontratën në bazë të Udhëzimi Administrativ 08/14, pasi që lidhja e kontratës ishte bërë me 2 shkurt 2014, ndërsa Udhëzimi Administrativ, kishte hyrë në fuqi më 25 shkurt 2014./betimiperdrejtesi/

Prokuroria Themelore në Prizren, Departamenti i Krimeve të Rënda, ka ngritur aktakuzë kundër katër zyrtarëve policorë të trafikut regjional në Prizren, N.A., D.B., M.S dhe B.B., për veprën penale marrje e ryshfetit nga neni 428 paragrafi 1 lidhur me nenin 31 të KP-së.

Sipas aktakuzës, në vazhdimësi në intervale kohore të ndryshme, prej datës 15.08.2016 e deri më datë 10.11.2016, të akuzuarit në bashkëveprim mes vete, në cilësinë e personave zyrtarë – policë të trafikut rrugor regjional në Prizren, në mënyrë të drejtpërdrejtë kanë kërkuar dhe kanë marrë për vete ryshfet në të holla, duke vepruar në kundërshtim me autorizimet zyrtare.

Gjithashtu, të akuzuarit kanë ndërmarrë veprime në kundërshtim me Ligjin e komunikacionit rrugor, në atë mënyrë që gjatë patrullimit në mirëvajtjen e komunikacionit, me automjete zyrtare të policisë, të pandehurit N.A., D.B., M.S dhe B.B., në vazhdimësi kanë kërkuar dhe kanë marrë të hodha, në shuma dhe kohë të ndryshme.

Të pandehurit me këto veprime kanë kryer veprën penale marrje e ryshfetit nga neni 428 paragrafi 1 lidhur me nenin 31 të KP-së. /Lajmi.net/