33 C
Prizren
E shtunë, 9 Gusht, 2025
type here...
Home Blog Page 6118

Meda lë muzikën, ja arsyeja!

admin
-
0
Meda lë muzikën, ja arsyeja!

Sipas një burimi të afërt që ne kemi këngëtari shumë i dashur Meda do të lërë muzikën.

Por a e dini arsyen, pasi skuadra që ai drejtor si kryetar i Klubit të futbollit të femrave Hajvalia ka njoftuar se ka marrë konfirmimin zyrtar pozitiv nga UEFA për të zhvilluar ndeshjet kualifikuese për Ligën e Kampionëve.

Ne provuam që të kontaktojmë me menaxherin e Medës, z. Ilir Balija por edhe ai nuk na përgjigjet.

Por nëse ky lajm është i vërtetë ata që do të mërziten më shumë do të jenë mijëra ndjekësit e muzikës së tij që e duan shumë./BS/

Tentim vrasje në Prizren

admin
-
0
Tentim vrasje në Prizren

Dy persona kanë raportuar në Policinë e Prizrenit se derisa ishin në veturën e tyre në lëvizje, persona të panjohur kanë shtënë me armë në drejtim të tyre nga një veturë tjetër.

Policia njofton se nga të shtënat është dëmtuar vetëm vetura.

Në vendin e ngjarjes janë gjetur dhe konfiskuar tri gëzhoja të kalibrit 7.62 mm.

Policia është duke hetuar rastin. /PrizrenPress.com/

U dhanë çmimet vjetore për muzikë

admin
-
0
U dhanë çmimet vjetore për muzikë

(E plotësuar) Sot, në një ceremoni të organizuar në ministrinë e Kulturës, Rinisë dhe Sportit, ku ishte i pranishëm ministri Kujtim Shala, juria dhe laureatët e çmimeve, u dhanë çmimet vjetore në fushën e muzikës.

Ministri Kujtim Shala me këtë rast u shpreh se këto çmime janë një nxitje për zhvillimin e mëtutjeshëm të jetës artistike e muzikore në vend.

Në bazë të vlerësimit të jurisë profesionale në përbërje të akademik Zeqirja Ballata, kryetar i jurisë, Valton Beqiri, kompozitor dhe Baki Jashari, kompozitor e dirigjent, profesoresha e muzikës Sevime Gjinali dhe Seniha Spahiu, janë laureate të Çmimit Kombëtar për Veprimtari Jetësore “Niketë Dardani” për vitin 2015.

Vlera financiare e këtij çmimi është 5 mijë euro, ndërsa sivjet, me vendim të jurisë, çmimi është ndarë për dy laureate, që kanë marrë nga 2, 500 euro.

“Çmimet Vjetore për kategorinë e veprave stilistike dhe duo” iu dha kompozitores Dafina Zeqiri- Nushi për veprën “Fantazia e Fuga”.

Vlera e këtij çmimi është 1, 000 mijë euro.

“Çmimi vjetor për kategorinë e veprave kamertale” i dha kompozitorit Mendi Mengjiqi për veprën”Suitë shqiptare”.

Vlera e këtij çmimi është 3, 000 mijë euro.

“Çmimi vjetor për kategorinë e veprave orkestrale-simfonike dhe koncertale iu dha kompozitorit Kreshnik Aliçkaj për veprën “Koncert për violinë e piano e orkestër”.

Vlera e këtij çmimi është 4, 000 mijë euro.

“Çmimi vjetor për kategorinë e veprave vokalo-instrumentale” iu dha kompozitorit Drinor Zymberi i për veprën “Cantata Metamorphosis”.

Vlera e këtij çmimi është 5, 000 mijë euro.

Vlerësimet në emër të jurisë i lexoi akademiku Zeqirja Ballata. /PrizrenPress.com/

Ndahen çmimet në fushën e muzikës

Në kabinetin e ministrit Kujtim Shala, në Ministrinë e Kulturës, Rinisë dhe Sportit, sot në ora 11:00, do të organizohet ceremonia solemne për ndarjen e çmimeve në fushën e muzikës.

Profesoreshat e muzikës: Seniha Spahiu dhe Sevime Gjinali janë lauretae të Çmimit për vepër Jetësore për muzikë “Niketë Dardani” për vitin 2015. Kurse për çmimet vjetore në fushën e muzikës janë nderuar veprat e kompozitorëve: Dafina Zeqiri- Nushi për “Fantazia e Fuga” për duo pianistik, Mendi Mengjiqi për “Suitë shqiptare për orkestër harqesh”, Kreshnik Aliçkaj për “Koncert për violinë e piano e orkestër” si dhe Drinor Zymberi për “Cantata Metamorphosis” për solistë, kor e orkestër.

Çmimet në këtë fushë ndahen në bazë të Rregullores së MKRS-së Nr. 10/2015 për dhënien e Çmimit Kombëtar për Veprimtari Jetësore “Niketë Dardani” dhe çmimeve për vepra muzikore dhe kanë vlera financiare. /PrizrenPress.com/

Zbutet Lëvizja

admin
-
0
Zbutet Lëvizja

Vendimi i subjektit të parë politik opozitar në Kuvendin e Kosovës, Lëvizjes “Vetëvendosje!”, që ta ndërpresë bojkotimin e seancave dhe të vazhdojë me kundërshtimin e të gjitha vendimeve dhe ligjeve që provon t’i kalojë Qeveria e Kosovës nëpërmes shumicës parlamentare, mund të risjellë në veprim skenat e dhunshme, që jemi mësuar t’i shohim në shumë seanca të vitit të kaluar. Përjashtim kësaj radhe, sipas “Vetëvendosje!!”-s bën vetëm përdorimi i gazit lotsjellës, një formë, veprimi që ka irrituar qytetarët, por edhe shumë diplomatë të huaj, brenda dhe jashtë vendit.

Sekretari për Media dhe Komunikim në Lëvizjen “Vetëvendosje!” , Frashër Krasniqi tha për “Kosova Sot” se qëllimi i rikthimit në Kuvend ka për objekt pengimin dhe parandalimin e realizimit të secilit veprim të dëmshëm për shtetin, me veprime brenda dhe jashtë Kuvendit.

“Lëvizja VETËVENDOSJE! e konsideron të rëndësishëm kthimin në Kuvend, pasi roli ynë opozitar brenda këtij institucioni ndikon shumë në moslejimin e kalimit të ligjeve që janë të dëmshme për qytetarët e Republikës. Lëvizja VETËVENDOSJE! vazhdon aktivitetin e saj për parandalimin e ringjalljes së “Zajednicës” dhe demarkacionit me Malin të Zi dhe në këtë kauzë do të shfrytëzojë edhe rrugët institucionale, edhe protestat jashtë institucioneve”, tha Krasniqi për “Kosova Sot”.

Mungesa e opozitës, me pasoja

Analistët politikë e shohin rikthimin e subjektit të parë politik në Parlament si një kthesë pozitive që do ta dinamizojë jetën parlamentare, mbikëqyrjen më efikase të Ekzekutivit dhe bindjen e një numri të madh të deputetëve, edhe të pozitës, që për interesat nacionale të mos u binden shefave të tyre, sado që mund të jenë në presion jodemokratik.

“Unë mendoj që paralajmërimi për kthim i Lëvizjes ‘Vetëvendosje!’ në Kuvend gjithsesi duhet të kuptohet si diçka mjaft pozitive, por vetëm duke vepruar brenda mandatit të tyre kushtetues e ligjor, si deputetë, përfaqësues të zgjedhur të qytetarëve në Kuvendin e Kosovës, mirëpo ato skenat me gazin lotsjellës duhet të mbeten në harresë, në arkivin e historisë së kaluar”, theksoi Ilir Fetahu.

Sa i takon arritjes së qëllimit për të penguar kalimin e marrëveshjeve të dëmshme për vendin, Demarkacionit dhe Asociacionit, kjo mund të arrihet me debat në Kuvend dhe me sqarime.

“Unë besoj që në Kuvendin e Kosovës ka shumë deputetë të ndërgjegjshëm, patriotë, që e kuptojnë shumë qartë çështjen dhe nuk do t’i votojnë ato vendime që janë të dëmshme për shtetin. Pra, këtu mendoj jo vetëm për deputetët e opozitës, por edhe për deputetë të subjekteve të tjera politike, atyre në pushtet”, tha analisti Fetahu.

Hap pozitiv e sheh rikthimin e VV-së në Kuvend edhe analisti Islam Krasniqi, i cili beson se tani e tutje kundërshtimet në Kuvend do të jenë shumë më të matura.

“Rikthimi i tyre duhet të shihet në mënyrë pozitive, sepse duhet ta japin edhe ata kontributin e tyre në aspektin e përmirësimit të mirëqenies së qytetarëve të vendit, sepse mungesa e opozitës po iu mundëson që edhe deputetët e pozitës të jenë të pasjellshëm, nuk po mund të krijojë kuorum për seanca, ngase shumë prej tyre vetëm hynë nga njëra derë, e shkruajnë emrin e tyre (për vete, e ndoshta edhe për ndonjë koleg të tyre, sa për mëditje dhe dalin), dhe nuk po mund të bëjnë as miratimin e ligjeve më të nevojshme që janë në interes të vendit”, tha Krasniqi për “Kosova Sot”.

Krasniqi thotë se skenat mund të acarohen në cilindo rast që koalicioni PDK-LDK do të provojë t’i fusë në rend dite Demarkacionin dhe Asociacioni.

Herodoti, reporteri i parë

admin
-
0
Herodoti, reporteri i parë

Jetoi 2500 vjet më parë, dhe është “babai” i gjeogra?së dhe historisë. Po ku i “gërmonte” lajmet e tij Herodoti?

Herodoti nuk do ta kishte besuar asnjëherë: të përfundonte në një vend të fshirë nga historia. Udhëtar dhe shkrimtar i palodhur, “pater historiae” sipas Ciceronit, u vendos në purgator nga Dante, bashkë me të mëdhenj të tjerë të së kaluarës, “fajtorë” se kishin lindur paganë.

Mëkat që, në vitin 2007, Vatikani shfuqizoi zyrtarisht purgatorin, duke i lënë pa një shtëpi të fiksuar “banorët” e famshëm të tij.

Po ta mendosh mirë, ky nuk është i vetmi paradoks. Nuk dimë praktikisht asgjë për Herodotin. Pavarësisht kësaj, “Historitë” e tij, të shkruajtura në shekullin V para Krishtit, janë një burim unik dhe i vyer mbi ndodhitë arkaike të Greqisë, si dhe popujt e trojet e botës së lashtë.

Rrëfimi i tij jopersonal dhe pothuajse gazetaresk, nga njëra anë ka meritën se na ofron një dëshmi të detajuar dhe në pamje të parë të besueshme. /Bota.al/

Nuk dihet ende fajtori për vdekjen e tre vjeçares në Prizren (Video)

admin
-
0
Nuk dihet ende fajtori për vdekjen e tre vjeçares në Prizren (Video)

Një ndalesë e vendosur në rrugicën te Shatërvani në Prizren, banorëve iu duket shumë e vonuar, pasi ndodh një ditë pasi trevjeçarja Xheneta Gashi pësoi me jetë nga rrënimi i një objekti, njofton Klan Kosova

Por rrugë tjera ku objekte të vjetra gati për t’u rrënuar, vazhdojnë të jenë lirshëm të qarkullueshme.

Dy ndërtesa të ngjashme nuk i ndajnë as 20 metra nga vendi ku ndodhi incidenti.

Por derisa rreziku në këtë qytet është permanent, në komunë, për vdekjen e vajzës tre vjecare e cila u zu nga muret e shtëpisë së vjetër në zonën historike të qytetit po fajësohen MKRS dhe QRTK.

Atentati në Elbasan, 20 mijë € për identifikimin e autorit

admin
-
0
Atentati në Elbasan, 20 mijë € për identifikimin e autorit

Vijon puna për zbardhjen e ngjarjes së ditës së djeshme në lagjen “5 Maj”, në rrugën “28 Nëntori” në Elbasan. Një person ende i pa identifikuar ka qëlluar me armë zjarri në drejtim të automjetit tip Volkswagen “Golf”, me targa AA 997 NE, duke plagosur brenda tij, shtetasin Bledar Muça 37 vjeç, banues në Elbasan.

Gjithashtu si pasojë është plagosur aksidentalisht edhe Matilda Kërmezi, 49 vjeçe, banuese në Elbasan, me detyrë punonjëse e policisë pranë Drejtorisë Vendore të Policisë Elbasan, e cila ka qenë duke kaluar rastësisht pranë vendit të ngjarjes. Të dy shtetasit u dërguan menjëherë në spitalin Kirurgjik Elbasan dhe ndodhen jashtë rrezikut për jetën.

Policia e Elbasanit kërkon bashkëpunimin e komunitetit për të bërë të mundur zbardhjen sa më të shpejtë të kësaj ngjarjeje të rëndë kriminale. Drejtoria Vendore e Policisë Elbasan, vë në dispozicion shumën prej 20.000 Euro për çdo informacion të vlefshëm që çon në zbardhjen e ngjarjes dhe identifikimin e autorit. Sigurojmë anonimatin për çdo shtetas që do japë informacion të saktë në numrat e celularit: 0694110853 dhe 0694100003 dhe në numrin pa pagesë 129.

Fjeta me të vetëm një natë, e po vuaj tërë jetën!

admin
-
0

Fillova me punë kameriere në një hotel në Durrës. Puna ishte shumë e lodhshme dhe mënyra se si të trajtonin nuk ishte shumë e mirë. Punoja 10 deri në 12 orë në ditë dhe gjithë kohës isha e zënë, sepse kishte jashtëzakonisht shumë punë. Mund të gjeja shumë punë të tjera, por nuk e lija dot këtë që kisha, për shkak të kontratës. Puna si kameriere nuk më pëlqente aspak, por fitoja mirë dhe ishte e vetmja gjë që po më mbante në Durrës për momentin, shkruan për Portalin tonë “Kosovarja”, J., nga një qytezë e Kosovës.

Ishte e premte dhe unë kisha pushim. Atë të premte një shoqe imja më ftoi në një klub luksoz. Vesha fustanin më të bukur që kisha dhe shkuam. Vendi ishte shumë luks dhe të gjithë ishin veshur shumë bukur; ishte një mrekulli. U ulëm në një qoshe me shoqen time dhe mezi e gjetëm atë vend. Filluam të qeshnim kur pamë menynë, sepse çmimet ishin jashtëzakonisht të larta dhe ne porositëm nga një gotë verë…

Afër nesh kishim një tavolinë me disa djem që ishin veshur shumë bukur.

– Ata janë shumë të bukur – i thash shoqes sime dhe bëmë sikur nuk na interesonin.

Më pas erdhi kamerierja me dy gota verë të tjera, e që na i kishin porositur ata që ndodheshin përball nesh. Ne i falënderuam duke ngritur gotën. Më pas ata u larguan dhe unë i thash shoqes sime:

– Shiko, nuk është se u pëlqyem ne, thjesht, na panë si gjynah!

Pas disa minutash erdhi djali biond që ishte më përpara dhe na tha:

– Ne jemi ulur poshtë. Dëshironi të vini te tavolina jonë?

Ne shkuam poshtë dhe aty u takuam me djemtë e tjerë. Aty ishte dhe ai për të cilin, që në momentin e parë që e pash, mendova: “Unë do të bie në dashuri me këtë”. Djemtë ishin nga Suedia dhe kishin ardhur për pushim në Durrës. Më pas, djali biond u largua dhe unë fillova të flisja me djalin që pëlqeja. Ishte brun, i veshur shumë bukur. Më pas, djali biond erdhi me dy vajza të tjera shumë të bukura dhe djali që unë pëlqeja iu afrua atyre.

“E humba”, mendova. Më vonë ai m’u afrua edhe mua, më preku në faqe dhe më pyeti pse isha aq e ngrohtë. E kuptova që edhe ai më pëlqente pak dhe isha duke përjetuar momente shumë të bukura. Shoqja ime u largua dhe më pyeti nëse do të shkoja me të. Unë i thash: “Të lutem, rri edhe pak se mua po më pëlqen shumë ky djalë”, por ajo u largua dhe unë qëndrova vetëm. Në fund ata paguan dhe po largoheshin. Unë qëndrova aty. Ai erdhi dhe më pyeti: “A mund të të puth?”. Unë ia drejtova faqen dhe ai më tha me një zë të ulët, të ëmbël: “Buzën” dhe më puthi në buzë. Ishte puthja më e ëmbël që kisha marrë ndonjëherë. As që e kisha imagjinuar ndonjëherë që t’më pëlqente kaq shumë dikush në aspektin fizik, sepse në aspekte të tjera nuk e njihja. Unë djemve gjithmonë u gjeja defekte, por me atë isha shumë e tërhequr, më pëlqente shumë. Ai më puthi dhe u largua.

Unë shtanga dhe mendova: “O Zot, po sikur të mos kthehet më?!”. Prita disa minuta dhe ai u kthye e më tha:

– Të lutem, eja me mua sonte. Jam shumë i disponuar dhe dua ta kaloj një natë të paharrueshme…

Unë i thash: – Jo, më vjen keq, nuk vij dot.

Nuk e kisha bërë kurrë një gjë të tillë, të shkoja me një djalë që sapo e kisha njohur në klub, por kur e pash që po largohej, ia kapa dorën dhe shkova me të.

Morëm taksinë dhe shkuam në hotelin ku ai rrinte. Ç’të shikoje! Një hotel me 5 yje, super luksoz. Ndjehesha shumë në siklet, sepse nuk më kishte ndodhur ndonjëherë të shkoja të flija me dikë që sapo e kisha njohur, por ai më pëlqente dhe çdo gjë e tij më bëri të ndjehesha shumë mirë. Nuk më zinte gjumi, ndërkohë që mbaja të shtrënguar dorën e tij dhe nuk fjeta fare, tërë natën. Në mëngjes ai u zgjua dhe unë e pyeta se si ndjehej. Më tha se ndjehej mirë, sepse kënaqësi të tillë në shtrat nuk kishte kaluar përjetuar si me mua… Më tha se ishte 37 vjeç. Pastaj, erdhën shokët e tij në dhomë dhe unë e pyeta se deri kur do të rrinte. Ai më tha: “Do të kthehem në Suedi të hënën”.

Pas pak bëra dush dhe u largova. Kur po largohesha, më pyeti nëse kisha kaluar një natë të bukur. Unë i thash po dhe u largova me një ndjenjë trishtimi…

Ditën e hënë e mora në telefon hotelin dhe ata më thanë se ai ishte larguar. Fillova të qaj. E kisha humbur përgjithmonë dhe nuk i thash se sa shumë më kishte pëlqyer dhe sa mirë isha ndjerë. Më ka ngelur peng edhe sot.

Edhe pas një viti ende e mendoj. Kam kontrolluar gjithandej në internet dhe rrjete sociale që ta gjej, por nuk e kam gjetur dot.J. /Kosovarja/

‘Të jetosh në ishull’, vjen nëpërmjet shfaqjes teatrale

admin
-
0
‘Të jetosh në ishull’, vjen nëpërmjet shfaqjes teatrale

Me regji të Arbnesha Grabovci Nixha, romani i njohur “Të jetosh në ishull” i shkrimtarit shqiptar Ben Blushi do të vjen edhe nëpërmjet shfaqjes, shfaqje kjo që do të prezantohet me premierë të mërkurën, prej orës 20:00 në Teatrin “Dodona”.

Në këtë shfaqje me rolet e tyre do të luajnë aktorët: Danjela Marlaj, Enis Metaj e Blerim Hasani, shkruan KultPlus.

Muzikën e shfaqjes e ka punuar Florent Boshnjaku, skenografinë Zake Prevlukaj, dramatizimin Sahadete Beqiri, dizajnin e pllakatit Genc Rezniqi, kostumet Miriam Talia Nixha dhe dizajnin e dritave Skender Latifi.

Dëshmitë kundër Komunës së Prizrenit për tragjedinë e tre vjeçares

admin
-
0
Dëshmitë kundër Komunës së Prizrenit për tragjedinë e tre vjeçares

Komuna e Prizrenit ka pranuar disa herë gjatë këtij viti – dhe gjatë vitit të kaluar – shkresa për të intervenuar tek shtëpitë ku të hënën e humbi jetën vajza trevjeçare.

Por, ajo kishte refuzuar të ndërhynte për ta siguruar zonën.

Drejtori i Qendrës Rajonale për Trashëgimi Kulturore në Prizren, Samir Hoxha, i ka dërguar KlanKosova.tv dokumentet që dëshmojnë thirrjet e tyre dhe kërkesat zyrtare për komunën që të intervenojë në rrugën “Marin Barleti”, aty ku trevjeçarja Xheneta Gashi u zu nga muri i një shtëpie dhe gjeti vdekjen.

Madje, kërkesa më e hershme për ndërhyrje ishte qysh më 27 shkurt 2015.

“QRTK kërkon nga Drejtoria për emergjencë dhe siguri dhe nga Drejtoria e inspektorateve që të ndërmarrin masa emergjente në ndërtesën e cila gjendet në rrugën ‘Marin Barleti’ në ngastrën kadastrale nr, 3603. Lokacioni gjendet në Qendren Historike të Prizrenit”, thuhet në kërkesën e dërguar nga Samir Hoxha në drejtim të Komunës.

Në këtë letër, por edhe në të gjitha vërejtjet tjera, theksohet rreziku i lartë që ekziston për banorët e lagjes dhe për kalimtarët e rastit.

Kërkesat nga QRTK gjithmonë ishin cilësuar “me prioritet”, ndërsa e fundit ishte dërguar në janar të vitit 2016.

Komuna e Prizrenit – por as ndonjë drejtori e veçantë brenda saj – nuk është përgjigjur në asnjë nga këto letra dhe kërkesa, ka thënë për KlanKosova.tv, Samir Hoxha.

Të gjitha dokumentet dërguar Komunës Hoxha ka vendosur t’i bëjë publike pasi që në studion e Info Magazinës në Klan Kosova, zëdhënësi i Komunës së Prizrenit, Ymer Berisha, sot e ka thënë pikërisht të kundërtën
Sipas Berishës, është Komuna e Prizrenit ajo që i ka dërguar shkresa Ministrisë për ta sensibilizuar gjendjen për këto shtëpi pranë rrënimit, por nuk ka marrë përgjigje.

Mirëpo, Hoxha e mohon kategorikisht një gjë të tillë.

Ai ka deklaruar për KlanKosova.tv se nëse Komuna ia del ta vërtetojë se shkresat janë dërguar në adresë të institucionit që drejton, atëherë është i gatshëm të japë përgjegjësi penale.

Qysh nga dje, kur ka ndodhur rasti tragjik, Ministria e Kulturës dhe Komuna e Prizrenit vazhdimisht e kanë bërë me faj njëra tjetrën, derisa vendi ku ndodhi rasti vazhdon të mbetet në gjendjen e njëjtë.

IMG_8148-2

sam

 

1...6 1176 1186 119...8 812Page 6 118 of 8 812

Të gjitha materialet e portalit janë të mbrojtura me të drejtat autoriale. Ato mund të kopjohen, modifikohen, dhe ripublikohen vetëm duke iu referuar burimit PrizrenPress.com. Të drejtat autoriale janë të rezervuara, sipas dispozitave ligjore në fuqi në Republikën e Kosovës.

© 2019 NuclearAnt.

Kategoritë

Lidhuni Me Ne