Këngëtarja e re kosovare, Dua Lipa, është ftuar të interpretojë në Wind Music Awards, në Itali, ceremoni kjo e ndarjes së çmimeve që do të mbahet më 7 dhe 8 qershor dhe transmetohen në Rai Uno.
Wind Music Awards mbahet në Arena di Verona. Pos Dua Lipës, në këtë ngjarje do të interpretojnë edhe Marco Mengoni, Alvaro Soler, këngëtari i madh italian Nek, etj.
Wind Music Awards nderon këngëtarët italianë të cilët shesin më së shumti kopje të albumeve të tyre.
Deputeti i Nismës për Kosovën, Zafir Berisha, ka vlerësuar se kthimi i opozitës në Kuvend ka rrezik që t’ia zgjasë jetën Qeverisë aktuale. Ai ka thënë se pa opozitën koalicioni PDK-LDK nuk ka arritur ta bëjë as kuorumin në Kuvendin e Kosovës.
“Kthimi i opozitës në Kuvendin e Kosovës, po dyshoj se nuk është mirë i analizuar, sepse duke mos marrë pjesë opozita në seanca u pa fytyra e vërtet e koalicionit Thaçi/Mustafa/Vuçiq, të cilët nuk ishin në gjendje të kenë as edhe kuorum për t’i mbajtur seancat plenare. Duke i bërë kuorum këtij koalicioni, ka rrezik që t’ia zgjasim jetën Qeverisë antikushtetuese, e cila është duke venë në pikëpyetje sovranitetin e vendit. Bojkoti ynë si një formë e protestës nxori në pah interesat e ngushta të parapolitikës së partive në pushtet si dhe u dhanë simptomat që ky koalicion elefantësh po shkon në vetëshkatërrim”, ka shkruar Berisha në profilin e vet në Facebook.
Lëvizja Vetëvendosje ka deklaruar se do të kthehet në Kuvendin e Kosovës kështu për të kundërshtuar marrëveshjet e arritura.
Kryetari i VV-së Visar Ymeri ka thënë se Vetëvendosje do të jetë në Kuvend.
“Ne do të bëjmë opozitën ashtu siç e kemi bërë çdo herë. Cfarëdo tentimi që ti ringjall projektet e dëmshme për vendin, Asocioni i Komunave me shumicë serbe dhe Demarkacioni do ta rikthejnë edhe më fuqishëm kundërshtimin tonë”, ka thënë Ymeri.
Glauk Konjufca nga ky subjekt politik ka thënë se Vetëvendosje do të kundërshtoj çdo marrëveshje të cilat janë në dëm të Kosovës.
“Vetëvendosje do ta kundërshtoj çdo marrëveshje të dëmshme për Kosovës. Këto do të jenë të kundërshtueshme me çdo forma. Jemi të shqetësuar nga deklaratat e pushteti ku po duan ta sjellin sa më shpejt punën e demarkacionit. Zërat që vijn nga ana e ministrave tregojnë për një përshpejtim të procedurës së demarkacionit. Në po kthehemi në Kuvendin e Kosovës për të ngritur çështjen dhe dilemat ku do t’i kundërshtojmë marrëveshjet”, ka thënë Konjufca.
Sidnej në Australi u godit nga një prej stuhive më të këqija të katër dekadave të fundit.
Më shumë se 1 mijë njerëz braktisën shtëpitë, teksa stuhia ‘gllabëroi’ disa banesa buzë detit.
Stuhia nuk pritet të ndalet edhe të hënën.
26-vjeçarja Deshauna Barber, togere e ushtrisë amerikane dhe analiste informatike në Departamentin e Tregtisë në Washington, është kurorëzuar si më e bukura e SHBA-ve.
Barber ka lënë pas përfaqësueset e Xhorxhias dhe Havait, të cilat u shpallën shoqëruese e parë dhe e dytë.
Ajo ka dhënë përgjigjen më të fortë kur u pyet lidhur me gratë të cilat luftojnë.
“Si një grua në Ushtrinë e Shteteve të Bashkuara, mendoj se dimë të komandojmë ashtu si burrat. Si komandante e njësisë sime, unë jam e fuqishme, unë jam e përkushtuar”, tha Deshauna Barber.
“Gjinia nuk na kufizon në Shtetet e Bashkuara.”
Mbretëresha e re e bukurisë amerikane në vitin 2011 ka përfunduar studimet në Universitetin e Virxhinias.
Ajo ka hyrë në ushtri në moshën 17-vjeçare, duke ndjekur gjurmët e prindërve dhe vëllezërve dhe e konsideron uniformën një traditë familjare dhe patriotizëm.
NISMA dhe AAK kërkojnë që të shpallen zgjedhjet e reja. Liderët e këtyre dy partive në një konferencë të përbashkët për media kanë thënë se Qeveria e Kosovës po tenton t’i trafikojë dy marrëveshjet, që sipas tyre janë të dëmshme për vendin.
“Ne si Nismë dhe AAK kërkojmë që menjëherë të ulemi dhe të shpallim datën e zgjedhjeve dhe pastaj të flasim për këto dy tema. Kjo neglizhencë e ka dëmtuar Kosovën dhe po e dëmton procesin e liberalizimit. Rruga dhe tendenca për të kaluar përmes trafikimit dhe presionit ndaj deputetëve ka vetëm pasoja, andaj kërkojmë të ndalohet çfarëdo tentative për t’i kontrabaduar këto marrëveshje dhe vendi të shkojë në zgjedhje”, tha Limaj.
Edhe kryetari i AAK-së, Ramush Haradinaj tha se duhet që të ndërpritet kjo gjendje dhe të vendoset për zgjedhje.
“Jemi të shqetësuar se në rast se insistohet për trafikimin e këtyre marrëveshjeve do të thellohet kriza në vend. Po kërkojmë nga koalicioni të mos shkoj kësaj rruge dhe të kthej pamjet e krizës. Situata është serioze. Duhet t’i gjejmë një dalje këtyre marrëveshjeve ajo është shkuarja në zgjedhje. Situata bëhet shumë ë komplikume nëse insistohet këto marrëveshje të kalohen me trafikim. Është momenti me kërku dalje jo kthim në gjendjen e mëhershme. Shqetësimi për këto tema nuk është vetëm i opozitës, por dhe i qytetarëve”, tha Haradinaj.
Mbrëmë, e diel, në ora 21:20 në fshatin Nashec të Prizrenit ka ndodhur një tentim grabitje.
Nga ky rast janë arrestuar dy të dyshuar meshkuj, pasi që sipas Policisë, gjatë kontrollit në veturën me të cilën ishin duke udhëtuar janë gjetur dhe konfiskuar dy maska, dorëza si dhe një pushkë automatike me 31 copë fishekë, raporton PrizrenPress.
Sipas Policisë, të dyshuarit dyshohet se kishin qëllim të kryenin grabitje në shtëpinë e viktimës mashkull dhe njësitet policore kanë arritur ta parandalojnë.
Me vendim të prokurorit të dyshuarit janë dërguar në mbajtje. /PrizrenPress.com/
Polica e Kosovës njofton se mbrëmë rreth orës 23:30 në Suharekë ka ndodhur një tentim vrasje.
“Është arrestuar i dyshuari mashkull k-shqiptar, pasi që i njëjti pas një mosmarrëveshje ka shtënë me armë zjarri në drejtim të viktimës mashkull k-shqiptar”, bën të ditur PK-ja, raporton PrizrenPress.
Njësiti policor nga i dyshuari ka konfiskuar armën CZ me një karikator me tetë fishekë të cal. 9 mm.
Nuk raportohet për të lënduar. Me urdhër të prokurorit i dyshuari është dërguar në mbajtje. /PrizrenPress.com/
Në Rahovec, gjatë ditës së djeshme, ka ndodhur një aksident trafiku në mes të një automobili dhe një moto-kultivatori, ku si pasojë lëndime trupore kanë pësuar dy femra dhe një mashkull, njofton Policia e Kosovës, raporton PrizrenPress.
Sipas Policisë, me vendim të prokurorit rasti vazhdon në procedurë të rregullt. /PrizrenPress.com/
“Situata epidemiologjike me ethet hemorragjike, është nën kontroll dhe nuk ka asnjë rast të regjistruar me EHKK”, kështu u raportua në mbledhjen e rregullt të Këshillit të Drejtorëve, të mbajtur nga Kryetari i Komunës së Malishevës, Ragip Begaj.
Në këtë mbledhje i shpreh shqetësimi për digën në liqenin e Mirushës, pasi është dëmtuar jashtë mase dhe u kërkua zgjidhje e shpejtë për këtë çështje.
Drejtori për shëndetësi, Hajdin Berisha, duke raportuar për gjendjen epidemiologjike në Komunën e Malishevës, tha se “situata është nën kontroll dhe pavarësisht rasteve të thumbimeve nga rriqrat, nuk ka asnjë rast të infektuar”.
Berisha, po ashtu, bëri të ditur, se po vazhdon me sukses faza e tretë e repelimit të kafshëve dhe faza e dytë e dezinsketimit selektiv.
Ndërsa drejtori i shërbimeve publike, Milazim Morina dhe drejtori për mbrojtje dhe shpëtim, Sejdi Paçarizi, kanë ripërsëritur shqetësimin e tyre, për gjendjen e digës, në liqenin Mirusha, ku sipas tyre, ose duhet të intervenohet urgjentisht, ose të shterohet gradualisht liqeni, pasi vërshimet e dimrit, e kanë dëmtuar jashtë masë digën dhe ekziston rreziku për qarje më të mëdha në digë, që mund të jenë me pasoja, për të gjithë ata që jetojnë përgjatë lumit, sidomos në fshatin Mirushë.
Në mbledhjen e sotme, drejtori i arsimit, Avdi Morina, tha se “testi i maturës, është mbajtur pa asnjë problem në Malishevë, si dhe garat republikane në volejboll për shkolla’.
Po ashtu në këtë mbledhje, drejtoresha për kulturë, rini dhe sport, Blerta Krasniqi, tha se “po vazhdojnë përgatitjet për shënimin e 16 Qershorit, ndërsa kanë filluaR procedurat për konkursin artistik, si dhe për mbajtjen e garave sportive, tradicionale, në futboll, volejboll dhe shah”.
Në fushën e bujqësisë, drejtori Haxhi Krasniqi, bëri të ditur se ka përfunduar projekti për ndërtimin e serrave, ndërsa janë në procedurë për projektin e shtallave për fermerë, pjesë e investimeve komunale në bujqësi. /PrizrenPress.com/