21.8 C
Prizren
E martë, 6 Maj, 2025
type here...
Home Blog Page 6158

Operacioni “Miti”: Hetimi sekret i vdekjes së Adolf Hitlerit nga Bashkimi Sovjetik

admin
-
0
Operacioni “Miti”: Hetimi sekret i vdekjes së Adolf Hitlerit nga Bashkimi Sovjetik

Vdekja e dikatorit nazist Adolf Hitler, është një nga më të diskutuarat rreth mistereve të historisë. Fyhreri ishte një figure sa e dashur aq edhe e urryer, dhe po kështu vazhdon të jetë edhe sot e kësaj dite.

Për këtë arsye, vështirë se është për t’u habitur pse njerëzit janë kuriozë mbi mënyrën e vdekjes së tij, dhe se kur kjo ka ndodhur.

Konsensusi i përgjithshëm është se ai vrau veten me një tabletë cianur, dhe një plumb në kokë në 30 prill të vitit 1945. Megjithatë, sovjetikët nuk kanë qenë aq të sigurtë mbi këtë, ndaj ata filluan zbatimin e “Operacionit Miti”.

Ky qe një hetim mbi vdekjen e Adolf Hitlerit dhe vërtetësinë e trupave që u zbuluan në dalje të bunkerit të nëndheshëm të liderit nazist, kur Ushtria e Kuqe pushtoi Berlinin.

Në 30 prill 1945, Ushtria e Kuqe sovjetike ishte duke sulmuar Berlinin. Ndërkohë, Hitleri dhe disa bashkëpunëtorë të besuar, qenë fshehur në bunkerin e nëndheshëm…

LEXOJE TË PLOTË: Operacioni “Miti”: Hetimi sekret i vdekjes së Adolf Hitlerit nga Bashkimi Sovjetik

Pashkët në Meksikë, digjet maskota e Trump

admin
-
0
Pashkët në Meksikë, digjet maskota e Trump

Marshimi i Donald Trump drejt nominimit republikan për Presidencialet e nëntorit të këtij viti në Shtetet e Bashkuara ka frikësuar shumëkënd, përfshi edhe vet “të vjetrit” e partisë së tij, aq sa “The Economist Intelligence Unit” e konsideroi vetëm pak ditë më parë si “një ndër 10 kërcënimet më të mëdha botërore”.

Mirëpo, meksikanët kanë zgjedhur një metodë të veçantë për të shprehur irritimin e tyre ndaj manjatit të pasurive të paluajtshme, pikëpamjet antiemigracion të të cilit kanë shkaktuar pakënaqësira në kufirin jugor amerikan. Pikërisht në mbrëmjen e së shtunës, teksa festonin ringjalljen e Krishtit, meksikanët kanë djegur shëmbëlltyrën e Trump gjatë ritualit të përvitshëm të Pashkëve.

Në lagjen e varfër të Meksiko Sitit, La Merced, qindra rezidentë brohorisnin fjalën “vdekje” dhe ofendime të ndryshme, teksa shihnin kukullën me portretin e miliarderit të digjej. Një manekin i veshur me një xhaketë sportive blu, me kravatë të kuqe dhe flokët e dendura të verdha karakteristike të tij.
Media vendase raporton se portrete të ngjashme janë djegur thuajse në të gjitha qytetet e Meksikës, nga Puebla e deri te kryeqendra industriale e vendit, Monterrey

Të rinjtë kosovarë preferojnë të studiojnë jashtë

admin
-
0
Të rinjtë kosovarë preferojnë të studiojnë jashtë

Dëshira e të rinjve kosovarë që të studiojnë jashtë vendit duket të jetë mjaft e madhe. Shumë nga ta thonë se studimet jashtë Kosovës janë një mundësi e mirë për të përmirësuar njohuritë e tyre, si dhe për të arritur një karrierë profesionale.

Kastriot Lila studion shkencat politike në Prishtinë, por dëshira e tij është të studiojë jashtë Kosovës.

“Do të doja të studioja jashtë Kosovës, pasi që ke mundësi të arrish më shumë atë që synon. Në Kosovë, nuk është që nuk do të mund të gjej punë, por nuk do të më ofronte atë që unë synoj”, thotë Kastrioti.

Naseri, 23 vjeç, është optimist se në Kosovë do të bëhet më mirë.

“Do të rri në Kosovë. Ky vend nuk ofron mundësi të mira, por mendoj se kjo është momentale dhe gjërat do të rregullohen. Unë studioj menaxhimin në Universitetin e Prishtinës”, thotë ai.

Por, Besa Hoxha, studente e Fakultetit të Mjekësisë, mendon se Kosova ka një treg të ngushtë të punës, ndryshe nga shtetet e tjera evropiane.

“Mendoj se mundësitë më të mira janë të studiosh jashtë. Mendoj se tregu i punës është më i gjerë jashtë vendit, për dallim nga Kosova. Edhe studimet të ofrojnë dije akademike më të thellë”, shprehet Besa.

Arbër Pula studion në Greqi, por thotë se pas përfundimit të studimeve do të kthehet në Kosovë.

“Kam vendosur të studioj jashtë Kosovës sepse cilësia e edukimit është më e mirë. Studioj shkenca kompjuterike në Greqi. Por, gjithsesi do të kthehem në Kosovë pas studimeve. Mendoj se do të gjej punë dhe do ta dëshmoj veten”, thotë Arbëri.

Ekspertë të arsimit kanë ngritur shpesh shqetësimet për cilësinë e arsimit në Kosovë.

Sipas tyre, mësimet bëhen tërësisht në mënyrë teorike dhe cilësia nuk garanton të ardhme të sigurt për qytetarët.

Mentor Krasniqi po ashtu studion jashtë Kosovës.

“Unë studioj në Tiranë. Mendoj se mësimi është më kualitativ në Tiranë sesa në Prishtinë. Studioj shkencat politike dhe marrëdhëniet ndërkombëtare. Si student përballem me vështirësinë e punësimit, pasi që nuk kemi përvojë dhe mundësitë i kemi të limituara”, thotë Mentori.

Monika Veseli do të donte të studionte jashtë Kosovës, por thotë se nuk ka mundësi.

“Kisha pasur shumë dëshirë të studioj jashtë vendit, për arsye se ke më shumë mundësi, jo vetëm për punësim, por edhe do të mësoje më shumë, nëse e krahasojmë me Universitetin e Prishtinës, ku është numër i madh i studentëve dhe ligjëratat janë shumë teorike dhe asgjë praktike. Do të ishte mirë të studioja jashtë vendit, por jo të gjithë i kemi ato mundësi”, shprehet Monika.

Në pozitë të ngjashme është edhe Artan Prenaj.

“Në Kosovë, kushtet për të studiuar mendoj se janë shumë larg vendeve evropiane, por shpresoj që në të ardhmen edhe këtu të ketë përmirësime”, thotë ai. / REL

– See more at: http://politiko.net/te-rinjte-kosovare-preferojne-te-studiojne-jashte/#sthash.GSQsAKYs.dpuf

Ngecja e karvanit!

admin
-
0
Ngecja e karvanit!

Faik KRASNIQI
Me këtë trend të ashpërsimit të gjuhës së komunikimit, me këtë kulturë të degraduar politike, zgjidhje të krizës nuk do të ketë pa reagim gjithëqytetar. Kriza politike, e cila ka përfshirë vendin që nga muaji shtator, është duke u thelluar çdo ditë e më shumë. Kjo krizë politike po shkon drejt thellimit, drejt një rruge qorre. Me kulturën e degraduar politike, kriza po thellohet më shumë! Nuk ka shenjë se pozita dhe opozita do të lëvizin nga qëndrimet e tyre, dhe se kriza do të vazhdojë të rritet. Fjalori politik mes pozitës dhe opozitës është duke u ashpërsuar, dhe nuk ka shenja për ndonjë marrëveshjeje politike. Kriza politike në vend po vazhdon e kjo nuk dihet se deri kur do të vazhdojë. Prandaj, në situatën në të cilën është vendi momentalisht, zgjedhjet e jashtëzakonshme do të ishin mënyra më e mirë për të dalë nga kriza, por që edhe ky proces do të mund të ishte një rrezik për shkak të një lloj konflikti mes partive, do të mund të përcillej edhe tek qytetarët. Dështimi i opozitës në këtë përpjekje të saj për denoncimin e qeverisjes së keqe të koalicionit mund të vijë si pasojë e mbajtjes sekret, ose të mospasjes akoma të një strategjie të përbashkët, plani të veprimit për ndryshime nga kjo qeverisje e keqe e koalicionit PDK-LDK.

Gabimet e opozitës!

Deri më tash opozita, përveç protestave për kundërshtimin e dy marrëveshjeve, atë të Asociacionit për komunat me shumicë serbe dhe Demarkacionin me Malin e Zi, kauzën e saj nuk e ka zgjeruar, prej të cilave qytetarët po vuajnë, si: korrupsioni, keqqeverisja, kapja e shtetit etj. Ky është një gabim trashanik i opozitës, që protestat i ka fokusuar kryesisht vetëm në këto dy marrëveshje. Nëse opozita e zgjeron kauzën e saj në protestat e 26 marsit, do të kishte një protestë gjithëpopullore dhe, pa dyshim, ky pushtet kriminal do të dridhej dhe reflektimi do të ndodhte. Opozita duhet ta ketë parasysh edhe një gjë, se zgjedhjet mund t’i fitojë vetëm nëse bëhen të gjitha partitë opozitare bashkë, por duke përfshirë në atë listë gjysmën e kandidatëve nga shoqëria civile, mediet dhe personalitete të pavarura dhe të respektuara në opinion. Në këtë plan deri tash opozita nuk ka dhënë asnjë shenjë, as për zgjerimin e kauzës së saj, as për formimin e një fronti të madh opozitar, por as ftesë personaliteteve të respektuara në opinion, për ta përmbysur këtë regjim kriminal dhe mafioz. Pa një platformë të qartë qeverisëse, pa formimin e një fronti të madh opozitar dhe ftesë të të gjitha personaliteteve të respektuara në opinion, edhe nëse shkohet në zgjedhje, opozita e ka të vështirë ta marrë besimin e popullit dhe rezultati do të dilte i njëjtë me PDK-në në vend të parë.
Dhe me të drejtë do të shtrohej pyetja: çfarë do të ndodhte tutje kur PDK-ja do të dilte prapë partia e parë?

Opozita duhet të lëvizë, t’i lërë anash përçarjet dhe ta mobilizojë elitën intelektuale!

I bie që opozita ose disa parti të opozitës të bënin koalicion me PDK-në, me Kadri Veselin kryeministër dhe të nënshtroheshin siç u nënshtrua LDK-ja, kur shkoi në prehrin e PDK-së dhe lidhi koalicion me SHIK-un. Nëse opozita e ka seriozisht largimin nga pushteti të kësaj qeverie kriminale, atëherë duhet të jenë më të bashkuar se kurrë, duke e zgjeruar kauzën e saj me gjëra që po e shkatërrojnë këtë popull, por njëkohësisht edhe zgjerimin e saj me personalitete të respektuara në opinion, të cilët në vazhdimësi kanë qenë kundër këtyre pushtetarëve mafiozë. Në të kundërtën opozita karshi qytetarëve do të jepte një mesazh të keq, që edhe opozita nuk e ka hallin e shtetit dhe të qytetarëve të saj, por halli i tyre është ardhja në pushtet. Prandaj opozita duhet të lëvizë, t’i lërë anash përçarjet dhe ta mobilizojë elitën intelektuale, për ta larguar sa më parë këtë pushtet kriminal, të cilët janë shndërruar në kancerin e gjithë shoqërisë.

Policia konfiskon 9 gram marihuanë në Prizren

admin
-
0
Policia konfiskon 9 gram marihuanë në Prizren

Policia e Kosovës po vazhdon luftën e saj kundër përdorimit të narkotikëve të ndryshëm. Në raportin e saj 24 orësh, Policia raporton se ka në Prizren, rreth orës 23:00 ka konfiskuar fiks 9e13 gram marihuanë.

Në raportin e Policisë, ky aktivitet është cilësuar si posedim i paautorizuar i narkotikëve.

“Raportohet se gjatë kontrollit në trup te i dyshuari mashkull K/Shqiptar është gjetur dhe konfiskuar substancë e dyshuar narkotike e llojit Marihuanë me peshë 9.13 gram”, thuhet në raport.

Me vendim të prokurorit, sipas Policisë, i dyshuari është liruar në procedurë të rregullt.

Kukësianët bëhen bullgar për hirë të pasaportës

admin
-
0
Kukësianët bëhen bullgar për hirë të pasaportës

Banorët e fshatrave në verilindje të Shqipërisë, mbushin sportelet e ambasadës bullgare për të marrë pasaportë të këtij vendi, ani pse Bullgaria ka standardin më të ulët të jetesës në Bashkimin Evropian

Prej vitesh shteti i Bullgarisë, ose më saktë zyrtarët e këtij vendi theksojnë se në Shqipëri jeton një minoritet bullgar. Sofja zyrtare ka dhënë disa herë shifra, mirëpo këto numra rriten vit pas viti me një progresion të fuqishëm.

Parlamenti i Bullgarisë kishte miratuar një ligj sipas të cilit lehtësohen procedurat për të marrë shtetësinë bullgare. Kështu pasaportën e këtij vendi mund ta marrin jo vetëm të afërmit në vijë të drejtë të gjakut por edhe të tjerë.

Madje banorët nga zona e Zapodit dhe Gorës, bëjnë udhëtim tetë orësh nga qendra e Kukësit drejt kryeqytetit të Bullgarisë, më shpresën se do ta fitojnë një pasaportë bullgare.

Tashmë një linjë të rregullt Kukës-Sofije e ka mundësuar një shofer furgoni, i cili nuhati këtë biznes si një mundësi të mirë. Një udhëtim më këtë furgon deri në Sofije, sipas shoferit kushton rreth 60 euro.

“Nisem në darkë dhe mbërrij herët në mëngjes në Sofje. Pasagjerët e mi kanë mundësi të regjistrohen në lagjet e Sofjes (kusht për marrjen e shtetësisë) apo të mbarojnë punët në presidencë”, thekson shoferi, T.Bajraktari.

Nuredin Nuredinaj, punëtor në konsullatën bullgare në Tiranë, që me origjinë është nga Gora dhe jeton në Farkë, luan rolin e përkthyesit zyrtar të konsullatës dhe i këshillon aplikuesit për mangësitë në dokumente.

Sipas tij, në fazën e parë të aplikimit, aplikuesit duhet të paraqesin certifikatën e lindjes, atë të bashkësisë familjare me vulë apostile të Ministrisë së Jashtme.

Aplikuesit po ashtu duhet të regjistrohen edhe si anëtarë të shoqatës “Prosperitet Golloborda”, ku karta e anëtarësisë në shoqatë dhe dëshmia për origjinën gollobordase kushton 150 euro.

Kjo shoqatë ku kryetar është Haxhi Pirushi, luan rolin e komunikuesve për kandidatë që aspirojnë nënshtetësinë e ndonjë vendi të BE-së.

‘Gara’ për tu bërë bullgarë është zgjeruar në hartën e Shqipërisë. Po ashtu në vitin 2015 mediat në Shqipëri raportuan se nuk janë vetëm banorët e zonave të thella të Shqipërisë, të interesuar për tu bërë bullgarë, por dhe qytetarët e zonës së Sharrit, përkatësisht Dragashit në Kosovë, si dhe shumë shqiptarë të Maqedonisë.

Në fakt pasaporta bullgare përbën një letër me vlerë, pasi si vend i Bashkimit Europian, qytetarët mund të lëvizin pa probleme jo vetëm në shtetet e BE, pra hapësira Shengen si dhe në Britaninë e Madhe, por edhe në SHBA, Kinë Japoni, Kanada.

Bullgaria ka qenë shteti i parë që ka njohur pavarësinë e Shqipërisë në vitin 1912 dhe shteti i pestë që ka njohur pavarësinë e Kosovës në vitin 2008/insajderi.com/

Zgjedhjet në SHBA: Sanders fiton Uashingtonin dhe Alsakën

admin
-
0
Zgjedhjet në SHBA: Sanders fiton Uashingtonin dhe Alsakën

Bernie Sanders ka fituar edhe dy shtete tjera amerikane në garën presidenciale të demokratëve, përderisa ai mundohet ta zvogëlojë distancën me Hillary Clinton.

Senatori Sanders fitoi çmimin më të madh të ditës, shtetin e Uashingtonit dhe Alaskën . Hawaii gjithashtu duket se do të jetë shteti i radhës, raporton BBC.

Sanders ka fituar 72 % të votave në Uashington kundër 27 % të Clintonit.

Dhe rrjetet televizive amerikane ia kanë dhënë atij edhe rreth 79 % të votave në Alaska, kundër 21 % që janë për zonjën Clinton.

Rezultatet ende pritet të procedohen nga Haëai, por projeksionet fillestar sugjerojnë edhe një fitore tjetër të Sanders.

Politika e dikton drejtësinë

admin
-
0
Politika e dikton drejtësinë

Jo pa fakte thuhet nga ekspertët e ndryshëm të doktrinës kriminale se nëse krimi ka depërtuar në nivelet më të larta të shtetit, atëherë shtetit i mungojnë mekanizmat e shëndoshë, subjekte të shëndosha që duhet ta luftojnë krimin e organizuar, sepse vetë është i korruptuar si shtet dhe natyrisht shteti nuk e lufton vetveten. Në këtë kontekst flitet për qeveritarët, organet e ndjekjes, prokuroritë, gjykatat, policinë etj.”, shprehet profesori Muhamet Kelmendi P ërderisa individë të caktuar nga organet e gjyqësisë dhe ato të prokurorisë vazhdojnë të flirtojnë me politikën, nuk ka shpresë, por as besim, se do të minimizohet shkalla e lartë e korrupsionit dhe krimit të organizuar në vend, por as që do të kemi ndonjë kthesë pozitive në këtë aspekt.

Praktika e deritanishme ka dëshmuar, ka qenë jo vetëm e lidhur fort me organet e drejtësisë porse shtrirja e saj ka qenë mbi tërë sistemin e drejtësisë, duke e kontrolluar dhe dirigjuar plotë- sisht atë. Por, a pritet të ketë ndonjë ndryshim për të mirë dhe t’u kthehet shpresa qytetarëve, sidomos me udhëheqjen e re të Prokurorisë së Shtetit që ta luftojnë korrupsionin edhe tek njerëzit e lartë të pushtetit, që deri më sot kanë qenë të paprekur sa i përket zbatimit të ligjit e Kushtetutës së vendit, si dhe sa është e nevojshme që edhe në Kosovë të formohet Byroja e Hetimit Kombëtar (BHK), si një sektor dhe departament i veçantë e i pavarur për hetimet që bën?

Deputeti nga Lëvizja “Vetëvendosje”, Rexhep Selimi, në një prononcim për gazetën “Kosova Sot”, thotë se asnjëherë nuk mund të luftohet korrupsioni nga të korruptuarit, e aq më tepër nëse korrupsion ka brenda vetë shtetit. Kësisoj, sipas tij, nëse ky zinxhir dhe ky trekëndësh vazhdon të jetë i korruptuar nuk mund të pritet që i njëjti të bëjë luftën kushtimisht kundër vetvetes, e aq më tepër kur vetë ata nuk janë rastë- sisht të korruptuar.

“Institucionet e Kosovës duhet të lirohen fillimisht nga kapja dhe korrupsioni e pastaj të fillojë lufta kundër tij dhe se krimi dhe korrupsioni në pushtet luftohen vetëm atëherë kur të ndërrojë ky pushtet, pra që të vijë një pushtet i cili ka vullnetin politik dhe dëshirën që ta luftojë korrupsionin”, shprehet Selimi.

Selimi: I korruptuari nuk e dënon veten

Nisur nga kjo, Selimi nënvizon se as që duhet pritur ndonjëherë që i korruptuari ta dënojë vetveten dhe të ndërgjegjësohet. Në këtë kuptim, sipas tij, nuk ka shpresë që i korruptuari ta luftojë korrupsionin e aq më tepër kur atë korrupsion e ka brenda vetvetes. Më tej Selimi, duke përmendur rastin e Shqipërisë, ku atje ka filluar Byroja hetimeve kombëtare, një iniciativë ose nismë që ka ardhur nga një presion i bashkësisë ndërkombëtare si parakusht që Shqipëria të marrë kandidaturën dhe të vazhdojë rrugën e saj drejt BE-së, gjë e cila nënkupton edhe një herë se Shqipëria është shumë më afër BEsë sesa Kosova./kosova sot/

Fronti, i shpartalluar

admin
-
0

Tri partitë opozitare që kanë formuar shtatë muaj më parë bllokun opozitar, Lëvizja “Vetëvendosje”, Aleanca për Ardhmërinë e Kosovës dhe “Nisma për Kosovën”, po shkojnë drejt skenarit të bllokut të dikurshëm VLAN, i cili u shpërbë pas gjashtë muajve të krijimit.

Pavarësisht se tri subjektet politike tashmë nuk kanë marrëveshje për bashkëqeverisje, anulimi i protestës së të shtunës dhe deklaratat e përfaqësuesve të bllokut duke akuzuar njëri-tjetrin, nënkuptojnë plasaritje të fronit opozitar që çon drejt shpartallimit.

Kështu kanë vlerësuar njohësit e çështjeve politike në vend, të cilët thonë se ashtu siç u nda pas gjashtë muajsh bashkëpunimi i bllokut VLAN (“Vetëvendosje”-LDK-AAK-“Nisma”), tani mund të ndahet edhe blloku VAN. Në këtë formë do të mundë të shuhet ideja e formimit të një koalicioni parazgjedhor të subjekteve opozitare.

Megjithatë, përfaqësuesit e subjekteve opozitare thonë se këto tri subjekte do të bashkëpunojnë edhe më tutje, pavarësisht “ftohjes” së momentit./zeri/

Më 21 maj testi i arritshmërisë

admin
-
0
Më 21 maj testi i arritshmërisë

Janë bërë të gjitha përgatitjet për organizimin e testit të arritshmërisë në bazë të planit dinamik të punës, që më datë 21 maj të këtij viti, testit t’i nënshtrohen mbi 32 mijë nxënës të klasave të nënta në vendin tonë.

Udhëheqësi i Divizionit për Vlerësim dhe Standarde (DVS) në Ministrinë e Arsimit (MASHT), Mustafë Kadriu, ka thënë për KosovaPress se këtë vit testi do të organizohet ende pa përfunduar mësimi.

“Jemi duke punuar me planin dinamik që e kemi përfunduar në fund të dhjetorit dhe sipas planifikimit testin e klasës së nëntë e kemi më 21 maj 2016. Tash bëhet pyetja pse bash në maj kur akoma janë nxënësit në mësim, por edhe në shumë vende gjatë procesit të mësimit i organizojnë testet. Kjo datë është mjaft e përshtatshme sepse pas përfundimit të rezultateve, në momentin kur nxënësit e përfundojnë shkollën i marrin edhe pikët e testit dhe mandej iu hapet mundësia e vazhdimit të shkollimit të mëtutjeshëm”, ka deklaruar ai.

Ndërsa, sa i përket rëndësisë së organizimit të këtij testi, Mustafa ka theksuar se që nga viti 2004, kur ka filluar të aplikohet ky test në vendin tonë, ka bërë shumë diferencime në orientimin e nxënësve për shkollimin e mesëm të lartë.

“Në qoftë se ndalemi, pikërisht tek filozofia e testit të klasës së nëntë, e ka kuptimin e orientimit të nxënësit në shkollimin e mëtutjeshëm, arritshmëria kuptohet por edhe orientimin. Unë mendoj se testi i klasës së nëntë funksionin e vet e ka realizuar nga 2004 deri tash më 2016 dhe vërtetë e ka bërë një diferencim të nxënësve sipas rezultateve që i kanë arritur”, është shprehur ai.

Udhëheqësi i DVS-së, Mustafë Kadriu ka deklaruar se tani janë duke u hartuar pyetjet e testit dhe ka shtuar se modeli i hartimit të pyetjeve është duke shkuar në drejtim të asaj që sa më shumë të ketë pyetje praktike në mënyrë që të dihet qartë në fund të testit se a është mësuar lënda e caktuar.

“Për klasën e nëntë testi organizohet një ditë në katër fusha: në fushën e gjuhës shqipe dhe gjuhë angleze 25 pyetje, 20+5, histori gjeografi 25 pyetje, matematikë dhe informatikë 25 pyetje dhe shkencave natyrore 25 pyetje që jep me kuptua 100 pyetje gjithsej. Maksimumi i pikëve që marrin nxënësit është 100. Këtu nuk ka kalueshmëri por arritshmëri ”, është shprehur Mustafa.

Testi i arritshmërisë këtë vit në vendin tonë organizohet më 21 maj, kurse rezultatet shpallen më 27 maj, derisa afati i ankesave është deri më 1 qershor.

1...6 1576 1586 159...8 679Page 6 158 of 8 679

Të gjitha materialet e portalit janë të mbrojtura me të drejtat autoriale. Ato mund të kopjohen, modifikohen, dhe ripublikohen vetëm duke iu referuar burimit PrizrenPress.com. Të drejtat autoriale janë të rezervuara, sipas dispozitave ligjore në fuqi në Republikën e Kosovës.

© 2019 NuclearAnt.

Kategoritë

Lidhuni Me Ne