Trajneri Gjermania Joachim Low ka kërkuar që Mario Gotze të largohet nga Bayern Munich.
Mesfushori gjerman është i lidhur me transferimin në Liverpool, ku do të mund të bashkohej me ish-trajnerin e tij, Jurgen Klopp.
“Unë do të thoja se një transferim mund të lëshojë energji të re”, ka thënë Low.
“Një mjedis i ri, sjell motivimet reja”.
“Vetëm shikoni se si Toni Kroos ka ecur. Ai ishte një lojtar i madh në Bayern, por ai ka bërë një tjetër hap të madh në Madrid”, tha Low.
Shumë njerëz ëndërrojnë të puthin yjet hollivudianë, sidomos kur bëhet fjalë për një aktore kaq të talentuar dhe një femër tërheqëse siç është Uma Thurman.
Teksa po jepte një çmim në galanë e “amfAR” në Kanë, Uma mori papritur një puthje pasionante nga sipërmarrësi Lapo Elkann. Të fitosh një çmim që vlen rreth 175.000 euro nuk është diçka e vogël dhe sipërmarrësi Lapo nuk ka ngurruar ta shprehë gëzimin ndryshe. Pasi tërhoqi çmimin, ai menjëherë ju afrua aktores duke e puthur në buzë.
Fillimisht dukej një gjest instiktiv, por ama Uma nuk e priste që puthja do të ishte aq e papritur, pasionante dhe sidomos e sikletshme. E ç’mund të bënte 46-vjeçarja përveçse të ecte me rrymën dhe t’ja kthente puthjen sipërmarrësit përfitues.
Presidenti i Shteteve të Bashkuara, Barack Obama, ka kritikuar Kongresin, pasi ky i fundit nuk ka miratuar kërkesën e tij për një fond prej 1.9 miliard dollarësh, për të luftuar përhapjen e virusit Zika.
Obama ka paralajmëruar se vendi mund të përballet me “probleme më të mëdha” në të ardhmen.
Komentet e tij vijnë në kohën kur shifrat e fundit tregojnë se janë afro 300 gra shtatzëna në SHBA që kanë dalë pozitive me virusin Zika.
Virusi mendohet se shkakton defekte të rënda te të posalindurit.
Ai përhapet përmes mushkonjave dhe kontaktit seksual.
Organizata Botërore e Shëndetësisë e ka shpallur virusin Zika emergjencë globale të shëndetit publik.
Instituti Hidrometeorologjik i Kosovës përmes një komunikate ka njoftuar për sasinë e reshjeve të shiut që ra dje në Kosovë.
Pas regjistrimit në terren, IHMK ka bërë të ditur se më së shumti shi ka rënë në Junik, ndërsa më së paku në Prizren.
Sasia e reshjeve të shiut të regjistruara në rrjetin meteorologjik të Republikës së Kosovës në mm ose l/m2 është kjo: Prishtinë 22.0; Ferizaj 17.0; Pejë 29.0; Podujevë 12.0; Prizren 7.0 dhe Junik 37.0.
Sot në Malishevë, sikur edhe në tërë vendin, ka filluar mbajtja e testit të arritshmerisë.
Në Komunën e Malishevës, këtij testi do ti nënshtrohen 1402 nxënës, të cilët e kanë përfunduar klasën e nëntë, ndërsa ky test është duke u mbajtur në tri qendra shkollore, në sh.f.m. “Ibrahim Mazreku”, në Gjimnazin “Hamdi Berisha” dhe në Qendrën e Kompetencës “Kujtim Krasniqi”, të gjitha në Malishevë.
“Testi i arritshmerisë ka filluar me kohë, në ora 10:00 dhe procesi është duke u zhvilluar në rregull dhe pa probleme”, tha Enver Mazreku, zyrtar në Drejtorinë Komunale për Arsim dhe Edukim.
Testin e arritshmerisë në Komunën e Malishevës, është duke u administruar nga 125 administrator, ndërsa monitorohet nga Ministria e Arsimit, Shkencës dhe Teknologjisë dhe Drejtoria Komunale për Arsim dhe Edukim. /PrizrenPress.com/
Aktorja e famshme amerikane përmes një prononcimi ka ngjallur zërat së është konvertuar në fenë Islame.
Ndër të tjera mësohet se ka theksuar se: “Kam filluar ta studioj seriozisht Islamin. Dhe gjithçka kam gjetur është paqe dhe nxitje për të bërë mirë”, ka deklaruar ajo së fundmi në një prononcim për mediat.
Pas kësaj deklarata e cila po bënë xhiron e botës, tashmë kanë filluar të qarkullojnë zëra se Jolie është konvertuar në fenë Islame.
Këngëtari Besart Halimi sot do të kurorëzoj lidhjen e tij me martesë, me Ilirjana Podrimaj.
Çifti tashmë ka shpërndarë ftesat për ditën e dasmës, 21 maj. Në mesin e të ftuarve pritet të jenë fytyra të njohura të estradës dhe fytyra publike.
Drejtori i Romës, Mauro Baldissoni, ka konfirmuar se Francesco Totti do të vazhdojë të luajë për Romën.
Sipas drejtorit Gialloros kontrata e tij skadon në fund të sezonit, por se do të rinovohet.
“Totti është idol këtu dhe ai do të qëndrojë”.
“Ai do të vazhdojë të jetë pjesë e familjes tonë”, u shpreh Totti.
Agjenti i Walter Mazzarri e ka konfirmuar se klienti i tij ka arritur marrëveshje me Watfordin për tri vite.
Ish trajneri i Interit dhe Napolit ka arritur marrëveshje tre vjeçare me klubin e Ligës Premier.
“Ai ka nënshkruar për tri vite. Ai zgjodhi projektin më kualitativ që e kishte para vetës, dhe kishte besim te familja Pozzo”.
“Ai do të bëjë mirë me këtë skuadër”, ka thënë menaxheri i trajneri, Andrea D’Amico.
Mazzarri fillimisht kishte filluar të mësonte gjuhën angleze në qytetin e Mançesterit. Në Watford do të gjejë Valon Behramin që e kishte edhe te Napoli.
Familja Pozzo ka në pronësi edhe skuadrat e njohura Udinese në Serie A dhe Granada në La Liga.
Mazzarri do ta zëvendësoj Quique Sanchez Flores, ndërsa është puna e tij e parë pas largimit nga Interi në nëntor të vitit 2014.
Sot në shkollat e Kosovës do të mbahet testi i arritshmërisë për klasët e nënta, i cili ka për qëllim t’u mundësojë të rinjve të orientohen në karrierë dhe të bëjnë klasifikimin e profesioneve në bazë të numrit të pikëve që ata marrin.
Nga ky test, nxënësit rangohen në bazë të pikëve që fitojnë, ndërsa nuk përsërit asnjëri, por vetëm në bazë të rangimit fitojnë mundësi për t’u orientuar në shkollimin e mëtejshëm.
Testi i arritshmërisë fillon në ora 10:00 dhe mbaron në orën 13:00, ndërsa do të kontrollohet nga komisionet që i ka formuar Ministria e Arsimit, Shkencës dhe Teknologjisë, bashkë me drejtoritë komunale për arsim.