Deputeti Zafir Berisha, nga Nisma për Kosovën, në një prononcim për gazetën “Kosova Sot”, thotë se se koalicioni aktual PDK-LDK është ndërtuar në bazë të interesave grupore dhe të disa individëve.

Ai thotë se tani, kur po i mungojnë votat në seancat e zakonshme vetëm sa po vërtetohet lidhja e tyre e panatyrshme politike, prandaj ata do të insistojnë që në mungesë të votave të tyre ta marrin disi me vete edhe opozitën.

“Po shihet ashiqare që ky koalicion është vetëm për interesa të ngushta të individëve dhe klanet e tyre, jo për interes të elektoratit që i ka zgjedhur dhe jo për interes të vendit. Ne këtë e kemi kuptuar që tani këta opozitën e kanë keqpërdorë vazhdimisht sa për kuorum në seanca dhe që nga fillimi i bojkotit tonë po shihet fytyra e tyre e vërtetë. Ne edhe nëse shkojmë në atë seancën, në rast se caktohet, do të shkojmë për ta penguar ratifikimin, kurse janë ata që kanë përgjegjësi për këto vendime eventuale antikushtetuese. Mirëpo, kam besim edhe te një shumicë e deputetëve të pozitës që nuk do ta votojnë këtë marrëveshje kundërkushtetuese, që është bërë për interesa të dy-tre individëve”, tha Berisha.

Prokurorisë Themelore të Prishtinës i kishte sot ardhur një telefonatë nga Policia e Kosovë, që kishte të bënte me një ankesë për sulm seksual. E kjo ankesë është e bërë për ish-ministrin e Arsimit, Rexhep Osmani, i cili dyshohet se ka ngacmuar seksualisht një studente në Universitetin e Prishtinës.

Vetë lajmin e ka konfirmuar për Insajderin, zëdhënësja e Prokurorisë së Kosovës, Liridona Kozmaqi, e cila tha tregoi se bëhet fjale për tanimë profesorin e Fakultetit të Edukimit në UP, Rexhep Osmani.

“Ju informoj se Prokuroria Themelore në Prishtinë, më 19 maj 2016, ka pranuar një informatë nga Policia e Kosovës, se ka një ankuese, në drejtim të veprës penale sulmi seksual”, tha Kozmaqi.

Por, zëdhënësja e Prokurorisë potencoi se çështja është ende në fazën fillestare.

“Kemi të bëjmë me të njëjtin rast, por pasi që kjo çështje është në veprimet fillestare të Policisë dhe me qëllim të mbledhjes së të gjitha provave dhe informatave që mund të përdoren në këtë çështje dhe të mos dëmtimit të hetimeve, tani për tani prokuroria nuk mund të jap të dhëna tjera lidhur me këtë rast”, përfundoi ajo.

Ish-ministri i Arsimit, Rexhep Osmani, ka mohuar të ketë ngacmuar seksualisht një studente të tij, ashtu sic u raportua në media, porse ka pranuar në një bisedë me Insajderin se e ka përqafur studenten ne fjalë dhe kjo sipas tij është keqkuptuar nga ana e saj. /Insajderi.com

Deputeti i PDK-së dhe nënkryetar i këtij subjekti politik, Nait Hasani në një prononcim për Gazetën Kosova Sot ka thënë se: “Askush nuk mund të garantojë në këtë situatë të luftës psikologjike që po bëhet se me rastin e procedimit në Kuvend vetëm nga koalicioni qeverisës do të ketë vota të mjaftueshme, prandaj është tepër e domosdoshme që të ulen liderët politikë dhe krerët e institucioneve të shtetit që të merren vesh për veprimin dhe pasojat.

Sipas Hasanit, kjo çështje është një pikëpyetje e madhe. “Unë konsideroj që do të ishte shumë më mirë që të gjithë aktorët politikë të ulen dhe të merren vesh, sepse vetëm marrëveshja gjithëpërfshirëse politike është shpëtimi i vetëm në këtë punë. Nëse nuk ka marrëveshje gjithëpërfshirëse, është një sfidë e vështirë, është e vështirë për të dyja palët, është një temë shumë e rëndë nëse nuk arrijnë të merren vesh”, theksoi ai.

“Unë konsideroj se sikur të kishte një kryeministër serioz të fuqishëm, një president dhe një kryetar Kuvendi me autoritetin që duhet ta kenë, me siguri që do të mund të vinte deri te marrëveshja dhe zgjidhja e përbashkët e këtij problemi. Ndryshe nuk është në interes të vendit që të futemi në çështje të tilla të nyjshme dhe të rrezikshme për të ardhmen e vendit”, tha Nait Hasani.

Ish-ministri Arsimit, Rexhep Osmani, i cili dyshohet ta ketë ngacmuar seksualisht një studente, ka folur për Express rreth këtij rasti. Ai në një prononcim për gazetë ka thënë se krejt kjo është një keqkuptim. Osmani thotë se me studentë ka lidhje familjare, dhe se i dashuri i saj (dhëndri) është ngutur kur ka dyshuar. Ish-ministri ka treguar se familja e studentes i kanë kërkuar falje, derisa ka thënë se për këtë rast është intervistuar në polici.

“Nuk është e vërtetë ajo që po raportohet në media. Nuk behët fjalë për ndonjë ngacmim seksual. Krejt kjo është një keqkuptim. Unë me studenten njihemi moti, kemi edhe lidhje familjare. Unë me atë kemi dalë nga konsultimet se bashku edhe kjo është keqkuptuar. Ka reaguar edhe burri i saj. Por kjo situatë është sqaruar më vonë”, ka thënë Osmani.

Ai ka treguar se edhe familjarët e studentes i kanë kërkuar falje.

“Unë jam sqaruar me të gjithë. Familjarët me kanë kërkuar edhe falje. Studenten e njoh dhe e kam njohur edhe më herët. Nuk bëhet fjalë për asnjë ngacmim”.

Ish-ministri ka treguar se për këtë rast ka dhënë edhe një deklaratë në polici, ku thotë se edhe i ka shpjeguar të gjitha.

“Unë e kam dhënë deklaratën në polici. Sikur të kish qenë diçka e vërtetët, ata nuk me kishin liruar menjëherë. Por, unë besoj që nesër kjo punë do të sqarohet tërësisht edhe do të dalë e vërteta”, ka thënë Osmani për Gazetën Express.

Ish -ministri i Arsimit dyshohet se kushtëzoi studenten me favore seksuale

Ish ministri, i Arsimit, Rexhep Osmani, tashmë ligjërues në fakultetin e Edukimit në Universitetin e Prishtinës gjatë ditës së djeshme dyshohet se është përfshirë në një përleshje fizike.

Gazeta Fjala merr vesh nga burime brenda universitetit se deri te kjo përleshje ka ardhur si pasojë e kushtëzimit të notës me favore seksuale që profesori i kishte bërë një studenteje.

Sipas këtyre informatave studentja ka qenë e martuar, dhe menjëherë e ka lajmëruar bashkëshortin e saj lidhur me ngjarjen. Burri i saj ka shkuar në zyrë te profesorit për t’i ‘qëruar’ personalisht hesapet me profesorin Rexhep Osmani.

Gazeta Fjala ka kontaktuar rektoratin e Universitetit të Prishtinës. Zëdhënësi i UP-së, Afrim Hoti ka thënë për gazetën së janë të njoftuar me rastin dhe se tashmë po presin raportet zyrtare.

“Po e presim raportin nga policia, fakulteti dhe profesori, i cili e shpjegon tërë ngjarjen. Rektori do ta jap vendimin e tij”, ka thënë Hoti.

Gazeta ka provuar të kontaktoj edhe me profesorin Osmani, mirëpo telefoni i tij ka qenë jashtë funksionit.
Lidhur me rastin është e njoftuar edhe policia e Kosovës. PK në raportin e saj thotë se i dyshuari tashmë është shoqëruar në polici, dhe i njëjti me urdhër të prokurorit lirohet në procedurë të rregullt.

“Viktima femër K-Shqiptare ka raportuar se i dyshuari mashkull K-Shqiptar e ka ngacmuar seksualisht. Viktima nuk ka pësuar lëndime trupore. I dyshuari pas intervistës me urdhër të prokurorit lirohet në procedurë të rregullt”, thuhet në raportin e PK-së.

Gazeta Fjala po ashtu ka kontaktuar edhe me fakultetin e Edukimit. Por këta të fundit nuk kanë qenë të gatshëm të flasin për këtë gjë./GazetaFjala/