Dështimi i seancave plenare për shkak të mungesës së deputetëve të pozitës, pavarësisht numrave që kanë në Kuvend, analistët po e shohin si pasojë e krizës me të cilën po përballet koalicioni qeverisës. Deputetë të pozitës thonë se ka edhe kolegë të tyre nga koalicioni që nuk dëshirojnë të shkojnë punët si duhet

Kuvendi i Kosovës vazhdon të përballet me vështirësi serioze në realizimin e punës së tij, jo vetëm për shkak të bojkotimit nga partitë opozitare, por edhe për shkak të mungesës së deputetëve në koalicionin qeverisës në seanca plenare.

Partnerët e koalicionit qeverisës (PDK-LDK) po dështojnë që t’i mbajnë deputetët e tyre në seanca plenare dhe për këtë shkak po dështon miratimi i shumë ligjeve.

Derisa zyrtarët e lartë të institucioneve të vendit mohojnë që koalicioni është në krizë dhe siç thonë ata, është përgjegjësi individuale e deputetëve të jenë të pranishëm në seanca, analistët politikë e thonë të kundërtën.
Analisti politik, Halil Matoshi, thotë se dy partitë në Qeveri janë duke u përballur me një krizë, prandaj, siç thotë ai, vijnë këto mungesa të deputetëve në seanca plenare që e bëjnë Kuvendin të papërfillshëm. /Zëri/

endi është në krizë politike, pasi që qeveria ka marr vendime antikushtetuese dhe në këtë kontest opozita me gjithë kapacitetin dhe fuqinë që ka, është duke u munduar ta pengojë realizimin e disa projekteve që shkojnë në dëm të sovranitetit të vendit.

Kështu është shprehur në emisionin “Kontakt” në Tribuna Channel, deputeti i NISMA për Kosovën, Zafir Berisha.

Ai thotë se bojkoti i opozitës në Kuvend është duke ia pamundësuar jetëgjatësinë qeverisë antikushtetuese.
Në pyetjen se a mund ta kthejë marrëveshja e demarkacionit opozitën në Kuvend, Berisha ka thënë se opozita do të jetë aty sa herë që rrezikohet sovraniteti i vendit.

“Në rast që tentojnë ta bëjnë këtë gabim për ta sjell këtë marrëveshje në Kuvend, ne do të jemi aty dhe do të veprojmë konform përcaktimit dhe nevojës që ka vendi që ta pengojmë atë marrëveshje”, ka thënë Berisha.

Ky koalicion qeverisës (PDK-LDK), sipas deputetit Berisha, nuk është koalicion i qytetarëve, por koalicion i interesave personale.

“LDK-ja si dhelpër e vjetër e politikës është duke tentuar t’ia marr dheun nën këmbë PDK-së”, ka deklaruar ai.

Berisha thotë se zgjedhjet e parakohshme kanë qenë shumë afër, por disa nuanca të cilat e ndanë opozitën, ky koalicion e ka krijuar një komoditet.

“Ky koalicion qeverisës i ka edhe nja dy ose tri detyra të shtëpisë që t’i kryej në dëm të Kosovës dhe vendi do të shkojë në zgjedhje më së largu deri në mars të vitit të ardhshëm”, ka thënë ai, duke folur edhe për partinë e tij (Bashkimi Demokratik) në kuadër të koalicionit AAK-NISMA, ka folur për protestat e radhës si dhe për mundësinë e ribashkimit të opozitës.

Lideri NISMA-s, Fatmir Limaj ka thënë se është vërtetuar çdo gjë që ka thënë prej fillimit rreth procesit kundër tij në rastin Kleçka.

“Nuk ka asnjë orë që nuk është hetuar nga Haga. Procesi e mori një epilog nga gjyqtarët eminent në Hagë”, ka thënë Limaj, transmeton Indeksonline.
Sipas tij, ka shumë gjëra që me kohë dalin se çka ka ndodhur në tërë procesin, mirëpo sipas koha do t’i tregoj të gjitha të vërtetat mbi të edhe pas gjithë akuzave që po i bëhen edhe pas Hagës.

“Pas Hagës, proceset tjera kanë ardhur nga ata individë sepse në Kosovë ka ende njerëz që luajnë me njerëzit me emocionet e njerëzve. Por, me kohë do të vijnë gjërat duke u qartësuar, ka theksuar Limaj në ‘Clik’.