Lëvizja Civile “#Protestoj” të shtunën kan mbajtur protestën e 19-të “Revolucionit Laraman”, kundër vendimit të presidentit Gjorge Ivanov që me 12 prill i fali 56 politikanë dhe bashkëpunëtorë të tyre që janë nën hetime, njofton Portalb.

Protestuesit pasi u mblodhen te vendi i përhershëm në Prokurorinë Publike Speciale, ata gjatë rrugës në drejtim të Parlamentit, hodhën ngjyrë tek ura me ngjyrë ari dhe shkruajtën “Varfëri”. Më pas ata shkuan para ndërtesës së servisit publik MRTV atje kanë lëshuar “bombat” e opozitës, gjegjësisht materialet e përgjuara të funksionarëve të Maqedonisë në të cilat ka material për krim dhe korrupsion.

Sot është Dita Botërore e Kryqit të Kuq dhe Gjysmëhënës së Kuqe. Tetë maji është zgjedhur pasi në këtë datë ka lindur themeluesi i Kryqit të Kuq, Henry Dunant.

Ai ka marrë Çmimin e parë të Nobelit për Paqe. Dita e Kryqit të Kuq është shënuar për herë të parë në vitin 1948.

Pas disa ndryshimeve të emrave, është bërë Dita Botërore e Kryqit të Kuq dhe Gjysmëhënës së Kuqe më 1984.

Kjo datë shënon rolin e anëtarëve dhe vullnetarëve të të dyja organizatave në shpëtimin e jetëve dhe mbrojtjen e njerëzve të varfër në gjithë botën.

Detaje tronditëse janë zbuluar nga aksidenti i ndodhur në aksin Kavajë – Rrogozhinë.

Mësohet se gruaja 24 vjeçare ishte duke udhëtuar me 3 fëmijët e saj të mitur drejt burgut të Rrogozhinës pasi bashkëshorti kishte pak kohë që kishte rënë në burg.

Makina është përplasur me trafik-ndarësen metalike.

Sipas burimeve të “Panorama” pranë Qerretit 24-vjeçarja ka humbur kmontrollin e mjetit dhe makina iu përplas me trafik-ndarësen.

Mësohet se dy fëmijët që humbën jetën nga aksidenti kanë ndërruar jetë në mënyrë tragjike.

Njërit prej tyre llamarina e trafik-ndarëses i ka hyrë në bark, kurse tjetrin e ka prekur në kokë.

Jo pak, por plot 75 mijë gjarpërinj, që zenë hapësirën e një dhome, pushtojnë çdo vit një fshat në Kanada.

Arsyeja? Riprodhimi!

Është e vështirë për të imagjinuar që ndokujt do t’i shkonte në mendje që t’i afrohej këtyre zvaranikëve, por në fakt kjo ndodh çdo vit. Vizitorë nga e gjithë bota marrin pjesë në pushtimin e vërtetë që i bëjnë fshatit të largët të Narcisse në Manitoba të Kanadasë këto gjarpërinj.

Ky event i pazakontë pritet të nisë këtë fundjavë. Siç shkruan “NyTimes” me mijëra gjarpërinj kanë nisur të zgjohen gradualisht nga gjumi i tyre 8 mujor, duke dalë në sipërfaqe.

Gjykata e Ibazas në Spanjë ka lënë në burg shtetasin shqiptar me iniciale H.F 36 vjeç.

Shqiptari që shihni edhe në foto u arrestua duke transportuar sasinë rekord të 1360 kilogram hashash.

Në fakt, shqiptari ishte në kërkim si dëshmitar në kuadër të hetimeve për një organizatë kriminale shqiptare që merrej me grabitjen e shtëpive luksoze në Kosta del Sol.

Por se autoritetet më tej morën informacion se nga Ibiza në Barcelonë kishte kaluar një kamion që kishte brenda sasi të madhe droge.

Policia ia bllokoi rrugën kamionit dhe zbuloi se personi i cili ishte përgjegjës për transportin e aasiësë së drogës ishte pikërisht shtetasi H.F. /Albeu.com/