Arbanasi, ish-Serbica e Ultë është fshat, i cili shtrihet ne anën e djathtë në kilometrin e 10 të rrugës magjistrale Prizren-Gjakovë, në mes fshatrave Landovicë dhe Piranë. Si vendbanim me emër zyrtar Serbica e Ulët, daton rreth 150 vjet më parë. Banorët e vetëm vendas janë familja me mbiemrin Thaçi. Të tjerët banorë janë të ardhur nga vendbanime dhe periudha të ndryshme kohore, kryesisht nga arsyet gjeografike që jep ky vendbanim për zhvillimin e bujqësisë dhe blegtorisë dhe për t’i ikur gjakmarrjes.

Kështu në Arbanasi pos familjes autoktone Thaçi, jetojnë edhe këto familje: familja Gashi, e ardhur rreth vitit 1905 nga Lubinja e Epërme, mbiemri origjinal Kasovci, familja Besimi, e ardhur rreth 1912 po ashtu nga Lubinja e Epërme, familja Bytyçi, e ardhur rreth vitit 1950 po ashtu nga Lubinja e Epërme, familja Berisha, e ardhur rreth vitit 1945 nga rrethina e Gjakovës e po kështu edhe familja e Dedë Halilit. Fshatit iu bashkua edhe familja Bungu, e ardhur në vitin 1970 nga Grejcvci i Therandës, familja tjetër Bytyçi e ardhur në vitin 1970 nga Breshanci i Therandës. Familja Gashi e ardhur në vitet 1941 nga Prizreni ishte me orgjigjinë beglere që shkoi të jetonte në fshat, në pasurinë e tij , pasi që ky fshat kishte një klimë të bukur, tregon i biri i këtij begu, Rexhep Gashi, i cili shprehet se fshati ka 125 familje.

Ambulanca kurrë nuk u funksionalizua Në fshat sot jetojnë edhe disa familje të tjera me të vogla te ardhura në periudha të vonshme si Cikaçi nga Dobërdelani 1975, Krasniqi nga Janqishti 1997, por katentativë edhe për migrime të reja. Në fshat kanë jetuar deri ne fund të luftës së fundit edhe një pjesë e pakicës serbe. Përkundër rindërtimit të shtëpive nga institucionet ata nuk jetojnë më në këtë fshat. Fshati ka shkollën nëntë vjeçare, paralele e ndarë e SHF “Zenel Hajdini” Piranë. E ka objektin e Ambulancës të ndërtuar me vetëkontribut të banorëve që 25 vite po që kurrë nuk është funksionalizuar. Në fshat ekzistojnë objektet e religjionit si xhamia dhe kisha katolike dhe ajo ortodokse.

Në Arbanas sot jetojnë shqiptarët, boshnjakët, romët, serbët (i kanë shtëpitë dhe pronat por nuk jetojnë akoma aty). Fshati Arbanas këtë emërtimin e ka marrë nga paslufta, sepse para lufte është quajt Sërbica e Ultë. Serbët ishin tejet të politizuar dhe u vunë krah me regjimin. Fshati ka avansime të dukshëm por, edhe shumë nevoja. Mësuesi Alush Gashi shprehet se në këtë fshat ka jetë të qetë. Gashi tregon se ka një bashkëjetëse të mrekullueshme sidomos mes komunitetit mysliam si shumicë dhe atij katolik.

“Ndoshta pikërisht kjo e dallon fshatin, sepse janë mbledhur nga shumë lokalitete dhe kanë mirëkuptim të duhur”, shprehet Rexhep Gashi, që vjen nga familja e Begut. “Këtu jemi rritur këtu kemi lindur, Fshati është mirë i organizuar po edhe më shumë do të bëjmë për këtë. Komuna ka bërë investime të dukshme këtu”, pohon Rexhep Gashi. Kurse Alush Gashi shprehet se për të ndërtuar disa nga rrugicat e fshatit nevojiten investime. “Na duhen edhe disa kilometra kanal, sepse me atë kanal ne ujisim tokën. Toka këtu është bukanike dhe andaj e duam këtë kanal për ujitje”, pohon për “Kosova Sot” Rexhep Gashi.

Banorët kërkojnë rregullimin e kanaleve të ujitjes Fshati bënë një jete idilike, secili banor shikon punët e tij. Komuniteti merret më punët e ditë në fusha pjellore, porse shumë banorë janë shpërngulur nga fshati. Kurbeti ka bërë që këta banorë të kenë një jetë më të lumtur. Rexhep Gashi lavdërohet në gurbetçarët se bëjnë punë të mira duke investuar në fshat. Arbanasi tash e ka rrugën e asfaltuar, së shpejti pritet të kryhet qendra sportive, por kërkohet të kenë ujë më shumë e bashkë me ujin kërkohet të kthehen edhe më shumë bijtë e këtij fshati që kanë marrë rrugën në mërgim. Kuvendari i këtij fshati nga KK e Prizrenit Getoar Besimi, për “Kosova Sot” tregon problemin e madh, që kanë banorët e këtij fshati ngase aty njerëzit keqpërdorin zhavorrin e lumit “Toplluha”, të cilin e gërryjnë e jo rrallë shkatërrojnë tokën e bukës. Ai kërkon që sa më parë të rregullohet shtrati i Lumit Toplluha dhe të rregullohen edhe kanalet e ujitjes.

(Kosova Sot)

Ish-drejtori i Inspektoriatit në Prizren, Nysret Durmishi është dënuar me tetë muaj burg, për shkak të disa mbindërtimeve.

Kryeprokurori i kësaj prokurorie, Sylë Hoxha, në kohën kur është ngritur aktakuza, pat sqaruar se ish-drejtori, Durmishi dhe dy punonjësit e Drejtorisë së Inspektorateve, qenë akuzuar për keqpërdorim të detyrës zyrtare apo autorizimit, për shkak të disa mbindërtimeve.

“Si persona përgjegjës në Drejtorinë e Inspektorateve kanë pasë për obligim që t’i përcjellin tejkalimet e shkeljet urbanistike. Për shkak të dyshimit të bazuar se nuk e kanë bërë këtë ndaj tyre është ngritur aktakuza dhe Gjykata pas shqyrtimit gjyqësor ka shpallur aktgjykimin”, pat deklaruar Hoxha.

Inspektorët e ndërtimit në Komunën e Prizrenit dhe drejtues të këtij dikasteri, vite më parë, i kanë mbyllur sytë përballë tejkalimeve pa leje në ndërtimin e objekteve shumëbanesore, gjë që është konstatuar nga Gjykata Themelore e Prizrenit, në tri aktgjykime të ndara.

Kësisoj janë shqiptuar tri aktgjykime fajësuese ndaj një punonjësi, një ish-punonjësi dhe një ish-drejtuesi të Drejtorisë së Inspektorateve në Komunën e Prizrenit për shpërdorim të detyrës zyrtare gjatë mbikëqyrjes inspektuese në objekte shumëbanesore në lagje të ndryshme të qytetit. Në dy rastet e para punonjësi dhe ish-punonjësi i DI-së patën pranuar fajësinë dhe qenë gjobitur me nga 4 mijë euro.

Ndërsa në aktgjykimin ndaj Nysret Durmishit, Gjykata Themelore e Prizrenit pat theksuar se ai ka kryer veprën penale të keqpërdorimit të pozitës apo autoritetit zyrtar, sepse si drejtor i Inspektorateve gjatë viteve 2009-2010 nuk i ka përmbushur detyrat e tij zyrtare, me qëllim që të përfitojë personi tjetër dobi pasurore dhe të shkelen të drejtat e personit tjetër, pasi që nuk i ka ushtruar autorizimet e tij rreth ndalimit të kryerjes së punëve ndërtimore pa leje ndërtimi, në një kompleks banesor në rrugën “Jeronim de Rada”, ashtu që investitori ndërton katin e tetë dhe të nëntë në kundërshtim me lejen ndërtimore të lëshuar nga DUPH-ja. Gjykata Themelore e pat dënuar Durmishin me tetë muaj burg, gjë që sipas zëdhënëses Kicaj është konfirmuar edhe me vendim të Apelit. Gjatë shqyrtimit gjyqësor në shkallën e parë, Durmishi pat mohuar fajësinë lidhur me këtë vepër penale.

Ai ishte dënuar me tetë muaj burg efektiv.

Rreth orës 08:30 minuta, hetues rajonalë të Prizrenit, në vazhdën e hetimit të një rasti të kanosjes, kanë kryer një bastisje në një shtëpi në rrugën “Beteja e Pashtrikut” dhe gjatë kontrollit të ushtruar kanë gjetur një pistoletë të markës së panjohur me dy karikatorë dhe 16 fishekë të kalibrit të panjohur.

Lidhur me këtë rast, siç njofton policia në Prizren, një femër është shoqëruar në polici, në cilësi të personit të dyshuar.

Pas intervistës është informuar prokurori i cili ka urdhëruar që të iniciohet rasti për armëmbajtje ilegale, ndërsa e dyshuara është liruar.

Një këmbësor është goditur me veturë në rrugën “Ukë Bytyqi”, në Prizren.

“Deri te aksidenti ka ardhur kur i dyshuari mashkull K-Shqiptar duke lëvizur me veturën me targa lokale, nga pakujdesia ka goditur këmbësorin- viktimën mashkull K-Boshnjak. Viktima ka pësuar lëndime trupore dhe i njëjti pas pranimit te tretmanit mjekësor është liruar”, njofton Policia e Kosovës, shkruan PrizrenPress.

Nuk raportohet për të arrestuar. /PrizrenPress.com/

Gjatë një kontrolle Policia në Prizren ka ndaluar katër të dyshuar meshkuj dhe në posedim të personave të dyshuar është gjetur dhe konfiskuar substancë e dyshuar narkotike të llojit marihuanë, shkruan PrizrenPress.

Rasti ka ndodhur dje në sheshin “Shadervan”, në ora 14 e 20 minuta.

Sipas Policisë, me vendim të prokurorit njeri nga të dyshuarit është dërguar në mbajtje, ndërsa tre të tjerët janë liruar në procedurë të rregullt. /PrizrenPress.com/

Policia e Kosovës bën të ditur se në Suharekë dy femra nën moshën 16 vjeçare janë keqpërdorur seksualisht nga dy meshkuj.

“Janë arrestuar dy të dyshuar meshkuj K-Shqiptarë pasi që të njëjtit kanë keqpërdorur seksualisht dy viktima femra K-Shqiptare (të mitura). Dy të dyshuarit janë intervistuar dhe me vendim të prokurorit janë dërguar në mbajtje”, njofton PK, shkruan PrizrenPress.

Sipas Policisë, njësit përkatëse policore janë duke hetuar rastin. /PrizrenPress.com/