Pas anjë votë kundër dhe me votim të hapur, Kadri Veseli është zgjedhur kryetar i PDK-së, nga 740 delegatët e Konventës së Jashtëzakonshme të Partisë Demokratike të Kosovës.

Deputeti i Partisë Demokratike të Kosovës, Nait Hasni, ka qenë kritik sot në Konventën e Jashtëzakonshme të PDK-së.

Ai ka deklaruar se partia nuk do të ndërtohet me njerëz të pazëvendësueshëm, pasi, sipas tij, të pazëvendësueshëm kanë qenë vetëm liderët komunistë dhe PDK duhet të mos bjerë në ketë pikë.

“Këtu në këtë sallë janë shumë të pakënaqur me zhvillimet politike, ka shumë që do të flisnin, por nuk mund të flasin, sepse i kanë të ardhurat ngushtë. Ata po besojmë duke shpresuar në ndryshimin substancial të PDK-së”.

“PDK nuk mund ta jetë ajo e para 16 vjetëve”.

“PDK duhet të tregojë qartë ato që po deklaron Kryetari dhe të tregojë vlerat dhe improvizimet që kanë ndodhur deri më tash”.

“Partitë me njerëzit e pazëvendësushëm kanë humbur në çdo mënyrë. Të pazëvedësushëm kanë qenë vetëm komunistët dhe unë nuk dëshiroj që PDK të bëhët një këso partie”, ka thënë ai.

Hashim Thaçi sot ka shpërndarë disa foto duke ecur në rrugët e mbushura me borë, në Malet e Sharrit. Ecja e tij maleve të Sharrit duket se ishte pikërisht në kohën kur PDK po mban Konventën Zgjedhore për të zgjedhur pasuesin e tij për prijës – Kadri Veseli.

“Është java e dyte e majit, e në Kosovë ende vazhdojnë të reshurat e borës. A nuk është i mrekullueshëm Sharri dhe Kosova jonë në të katër stinët?”, ka shkruar ai në llogarinë e tij në Facebook teksa këtij postimi ia ka bashkangjitur edhe tri foto me pamje të mrekulleshme të Sharrit.

Një qytetar me emrin Hamit Shala i ka reaguar Presidentit të vendit, duke i thanë se do të ishte edhe ma i bukur Sharri po të mos kishte vjedhje të shtetit nga politikanët.

“Edhe më e bukur do të ishte po të mos kishte vjedhje nga ju politikanët e hairin mos ua pafshi”, ka shkruar qytetari Shala./Politiko.net/

Një fëmijë është lënduar në Prizren. Policia e Kosovës bën të ditur se fëmija është goditur me veturë nga një i pa njohur, raporton PrizrenPress.

“Një i dyshuar i pa njohur duke lëvizur me një veturë të llojit të pa njohur nga pakujdesia ka goditur këmbësorin (fëmijë). Viktima ka pranuar tretman mjekësor dhe pas tretmanit është liruar në shtëpi”, njofton PK. /PrizrenPress.com/

Në pikëkalimin kufitar të Vërmicës, dje në orën 15:00, është arrestuar një shtetas i Shqipërisë ndaj të cilit kishte urdhërarrest nga Belgjika.

“Në bazë të urdhëresës të lëshuar nga shteti i Belgjikës, është arrestuar i dyshuari mashkull Shqiptar shtetas i Shqipërisë”, njofton Policia e Kosovës, raporton PrizrenPress.

I dyshuari me urdhër të prokurorit dërgohet në mbajtje në qendrën paraburgimit. /PrizrenPress.com/