Drejtuesit e Milanit e kanë gjetur trajnerin e ri për edicionin e ardhshëm dhe ai do të jetë trajneri italian, Vincenzo Montella.
TuttoMercato shkruan se, Montella në fund të këtij edicioni do të largohet nga Sampdoria për të marrë drejtimin e Milanit.
Drejtuesit e skuadrës milanezë nuk janë të kënaqur me punën që po bënë Brocchi dhe janë të bindur që Montella mund ta kthejë skuadrën në krye të futbollit italian.
Trajneri i Leicester Cityt, Claudio Ranieri ka kërkuar nga futbollistët e tij që të jenë profesional dhe të luajnë ndeshje serioze kundër Evertonit.
Leicester tashmë e ka siguruar titullin, por Ranieri dëshiron fitore dhe kërkon seriozitet.
“Do t’i vras me duart e mia. Puna jonë është që të luajmë. U kam dhënë atyre një ditë më shumë pushim dhe nga ajo që kam parë në stërvitje, ata janë shumë mirë”, tha Ranieri gjatë konferencës për media.
E kaluara në MASHT dhe MPJ e ndjek nga pas ish-ministrin. Analistët janë tepër kritikë për riemërimin e Enver Hoxhajt, sepse, sipas tyre, ai nuk bëri asgjë, kur ishte në Qeveri, për t’i ndalur abuzimet, siç ishte rasti me aferat milionëshe të teksteve shkollore, apo degradimi i shërbimit diplomatik të Kosovës
Vendimi i kryesisë së PDK-së për rikthimin e deputetit Enver Hoxhaj në pozitën e ministrit të Jashtëm, pas lirimit të kësaj pozite nga Hashim Thaçi, pavarësisht rezultatit të tij të dobët në qeverisje për dy mandatet e kaluara, ish-ministër i Jashtëm dhe ministër shumë i dështuar i Arsimit, po befason për të keq jo vetëm deputetët e partive politike, brenda dhe jashtë koalicionit qeverisës, por edhe analistë, njohës të marrëdhënieve ndërkombëtare, shkruan Kosova Sot.
“Diplomacia e Kosovës me vite ka qenë e dështuar dhe vazhdon të jetë e tillë. Edhe me herët, Ministria e Punëve të Jashtme, edhe para Thaçit, gjatë mandatit të tij, por besoj edhe tash, nuk e ka arsyetuar aspak rolin e saj. Kanë qenë shumë të pakta njohjet që ka sjellë Ministria e Jashtme e Kosovës. Thaçi e përfundoi mandatin me një njohje të vetme, të cilën mezi e solli. Mendoj se do të vazhdojë situatë e njëjtë. Përndryshe roli i MPJ-së është esenciale për politikën e jashtme të shtetit dhe sjelljen e njohjeve. Mendoj se në të ardhmen, jo vetëm kryeministri, por edhe Kuvendi duhet ta vlerësojë performancen e MPJ-së dhe të kërkojë nga kryeministri që të ndërmarrë veprimet e duhura për ta përmirësuar gjendjen në këtë ministri”, tha deputeti i LDK-së, Adem Salihaj, për “Kosova Sot”.
Radiohead ka lansuar këngën më të re “Daydreaming”, që është pjesë e albumit të tyre më të ri – i nënti me radhë – dhe që bendi ka lajmëruar se do të dalë në treg më 8 maj.
Kënga është publikuar së bashku me klipin e punuar nga Paul Thomas Anderson.
Spoti nis me frontmenin e Radiohead, Thom Yorke, që ecën nëpër një seri vendesh të ndërlidhura – apartament, parking, spital, shtëpi, lavanderi, plazh, për të vazhduar nëpër një bjeshkë të mbuluar me borë dhe për të përfunduar në një shpellë.
“Daydreaming” është kënga e dytë e publikuar, pasi vetëm para pak ditësh bendi ka lëshuar singlin e parë “Burn the Witch”. /Politiko.net/
Partia Demokratike e Kosovës (PDK) sot do ta mbajë Konventën Zgjedhore, në të cilën do të zgjedhet kryetari i partisë dhe Këshilli Drejtues.
Kadri Veseli, i cili para disa ditëve ka shpallur kandidaturën për kryetar partie, deri më tani nuk ka asnjë kundërkadidat. Pjesë e rendit të ditës së kësaj konvente do të jetë edhe plotësimndryshimi i statutit të PDK-së.
Analisti politik shqiptar në Maqedoni dhe profesori universitar në Kosovë, Arsim Sinani, ka thënë se zgjedhja ideale për ta ndryshuar gjendjen diskriminuese të shqiptarëve në Maqedoni do të ishte që partitë politike të unifikohen në dy blloqe.
Në një intervistë për “Epokën e re”, Sinani ka thënë se në njërin bllok do të duhej të jenë BDI-ja dhe PDSH-ja, kurse në tjetrin LR-PDSH, Besa, RDK-ja, partitë e tjera dhe shoqëria civile.
“Mendoj se zgjidhja ideale është që shqiptarët në zgjedhje të dalin me dy blloqe. BDI-ja dhe PDSH-ja një bllok dhe blloku tjetër LR-PDSH, Besa, RDK-ja, partitë e tjera dhe shoqëria civile. Nëse kjo ndodh mund të kemi faktorizim dhe etablim të partive politike shqiptare duke u etabluar në dy grupe të forta pozitë dhe opozitë. Kjo do ta ndihmonte çështjen shqiptare në Maqedoni”, ka thënë Sinani.
Ai ka shprehur skepticizëm se zgjedhjet parlamentare në Maqedoni mund të mbahen më 5 qershor.
“Nuk besoj se do të kemi zgjedhje më 5 qershor. Ky është përfundimi im nga ajo që e shoh si gjendje aktuale. Tezën time e mbështes me këto argumente: listat zgjedhore nuk janë pastruar, mediet janë të kontrolluara, pushteti aktual kontrollon gjyqësinë, administrata është e politizuar dhe përdoret për zgjedhje si pararojë e këtij pushteti”, ka deklaruar Sinani.
Ai ka thënë se në Maqedoni ka nevojë që garnitura aktuale të ndryshojë si pozitë si opozitë përndryshe, sipas tij, shqiptarët gjithnjë do të dalin në rrugë për t’i kërkuar të drejtat e tyre që i meritojnë.
Sinani në këtë intervistë për gazetën “Epoka e re” ka folur dhe për marrëveshjen e Ohrit.
“Mendoj se shqiptarët lipset të jenë të vëmendshëm dhe të kërkojnë që me çdo pikë e presje të realizohet marrëveshja e Ohrit. Pikat më delikate që nuk janë realizuar janë: gjuha shqipe nuk është gjuhë zyrtare, përfaqësimi nuk është adekuat dhe në promocion me numrin e shqiptarëve, lipset të bëhet regjistrimi i drejtë i popullsisë dhe pushteti të ndahet proporcionalisht me palën tjetër”, ka thënë ai.
Sinani ka shtuar se shqiptarët në Maqedoni janë në kërkim të lidershipit të ri, i cili do të jetë më dinamik, energjik dhe me vizion. Sipas tij, liderët aktualë në Maqedoni nuk kanë filozofi politike, nuk kanë ide, pasi pushteti i ka lodhur.
Analisti politik shqiptar në Maqedoni, Arsim Sinani, ka folur edhe për protestën e paralajmëruar më 9 maj, me rastin e njëvjetorit të ngjarjeve të Kumanovës.
“E kam thënë më herët dhe e them prapë, se 9 maji mund të jetë një datë kur do të ndodhë unifikimi i faktorit opozitar shqiptar. Pra, duke u bërë faktor që ta luftojë këtë pushtet, i cili ka treguar shenja lodhjeje dhe degjenerimi. Personalisht e mbështes çdo nismë e cila e mbron kauzën shqiptare në Maqedoni”, ka deklaruar Sinani. /Epoka e re/
Nuk ka paqe politike në Kosovë. Aktivistët mobilizohen për protestën e 14 majit. Koalicionit AAK-Nisma pritet t’i bashkohen në protestë edhe opozitarët e Lëvizjes “Vetëvendosje!”, siç thonë zyrtarët e dy partive
Situata e krijuar me mosmarrëveshjet brenda subjekteve politike opozitare rreth listës së përbashkët zgjedhore, që çuan në anulimin e protestës së paralajmëruar dhe të përgatitur për muajin e kaluar, që për disa javë ka krijuar përshtypjen e një atmosfere të shtensionuar në Kosovë, duket se ka qenë vetëm një lloj paqeje e përkohshme, në pritje të reflektimit eventual pozitiv të partive në koalicion karshi kërkesave të opozitës.
Pavarësisht çarjes së madhe që ka ndodhur në treshen opozitare VETËVENDOSJE!-AAK-NISMA, dhe lajmit për rekomandimin pozitiv për vizat, fronti i ri opozitar i dy subjekteve AAK-NISMA nuk ka hequr dorë nga protesta e tyre e caktuar për datën 14 maj.
Përfaqësues të dy subjekteve politike, që kanë vendosur të shkojnë në listë të përbashkët edhe në zgjedhjet e reja, AAK dhe NISMA, Ali Berisha dhe Enver Hoti, thanë se janë duke punuar në terren gjithandej nëpër Kosovë, me qytetar të të gjitha përkatësive politike dhe me anëtarësinë e degëve të tyre, për t’u shpjeguar edhe njëherë qytetarëve të vendit arsyen e daljes në protestë që, sipas tyre, duhet të rezultojë me vazhdimin e parandalimit të zbatimit të dy marrëveshjeve të dëmshme për vendin, Marrëveshjes për Demarkacionin me Malin e Zi dhe Asociacionit të komunave me shumicë serbe. /Kosova Sot/
Të vetëm në tavolinë meshkujt flasin për anën më të errët të femrave. Dinë të jenë të ashpër në gjuhën e tyre dhe të thonë edhe gjëra që nuk janë të qëndrueshme. E krejt kjo duket se vjen nga frika që meshkujt kanë përballë femrave. Të paktën në një përfundim të tillë vijnë aktorët e filmit gjerman “Frauen”, në të cilin aktori Blerim Destani luan bashkë me Heiner Lauterbach dhe Martin Brambach.
“Gratë” është film i zhanrit komedi, pjesa më e madhe e të cilit është xhiruar në veturë.
“Aty jemi tre aktorë, ka shumë kamera, varësisht prej skenës, janë pajisjet teknike dhe në këtë hapësirë duhet të realizosh dialogët”, tregon Destani për “Zërin”.
Ai thotë se komedia është zhanri më i rëndë për t’u realizuar, prandaj shprehet se ka respekt për ata që bëjnë komedi.
Blerim Destani, i cili në “Frauen” luan rolin e Lis Tushës, tregon se me aktorët Heiner Lauterbach që luan rolin e të pasurit K.O. Schott, dhe aktorin Martin Brambach në rolin e Rüdiger Kneppke ka pasur fatin të bashkëpunojë edhe para dy vjetëve në një tjetër film.
“Jemi tre meshkuj që kemi pasur eksperiencë në jetë e që flasim keq për femrat”, ka thënë Destani, i cili në rolin e tij, pasi ka frikë nga martesa, ik në ditën e dasmës.
Në makinë xhirohet 60 për qind e filmit, flasin keq pas shpinës së femrave.
“Secili prej nesh flet për gratë e gjeneratës së vet”, thotë Destani, duke shtuar se për të ka qenë një eksperiencë e veçantë, që më parë nuk e kishte provuar se si realizohet një projekt në makinë. “Ka qenë shumë e vështirë. Kur ishte i ulur, kamerat ishin përreth dhe nuk mund të lëvizje pasi dilje nga fokusi. Kemi pasur disa elemente që është dashur t’i përmbahemi kamerës”, tregon Destani, sipas të cilit ka pasur skena kur është dashur dy deri në tre minuta incizim dhe u ka kërkuar regjisori që të kthehen përsëri sepse ka pasur lëvizje që kanë dalë jashtë kamerës.
Blerim Destani në këtë film flet edhe në gjuhën shqipe, ndërsa fjalët e para janë ato kur i telefonon nënës së tij duke i thënë se nuk mund të martohet me vajzën që nuk e do.
“Unë kur kam mundësi, po flas për tregun e Gjermanisë ku luaj shumë karaktere të huaja, kur nuk prishet skenari i propozoj gjithmonë regjisorit që të flasë shqip. Dhe në këtë rast regjisori tha se nuk prish asgjë në dramën e filmit, dhe pse kjo. Kështu erdhi ideja t’i them nja dy a tri batuta në shqip”, ka thënë Blerim Destani për gazetën.
Destani shprehet se aktrimi është një top bore, kur starton pastaj nuk ndalesh. Ai tregon se ka filluar me filma aksion dhe se aktualisht është në xhirime të një filmi të tillë, derisa ka qenë një audicion të një tjetër filmi komedi, ndryshe nga filmi “Gratë”.
“Mendoj se çdo zhanër që realizohet në mënyrën profesionale, është kënaqësi të luash. Jam i hapur për çdo zhanër. Natyrisht se duhet të përshtatesh, janë disa role që nuk përshtaten, por kur është projekti i mirë, jam i hapur”, ka thënë aktori shqiptar.
Destani tregon se filmi komedi përçon një mesazh.
“Rinia pak i ikën përgjegjësisë, duke u nisur nga vetja dhe nga shokët që i kam. Flas për rininë e tashme. Unë shpesh duke i parë shokët kur u përmendet martesa duan të ikin nga kjo e që bëhet shprehi, i ikën përgjegjësisë, i ikën familjes”, është shprehur Destani, për të cilin filmi e jep mesazhin që gjinia mashkullore gjithmonë e lë në faj gjininë femërore.
“Kur jemi ulur vetëm në tavolinë. Nuk tregojmë ndjenja, jo të gjithë, të mos e bëjmë dramë”, ka thënë aktori, duke shtuar se shumica e meshkujve nuk janë në gjendje të bëjnë kompromis.
“Jetojmë bukur, shëtisim, edhe unë e di se kjo rrugë nuk të shpie askund, por të jep njëfarë lirie, një liri siç thuhet, je gjithmonë me vetminë, por nuk je i plotë”, ka treguar Blerim Destani, i cili nuk është “singel” dhe është i lumtur.
“Për mua lumturia është gjëja më e bukur”, është shprehur aktori i cili është i angazhuar në një projekt filmik kinez.
“Jam i kufizuar të flas për këtë projekt. Sepse vetëm tek ky filmi kinez është me kontratë që aktorët nuk kanë të drejtë të flasin për filmin, prandaj unë nuk mund të them as titullin e filmit. Janë aktorë të mëdhenj të filmit”, ka thënë Blerim Destani.
Ai shprehet se ka shumë aktorë shqiptarë të talentuar për të cilët uron që të kenë fatin të futen në projekte internacionale sepse ka shumë për të treguar.
“Shpresoj se një ditë të bëhemi të gjithë bashkë dhe të realizojmë një projekt shumë të madh vendor”, ka thënë Destani, për të cilin eksperienca është gjëja më e bukur që mund të krijojë një aktor.
“Deri më tani kam bërë shumë projekte. Secili prej tyre është ndryshe. Secili audicion është ndryshe. Secili regjisor flet ndryshe, të shpjegon ndryshe. Domethënë flet për një eksperiencë të veçantë”, është shprehur Blerim Destani, i cili ka dëshirë që një ditë, pse jo të provojë fatin edhe në regji. /Zëri/
Sadri Paçarizi, babi i të akuzuarit Granit Paçarizi, ka rrëfyer për emisionin “Drejtësia në Kosovë” për kontaktet dhe takimin që e ka pasur me prokurorin e krimeve të rënda Bajram Hamitaga.
Në bisedë për emisionin, Paçarizi ka treguar se kishte pranuar një telefonatë për një takim me prokurorin i cili ishte duke e hetuar lëndën e djalit të tij.
Ai ka treguar se prokurori i kishte thënë se i duheshin pesë mijë euro për ta zgjidhur një çështje familjare.
“Unë nuk kam folë asgjë ndërsa pas kësaj lënda për djalin tim është rënduar”, ka rrëfyer Paqarrizi.
Prokurori Bajram Hamitaga, e ka mohuar t`i ketë kërkuar para familjes së të akuzuarit Granit Paçarizi.
Prokurori i Krimeve të Rënda Bajram Hamitaga, është shfaqur i habitur kur ekipi i “Drejtësia në Kosovë” i ka prezantuar pamjet filmuara ku shihet shoferi i tij duke negociuar me familjen Paçarizi rreth lëndës të cilën është duke e hetuar Hamitaga.
Në edicionin e sontëm, Hamitaga ka mohuar ta ketë dërguar shoferin e tij te familja Paçarizi për të negociuar për lëndën, ndërsa nuk ka dhënë shpjegim të qartë për arsyet pse shoferi i tij ka ditur për veprimet e prokurorit.
Ai ka deklaruar se asnjëherë nuk ka biseduar me shoferin Luan Delili për punën e tij si prokuror.
Hamitaga ka deklaruar se ndaj shoferit duhet të ndërmerren masa nëse ai ka keqpërdorur emrin e tij në takimin me familjen Paçarizi.
Shoferi i prokurorisë së Prizrenit Luan Delili është filmuar gjatë takimeve me familjen Paçarizi ku janë diskutuar çëshjet rreth aktakuzës së prokurorisë për Granit Paçarizin.
Takimi i shoferit me familjen është mbajtur pak ditë pasi Granit Paçarizi gjatë një seance gjyqësore akuzoj prokurori Hamitaga për mitëmarrje.
Njëri nga aktorët kryesorë të negociatave, shoferi Luan Delili nuk ka pranuar të flasë rreth takimit të tij me familjen Paçarizi.