Ndërkohë që në Britani vazhdon debati nëse vendi duhet të largohet nga BE, për të ndjekur ‘rrugën shqiptare’, gazetari i BBC, Andrew Hosken ka udhëtuar drejt Tiranës për të treguar se si Shqipëria po bën çmos që të bëhet pjesë e BE-së.

“Që prej rënies së regjimit në vitin 1991 dhe me ardhjen e demokracisë, Shqipëria ka luftuar për të trajtuar të shkuarën e saj komuniste. Politikanët e korruptuar, madje edhe gjyqtarët, kanë penguar rrugën e integrimit në pjesën tjetër të Europës. Edhe një numër ish-komunistësh kanë arritur të mbijetojnë në pushtet. Shqipëria e sheh anëtarësimin në BE si shenjën më të fuqishme se dekada të tëra izolimi kanë marrë fund”, shkruan gazetari.

Politikani që ka intervistuar gazetari i BBC është kryebashkiaku i Tiranës, për të cilin ai shkruan se shihet gjerësisht si kryeministri i ardhshëm i Shqipërisë.

Veliaj thotë se Evropa nuk mund të konkurrojë me Rusinë me avionë dhe bomba.

“Është fuqia e botë ajo që e bën Europën kjo që është sot”, thotë ai.

“Nuk ka avantazhe nga të qënit një geto, dhe Ballkani Perëndimor është sot një geto e rrethuar nga Bashkimi Europian”.

“T’i thuash dikujt që është në epiqendër të jetës publike europiane se jeta është më e mirë në stolat e pasmë të Evropës dhe larg vendimarrjes, kjo kërkon shumë besim,” shton Veliaj.

Shteteve të Bashkuara po u shembet toka nën këmbë. Në këtë përfundim mbërrin studimi i një grupi shkencëtarësh që paralajmërojnë rritje të aktivitetit sizmik në ta ardhmen në jug-lindje të vendit.

Bëhet fjalë për shembje të mantelit të asaj që njihet si Pllaka e Amerikës Veriore. Shkencëtarët besojnë se pjesë të mëdha të këtij manteli po këputen dhe po bien në thellësi të Tokës duke shkaktuar në sipërfaqje lëkundje sizmike.

Studimi bazohet më së shumti në të dhënat e grumbulluara që prej vitit 2011, ku është vërejtur një rritje e aktivitetit sizmik në këtë zonë të SHBA-ve, që sizmiologët deri më tani e fusin në zonat e qeta.

Autorët e studimit arrijnë në përfundimin se procesi i shkërmoqjes së mantelit të pllakës vazhdon dhe kjo mund të prodhojë të tjera tërmete në të ardhmen.

“Në kendvështrimin tonë, aktiviteti sizmik do të vazhdojë edhe për ca kohë për shkak të mungesës së balancës mes shtresave të pllakës”,- thotë Berk Biryol, sizmolog në Universitetin e Karolinës së Jugut dhe udhëheqës i studimit.

Studimi thekson se bëhet fjalë për zhvillime normale të nëntokës, që hera pas herë në periudha të ndryshme trazohet.

Një ngjarje shokuese vjen nga Italia me protagonist një baba shqiptar.

Mediat e vendit fqinj raportojnë se një shtetas shqiptar 45-vjeçar, banues në periferi të Ankonës, ka përdhunuar prej 10 vitesh vajzën e tij minorene.

Më pas ai e godiste me shqelma në bark, që ajo të mos ngelte shtatzënë.

Ngjarja e tmerrshme përsëritej thuajse çdo ditë, përpara se vajza të shkonte në shkollë.

Pas denoncimit të viktimës, shqiptari u arrestua dhe do të përballet me akuzën e përdhunimit sistematik të një personi të mitur.

Sipas prokurorëve italianë, abuzimet kanë nisur që kur vajza ishte 8-vjeçe derisa mbushi 18-vjeçe, në vitin 2011.

Nëse ajo guxonte të ngrinte krye, i ati e kërcëntonte se do t’i vriste të ëmën, motrën, vëllain e në fund veten.

Në këtë mënyrë ka zgjatur për dhjetë vite përdhunimi makabër i të miturës.

Gjatë gjithë kësaj kohe, pjesa tjetër e familjes nuk kishte kuptuar asgjë.

Mes mureve të shtëpisë çdo gjë vijonte normalisht.

U deshën 4 vite që vajza, tashmë 23 vjeçe, të rrëfente tregjedinë e saj.

Nga ana tjetër, avokati mbrojtës i shqiptarit pretendon se gjithçka është fryt i fantazisë së vajzës, në shenjë hakmarrjeje ndaj të atit që nuk kontribuon më në shpenzimet e saj.