Kryetari i Komunës se Malishevës, Ragip Begaj ka reaguar pas një shkrimi të ish kryetarit të kësaj komunë, Isni Kilaj, i cili kishte akuzuar qeverisjen aktuale në këtë qytet për keqmenaxhim dhe dirigjim nga ana e dy tre individëve.

Begaj në një komunikate dërguar medieve ia ka numëruar dështimet Kilajt duke thënë se gjithmonë do të mbetesh ish kryetar, pasi në vitin 2013, sipas Begajt qytetarët e Malishevës i dhënë dënimin e popullit duke e çuar në opozitë, transmeton ‘Indeksonline’.

I pari i Malishevës akuzon Kilajn se gjatë kohës kur ishte kryetar i komunës më shumë kishte qëndruar në kafiteritë e Prishtinës dhe në Shqipëri se sa në vendin e punës.

“Qeverisja në Malishevë që nga fillimi i mandatit e deri më tani është duke u radhitur ndër të parat në nivel vendi nga shumë organizata monitoruese si për mbajtje të premtimeve, transparencë, takime të rregullta me qytetarë etj.., kjo argumentohet në publikime të ëebsajteve të ndryshme (nëse dinë me e perdorë internetin hyrë e shikoj”, ka shkruar ndër të tjera Begaj në ‘Facebook’.

Postimi i plotë i Ragip Begajt:

Për ISHIN e Malishevës Isni Kilaj që përgjithmonë do të jetë ISH kryetar sepse në 2013 ke marr dënimin e popullit.

Isni, Qyetetarët e Malishevës me plotë bindje në zgjedhjet e 2013-es më kanë vendosur për kryetarë dhe qdo ditë janë duke më përkrahur dhe duke më prekur,ku qdo ditë takohem me ata sepse unë nuk jam sikur ti që në mandatin tënd më shum ke qëndruar nëpër kafiterit e Prishtinës dhe në Shqipëri sesa në vendin e punës tënde.

Malisheva të ka dhënë goditjen që kurr më nuk do të kthjellohesh e që edhe në Drenas PDK-ja jote ka marrë dënimin e parë e që dënimin e fundit do ta merr me 18 Dhjetor.

Ne si degë menduam gjatë a të merremi me ty apo jo, sepse nuk ja vlenë të merremi me një person të korruptuar deri në palcë, por që në fillim po ta bëjë me dije se reagimi vjenë vetëm për hirë të qytetarëve të cilët na kanë përkrahur e po na përkrahin qdo ditë.

Qeverisja në Malishevë që nga fillimi i mandatit e deri më tani është duke u radhitur ndër të parat në nivel vendi nga shumë organizata monitoruese si për mbajtje të premtimeve, transparencë, takime të rregullta me qytetarë etj.., kjo argumentohet në publikime të ëebsajteve të ndryshme (nëse dinë me e perdorë internetin hyrë e shikoj).

Isni, ti edhe babain e dëshmorit nuk e le të futet në zyre me javë të tëra.

Isni, ti more besimin e qytetarëve, more të mirat materiale dhe asnjë gjumë se bëre në vendlindjen tënde.

Isni, ti me djersën e qytetarëve qdo fundjavë e kaloje në Shqipëri ndërsa qytetaret tuaj nuk kishin kulm mbi kokë.

Isni, ti në kohë fushate pate shkarkuar mbi 30 profesor e arsimëtar vetëm se kishin dalur në përkrahje të IQM-së.

Isni, buxhetin e Malishevës e kontrollove vetëm me 3 firma që mbajte afër vetit, asnjëherë me qytetarët që ta dhanë besimin.

Isni, ti ndërtove një stadium DY HERË, për të cilin një pjesë të konsideruar të hollash i keqpërdore dhe nuk e përfundove projektin siq ishte i paraparë.

Isni, ti përveqë që e le stadiumin ne gjysmë ti e le edhe Malishevën pa klub, që sa për informat, ne e formuam klubin që është funksional dhe bënë gara në ligen e Kosovës.

Isni, ne ndërtuam me dhjetra fusha futbolli nëpër fshatra që ti kurr nuk i planifikove.

Isni, sa i përket gjobave ne po vuajmë pasojat e keqqeverisjes tënde sepse ti ke larguar edhe shërbyes civil të cilet paten kontrata afatëgjate por që i dëbove nga puna vetëm që nuk menduan si ti.

Isni, akuzat të cilat janë ngritur ndaj meje janë nga klani PRONTO, për të cilat jam shpallur i pafajshëm.

Isni, ne kemi zëvendesuar militantët tuaj jo profesionistë me profesor të kualifikuar të cilët me udhëheqjen time vazhdojnë të mendojnë lirshëm politikisht.

Isni, te investimet nga qeveria Qendrore pajtohem, që as edhe një cent nuk është investuar sepse klani PRONTO qe pjesë e tij je edhe ti lanë Malishevën sikur të ishte një qytet i një shteti tjetër.

Isni, sa i përket shëndetësisë ne si qeverisje kemi punuar dhe kemi vënë funksionë të gjitha ambulantat nëpër fshatra kemi bërë rregull ne QKMF të cilin institucion e pate degraduar.

Isni, un me qeverisjen time luftuam suksesshem Ethet hemoragjike “Rriqërat” që në mandatin timë nuk u shënua asnje viktimë.

Isni, unë perveqë pagës e cila më takon e që shpesh herë e ndajë me familje skamnore, as edhe një centë nuk e kam keqpërdorur sikur ti.

Isni, kur unë isha drejtor ti ishe praktikantë te unë, dhe kur unë kam pasur pasuri të fituar me djersë nga puna ime dhe e familjes time ti nuk ke pasur as RRYP për pantallona.

Isni, ti me vetëm një pagë në familjen tënde ke krijuar këtë pasuri:

1.Villë në Lybizhdë

2.Villë në Prishtinë

3.Fushë sportive ne Lybizhdë

4.Makina luksoze, e shumë pasuri të tjera që pronar jeni ju por qe i keni emëruar në emër të bashkpunëtorëve tu.

Të gjitha këto me një pagë??

Isni, unë vendimet e mia nuk i marrë sikurse ti i vetëm nga zyra jote, por vendimet e mia burojnë duke u konsultuar nga qytetari më i thjeshtë e deri te strukturat udhëheqëse komunale, ku për këtë transparencë nga organizatat monitoruese jam shpallur kryetari më transparent ne Kosovë.

Isni, sa i përketë se NISMA është parti e izoluar po ta përkujtojë që NISMA ka shtrirë strukturat e sajë në gjithë Kosovën ku qdo ditë i bashkangjiten intelektual të rinjë,kjo e verteton më së miri në zgjedhjet e fundit ne Drenas e që mbas 18 Dhejtorit NISMA do ta udhëheqë këtë Komune, sikurse që do ti marrë në udhëheqje shumë komuna tjera të keqqeverisura nga partia juaj.

Dhe në fundë jam i gatshëm të përballem me ty sa herë që ti ke dëshirë, sepse unë jam i qytetarëve dhe jo i grupeve të caktuara të interesit.

Nga Ragip Begaj

Zëdhënësi i Policisë së Kosovës për rajonin e Prizrenit, Hazir Berisha ka rrëfyer për Gazetën Blic tërë ngjarjen se si ka ndodhur vrasja në këtë komunë.

Ai tha se kjo vrasje ka qenë aksidentale. Sipas tij, autori i dyshuar që e ka kryer vrasjen, 20 vjeçari, që ishte edhe nipi i të vrarit, aksidentalisht ka shtënë në drejtim të xhaxhit.

“Dje pasdite rreth orës 16:00, dy vëllezër e kanë marrë edhe nipin ose djalin e vëllait me vete dhe kanë dalë afër shtëpive me një livadh, që t’i provojnë dy pistoleta për të gjuajtur. Dhe pasi kanë gjuajtur këta me siguri i`a kanë dhënë pistoletën edhe djalit të vëllait, por ai i ri në moshë diku i vitit 96-të, është i lindur”, tha Haziri për Gazetën Blic.

Sipas tij, ai aksidentalisht e ka shkrepur revolen edhe e ka shkrep në drejtim të xhaxhait të tij.

“Viktima ka fituar një plumb, e kanë dërguar menjëherë në emergjencën e spitalit rajonal në Prizren, por plaga ka qenë shumë e rëndë dhe s’ka mundur të mbijetoj”, tregon Berisha.

Sipas tij, Policia e Prizrenit ka dal në vendin e ngjarjes i kanë kryer procedurat.

“Në vendin e ngjarjes ka qenë edhe prokurori i rastit dhe kryeprokurori. Ai tha se janë konfiskuar dy pistoleta dhe disa fishekë, më duket 14 fishekë dhe pastaj është bastisur edhe një shtëpi edhe aty është konfiskuar një pushkë e gjuetisë. Kjo është përgjithësisht ngjarja, kufoma ka shkuar për autopsi, kurse i dyshuari është ndalur nën masën e arrestit”, tha ai për Gazetën Blic.

Dje rreth orës 16:00, Policia në Prizren ka pranuar një informatë e cila bënte me dije se në rrugën “Kukësi” ka pasur të shtëna nga armë të zjarrit dhe se një qytetar është plagosur rënd i cili ishte dërguar në Emergjencën e Spitalit Rajonal në Prizren për trajtim mjekësor mirëpo sipas mjekëve, viktima nuk ka mundur të mbijetojë.

Sipas hetuesve rajonal dhe krim teknikëve që kanë kryer hetime në vendin e ngjarjes në prani të kryeprokurorit dhe prokurorit të rastit është bërë e ditur se: dy vëllezër dhe nipi (djali i vëllait) i tyre kishin dalë në një livadh afër shtëpisë së tyre për të shtjer me armë zjarri dhe me vete kishin marrë dy pistoleta.

Gjatë manipulimit të pasigurt, dyshohet se i dyshuari E. Sh. i vitlindjes 1996, nga pakujdesia e ka shkrehur një plumb në drejtim të xhaxhait të tij i cili rezultoi të ishte fatal.

Në vendin e ngjarjes janë sekuestruar dy pistoleta të llojit dhe kalibrit të panjohur, katërmbëdhjetë fishekë të kalibrave dhe llojeve të ndryshëm, tri gëzhoja dhe pas bastisjes së shtëpisë së personave të dyshuar është sekuestruar edhe një pushkë gjahu.

Trupi i pajetë i viktimës është dërguar për autopsi ndërsa i dyshuari ndalët në masën e arrestit policor.

Familjarët e të arrestuarve për sulm të Konsullatës turke në Prizren, i kanë dërguar letër Abasadës së Turqisë, dhe institucioneve të Kosovës . Ata kërkojnë falje për veprimin e fëmijëve të tyre.

“Në familjet e fëmijëve tanë të arrestuar nën dyshimin se kanë sulmuar me koktej molotovi Konsullatën e shtetit mikë të Kosovës – Turqisë në qytetin e Prizrenit, përmes kësaj komunikate dëshirojmë të tërheqim vëmendjen e ambasadës turke në Prishtinë, shtetit turk dhe parasëgjithash qytetarëve të Republikës së Turqisë dhe qytetarëve të Kosovës se ne i konsiderojmë qytetarët turq në Kosovë dhe Turqi së vëllezërit tanë dhe nuk kemi asgjë kundër tyre”, thuhet në letërën e familjarëve të të arrestuarve për sulm ndaj Konsullatës së Turqisë.

Të arrestuarit për sulmin e djeshëm ndaj Konsullatës Turke janë arsyetuar  para Gjykatës se nuk e kanë ditur se cilin objekt po e sulmojnë.
Këto deklarata të arrestuarit i kanë bërë para gjykatësit të procedurës paraprake në Gjykatën Themelore të Prizrenit ku prokurori kërkoi që ndaj tyre të shqiptohet masa e paraburgimit.

I. Saramati, E. Saramati, B. Saramati, E. Saramati dhe B. Badallaj janë pesë personat e arrestuar nga policia nën dyshimin se janë autorët e sulmit të 28 nëntorit ndaj Konsullatës Turke në Prizren.

Sipas familjarëve të të arrestuarve incidenti që ka ndodhur më 28 Nëntor “na ka bërë të ndihemi keq dhe nuk dëshirojmë që të politizohet në asnjë mënyrë ngase ajo që ka ndodhur nuk përfaqëson në esencë atë që ne ndiejmë për shtetin turk, shtetin i cili e ka përkrahur shtetin e Kosovës dhe vazhdon ta përkrahë në çdo aspekt”, shkruan PrizrenPress.

“Ne dëshirojmë të njoftojmë opinionin publik se familjet tona janë të miqësuar me familjet turke në Prizren dhe ndiejmë keqardhje të thellë për incidentin që ka ndodhur me fëmijët tanë. Ne besojmë se fëmijët tanë kanë bërë një veprim të çastit të pa menduar mirë dhe nuk kanë pasur asgjë kundër konsullatës turke , komunitetit turk dhe mbi të gjitha shtetit mikë Turqisë”.

“Ne mendojmë që mediat i kanë dhënë pompozitet të madh të panevojshëm këtij incidenti të izoluar. Ndërsa nga Prokuroria dhe Gjykata kërkojmë që të mos bien nën ndikime dhe të marrin vendim të drejtë në këtë rast. Ne besojmë në organet e rendit të vendit dhe presim vendim profesional në këtë rast”./PrizrenPress.com/

Në gjykimin e 14 të akuzuarve për krim të organizuar, fajde e vepra të tjera të rënda penale, asnjëri nga të akuzuarit nuk e pranoi fajësinë, me përjashtim të Kastriot, Gjon dhe Marian Kqirajt, të cilët pranuan fajësinë vetëm për veprën – armëmbajtje pa leje.

Në këtë seancë, trupi gjykues hodhi poshtë kërkesën e avokatit Ramë Dreshaj për të larguar mediat nga salla.

Prokurorja speciale Merita Binaj-Rugova tha se rezultatet e ekspertizës financiare tregojnë se të akuzuarit vetëm një përqindje të vogël të pasurisë e kanë fituar nga bizneset e tyre të ligjshme.

Pjesa tjetër, sipas saj, është fituar me fajde dhe veprime të tjera të kundërligjshme.

Po ashtu, prokurorja në fjalën hyrëse i propozoi Gjykatës që në fund të shqyrtimit gjyqësor me rastin e marrjes së aktgjykimit të bëhet edhe konfiskimi i pasurisë së të akuzuarve.

“Kanë vepruar si grup i organizuar kriminal i përbërë kryesisht nga anëtarët e familjes Kqiraj, çka vërtetohet me faktin se të gjitha veprimet e kryera kanë qenë të ndërlidhura dhe të koordinuara. Është vërtetuar po ashtu se ky grup ka vepruar në mënyrë të organizuar ndërsa veprimet e tyre i ka drejtuar i akuzuari Tunë Kqiraj”, tha prokurorja.

Përfaqësuesit e familjes së dëmtuar, avokatët Arianit Koci dhe Granit Vokshi, kërkuan nga Gjykata që të dëmtuarit të dëgjohen përmes video-linkut e jo në prezencën e të akuzuarve, për shkak të, siç thanë ata, shantazheve dhe kërcënimeve ndaj të dëmtuarve.

Këtë propozim e mbështeti prokurorja, ndërsa e kundërshtuan të gjithë avokatët mbrojtës me arsyetimin se kjo kërkesë nuk ka bazë ligjore.

Lidhur me këtë propozim trupi gjykues do të vendosë në seancën e ardhshme.

Ndërsa, në fjalën hyrëse, avokati i Tunë Kqirajt, Azem Vllasi, kundërshtoi në tërësi aktakuzën.

Të njëjtën gjë e bënë edhe mbrojtësit dhe të akuzuarit tjerë.

“Pretendimi i prokurorisë nga aktakuza se Tunë Kqiraj vazhdimisht i ka mbikëqyrur, i ka drejtuar veprimet e këtij grupi, lidhje s’kanë me këtë rast”, tha Vllasi.

Seanca e radhës do të vazhdojë të enjten.

Sipas Prokurorisë Speciale, gjatë disa viteve të kaluara, të pandehurit Tunë, Kastriot, Gjon, Marjan, Gjekson e Gëzim Kqira dhe Benson Buza kanë vepruar si grup i organizuar kriminal më qëllim të përfitimit të drejtpërdrejt të dobisë financiare, duke kryer vepra të rënda penale.

Sipas aktakuzës, Tunë Kqira i ka mbikëqyrur dhe i ka drejtuar veprimet e këtij grupi kriminal.

Grupi ka shfrytëzuar gjendjen e rëndë financiare ose papërvojën e të dëmtuarve dhe u ka dhënë para me fajde. Pastaj, duke përdorur kërcënimet e rënda, i kanë detyruar të paguajnë kamata dukshëm joproporcionale ose të kryejnë ndonjë veprim tjetër në dëm të pasurisë së tyre.

Të akuzuar në këtë rast janë: Tunë, Kastriot, Gjon, Marjan, Gjekson e Gëzim Kqira, Benson Buza, Besfort Omaj, Zyrafete Hukolli, Ragip Fazlija, Ekrem Leci, Hil Katinari, Sejdë Kaqorraj dhe Zef Oroshi. /Kallxo.com/

Arbanasi, ish-Serbica e Ultë është fshat, i cili shtrihet ne anën e djathtë në kilometrin e 10 të rrugës magjistrale Prizren-Gjakovë, në mes fshatrave Landovicë dhe Piranë. Si vendbanim me emër zyrtar Serbica e Ulët, daton rreth 150 vjet më parë. Banorët e vetëm vendas janë familja me mbiemrin Thaçi. Të tjerët banorë janë të ardhur nga vendbanime dhe periudha të ndryshme kohore, kryesisht nga arsyet gjeografike që jep ky vendbanim për zhvillimin e bujqësisë dhe blegtorisë dhe për t’i ikur gjakmarrjes.

Kështu në Arbanasi pos familjes autoktone Thaçi, jetojnë edhe këto familje: familja Gashi, e ardhur rreth vitit 1905 nga Lubinja e Epërme, mbiemri origjinal Kasovci, familja Besimi, e ardhur rreth 1912 po ashtu nga Lubinja e Epërme, familja Bytyçi, e ardhur rreth vitit 1950 po ashtu nga Lubinja e Epërme, familja Berisha, e ardhur rreth vitit 1945 nga rrethina e Gjakovës e po kështu edhe familja e Dedë Halilit. Fshatit iu bashkua edhe familja Bungu, e ardhur në vitin 1970 nga Grejcvci i Therandës, familja tjetër Bytyçi e ardhur në vitin 1970 nga Breshanci i Therandës. Familja Gashi e ardhur në vitet 1941 nga Prizreni ishte me orgjigjinë beglere që shkoi të jetonte në fshat, në pasurinë e tij , pasi që ky fshat kishte një klimë të bukur, tregon i biri i këtij begu, Rexhep Gashi, i cili shprehet se fshati ka 125 familje.

Ambulanca kurrë nuk u funksionalizua Në fshat sot jetojnë edhe disa familje të tjera me të vogla te ardhura në periudha të vonshme si Cikaçi nga Dobërdelani 1975, Krasniqi nga Janqishti 1997, por katentativë edhe për migrime të reja. Në fshat kanë jetuar deri ne fund të luftës së fundit edhe një pjesë e pakicës serbe. Përkundër rindërtimit të shtëpive nga institucionet ata nuk jetojnë më në këtë fshat. Fshati ka shkollën nëntë vjeçare, paralele e ndarë e SHF “Zenel Hajdini” Piranë. E ka objektin e Ambulancës të ndërtuar me vetëkontribut të banorëve që 25 vite po që kurrë nuk është funksionalizuar. Në fshat ekzistojnë objektet e religjionit si xhamia dhe kisha katolike dhe ajo ortodokse.

Në Arbanas sot jetojnë shqiptarët, boshnjakët, romët, serbët (i kanë shtëpitë dhe pronat por nuk jetojnë akoma aty). Fshati Arbanas këtë emërtimin e ka marrë nga paslufta, sepse para lufte është quajt Sërbica e Ultë. Serbët ishin tejet të politizuar dhe u vunë krah me regjimin. Fshati ka avansime të dukshëm por, edhe shumë nevoja. Mësuesi Alush Gashi shprehet se në këtë fshat ka jetë të qetë. Gashi tregon se ka një bashkëjetëse të mrekullueshme sidomos mes komunitetit mysliam si shumicë dhe atij katolik.

“Ndoshta pikërisht kjo e dallon fshatin, sepse janë mbledhur nga shumë lokalitete dhe kanë mirëkuptim të duhur”, shprehet Rexhep Gashi, që vjen nga familja e Begut. “Këtu jemi rritur këtu kemi lindur, Fshati është mirë i organizuar po edhe më shumë do të bëjmë për këtë. Komuna ka bërë investime të dukshme këtu”, pohon Rexhep Gashi. Kurse Alush Gashi shprehet se për të ndërtuar disa nga rrugicat e fshatit nevojiten investime. “Na duhen edhe disa kilometra kanal, sepse me atë kanal ne ujisim tokën. Toka këtu është bukanike dhe andaj e duam këtë kanal për ujitje”, pohon për “Kosova Sot” Rexhep Gashi.

Banorët kërkojnë rregullimin e kanaleve të ujitjes Fshati bënë një jete idilike, secili banor shikon punët e tij. Komuniteti merret më punët e ditë në fusha pjellore, porse shumë banorë janë shpërngulur nga fshati. Kurbeti ka bërë që këta banorë të kenë një jetë më të lumtur. Rexhep Gashi lavdërohet në gurbetçarët se bëjnë punë të mira duke investuar në fshat. Arbanasi tash e ka rrugën e asfaltuar, së shpejti pritet të kryhet qendra sportive, por kërkohet të kenë ujë më shumë e bashkë me ujin kërkohet të kthehen edhe më shumë bijtë e këtij fshati që kanë marrë rrugën në mërgim. Kuvendari i këtij fshati nga KK e Prizrenit Getoar Besimi, për “Kosova Sot” tregon problemin e madh, që kanë banorët e këtij fshati ngase aty njerëzit keqpërdorin zhavorrin e lumit “Toplluha”, të cilin e gërryjnë e jo rrallë shkatërrojnë tokën e bukës. Ai kërkon që sa më parë të rregullohet shtrati i Lumit Toplluha dhe të rregullohen edhe kanalet e ujitjes.

(Kosova Sot)

Ish-drejtori i Inspektoriatit në Prizren, Nysret Durmishi është dënuar me tetë muaj burg, për shkak të disa mbindërtimeve.

Kryeprokurori i kësaj prokurorie, Sylë Hoxha, në kohën kur është ngritur aktakuza, pat sqaruar se ish-drejtori, Durmishi dhe dy punonjësit e Drejtorisë së Inspektorateve, qenë akuzuar për keqpërdorim të detyrës zyrtare apo autorizimit, për shkak të disa mbindërtimeve.

“Si persona përgjegjës në Drejtorinë e Inspektorateve kanë pasë për obligim që t’i përcjellin tejkalimet e shkeljet urbanistike. Për shkak të dyshimit të bazuar se nuk e kanë bërë këtë ndaj tyre është ngritur aktakuza dhe Gjykata pas shqyrtimit gjyqësor ka shpallur aktgjykimin”, pat deklaruar Hoxha.

Inspektorët e ndërtimit në Komunën e Prizrenit dhe drejtues të këtij dikasteri, vite më parë, i kanë mbyllur sytë përballë tejkalimeve pa leje në ndërtimin e objekteve shumëbanesore, gjë që është konstatuar nga Gjykata Themelore e Prizrenit, në tri aktgjykime të ndara.

Kësisoj janë shqiptuar tri aktgjykime fajësuese ndaj një punonjësi, një ish-punonjësi dhe një ish-drejtuesi të Drejtorisë së Inspektorateve në Komunën e Prizrenit për shpërdorim të detyrës zyrtare gjatë mbikëqyrjes inspektuese në objekte shumëbanesore në lagje të ndryshme të qytetit. Në dy rastet e para punonjësi dhe ish-punonjësi i DI-së patën pranuar fajësinë dhe qenë gjobitur me nga 4 mijë euro.

Ndërsa në aktgjykimin ndaj Nysret Durmishit, Gjykata Themelore e Prizrenit pat theksuar se ai ka kryer veprën penale të keqpërdorimit të pozitës apo autoritetit zyrtar, sepse si drejtor i Inspektorateve gjatë viteve 2009-2010 nuk i ka përmbushur detyrat e tij zyrtare, me qëllim që të përfitojë personi tjetër dobi pasurore dhe të shkelen të drejtat e personit tjetër, pasi që nuk i ka ushtruar autorizimet e tij rreth ndalimit të kryerjes së punëve ndërtimore pa leje ndërtimi, në një kompleks banesor në rrugën “Jeronim de Rada”, ashtu që investitori ndërton katin e tetë dhe të nëntë në kundërshtim me lejen ndërtimore të lëshuar nga DUPH-ja. Gjykata Themelore e pat dënuar Durmishin me tetë muaj burg, gjë që sipas zëdhënëses Kicaj është konfirmuar edhe me vendim të Apelit. Gjatë shqyrtimit gjyqësor në shkallën e parë, Durmishi pat mohuar fajësinë lidhur me këtë vepër penale.

Ai ishte dënuar me tetë muaj burg efektiv.