Kryetari i Komunës së Rahovecit, Idriz Vehapi, në vigjilje të 28 Nëntorit-Ditës së Flamurit ka uruar qytetarët e Rahovecit për këtë festë.

“Të nderuar qytetarë të Komunës së Rahovecit, me lejoni që në emrin tim dhe në emrin e qeverisë komunale, t’ju drejtohem me këtë urim për festën e 28 Nëntorit-Ditës së Flamurit. Në këtë ditë të shënuar, për gjithë kombin tonë, i‘u përkulemi me respektin me të madh të gjithë atyre të cilët luftuan dhe flijuan veten e tyre për lirinë dhe pavarësinë e atdheut tonë. 28 Nëntori është ditë e shënuar për të gjithë ne, kjo datë ka qenë dhe mbetet simbol i bashkimit, lidhjes, krenarisë, qëndresës dhe vendosmërisë së popullit shqiptarë për liri”, është thënë në urimin e Vehapit. /PrizrenPress.com/

Pavarësisht që institucionet e Kosovës janë vonuar shumë në këtë mandat të radhës, që reformën zgjedhore të mbetur në gjysmë të rrugës, tani kur ky proces është riaktivizuar nga presidenti Thaçi, por pa konsensus politik, përfaqësuesit e opozitës, analistët dhe ekspertët e shohin realizimin e tij të plotë vetëm me pjesëmarrjen konsensuale të të gjithë spektrit politik.

Ndryshe, vazhdimi i këtij procesi pa opozitën shihet me mundësi të rrezikut për dështim të radhës ose improvizim të një pseudoreforme joefektive vetëm sa për të përmbushur egon e presidentit dhe blerë kohë në zvarritjen e zgjedhjeve të parakohshme. Deputeti Ismail Kurteshi, nga lëvizja ‘Vetëvendosje’, konsideron se vazhdimi krye në vete i kësaj reforme, pa opozitën parlamentare në grupin punues, sa është jodemokratike, po aq është jolegale dhe jolegjitime, prandaj është një proces i gjykuar për dështim, sikur që po dështon edhe çështja e demarkacionit të kufirit me Malin e Zi.

“Përpjekja për reformë zgjedhore, pa një konsensus të gjerë, do ta ketë fatin e demarkacionit dhe “Zajednicës”, të cilat vetëm sa e destabilizuan vendin dhe morën shumë kohë dhe energji për të dështuar në fund. Kjo reformë e propozuar ka për synim realizimin e ëndrrave të parealizueshme të atyre, që janë gati të përmbysin çdo gjë për t’u rehatuar vetë. Kjo reformë i konvenon Thaçit dhe partisë së tij, por jo edhe partive të tjera qofshin në pozitë apo opozitë. Pa opozitën nuk do të ketë reformë zgjedhore’, u shpreh deputeti Ismail Kurteshi për “Kosova Sot”.

Të parealizueshëm e sheh këtë proces pa opozitën edhe sekretari organizativ i AAK-së, Ali Berisha, deputet në Kuvendin e Kosovës.

“Ne mendojmë që kjo reformë zgjedhore është dashur të bëhet shumë më herët, kur është dashur të bëhen edhe përgatitjet e duhura dhe duke marrë konsensusin e të gjitha subjekteve politike për nevojën e reformës zgjedhore. Në këtë kohë tani kjo qasje është krejtë- sisht e vonuar dhe çdo veprim, që po bëhet edhe nga kryetari i shtetit, por edhe nga ana e kësaj qeverie aktuale janë veprime të vonuara, sepse tani është cenuar legjitimiteti i tyre dhe vendi ka nevojë për zgjedhje të shpejta dhe jo për improvizime, me qëllim të blerjes së kohës. Fillimisht presidenti duhet të sillet dhe të jetë president, i cili përfaqëson të gjitha subjektet politike, e duke përfaqësuar unitetin e të gjithë spektrit politik, ai përfaqëson me dinjitet dhe legalitetit edhe popullin e Kosovës. Tani pikërisht në këtë aspekt ai është bukur i cenuar dhe ky pozicion e cenon edhe legalitetin dhe legjitimitetin e nismës për reformën zgjedhore pa konsensusin politik”, thotë Ali Berisha nga AAK-ja.

Improvizues e shohin këtë proces të filluar nga presidenti pa opozitën edhe analistët politikë.

“Luajtja e rolit të ‘reformatorit’ e përçarësit fatal të skenës politike është pak më tepër se lojë djallëzore. Këtë e vërteton insistimi dhe kryeneçësia e presidentit, që me çdo kusht të realizojë reformën zgjedhore pa opozitën dhe grupet punuese. Sjellja injoruese e presidentit Thaçi ndaj opozitës, përveçse rrezikon reformat, e rrezikon stabilitetin politik, degradimin e mëtutjeshëm të institucionit të presidentit dhe zhvillimet e gjithëmbarshme politike në vend”, u shpreh analisti Florim Zeqa për “Kosova Sot”.

Vdekja e aktivistit të Lëvizjes Vetëvendosje, Astrit Dehari bëhet edhe më e mistershme. Qendra Kosovare për Mbrojtjen e Viktimave nga Tortura publikon një tjetër raport, i cili dëshmon se Dehari është dërguar me shenja jete në emergjencvë, ndërsa kjo e fundit kishte deklaruar se erdhi i pajetë.

Pas konkluzioneve të Prokurorisë së Kosovës e bazuar në ekspertizën mjeko-ligjore, e cila thekson se Astrit Dehari ishte vetëvrarë, është Qendra Kosovare për Mbrojtjen e Viktimave nga Tortura, e cila publikon një tjetër raport për rrethanat e humbjes së jetës të aktivistit të Vetëvendosjes me fakte që bien në kundërshtim me faktet e publikuara.

Xhelal Sveçla, anëtar i Kryesisë së Lëvizjes Vetëvendosje, për Ora News zbulon detajet e raportit.

Xhelal Sveçla: Thotë se ndihma mjekësore e dhënë në këtë rast nuk është profesionale. Në deklaratën e infermieres, e cila thotë se ajo Astritin e ka gjetur me puls dhe rrahje normale, kurse urgjenca thotë se Astritin e ka pranuar pa sheja jete.

Disa fakte të këtyre raporteve zyrtare, sipas Lëvizjes Vetëvendosje janë të pabesueshme.

Xhelal Sveçla: Instituti i Mjekësisë Ligjore nxjerr një raport të dytë, rrjedhimisht si shkak të vdekjes ka nxjerrë dy: Asfiksia dhe ndaljen reflektore të punës së zemrës nga refleksi vazovagal. Është e pamundur, ose Astriti ka vdekur nga asfiksia, ose Astriti ka vdekur menjëherë.Të dyja këto nuk shkojnë.

Ndryshe, aktivisti Astrit Dehari humbi jetën në 5 nëntor teksa ndodhej i arrestuar në qendrën e paraburgimit në Prizren.

Rrethanat e vdekjes së tij janë ende të paqarta, ndërsa Prokuroria ende nuk ka mbyllur hetimet për këtë ngjarje.

Lubizhda e Prizrenit një nga problemet më madhore e ka mungesën e ujit të pijshëm. Atje janë mbi 6.500 banorë, të cilët po përballen me këtë problem jetik. Banori Refki Alija shprehet se problem kryesor është mungesa e ujit të pijshëm. Sipas tij, edhe papunësia është tejet e madhe.

“Mund të them se mbi 90 për qind e të rinjve të këtij fshati janë të papunë”, shprehet Alija. Sipas tij, shumë prej të rinjve po mësyjnë Perëndimin në kërkim të një jete më të mirë. Islam Xhaferi, kryetari i fshatit Lubizhdë, tregon se ky është fshati më i afërm i Prizrenit, por problemet janë të shumanshme.

“Banorët kanë një varg kërkesash, por unë mendoj se janë tri kërkesa prioritare, që fshati ka nevojë emergjente. Së pari, kërkohet rregullimi i rrugëve të fshatit, që tashmë janë të dëmtuara shumë, pastaj shtimi i sasisë së ujit të pijshëm dhe pastaj është zgjidhje e çështjes së uzurpimeve”, thotë Xhaferi. Mësimdhënësi Islam Xhaferi pohon se banorët e këtij fshati janë në hall nga veprimet e uzurpatorëve. “Dikur fshati kishte pesë rrugë me dalje në magjistralen Prizren -Therandë. Tash nga ato pesë rrugë, shkruan gazeta Kosova Sot.

Përgjysmohet edhe numri i nxënësve

Xhaferi shprehet se sfidë është edhe papunësia e madhe dhe braktisja e fshatit. “Numri i atyre që janë larguar kohëve të fundit arrin rreth dy mijë banorë”, shprehet Xhaferi. Ai thotë se nga 800 shtëpi sa ka fshati, gjysma e tyre tashmë janë të mbyllura. “Ky tashmë është bërë shqetësim edhe për funksionimin e shkollës, sepse numri i nxënësve po shënon rënie drastike”, tregon Xhaferi. Edhe banori Emrush Vehapi shprehet se është bërë i vështirë sigurimi i jetesës në fshat. “Nga toka e këtij fshati dikur këtu prodhohej jo vetëm bukë e bollshme, por ka pasur edhe zhvillim të blegtorisë, por tash nuk është më si dikur”, shprehet Vehapi. “Mjerisht, shumica e banorëve të këtij fshati po marrin rrugën e kurbetit”, shprehet Vehapi, duke shtuar se ka disa projekte që tanimë janë dedikuar për kthimin e banorëve në vendlindje, por, sipas tij, vështirë se do të ndalet ikja nga Kosova.

Pa përkujdesje mjekësore

Banorët pohojnë se u mungon edhe përkujdesja mjekësore. Ata ankohen për mungesë të mjekut të përhershëm. Për këtë problem, Dr. Zyber Rizanaj, drejtori i Shëndetësisë në Komunën e Prizrenit, shprehet se në fshat kanë angazhuar mjekun që punon kohë pas kohe, pastaj motrat medicinale, por, sipas tij, ka limite ligjore dhe nuk mund të bëhet më shumë, pasi duhet së paku 10 mijë banorë për të pasur të drejtë të kenë qendër shëndetësore. Edhe shkolla e fshatit përballet me mungesa esenciale. Drejtuesit e shkollës “Ekrem Rexha” pohojnë se ende u mungojnë disa nga gjërat elementare. Mësimdhënësit e kësaj vatre shkollore pohojnë se shkolla ka kushte tashmë solide për punë.

Apeli i kryetarit për Komunën

Banorët ankohen shumë në prishjen e rrugëve që është bërë nga moti i keq. Po ashtu, vërejtje ka edhe për rrjetin e energjisë elektrike. “Askujt nuk i shkon në mendje për rrezikun që mund t’u vije nga telat që janë zvarrë nëpër rrugë”, shprehet Xhaferi. Të rinjtë thonë se problem i fshatit tani më është bërë edhe tregu i automjeteve që është vendosur përballë rrugës kryesore. Kryetari Xhaferi kërkon intervenim të pushtetit lokal, gjegjësisht nga Kadastra, sepse të gjitha rrugët pohon se po uzurpohen. “Duhet të dalin inspektorët e Kadastrës dhe të shohin realitetin që secila shtëpi apo mur që po ndërtohet në këtë fshat po bën nga pak uzurpime, prandaj unë apeloj që të dalin në terren Kadastra dhe të shohin realitetin e këtyre uzurpimeve”, tha ai.

Posedimi i armëve pa leje, mbetet një ndër shqetësimet e vazhdueshme në Kosovë, jo vetëm për organet e rendit, por edhe si kërcënim për sigurinë e qytetarëve.

Në periudhën kohore janar – korrik të këtij viti, sipas policisë, rreth 20 persona kanë vdekur si pasojë e vrasjeve me armë pa leje.

Autoritetet e rendit thonë se si pasojë e përdorimit të armëve të zjarrit, gjatë kësaj periudhe kohore ka pasur edhe një numër të konsiderueshme të personave të plagosur.

Daut Hoxha, zyrtar për informim në Policinë e Kosovës thotë për Radion Evropa e Lirë se gjatë periudhës kohore janar – shtator, janë konfiskuar 845 arme zjarri dhe është konfiskuar një sasi e konsiderueshme e municionit [10,500].

“Rastet e tilla të vrasjeve, në përgjithësi, janë tepër shqetësuese dhe shkaktohen për motive të ndryshme. Përderisa vendimet lidhur me rastet e tilla dhe përcaktimi i dënimeve është kompetencë e organeve të drejtësisë”.

“Nëse iu referohemi statistikave lidhur me zbulimin e rasteve të vrasjeve nëpër vite, Policia e Kosovës ka arritur nivelin e zbulueshmërisë së rasteve të tilla mbi 75 për qind. Disa raste të vrasjeve janë me autor të njohur, kurse disa nga rastet janë në proces hetimor dhe Policia në bashkëpunim me Prokurorinë i trajton me një seriozitet të madh”, thotë Hoxha për Radion Evropa e Lirë.

Zyrtarët e Policisë së Kosovës, bëjnë të ditur se numri i armëve ilegale në Kosovë vazhdon të jetë i madh.

Dukuria e armëmbajtjeve pa leje është shqetësuese, thotë edhe deputeti i Kuvendit të Kosovës Anton Çuni nga Lidhja Demokratike e Kosovës, anëtar i Komisionit për Punë të Brendshme, Siguri dhe Mbikëqyrje të Forcës së Sigurisë së Kosovës.

“Institucionet e specializua, të cilat i kanë statistikat më të sakta, i kanë analizat më të thella lidhur me këto fenomene. Jam më se i bindur se tani kanë kapacitete dhe kanë potencial që t’i ngritin të gjithë mekanizmat për të parandaluar çdo qytetar që të posedojë armë ilegale”, konsideron Çuni.

Kuvendi i Kosovës deri më tani ka miratuar dy ligje për armët që rregullojnë këtë fushë.

Është Ligji për armët dhe Ligji për pajisen me armë të institucioneve të sigurisë.

Qeveria e Kosovës pritet të sponsorizojë edhe një projekt-ligj që ka të bëjë me legalizimin, dorëzimin e armëve, eksplozivëve dhe municionit.

Deputeti Çuni konsideron se tash në Kosovë është koha që armët të mos shihen si mjet për mbrojtje. Sipas tij, Kosova i ka institucionet e veta, të cilat duhet të veprojnë dhe të ofrojnë siguri për secilin qytetar.

“Me funksionalizimin e ligjeve, me marrjen e përvojave nga shtetet, të cilat e kanë një rrugëtim të përafërt me ne, qytetarët do të arrijnë të krijojnë një besueshmëri më të lartë në raport me institucionet e rendit dhe ligjit, mbrojtjes e të tjera, dhe kështu çdo qytetar ta ndiejë veten të sigurt, si në familje, e po ashtu edhe gjatë lëvizjes në vend të punës apo kudo që të jetë”, thekson ai.

Megjithatë, një numër i madh i armëve pa leje vazhdojnë të mbeten në duart e qytetarëve, pa marrë parasysh se cilit nacionalitet i takojnë. Këtë e dëshmojnë edhe rastet e krimeve, incidentet apo edhe konfiskimet.

Plator Avdiu, hulumtues nga Qendra Kosovare për Studime të Sigurisë, në një prononcim për Radion Evropa e Lirë, thotë se mbajtja e armëve ilegale në Kosovë vlerësohet të jetë në numër të madh dhe për këtë arsye ka shqetësime serioze sa i përket sigurisë publike në vend. Një gjendje e tillë, sipas tij, paraqet rrezik të madh për sigurinë publike në vend.

Avdiu thotë se nëse bëhet krahasim me numrin e madh të armëve ilegale që janë në duart e qytetarëve të Kosovës dhe mundësisë së rrezikimit të sigurisë publike, prapëseprapë mund të thuhet se situata është më e mirë, por potencialisht, shton ai, ekziston rreziku që ato të keqpërdoren nga qytetarët.

“Nëse fushatat vetëdijesuese nuk kanë efekt, atëherë institucionet e Kosovës duhet të zbatojnë Ligjin për Armët, i miratuar në Kuvendin e Kosovës vitin e kaluar. Aty specifikohet sa i përket pajisjes me leje për kategori të armëve”.

“Por, institucionet e vendit (përveç disa rasteve të konfiskimit), deri tash nuk kanë ndërmarrë veprime serioze për konfiskimin dhe parandalimin e përdorimit të armëve pa leje. E, me këtë, as nuk është bërë regjistrimi i armëve dhe mundësia e legalizimit të tyre, por edhe që të informohen qytetarët për rrezikun që mund të përbëjë edhe për sigurinë publike, mbajtja e armëve ilegale”, shpjegon Avdiu.

Pasojat e pasluftës, pastaj frika, mosbesimi tek institucionet, si dhe tradita, janë disa nga arsyet pse qytetarët e Kosovës, konsiderohet se mbajnë armë në mënyrë të paligjshme, thonë njohësit e çështjeve të sigurisë.

Ulja e numrit të mbajtjes së armëve pa leje nga qytetarët, sipas tyre, do të mbetet sfidë për Kosovën.

Ndërkaq, një pjesë e ekspertëve konsiderojnë se si zgjidhje mund të jetë edhe legalizimi, në mënyrë që njerëzit që posedojnë armë, do ta merrnin përgjegjësinë.(REL)

Persona të panjohur kanë vjedhur në një veturë para të gatshme dhe stoli ari.

“Viktima ka raportuar se persona të panjohur gjatë natës i kanë thyer xhamin e veturës dhe nga aty i kanë vjedhur para të gatshme dhe stoli ari dhe argjendi”, njofton Policia e Kosovës.

Lidhur me rastin është njoftuar edhe prokurori, ndërsa njësitet policore./PrizrenPress.com/