Kryeprokurori i Prokurorisë Themelore të Prizrenit, Sylë Hoxha, më datë 18 nëntor 2016, ka lëshuar raportin e autopsisë me një trik, për të manipuluar me shkaqet e vdekjes se Astrit Deharit

Raporti i obduksionit nuk e thotë askund se Astit Dehari te ketë vdekur nga vetëlëndimet, ata thonë se vdekja është e dhunshme dhe asfiksia, apo bllokimi i rrugëve te frymëmarrjes ka qenë me mjet të fortë, dhe se për shkak te kësaj ka ardhur deri te ndalja reflektor e punës së zemrës, ne ketë rast është keqpërdorur nga raporti i obduksionit nga prokuroria duke i paraqitur lëndimet si hezituese, janë dy raporte të obduksionit dhe qëllimisht renditja në njërin është shënuar me numra nga 1 – 4, dhe në tjetrin raport nuk ka fare numra, shkruan Zeri.

Kryeprokurori i Prokurorisë Themelore të Prizrenit, Sylë Hoxha, më datë 18 nëntor 2016, ka lëshuar raportin e autopsisë me një trik për të manipuluar me shkaqet e vdekjes se Astrit Deharit. Në faqen e fundit, radhit këto pika. I njëjti ka lëshuar raport një ditë më vonë me faqen e fundit pa radhitje numerike.

 1. Vdekja e tani të ndjerit Astrit Dehari, ka ardhur si pasojë e asfiksisë mekanike nga mbyllja(bllokimi) i rrugëve të sipërme të frymëmarrjes nga mjeti i konsistencës solide(të fortë)

(Këto janë pikat brenda raportit që raporti i obduksionit i nxjerrë si shkaktarë të vdekjes së Astritit)

2. Mekanizmi i vdekjes mund të shpjegohet me “ndaljen reflektor të punës së zemrës” (nga refleksi vazovagal), mbase edhe i shoqëruar me ngacmimin autonom të pleksusit nervor laringal-spazëqm laringale.

(Këto janë pikat brenda raportit që raporti i obduksionit i nxjerrë si shkaktarë të vdekjes së Astritit)

Dhe në pikën e (3) thotë se “Dëmtimet e shkaktuara në pikën 1 dhe 2 , me besueshmëri janë dëmtime të vetëshkaktuara ”hezituese”, të cilat kanë qenë të shoqëruara me gjakderdhje të jashtme, por të cilat nuk kanë çuar në shok. Mirëpo, në raportin e dytë të datës 19.11.2016, faqja e fundit heq radhitjen me numra, sepse përshkrimet në 1 dhe 2 brenda raportit të autopsisë përshkruajnë dëmtimet në qafë dhe në dorë.

Pikat (1) dhe( 2) në të cilat i referohet raporti i obduksionit janë këto përshkrime të dëmtimeve:

1. Në anën e djathtë të qafës rreth 4 cm nën nofullën e poshtme dhe rreth 4 cm mbi klavikulën e djathtë paraqiten gërvishtje lëkurore gjatësore pothuajse paralele njëra me tjetrën, në pozicion të pjerrët në raport me boshtin gjatësor të trupit, me ngjyrë të kuqe në vjollcë, me gjatësi nga 7 cm deri me 9 cm, me gjerësi 1-2 mm dhe me thellësi rreth 1 mm. Këto gërvishtje ndodhen në formë të tufave (gjithsej tri) me nga tri deri katër gërvishtje. Buzët e këtyre gërvishtjeve janë të lëmuara, të rregullta dhe me primesh gjaku. Këto gërvishtje, bazuar në karakteristikat e tyre me besueshmëri janë të shkaktuara nga veprimi mekanik i mjeti të mprehtë, me teh të ngushtë të cekët, i cili ka vepruar me mekanizëm tangjencial të veprimit duke shkaktuar dëmtime sipërfaqësore lëkurore.

2: Në pjesën e poshtme të brendshme të parakrahut të dorës së majtë (byzylyku i dorës) ndodhen tri gërvishtje në formë gjatësore, pothuajse paralele njëra me tjetrën, ku gërvishtja e mesme, në njërin skaj të saj paraqet në formë dycepëshe. Këto gërvishtje janë me ngjyrë të kuqe, me buzë relativisht të rregullta, me gjatësi nga 3 cm deri në 5 cm, gjerësi rreth 1-2 mm dhe thellësi rreth 1 mm dhe janë pothuajse në kënd të drejtë me boshtin gjatësor të dorës. Këto gërvishtje, me besueshmëri janë shkaktuar me mjete me veçori të ngjashme të mjetit të përshkruar në pikën 1 ose me ndonjë mjet të ngjashëm.

Edhe avokati i familjes Dehari, Tomë Gashi, thotë se atij i janë dorëzuar dy raporte në dy data të ndryshme, i pari me tendencë manipulimi të opinionit publik. “Është keqpërdorur nga raporti i obduksionit nga prokuroria duke i paraqitur lëndimet si hezituese, janë dy raporte te obduksionit dhe qëllimisht renditja ne njërin është shënuar me numra nga 1 deri 4, dhe në tjetrin raport nuk ka fare numra”, ka bërë të ditur për gazetën ”Zëri” avokati Gashi. /ZERI/ 

Mësimdhënëses Samire Çoçaj i është shpallur kundërligjshëm vendi i lirë i punës nga Drejtoria e Arsimit në Prizren.

Ajo në shkollën fillore “Shtjefën Gjeçovi” në Zym të Hasit është punësuar në vitin 2012.

Është e diplomuar në Gjuhë dhe Letërsi Shqipe në Fakultetin e Edukimit në Prizren.

Çoçaj tregon se nga kjo kohë ka punuar në mënyrë të rregullt.

“Kam punuar dhe nënshkruar kontrata të rregullta të lëshuar nga Drejtoria e Arsimit”, shprehet ajo.

Drejtoria e Arsimit, ndërkaq ka marrë vendim që t’ia shpallë vendin e lirë të punës.

Çoçaj thotë se ky veprim është i njëanshëm.

“Drejtoria e Arsimit qëllimisht më ka lëshuar kontratë të caktuar, duke rënë ndesh me Nenin 3 të kësaj kontrate, sepse sipas nenit në fjalë mua më ka takuar kontrata me kohë të pacaktuar, pasi që kam pasur 15 orë profesionale”, thotë ajo.

“Gjatë këtyre 5 vjetëve unë ka arritur që të arsyetoj vetën me punë e përkushtim të vazhdueshëm”.

“Nuk kam pasur asnjë vërejtje nga nxënësit, këshilli i prindërve apo drejtoria e shkollës”.

“Drejtoria e Arsimit nuk ka arritur që të vlerësoj punën time . Ajo njëanshëm ka marrë vendim që të më shpalli vendin e lirë të punës”.

Mësimdhënës Çoçaj, ndërkaq i kanë dalë në mbrojtje Këshilli i Prindërve të shkollës. Me anë të një peticioni, ky këshill kërkon nga kryetar i Komunës dhe Kuvendi Komunal, që të merr paraysh kërkesën për vazhdimin e punës së mësimdhënëses Samire Çoçaj.

“Në rast se kërkesa jonë nuk përfillet do të na qojë në masa radikale deri në bojkotim të mësimit”, thuhet në kërkesën e Këshillit të Prindërve. /PrizrenPress.com/

(E plotësuar)- Deputeti i LVV-së, Mytaher Haskuka, i ftuar në emisionin “Politikë” në Tribuna Channel, është pyetur se çka ka paraparë Vetëvendosje për veprimet e mëtutjeshme me rastin e vdekjes së Astrit Deharit.

I pyetur se a mund të ketë eskalim të situatës, Haskuka nuk e ka përjashtuar një gjë të tillë.

“Pakënaqësia e qytetarëve është në rritje dhe kjo mund të shtyjë në eskalim”, ka thënë Haskuka, duke shtuar se nuk mund të mbahen në kontroll qytetarët.

Haskuka shtoi se 17 vjet pas luftës është e papranueshme që të vdes një i burgosur në burg.

Haskuka: Obduksioni nuk mundet të tregoj se a është vrarë apo vetëvrarë Astrit Dehari
Deputeti i Lëvizjes Vetëvendosje, Mytaher Haskuka, i ftuar në emisionin Politikë në Tribuna Channel, ka thënë se obduksioni nuk e tregon se vdekja e Astrit Deharit është vrasje apo vetëvrasje.

“Nuk mundet nëpërmjet obduksionit të vërtetohet a është vrasje apo vetëvrasje. Përshkrimi i shkakut të vdekjes dhe gjasat për t’i bërë dikush vetvetes është gati e pamundur”, ka thënë Haskuka në Politikë.

Të burgosurit e Qendrës së Paraburgimit në Prizren, që kishin hyrë në grevë urie në shenjë proteste për shkarkimin e drejtorit të këtij burgu Destan Zogaj, pas vdekjes së Astrit Deharit, aktivistit të Lëvizjes Vetëvendosje.

Ata grevën kishin filluar grevën të mërkurën, ndërsa e ndërprenë të enjten.

Këtë e ka bërë të ditur Shërbimi Korrektues i Kosovës, duke thënë se ata nuk janë më në grevë dhe se po ushqehen normalisht.

“Ministria e Drejtësisë, përkatësisht Shërbimi Korrektues i Kosovës, njofton opinionin se të gjithë të burgosurit në Qendrën e Paraburgimit në Prizren, kanë ndërprerë grevën e urisë dhe kanë marr ushqimin si çdo herë. Gjendja aktuale brenda kësaj Qendre të Paraburgimit është stabile dhe të paraburgosurit janë në gjendje të mirë”, thuhet në njoftimin e kësaj qendre.

EC Ma Ndryshe në bashkëpunim me OPDMK të enjten kanë realizuar performancën publike “Kërkojmë trotuare për të gjithë”, përmes të cilit aktivitet kanë reaguar ndaj pasivitetit të deritanishëm të autoriteteve komunale në ndërmarrjen e masave adekuate për sigurimin e qasjes së barabartë në trotuaret e rrugëve kryesore të qytetit të Prizrenit për Personat me Aftësi të Kufizuara.

Përmes këtij aktiviteti, në mënyrë simbolike përkatësisht duke vendosur disa karroca në rrugën “Remzi Ademaj” është theksuar e drejta e PAK-ve për qasje dhe qarkullim të barabartë dhe më të sigurt brenda zonës urbane.

“Performanca publike “Kërkojmë trotuare për të gjithë” është realizuar në kuadër të projektit “Prizreni, një qytet pa pengesa”. Qëllimi i përgjithshëm i këtij projekti përfshinë ngritjen e pjesëmarrjes së personave me aftësi të kufizuara dhe të rinjve në projektimin e “Prizrenit pa pengesa”.

Projekti financiarisht përkrahet nga USAID nga programi E4E, dhe mbikëqyret nga ATRC derisa zbatohet nga EC Ma Ndryshe dhe OPDMK’, thuhet në komunikatën drejtuar mediave.

Prokurori Bajram Hamitaga në Gjykatën e Gjilanit nuk e pranoi fajësinë për keqpërdorim detyre.

Prokurori i suspenduar i krimeve të rënda në Prokurorinë Themelore të Prizrenit Bajram Hamitaga u deklarua sot i pafajshëm në gjykimin e tij për shpërdorim detyre të zhvilluar në Gjykatën e Gjilanit.

Pafajësinë e deklaroi sot edhe Luan Delili, shoferi i Prokurorisë në Prizren që në procesin gjyqësor me Hamitagën akuzohet për frikësim gjatë procedurës penale.

Gjatë seancës avokatët e të akuzuarve u ankuan se nuk i kanë pranuar të gjitha provat me të cilat ngarkohen të mbrojturit e tyre, por thanë se kjo nuk paraqet pengesë për vazhdim të gjykimit në fazën në të cilën ai ndodhet.

Para se të deklarohen për fajësinë apo pafajësinë të akuzuarve iu lexua aktakuza nga prokurori Arben Ismajli.

Hetimet ndaj Hamitagës dhe Delilit filluan menjëherë pas transmetimit të emisionit “Drejtësia në Kosovë” në maj të këtij viti, në të cilin prokurori akuzohej se ka kërkuar favore nga një i dyshuar ndaj të cilit ai po i zhvillonte hetimet.

Aktakuza ndaj Hamitagës dhe Delilit u ngrit nga Prokuroria Themelore në Gjilan më 26 shtator.

Sipas aktakuzës, i pandehuri Hamitaga, i cili ka qenë prokuror në Prokurorinë Themelore të Prizrenit, nga muaji korrik i vitit 2013 deri më 22 janar 2015, në cilësinë e personit zyrtar me qëllim të përfitimit të dobisë pasurore për vete dhe djalin e tij, duke shfrytëzuar detyrën apo autoritetin e tij zyrtar, nuk i ka përmbushur detyrat e tij zyrtare, me çka ka kryer veprën penale të keqpërdorimit të detyrës zyrtare apo autoritetit zyrtar.

Ndërkaq, i pandehuri i dytë, Luan Delili, më 08.04.2016, me anë të premtimit e ka nxitur personin tjetër që të përmbahet nga dhënia e deklaratave, në mënyrë që të tërhiqet nga dhënia e deklaratave që i ka dhënë në seancën gjyqësore në Gjykatën Themelore në Prizren, se i pandehuri i parë B.H., ka kërkuar 5.000 euro, me çka ka kryer veprën penale të frikësimit gjatë procedurës penale.