Më pas do të promovohet libri me dy romanet e Faik Konicës” Martesa e Lejlës” pasuar nga ”Sotiri dhe Mitka” përgatitur për botim nga studiuesi Fotaq Andrea dhe të sponsorizuar nga Vatra.
Federata Panshqiptare e Amerikës ”VATRA”, në mbyllje të veprimtarive për Vitin e Konicës, do të organizojë këtë të Shtunë, me 26 Nëntor në Selinë e saj në Bronx, Simpoziumin kushtuar personalitetit të Faik Konicës, vizitën në ekspozitën kushtuar Konicës, promovimin e dy romaneve të Konicës sjellë nga gjuha frënge në shqip nga studiuesi Fotaq Andrea dhe shpalljen e fituesve të Konkursit të shpallur nga Vatra dhe Gazeta Dielli për krijimet më të mira kushtuar jetës dhe veprës së Konicës.
Komisioni i përbërë nga : Asllan Bushati, Mithat Gashi, Idriz Lamaj dhe Dalip Greca, duke ftuar në këtë veprimtari studiues të Konicës, kanë bërë përpjekje që kjo veprimtari të hedh dritë mbi kolosin, intelektualin, publicistin, diplomatin, bashkëthemeluesin e VATRËS, Faik Bej Konica.
Në Simpozium do të referojnë studiues të Konicës: Ilir Ikonomi (Zëri i Amerikës), Fotaq Andrea (Francë), dr. Gjon Buçaj, Idriz Lamaj, Anton Çefa, Arjeta Ferlushkaj (Biblioteka e Universitetit të Shkodrës), Neka Doko(Drejtoresh e Bibliotekës Fan S. Noli” pranë Kryekishës Orthodokse”Shën Gjergji” në Boston), studiuesi Thanas Gjika dhe Editori i Diellit, Dalip Greca. Simpoziumi moderohet nga Profesor Mithat Gashi.
Më pas do të promovohet libri me dy romanet e Faik Konicës” Martesa e Lejlës” pasuar nga ”Sotiri dhe Mitka” përgatitur për botim nga studiuesi Fotaq Andrea dhe të sponsorizuar nga Vatra.
Në fund të veprimtarisë do të shpallen fituesit e Konkursit kushtuar “2016-Viti i Faik Konicës” shpallë nga VATRA. Ndërkohë pjesëmarrësit do të kenë mundësi të vizitojnë edhe Ekspozitën me 60 fotografi, përgatitur nga Fotaq Andrea. / KultPlus.com