Në Malishevë raportohet për një aksident trafiku ku i lënduar rëndë ka mbetur një drejtues i motoçikletës.

Sipas Policisë ngjarja ka ndodhur mbrëmë në rrugën “Rilindja Kombëtare” në Malishevë ku i dyshuari me veturën e tij e godet motoçikletën me ç‘rast lëndime trupore merr viktima, i nacionalitetit rom.

I dyshuari me urdhër te prokurorit dërgohet në mbajtje ndërsa viktima dërgohet për tretman mjekësor.

Gjatë 24 orëve të fundit në territorin e Kosovës, policia raporton se kanë ndodhur 36 aksidente të trafikut rrugor.

Sipas të dhenave 17 aksidente kanë përfunduar me lëndime trupore, ndërsa 19 aksidente tjera kanë qënë vetëm me dëme materiale.

Ndërkaq njësitet e trafikut rrugor kanë shqiptuar 746 gjoba për vozitësit të cilët kanë rënë ndesh me rregullat e trafikut.

Zyra e Presidentit të Kosovës, Hashim Thaçit, që nga e hëna do të duket ndryshe. Kjo ngase i pari i shtetit ka vendosur që ti ndërroj perdet.
Në tenderin e bërë publik nga zyra e Presidentit Thaçi “Furnizim me perde shirit për nevojat e Zyrës se Presidentit të Republikës së Kosovës”, do të harxhohen afro 600 euro për blerjen e tyre.

Kontrata është nënshkruar më 30 shtator.

Deputeti nga ‘Nisma’ për Kosovën, Zafir Berisha ka ripërsëritur atë se bisedimet me Serbinë as që është dashur të fillonin në këtë format, ngase siç tha formati i bisedimeve ka treguar ligështinë e përfaqësuesve të institucioneve të Kosovës, pasi është hyrë të bisedohet me një Serbi, e cila ka qenë okupuese dhe ka bërë gjenocid në Kosovë, dhe me një Serbi, e cila nuk e njeh shtetin e Kosovës, etj.

“Në momentin kur është futur në bisedime kjo garniturë e korruptuar politike e institucioneve të Kosovës është dashur t’i parashohë dhe t’i ketë parasysh disa parakushte, të cilat është dashur të plotësoheshin për të mundur të bisedohej si dy shtete. Pra, gabimi i parë në hapa është bërë këtu, pastaj gabimet kanë vazhduar një pas një dhe Serbia tani sillet si padron edhe mbi qytetarët e Kosovës, duke arrestuar edhe zyrtarë të lartë të shtetit, siç është rasti i fundit me Thaçin, që është komandant regjional në Mitrovicë dhe ndoshta ky duhet të jetë momentumi si rast që të vetëdijesohen institucionet e Kosovës që të ndryshojë sjellja me Serbinë, e cila po e poshtëron tërë sakrificën shekullore e deri tek lufta e UÇK-së për liri dhe pavarësi”.

Më tej, Berisha ka shtuar se kjo garniturë politike ju ka nënshtruar deri në atë shkallë Serbisë, saqë ata në një kohë të caktuar duhet të japin edhe përgjegjësi për këtë, pasi, siç tha, Serbia përfundimisht duhet ta pranojë se ka kryer gjenocid në Kosovë, po ashtu të kërkojë falje dhe të tregojë për 1600 qytetarët e Kosovës se ku gjenden, të cilët janë zhdukur që nga lufta, dhe për shumë e shumë çështje të tjera.

“Përfundimisht është dashur që atë ditë kur është arrestuar Thaçi, Qeveria e Kosovës t’i ngrijë bisedimet ashtu të dështuara dhe t’i tregojë Serbisë se ne jemi shtet dhe nuk lejojmë më ulët. Por, kjo nuk besoj se do të ndodhë, sepse kemi të riciklim në institucionet e Kosovës, njerëz të cilët i kanë shërbyer regjimit të Serbisë siç është Isa Mustafa dhe njerëz, të cilët koha po tregon se veprimet e tyre politike janë tepër të dyshimta, siç është Hashim Thaçi”

(Kosova Sot)

Republika e Kosovës, tash e shtatëmdëdhjetë vite paslufte, pothuasje nuk e ka arresutar asnjë serb të vetëm për krime të bëra gjatë luftës së fundit në Kosovë dhe gjenocid ndaj shqiptarëve.

Në anën tjetër, shteti i Serbisë, ka bërë deri më tani dhjetëra arrestime ndaj shqiptarëve. Secili shqiptar i cili hynë brenda territorit të Serbisë, të cilët në kohën e luftës ishin pjesëmarrës të Ushtrisë Çlirimtare të Kosovës, apo përkrahës të UÇK-së dhe luftës për çlirimin e vendit, ose i cili është i dyshuar i Serbisë është arrestuar nga ana e tyre.

Politologu Albinot Maloku, për Gazetën InfoPress thotë se, Serbia pavarësisht tentimit të Kosovës për të ndërtuar marrëdhënie fqinjësore nuk po ndryshon qasje nga e kaluara e saj. “Logjika politike e juridike e Serbisë është po ajo e vjetra, pavarësisht se ajo do të duhej konsideruar e tejkaluar. Fatkeqësisht, veç Kosova po e provon qasjen tejkaluese ndaj ish-bëmave e bëmave aktuale të Serbisë. Normalizimi i raporteve mes Kosovës dhe Serbisë i nisur së prapthi, e jo siç do të duhej, të nxit mendimin se ky lloj i “normalizimit të raporteve mes vendeve tona”, duket të jetë mosbesues dhe të vihet në dyshim”, thotë Maloku.

Maloku më tutje tregon se çfarë pati thanë kryeministri i Republikës së Kosovës, akademik Isa Mustafa.

“Asnjë gjykatë në Serbi nuk ka të drejtë të gjykojë qytetarë të Republikës së Kosovës”, ka thënë Mustafa. “Ky urdhërim, pa veprim konkret nga ana e kryeministrit Mustafa, de facto dhe de jure hyn në veshin e djathtë e del në të majtin tek sistemi juridik i Serbisë. Veç kësaj edhe mekanizmat ndërkombëtarë jashtë dhe brenda Kosovës nuk i kanë bërë asnjëherë presion shtetit serb që të mos luajë ndjekësin e qytetarëve të shtetit të Kosovës, siç ka ndodhur disa herë. Reagimet e drejtuesve të organeve shtetërore të Kosovës kanë qenë po ashtu kryesisht pa përmbajtje, sa për të thënë, si edhe cinike. Kosova ka informacione më bollëk për kriminelët serb, por në vendin tonë prej çlirimit e këndej po duket se çdo gjë ka shkuar së prapthi”, përfundon Maloku.

Ndërsa, analisti politik Blerim Burjani thekson se kjo çështje është e njohur dhe se shteti i Kosovës nuk ka juridiksion për qytetarët e saj të cilët kanë bërë krime lufte dhe as që i lejohet Kosovës të kërkoj ndonjë ekstradim të qytetarëve të saj të pakicës serbe për krimet e bëra në Kosovë. “Kjo është pabarazi që i bëhet Kosovës në relacionet ndërkombëtare, ku organet e rendit nuk mund të marrin masa arresti as zhvillojnë procedurë gjyqësore për qytetarët e pakicës serbe që janë kosovar”, thotë Burjani për Gazetën InfoPress.

Burjani shton se, këto janë absurde e paaftësisë së politikës së Kosovës, MPJ-së dhe të gjithë të tjerëve që nuk kanë as aftësi e as guxim me kërkua një gjë të tillë, por as vetë të marrin masa të tilla kundrejt këtyre njerëzve që i kanë shkaktuar dhimbje të konsiderueshme popullatës shqiptare me numër të madh të viktimave. “Kosova nuk ka ndonjë juridiksion për temat e ndjekjeve penale të njerëzve të kësaj pakice që kanë kryer krime në Kosovë”, përfundon Burjani.