Trajneri i përfaqësueses së Francës, Didier Deschamps ka publikuar listën e lojtarëve të cilët do të grumbullohen për dy ndeshjet e ardhshme kualifikuese të Kampionatit Botëror ‘Rusi 2018’.
Ajo që bie në sy pa dyshim është sërish mungesa e sulmuesit të Real Madridit, Karim Benzema i cili nuk do të jetë i gatshëm kundër Bullgarisë dhe Holandës.
Risi në grumbullimin e Deschamps është mbrojtësi i Athletic Bilbaos, Aymeric Laporte./
“Agjenti Mino Raiola e kishte këshilluar Balotellin mos transferohej te klubi ynë, por sulmuesi italian nuk e ka dëgjuar”. Kjo është deklarata befasuese e presidentit të klubit të Nice, Jean-Pierre Rivere i cili theksoi se Balotelli është ringjallur pas këtij transferimi.
“Raiola më shkroi një listë me arsyet pse nuk duhet ta transferojmë Balotellin. Mirëpo, në fund e sollëm, edhe pse me vonesë”, deklaroi Rivere për “L’Equipe”.
Balotelli ka realizuar katër gola në Ligue 1 duke bërë që të rikthehet në Kombëtaren e Italisë, në pritje të konfirmimit pas publikimit të listës për ndeshjet e ardhshme.
Ish-futbollisti i kombëtares gjermane, Jürgen Klinsmann, aktualisht seleksioner i ekipit te SHBA-së, nuk është i interesuar për të marrë drejtimin e ekipit të Anglisë pas largimit te Sam Allardyce.
“Nuk më interesojnë zërat që më kanë propozuar si seleksioner të ekipit të Anglisë”, u shpreh në Twitter Klinsmann, kampion i botës me Gjermaninë në 1990.“Për momentin jam i përqendruar të 11 nëntori”, duke iu referuar ndeshjes mes SHBA dhe Meksikës për kualifikueset e Botërorit -2018 në Rusi.
Klinsmann, 52 vjeç, është në krye të ekipit te SHBA që nga 2011, pasi kishte drejtuar më parë Gjermaninë (2004-06). Ai ka drejtuar edhe Bayern Munich gjatë sezonit 2008-09, por përvoja e tij pësoi fiasko.Ai ka luajtur në Angli më fanellën e Tottenham (1994-95, 1997-98).
Përvojë që nuk do harrohet do jetë për një çift nga Vietnami hera e parë që kryen marrëdhënie seksuale bashkë.
Ata përfunduan në spital me probleme të rënda pas seksit. Shkaku, që doli pas konstatimit të mjekut që i asistoi me ndihmë është skandalizues.
Mjeku Nguyen Luong, tha se cifti nuk kishte përdorur prezervativ, por një qese plastike për të zevendësuar mjetin mbrojtës.
Pasojat mund të merren me mend. Ata u trajtuan për dëmtime serioze në organet gjenitale dhe gjakderdhje.
Mjeku, sipas Mirror, tha se djalit i vinte turp të blinte kondom dhe gjeti qesen si alternative, pa menduar për dëmet që do u sillte.
Ata tashmë po i nënshtrohen kurave me antibiotikë.
Klubi i Futbollit “Opoja” ka zhvilluar ndeshjën e parë në Kupën e Kosovës, kjo ndeshje u zhvillua në stadiumin “Përparim Thaqi” në Prizren. Takimi i parë KF Opoja nga Dragashi luajti kundër KF Përparimit nga Skënderaji, duke e fituar ndeshjën e parë me rrezultat 3 me 0.
KF Opoja këtë fitore ja ka dedikuar njeriut i cili ju ka ndihmuar gjatë gjithë kohës, mërgimtari nga diaspora, Misin Zejneli, i cili ka treguar gadishmëri për ta.
“Fitorja në takimin e parë për Kupën e Kosovës, më shumë vullnet dhe shumë kënaqësi ja dedikojmë njeriut që më së shumti është pran nesh nga diaspora i nderuari, Misin Zejneli për gaditshmërin e treguar gjatë gjithë kohës. Në emër të të gjithë klubit e falenderojmë përzemërsisht”.
KF Opoja (Dragash) 3:0 KF Përparimi (Skënderaj).
Gola për Opojën i kanë shënuar: Malsor Qafleshi, Ideal Myrtezani, dhe Jenuz Kolloni.
Opoja.net
Shkruan: Kushtrim Gashi
Një ndër fushat kruciale pa të cilat nuk mund të sendërtohet një shtet dhe e cila paraqet gjendjen e atij shteti dhe populli është arsimi.
Arsimi është bazë për shëndetësi, është bazë për ekonomi, për drejtësi dhe mbi të gjitha është bazë për formësimin e personalitetit të shendosh tek brezat e ardhshëm.
Kur një shtet brenda saj ka njerëz të edukuar dhe të dijshëm, atëherë nuk do të bëhej fjalë më për rritjen e mirëqenies ekonomike, por do të shkojmë edhe me tej, duke u preokupuar për arritjet në maratona ndërkombëtare të shkencës, teknologjisë dhe astronomisë.
Nuk po them që gjendja e arsimit në Kosovë është e shkëlqyeshme e as shumë e mirë, por ajo se çfarë dua të them është se në çdo vend tjetër në Kosovë, arsimi është në gjendje të shkëlqyeshme në krahasim me komunën e Malishevës.
Qeverisja lokale në Malishevë ka politizuar skajshmërisht shkollat dhe mësuesit, duke i kthyer në shërbëtor të pushtetit. Ata të cilët nuk iu nënshtruan qeverisjes së Ragip Begajt u mënjanuan, u depërtuan dhe u kryqëzuan.
Rasti më eklatant dhe më i fundit që vlen të përmendet është ai i profesorit Gezim Kryeziu, të cilit iu bë presion i vazhdueshëm nga pushteti lokal që të bëhet pjesë e partisë Nisma. Para dy vitesh profesorit Gëzim iu murrën orët e tij profesionale dhe iu dha lënda e Matematikës edhe pse me profesion ishte ekonomist e jo matematicient dhe iu bë me dije që në rast se nuk bëhet pjesë e Nisma-s do të largohet nga puna, por ai nuk iu nënshtrua këtyre presioneve. Kërcënimet dhe shantazhet vazhduan kur profesorit Gëzim iu murrën edhe ato orë që i kishte dhe e lan me 5 orë një vit me parë, ku i thanë që nëse nuk bëhet pjesë e Nisma-s publikisht, do të largohet nga puna, por ai prapë nuk u dorëzua dhe u rezistoj kërcënimeve të Nisma-s. Ndërsa ketë vit edhe këto 5 orë iu murrën dhe e lan pa punë. Kjo është fytyra e vërtetë Ragip Begajt dhe qeverisjes se tij.
Kryetari Begaj a keni dëgjuar për familjen e Dr. Naim Kryeziut dhe kontributin e tyre?
A keni dëgjuar për Dr. Naim Kryeziun, i cili gjatë luftës ka shpëtuar me qindra e mijëra qytetarë të Malishevës?
A keni dëgjuar për Januz Kryeziun, babain e Dr. Naim Kryeziut, i cili ishte veteran i arsimit?
A e dini se profesori Gëzim Kryeziu, të cilit i bëri shantazh dhe e kërcënoj partia juaj dhe e largoi nga puna është djali i Januz Kryeziut dhe vëllai i Dr. Naimit?
A e dini se profesori Gëzim Kryeziu është mbajtës i familjes dhe tanimë familjen e tij e keni len pa bukë?
A e dini se Shpejtim Kryeziu, vëllai i Gëzim Kryeziut në vitet 90-ta ka punuar profesor në SHMP “Lasgush Poradeci” pa asnjë cent.
Si do ta ndjeni veten kur do ta takoni Dr. Naim Kryeziun, kur vëllain e tij e keni len pa bukë?
Si e ndjeni veten ju si besimtar i ‘devotshëm’ kur familjen e Gëzim Kryeziut e keni len pa bukë?
Meqë jeni haxhi a thotë Zoti se duhet të hakmerreni dhe të leni familjen e Gëzim Kryeziut pa bukë?
Drejtori Sami Toplana në shkollën e Kijevës vetëm në një reagim ka bërë mbi 204 gabime gjuhësore, a do të thotë kjo që shkollat në komunën e Malishevës po drejtohen nga analfabetet?
Sipas një dokumenti të nxjerr nga inspektorati i arsimit në Gjakovë konstatohet se një numër i madh i militantëve të Nismës të punësuar pa konkurs në SHMP “Lasgush Poradeci” marrin paga pa punuar, a është ky “ligji” i partisë tuaj me të cilin po qeverisni?
Lagjja “Nënkala” në Prizren është me një infrastrukturë të vjetër dhe historikisht njihet se kjo lagje ishte ngritur kryesisht nga “gogët” siç janë quajtur stallarët kryesisht vllehët që ishin në shërbim të perandorisë osmane. Kjo lagje ishte e banuar më së shumti nga ata. Pas luftës së fundit, pasi ato shtëpi kryesisht ishin të ndërtuara në afërsi njëra pranë tjetrës dhe kjo lagje ndryshe është quajtur edhe Lagjja e Dritareve, flaka që përfshiu fillimisht disa shtëpi i dëmtoi shtëpitë e gjithë lagjes për pak çaste. Pastaj pjesë të ujësjellësit dhe të tjera rrënuan dukshëm këtë lagje.
Nëpër rrugica kalohet vetëm këmbë Drejtoria e Urbanizmit bën të pamundurën që kjo lagje të rivitalizohet, por mungesa e mjeteve të mëdha kapitale ka bërë që në këtë drejtim të ndihmohet edhe nga shtetet e tjera. Monumentet historike të këtij qyteti i kontribuojnë edhe bashkëjetesës dhe për ndërtimin e shtëpive të “Nënkalasë”, duke vlerësuar edhe investimin e bërë në këtë lagje. Më interesantja është se 80 për qind e kësaj lagje ka rrugica që aty mund të kalohet vetëm në këmbë dhe asnjë automjet nuk ka mundësi të shkojë aty. Prandaj në këto shtëpi krijohen mjaft mbeturina, pikërisht edhe shkak të rrugicave të ngushta. Mirëpo, kjo lagje dhe të gjitha rrugicat e saj janë tërësisht të pastra dhe higjienike falë punës e angazhimit të personit që me gjithë qenien e tij është i përkushtuar të punojë në pastërtitë e atyre rrugicave të lagjes “Nënkala”. Këtë pastërti atje e mban tani e plot 36 vjet Nexhmedin Berisha. Ai për “Kosova Sot” tregon se këtë punë e bën me një përkushtim të madh dhe me angazhim tërëditor, duke nisur nga orët e hershme të mëngjesit deri në orët e vona. “Kali ka vështirësi në disa nga këto rrugica dhe mbeturinat tashmë janë shtuar shumë. Dikur në këtë lagje ka pasur pak mbeturina. Kurse tani asnjë minutë s’na bie mua edhe kalit “Zekës” që të pushojmë e të bartim mbeturinat nga gjithë kjo lagje dhe nga këtu pastaj ato transportohen drejt deponisë rajonale në Landovicë”, është shprehur ai.
Ushqen kalin me duart e tij për të ndihmuar qytetarët Të gjithë banorët e kësaj lagje Nexhin, siç e thërrasin shkurt Nexhmedinin. Ata të gjithë e njohin, ngase ai tashmë në ato shtëpi është sikurse të jetë familjar i tyre, sepse hyn në secilën shtëpi, merr mbeturinat dhe ndonjëherë edhe kryen shërbime, sidomos për pleqtë e kësaj lagje. “Unë shpesh jam ngarkuar në zbritje e në ngritje, sepse lagjja e “Nënkalasë ” dhe ajo,” Pantelia” kanë shumë pleq dhe më vjen shumë keq që ata nuk mund të furnizohen sa e si duhet andaj unë jam një lloj furnitori i tyre. Ata kanë nevojë shpesh për blerjen e gjërave ushqimore, për të cilat unë si shërbim e bëj për emër të Zotit dhe duke dashur që ata pleq t’i ndihmoj”, tregon ai. Shton se është tejet i kënaqur kur ndihmon pleqtë e kësaj lagje. Plaku Daut Krasniqi, 80- vjeçar, pohoi se Nexhi u gjendet shpesh, bile në ndihmë si atij dhe familjes. “Shpesh na kryen shërbime pa përtesë. Ne e falënderojmë shumë. Ai kurrë nuk përton të na blejë gjëra ushqimore dhe nga poshtë na i sjell në shtëpi pa asnjë kompensim e natyrisht se nuk e ka obligim, por e bën me dëshirë”, thekson ai. Gjon Berisha, banor i kësaj lagje thotë se “Nëse dikush e meriton të quhet hero i ditëve tona është Nexhi, i cili nuk lodhet duke ndihmuar njerëzit. Ai ushqen kalin me duart e tij për të na shërbyer neve”, pohon Gjoni.
(Kosova Sot)
Drejtoria e Shërbimeve Publike e Komunës së Prizrenit, në pika të ndryshme, ka afishuar vërejtjet, me të cilat u ka bërë thirrje amvisërive që ta paguajnë taksën për shërbimin e grumbullimit të mbeturinave.
Një thirrje e tillë publike ka ardhur si pasojë e të hyrave të ulëta në këtë kategori buxhetore, ndërkohë që ky dikaster komunal ka paralajmëruar se mund të aplikohen edhe sanksione në përputhje me rregulloren.
Në vërejtjen e DSHP-së përkujtohet se “si gjenerues të mbeturinave, taksa për mbeturina mbetet përgjegjësi e çdo amvisërie”.
Komuna e Prizrenit nga fillimi i vitit 2015 ka marrë përsipër menaxhimin e mbeturinave dhe arkëtimi i taksës për këtë shërbim ka nisur në muajin mars të vitit të kaluar. Por që prej asaj kohe përqindja e arkëtimit të taksës së mbeturinave nuk ka qenë i kënaqshëm.
“Te taksa për menaxhimin e mbeturinave nga 1 milion e 860 mijë euro të planifikuara janë arkëtuar 487 mijë euro apo 26,21 për qind”, shkruan në raport
Me rastin e 28 shtatorit – Ditës së boshnjakëve, kryetari i Kuvendit të Republikës së Kosovës, Kadri Veseli, mori pjesë dhe mbajti fjalë rasti në manifestimin, i cili u organizua sot në Prizren për nder të kësaj dite.
Duke i uruar qytetarët boshnjakë dhe përfaqësuesit këtij komuniteti për ditën e tyre, si dhe mysafirët nga vende të rajonit, kryeparlamentari Veseli tha se ndihet mirë në këtë ambient të ngrohtë, sepse, siç theksoi ai, rrugëtimi për një Kosovë të zhvilluar dhe me mirëqenie për të gjithë qytetarët e saj, ishte dhe është i përbashkët, transmeton Koha.net. Ai tha se këto marrëdhënie, të ndërtuara gjatë kësaj ecjeje të përbashkët, sot janë shembull se si një vend, dallimet e veta etnike i konsideron vlerë dhe pasuri shpirtërore, por edhe fuqi krijuese dhe zhvillimore.
“Çdo herë do ta kujtojmë bashkëpunimin tonë të ngushtë dhe sfidat në kohërat më të vështira, gjatë ndërtimit të shtetësisë, institucioneve dhe shoqërisë tolerante, për të gjithë qytetarët. Ne jemi në partneritet të ngushtë gjatë veprimtarisë së përditshme politike e shoqërore, dhe për këtë jemi krenarë”, theksoi Veseli./koha.net/
Megjithëse mohoi të jetë rrahur, deputeti Eduard Ndocaj ka kaluar një incident të pakëndshëm gjatë vizitës në Kosovë më 25 shtator që mund të kishte përfunduar edhe me një bilanc të rëndë.
Këtë gjë e ka konfirmuar për News24,kryeprokurori i Prizrenti Sylë Hoxha. Ai tha se deputeti shqiptar, pjesë e grupit parlamentar të Partisë Socialiste është goditur nga shtetasi kosovar Ilirjan Bytyçi si dhe një shtetas nga Shqipëria. Ngjarja ka ndodhur në një qendër tregtare.
“Ka ndodhur një incident siç më ka informuar prokurori kujdestar. Një shtetas shqiptar është ndalur ditën e ngjarjes: E. Vata dhe shtetasi kosovar Ilirjan Bytyçi të nesërmen e ngjarjes. Duke u kthyer nga Peja, deputeti i kuvendit të Shqipërisë është ndalur në një qendër tregtare në Landovicë ku edhe ka ndodhur incidenti dhe është goditur”, ka thënë Hoxha.
“Deputeti është goditur nga shtetasi kosovar, ka pasur një lëndim të lehtë trupor. Nuk ka ndodhur plagosje më e rëndë për fat. Kjo ngjarje është e ndjeshme, bëhet fjalë për një të dëmtuar, deputet të parlamentit të Shqipërisë. Kam urdhëruar të merren sa më shpejt me rastin. Shtetasi shqiptar po merret në pyetje. Janë takuar rastësisht. Shtetasi kosovar është i njohur për organet e policisë për disa vepra penale. Deputetin unë nuk e njoh. Nëse nevojitet si palë e dëmtuar Ndocaj do të thirret”, ka thënë Prokurori Hoxha.
Ai ka shtuar se pas goditjes deputeti ka telefonuar policinë, ndërsa ka qenë i shoqëruar nga një femër. “Deputeti Ndocaj ka qenë në shoqërinë e një femre. Edhe makina tjetër që janë takuar ka pasur femra. Por kush kanë qenë për momentin nuk i di. Madje nuk di as kush kanë qenë shoqëruesit me deputetin” tha kryeprokurori i Prizrenit.