Ministria e Punëve të Jashtme e Kosovës ka konfirmuar një përleshje fizike për arsye banale që ka ndodhur mes Sekretarit të kësaj Ministrie, Fitim Sadiku, dhe një zyrtari të lartë, Vlorat Gashi.

Lajmin e ka konfirmuar për Express, Drejtori i Përgjithshëm, Albert Prenkaj i cili edhe ka paralajmëruar masa.

“Po ka ndodhur një situatë e pakëndshme. Ka qenë moment dobësie jashtë cfarëdo kodi etik të sjelljes. Mbetet një rast i izoluar dhe do të merren masa konform rregullave e ligjeve në fuqi. Komisioni Disciplinor do të mblidhet dhe pezulloj të dy zyrtarët”, ka thënë Prenkaj. /Gazeta Express/

Familjarët e Visar Begajt, i cili humbi jetën tragjikisht si pasojë e rrëzimit të aeroplanit dy ditë më parë në afërsi të Shkupit, kërkojnë që trupi i tij, pas procedurave ligjore, të kthehet në Kosovë dhe jo në Itali.

Familjari i tij dhe njëkohësisht kreu i Komunës së Malishevës, Ragip Begaj, në një deklaratë për televizionin Alsat kërkon që ambasadat e Italisë dhe Kosovës të veprojnë sipas kërkesave të familjarëve.

Ndërkohë nga Instituti i Mjekësisë ligjore në Shkup, njoftuan se autopsia e trupave po vazhdon dhe se detajet do t’i kumtojë Prokuroria Publike.

Bazuar në të dhënat e MPB-së, aksidenti ka ndodhur katër minuta para aterrimit. Me grumbullimin e të gjitha provave, do të bëhen të ditura edhe shkaqet e rrëzimit.

Në aksidentin ajror humbën jetën gjashtë persona. Visar Begaj dhe pesë italianët po udhëtonin me aeroplanin e tyre privat që për destinacion kishte Prishtinën. Pasagjerët nga Trevizo e Italisë kishin tentuar të aterojnë në pistën e aeroportit të Shkupit për t’u furnizuar me kerozinë

Zyrtarë të ATK-së, Doganës, Krimeve Ekonomike të policisë dhe Inspektoratit komunal, të enjten kanë ndërmarrë një aksion të kontrollit në dyqanet e argjendarëve të Prizrenit në rrugën “ Adem Jashari”. Lidhur me këtë ngjarje, policia dhe zyrtarë të institucioneve të tjera të përfshira në këtë aksion nuk dhanë hollësi rreth këtij aksioni të përbashkët. Aksioni i sotëm nga organet e ATK-së, Doganës, Inspektoratit dhe policisë nuk është mirëpritur nga pronarë të argjendarive , të cilët ishin tubuar para objektit të Shtëpisë së Bardhë në Prizren, në mesin e të cilëve ndodheshin edhe drejtuesit e Shoqatës së Zejtarëve dhe Afaristëve të Prizrenit.

Sami Dida, kryetar i kësaj shoqate thotë të jetë informuar nga anëtarët për këtë aksion, dhe shprehu habinë pse është ndërmarrë një veprim i tillë, pasi që sipas tij nuk kemi të bëjmë me vepra kriminale dhe se nuk e kundërshtojmë ligjin, por jemi kundër qasjes jo të mirë të institucioneve. Sipas argjendarëve dhe drejtuesve të SHZAP-së, pretekst për organizimin e këtij aksioni kanë qenë dyshimet për shmangie të tatimit nga disa biznese që e ushtrojnë këtë veprimtari tregtare sipas një urdhërese të Gjykatës Themelore në Ferizaj.

Kryetari i sindikatës së argjendarëve në Prizren, Sali Rrotlla , tha se pronarët e dyqaneve nuk janë paralajmëruar dhe nuk kanë njohuri pse po ndërmerret ky aksion ,ndërsa shtoi se masat ndëshkuese janë edukative ndërsa masat e dhunshme janë kundërefektive. Kryetari Rrotlla shton se kohë më parë kemi arritur marrëveshje me ministrinë e Ekonomisë dhe Financave , ku është nxjerrë udhëzimi administrativ për lehtësim të doganës për argjendarët dhe tash ari importohet si lëndë për përpunim. Nëse dikush individualisht ka bërë keqpërdorime nuk duhet të ndëshkohemi të gjithë, tha Rrotlla. Gjatë kohës së kontrollit , shumë argjendarë i’a kishin vënë dryrin dyqaneve të tyre…/TV Prizreni/

Dje në Prizren është arrestuar një person pasiqë nën ndikimin e alkoolit ka sulmuar bashkëshorten e tij

Policia ka njoftuar se dje rreth orës 10:00 në rrugën “Mon Karavidaj” në Prizren është arrestuar një i dyshuar mashkull K/Rom, pasiqë nën ndikimin e alkoolit ka sulmuar fizikisht bashkëshorten e tij, viktimën femër K/Shqiptare.

”Viktima ka pësuar lëndime të lehta trupore dhe e njëjta ka pranuar tretman mjekësor”, njofton policia.

Me urdhër të prokurorit i dyshuari është dërguar në mbajtje.