Kryetari i Nismës Fatmir Limaj, do të qëndrojë sot në Prizren.
Ai bashkë me deputetin Zafir Berisha, ka planifikuar të vizitojë Shoqatën e Zejtarëve dhe Afaristëve.
Takimi do të mbahet ora 19.00
“Kujunxhinjtë” e Prizrenit
P rizreni veçohet me trashëgimi, ruajtje dhe pasuri arkeologjike. Por, edhe me ruajtjen e traditave e të trashëgimisë .Prizreni dallohet edhe si qendër vilajeti dhe qendër konsullore. Pas pushtimit turk më 1455, Prizreni kreu funksionin e qendrës së Sanxhakut, ndërsa me organizimin e ri administrativ të Perandorisë Osmane, bëhet qendër vilajeti. Në gjysmën e dytë të shek. XIX, në Prizren hapen përfaqësitë diplomatike të disa vendeve të Evropës, shkruan gazeta Kosova Sot.
Austria ishte vendi i parë që hapi përfaqësi konsullore, ndërsa këtë hap e ndoqën edhe Rusia, Anglia e Italia. Prizreni zë vend të veçantë edhe në historinë e Lëvizjes Kombëtare Shqiptare. Derisa sipas Millan Shufllajt, Balshajt kishin në Prizren ipeshkvin katolik (frater Johannis episcopus Prizrenensis), i cili kishte lënë në Ston katër libra si testament, më 16 qershor 1375. Si dëshmi mbi administrimin e qytetit të Prizrenit nga Balshajt është varri i Strazimir Balshës, i gjetur afër varrit të Dushanit në manastirin e Kryeengjëjve. Lidhja Shqiptare e Prizrenit ishte përpjekje serioze për mbrojtjen e integritetit tokësor dhe identitetit kombëtar të shqiptarëve. Të gjitha këto tek ndjenjat e atyre që merreshin me artin e bukur të filigranit, në një formë ose në një tjetër ata i bartën këto motive më vonë në punimet e tyre.
Ruajtja e traditës
Prizrenin për shkak të këtyre ngjarjeve dhe për faktin se ishte në qendër të vëmendjes u ngrit në piedestal punimi e “sermit” ashtu siç e quanin argjendin. Kjo pastaj të gjithë zejtarët i çoi drejt përbashkimit të tyre. Në kohën e dominimit të prodhimtarisë zejtare, Prizreni u ngrit në një nga qendrat më të mëdha zejtare në Ballkan. Në punëtoritë e shumta të këtij qyteti ushtroheshin më shumë se 120 lloje zejesh, nga më të ndryshmet. Prodhimet e zejtarëve prizrenas jo vetëm se shiteshin në tregjet e mbarë Perandorisë Osmane, por ato depërtonin edhe në vende tjera, madje edhe deri në Indi.
Në veçanti është e njohur tradita e përpunimit artizanal të metaleve fisnike – filigrani. Prizreni sërish mund ta fitojë shansin e vet historik në kuadër të një impakti ekonomik e kulturor. Revitalizimi dhe mbrojtja e fondit të trashëgimisë kulturore si dhe inkurajimi në riaktivizimin e atyre veprimtarive karakteristike ekonomike, do të mundësonin që Prizreni të bëhet partner i denjë në bashkëpunimin kulturor e ekonomik me qytetet tjera të Ballkanit, Evropës Juglindore dhe më gjerë. Po veçojmë vetëm rastin e “kujunxhinjve” siç janë quajtur kryesisht argjendarët. Dikur për prodhimet e këtyre kishte edhe një Çarshi që quhej “Çarshia e kujunxhinjve”.Zejen e punimeve të argjendit dhe filigranit kryesisht e kanë përcjellë argjendarët e besimit katolik. Duke filluar me Pjetër Kolveshin, i cili pastaj e përcolli deri tek i biri Antoni e më vonë nipat Petrushi, Mateja, Lorenci, Andreja etj. Meqë Prizreni vazhdoi të mbetet një qendër e tillë kryesore ndoshta në gjithë Ballkanin. Ata në vitin 1947 bashkohen në një kooperativë.
Dyqanet e shpërndara
Argjendarët janë ndër mjeshtrit më të njohur të Prizrenit, për esnafët e të cilëve kanë shkruar edhe historianët. Duke krijuar stoli e objekte arti prej arit, argjendit e metaleve të tjera, të kombinuara me gurë, ata kanë kontribuar në përhapjen e emrit të Prizrenit në tërë botën. Argjendarët e kësaj zone me teknikën e derdhjes kanë punuar kuti të duhanit, çibukë, cigarellëqe, pjesë të qostekut, unaza, byzylykë, vathë, pjesë të gjerdanëve, tabakë të mëdhenj, gota uji e vere, filxhanë, etj. Ndërkohë, me teknikën e filigranit, që është karakteristikë e argjendarëve prizrenas, pos që janë zbukuruar objektet e punuara me derdhje janë krijuar edhe vepra të shumta origjinale nga fijet e holla të metaleve të çmuara. Argjendarët dikur në Prizren kanë pasur edhe këndin e vet, që është njohur si Çarshia e Kujunxhillëkut. Ndërkohë, tani dyqanet e tyre janë të shpërndara.
Gjeneratat e reja vazhdojnë ta ushtrojnë këtë zanat, me trajta të reja. Për nga vjetërsia, byzylykët e tipit të mbyllur me disa rende zinxhirësh dhe disa lloje pafta brezi janë punuar në shekullin XVIII e XIX. Qostekët për orë të burrave, stolitë e kokës ” takëmi me aski”,unazat dhe byzylykët prej një e më shumë pjesësh dhe kornizat e pasqyrave janë të fundit të shekullit XIX e të fillimit të shekullit XX. Ndërkaq,punimet më të reja,të fillimit të shekullit XX, janë zinxhirët e burrave,vathët,qaforet e grave,byzylykët njëpjesësh,dypjesësh e shumëpjesësh të tipit të mbyllur, broshët dhe brezat e argjendta filigranike dhe byzylykët e brezat “fishekli”. Sot zeja e argjendarisë vepron në më se 5O shitore private. Në këto shitore ne mund të shohim ose të blejmë ndonjë prodhim të vjetër,të punuar para 5O-6O vjetësh kryesisht për regjionin e Hasit të Prizrenit dhe fshatrat e tjera përreth qytetit. Sot argjendarët punojnë modele të reja prej ari e argjendi, në përshtatje me kërkesat e reja të blerësve.
(Kosova Sot)
Qosja dhe Demaçi favorit për Nobel
Në programin e mëngjesit në Klan Kosova, Drejtuesi i unionit të shkrimtarëve të Kosovës, Reshat Sahitaj, tha se të fitohet apo të qenit pjesë e garave për çmime botërore, siç është ai i Nobelit, është çështje e përmirësimit të imazhit të Kosovës në çdo aspekt.
Shkrimtari Sahitaj, tha se me anë të kulturës, e gjithë bota ka filluar të shkruaj për shqiptarët e Kosovës, pasi që kultura është ambasadori më i fortë i një shteti.
Duke iu referuar Rexhep Qosjes, i cili është kandidat për këtë vit për çmimin Nobel në fushën e letërsisë si dhe Adem Demaçit i cili është kandidat për çmimin Nobel për Paqe, Reshat Sahitaj tha se është arritje shumë e madhe për një vend, sepse është çmimi më prestigjioz në botë.
“Gazetat botërore kanë filluar të shkruajnë për shqiptarët për shkak të punës së tyre me veprat e tyre. Është Shën Tereza, Rita Ora, Majlinda Kelmendi e cila fitoi medaljen e artë në Rio duke mos harruar Dua Lipa e shumë e shumë personazhe të tjera që kanë kontribuar në pozitivistet të vendit. Kultura është ambasadori më i mirë i një shteti në Ballkan e në botë”.
“Kosova ka pasur disa ngjarje kryesore të tilla duke qenë pjesëmarrje e që i kanë përmirësuar imazhin e saj në çdo mënyrë”.
“Ky është një sukses i madh arritje shumë e madhe sepse çmimi nobel është çmimi më prestigjioz në botë”.
“Për dallim shtetet tjera paguajnë për të sponsorizuar garuesin, ndërkaq ne nuk kemi mbështetje të tillë”.
“Kjo është hera e parë e popullit shqiptar si në Kosovë edhe në Shqipëri, që drejtues të huaj të unionit të shkrimtarëve, kanë mbështetë në mënyrë humanitare garuesit tanë”.
“Data për mbajtjen e ceremonisë për ndarjen e çmimit për letërsi ende nuk dihet e saktë. Nuk e dimë por mendohet për shkak të kushteve në Suedi. Askush nuk e di sepse është një proces i tyre”.
“Në mesin e kandidatëve, më 7 tetor ora 11:30 minuta do të fitojë Adem Demaçi. Sepse kur shikohet historia e tyre shumica e personave të tillë kanë të fituar çmimin Saro, çmimi më prestigjioz në Evropë, e është një parakusht që dikush mund të zgjidhet fitues për Paqe.’’
“Shumica prej vendeve të huaja, kanë shumë optimizëm që Adem Demaci do të fitojë çmimin për Paqe”.
‘’Zonja Merkel dhe Trump, kanë dhënë shumë materiale, për të arritur një çmim të tillë për ngjarjen e Nobelit, por Adem Demaqi është më i preferuari.’’
‘’Edhe tek fusha e letërsisë ka gjasa që Qosja të jetë fitues”
Mustafa dhe LDK-ja dorëzohen përballë “Prontos”
Analistët dhe deputetët e opozitës theksojnë se Isa Mustafa është vetë e keqja e Kosovës, derisa krijohet përshtypja që edhe heshtja e tij karshi skandalit të fundit, ‘Pronto’, është e qëllimshme, ngase edhe vetë LDK-ja përfaqëson një lloj të skandalit ‘Pronto’, e si rrjedhojë nuk distancohet prej tij,raporton Gazeta Kosova Sot
Ani pse mori përmasa tejet të mëdha në opinion, skandali ‘Pronto’, që ditëve të fundit arriti të bëhej çështja më e diskutuar dhe e përfolur për çdo ditë, hiq disa deklarimeve se me këtë çështje duhet të merret drejtësia, deri më tani akoma nuk ka pas ndonjë reagim më serioz nga i pari i Qeverisë së vendit, Isa Mustafa, dhe as nga ndonjëri bashkëpartiak i tij. Analistët e kësaj fushe, por edhe opozitarët kanë vlerësuar se kjo heshtje dhe indiferencë karshi këtij skandali, mbase është edhe normale për Isa Mustafën, ngase partia e tij është në bashkëqeverisje me atë të protagonistëve të skandalit ‘Pronto’.
Por pavarësisht kësaj, ata kanë tërhequr vërejtën se në kushte normale kjo nuk e amniston askënd qoftë ata të koalicionit në pushtet por edhe të tjerët që mos të reagojnë ndaj çdo të keqeje që ndodh në shoqërinë tonë. Ndaj është shtuar edhe dilema se nëse kjo heshtje e LDK-së dhe kreut të saj, mund të jetë vetëm për ta mbrojtur këtë skandal përmes ndikimeve në drejtësi, mbase analistët kanë nënvizuar se edhe vet LDK-ja, është një parti, e cila funksionon mbi bazën e këtij modeli, derisa është ngritur edhe pyetja e sipërpërmendur se përse asnjëherë i pari i Qeverisë Isa Mustafa nuk e dënoi skandalin, ‘Pronto’ dhe autorët e tij të cilët i ka partnerë të koalicionit në Qeveri?. Analisti politik dhe juridik, Mazllum Baraliu, në një prononcim për gazetën, “Kosova Sot”, ka thënë se një reagim i tillë nga kreu i Qeverisë, duke e dënuar skandalin e fundit ‘Pronto’ nuk ka ndodhur për shkak se janë partnerë dhe kanë interesa të përbashkëta, derisa siç tha është e natyrshme, ngase edhe kanë një marrëveshje në koalicion të partneritetit.
U harruan akuzat e fushatës Baraliu thotë se ani pse gjatë kohës së zgjedhjeve, gjegjësisht fushatave parlamentare orientimi i sulmeve dhe pakënaqësive kishte qenë i orientuar në mes, siç tha këtyre dy partive, njëra kundër tjetrës, e veçanërisht LDK-ja kundër PDK-së, tani janë në pushtet së bashku dhe kanë interesa të përbashkëta dhe po heshtin. Isa Mustafa e kishte moto të fushatës qeverinë pa PDK-në e SHIK-un, por përfundoi në koalicion me ata që i akuzonte përditë, me klanin “Pronto”.
“Kështu që është çështje e politikës, po ashtu çështje e orientimeve të tyre, por e vërteta është se në këtë drejtim ky është një problem serioz, i cili do duhej të kishte edhe adresime, por do duhej të kishte edhe reagim, pasi pavarësisht koalicionit ajo që nuk është e mirë si fenomen në shoqëri do duhej të luftohej edhe nga anë- tarët e koalicionit por edhe nga qeveria, dhe po ashtu nga shoqëria civile”, vijoi më tej ai. “Pra çdo qytetar aktiv dhe çdo qytetar i Kosovës ka përgjegjësi që në çdo të keqe dhe në çdo fenomen negativ të reagohet dhe të luftohet me metoda ligjore dhe demokratike”, ka theksuar analisti Mazllum Baraliu.
Qytetarët paguajnë faturën abuzive të politikës
Edhe pse pushteti ia lë fajin opozitës, përgjegjësia kryesore bie si gjithnjë mbi ata që kanë poste drejtuese, të cilët kanë dështuar që të krijojnë një ambjent më të mirë biznesi dhe pune ,raporton Gazeta Kosova Sot
Qeveria e koalicionit të tanishëm PDK-LDK, e kryesuar nga kryeministri Isa Mustafa, po e justifikon dështimin e vet në shënimin e progresit të kërkuar nga Bashkimi Evropian për sundimin e ligjit, si kriter themelor për liberalizimin e vizave, duke provuar që të shfajësohet para qytetarëve për këtë dështim dhe po përpiqet t’ia faturojë opozitës fillimisht fajësinë për dështimin me Demarkacionin dhe me asociacionin, dhe si rrjedhoje edhe me liberalizimin e vizave. Mirëpo përfaqësuesit e opozitës dhe analistët politikë theksojnë se bindja dhe vetëdijesimi qytetar për dështimin e qeverisë në të gjitha përgjegjësit e saj, është aq i madh saqë një mashtrim i tillë para votuesit assesi nuk mundë të shitet. Mbi këtë bazë, edhe ky koalicion qeverisës është shumë e pritshme që ta paguaj shtrenjtë faturën e dështimit në zgjedhjet e reja kurdo që mbahen ato. Nënkryetari i AAK-së, Ahmeti Isufi, tha se që nga fillimi i mandatit të ri qeverisës, ky koalicion ka filluar me dështime dhe ato janë shumë të dukshme.
“Qeveria e Kosovës në asnjë mënyrë nuk ka fakte për t’i adresuar dhe faturuar dështimet e vetë në të gjitha fushat e qeverisjes së vendit, në përgjegjësi të subjekteve politike opozitare”, tha Isufi.
Ai ka pohuar se është manipulim i rëndë i qeverisë së Kosovës përpjekja për ndërlidhjen e procesit të vizave me këto marrëveshje.
“Edhe ky është një mashtrim i rëndë që po bëhet ndaj qytetarëve nga ana e qeverisë së Kosovës, për këtë mashtrim kjo qeveri gjithsesi do ta marrë ndëshkimin meritor”, tha ai.
Koalicioni i interesave të ngushta Edhe analisti politik, Jeton Kelmendi, thotë se kjo qeveri që në fillim u ndesh me telashe të mëdha dhe me dështime, sepse ishte një koalicion i interesave të ngushta të klanit ‘Pronto’, me një njeri “të sëmurë: për pushtet, që është Isa Mustafa.
“Kosova po vuante nga grupe kriminale që udhëheqshin me vendin dhe çdo segment i jetës në Kosovë po kontrollohej nga mafija politike. Në këtë situatë “shoku” Mustafa çuditërisht arriti ta hipnotizojë partinë e Ibrahim Rugovës, natyrisht duke u bërë magji te SHIK- u i Kadri Veselit, madje deri sot kujt i bëri magji kjo organizatë parapolitike e kapën keq magjitë… ani fajtor i padiskutueshëm është Isa Mustafa dhe Hashim Thaqi e Kadri Veseli edhe për Demarkacionin, asociacionin e komunave serbe dhe për dështimet me liberalizimin e vizave, sado që tentojnë t’ia hedhin fajin opozitës”, theksoi ai.
“Nëse e masim me përqindje, 70 përqind të këtij faji e bartin qeveritarët, kundrejt 15% të fajit që i takon mbase opozitës, sepse aq ka fuqi politike, dhe 15% të fajit e kanë edhe qytetarët dhe shoqëria civile që nuk e rrëzuan qysh para sa muajsh këtë qeveri kleptokratike”, tha Kelmendi për “Kosova Sot”. Ai ka pohuar se pavarësisht këtij fakti, kësaj ndarje të fajësisë, faturat po paguajnë më së rëndi qytetarët e Republikës së Kosovës dhe kjo është më e keqja, sepse politikanëve nuk ju prishë punë as liberalizim i vonuar as shitja e tokës së Kosovës
Mustafa: Koalicioni do t’i ketë votat për ratifikimin e demarkacionit
Isa Mustafa ka thënë se si kryeministër i vendit do t’i bëjë të gjitha përpjekjet institucionale, ligjore dhe politike që të krijojë mundësi që të gjithë faktorët politikë dhe shoqërorë ta japin kontributin e tyre, që demarkacionin me Malin e Zi ta adresojnë me interes nacional.
Ai në një intervistë për “Epokën e re”, ka thënë se në këtë mënyrë do t’i hapin rrugë liberalizimit të vizave, transformimit të FSK’së, forcimit të subjektivitit ndërkombëtar dhe rikonfirmimit të partneritetit strategjik me SHBA’në.
Mustafa ka thënë se koalicioni qeverisës nuk është zmbrapsur sa i përket demarkacionit me Malin e Zi dhe asociacionit të komunave serbe.
Ai ka thënë se koalicioni qeverisës do t’i ketë votat e nevojshme për ratifikimin e demarkacionit.
Duke folur rreth mundësisë që, nëse nuk ratifikohet projektligji për demarkacionin me Malin e Zi, vendi të shkojë në zgjedhje, Mustafa ka thënë se nuk ua ka frikën zgjedhjeve.
Ai ka theksuar se kauzat e opozitës janë kauza fiktive, të krijuara me qëllim të rrëzimit të pushtetit.
Mirë se vini në ferr!
Një grafit i vendosur në hyrje të kryeqendrës së Kosovës, përkatësisht tek rrethi afër Qendrës Spitalore, në gjuhën angleze shkruan “Welcome To Hell” (Mirë se vini në ferr!) Dhe grafitet përbëjnë gjuhën më shprehëse të kohës në të cilën prodhohen.
Në fakt ky grafit është krejt në analogji me konstatimin e Adem Damaçit se Kosova është shndërruar në një kënetishtë.
Kënetishta nuk është gjë tjetër, pos sinonim i ferrit. Sigurisht që ky grafit nga pushtetarët mund të cilësohet si një shprehje dëshpërimi ose pesimizmi i çastit nga ndonjë individ i mbetur margjinave të kryeqendrës, por nuk është kështu. Është dëshmuar se pesimistë janë optimistët me përvojë. Dhe në fakt vetëm pesimistët kanë të drejtë brenda kësaj shoqërie që vlerësohet si më optimistja në rajon dhe më gjerë.
Vetëm pesimistët me përvojë optimizmi mund ta demantojnë këtë marrëzi ordinere të optimizmit të rrejshëm, të krijuar nga kjo klasë politike, e cila nëpërmjet zhvillimit të krimit të organizuar dhe korrupsionit ka arritur ta kriminalizojë edhe shoqërinë.
Në këtë mënyrë kënetishta në formë paradoksi ngjet në një parajsë për hajnat dhe kriminelët, për të shpërfaqur imazhe të gjalla nga “Komedia hyjnore” e Dante Aligerit.
Në kontekst të kësaj çështja është si të dilet nga këtu.
Zor, shumë zor. Parlamenti Evropian në mënyrë të vazhdueshme kërcënon se nuk ka liberalizim vizash, përkatësisht dalje nga kënetishta, pa përmbushjen e dy kushteve kryesore, zhvillimin e luftës kundër krimit e korrupsionit dhe ratifikimin e demarkacionit me Malin e Zi.
Tanja Fajon, raportuesja e posaçme e Parlamentit Evropian për liberalizimin e vizave për Kosovën, pas votimit në komitetin LIBE, ku nuk ka marrë një mandat për fillimin e negociatave me Këshillin e BE-së për çështjen e liberalizimit të vizave për Kosovën, ka thënë se tani topi është në duart e kosovarëve, përkatësisht në duart e klasës politike, e cila kurrë nuk ka qenë më e ndarë dhe më e përçarë në gjithë këto vite të pasluftës.
Kjo klasë politike e ka shumë zor të dëshmojë shenjat e një lufte kundër krimit të organizuar dhe korrupsionit, sepse kjo mbase na shpie deri tek konstatimi i Paolo Borselinos se politika dhe mafia janë dy pushtete që synojnë pushtetin mbi të njëjtin territor, prandaj ose bëjnë luftë të ashpër mes vete, ose bëjnë marrëveshje për të ndarë pushtetin mes tyre.
Sigurisht që ne jemi dëshmitarë të kësaj të dytës, prandaj paqja e tyre del të jetë robëria jonë, përkatësisht vendosja jonë nën ligjin. E në një vend ku nuk ka barabarësi në drejtësi, rrjedhimisht nuk ka as liri.
Shi për këtë, si shoqëri, edhe jemi futur në një gjendje apatike, kaq të rrezikshme për vendin; nuk çajmë më kokën as për krimin, as për korrupsionin, as për Demarkacionin, as për Asociacionin. Tashmë asnjë iniciativë qytetare nuk ka më shumë se kuptimin simbolik. Duket sikur lufta zhvillohet për t’u bërë pjesë e paqes mes mafisë dhe politikës (pushtetit) e jo për të ndërruar gjendjen, e cila seriozisht kërcënon dështimin e shtetit të bërë me sakrifica shumë të mëdha. Nuk ka zë të arsyeshëm për rrënimin e konstruksioneve, rrënimin e gënjeshtrës dhe mashtrimit dhe për ndërtimin e udhës të së vërtetës.
Lëvizja “Vetëvendosje!”, që funksionon si një sekt politik, ka pushtuar hapësirën e opozitës dhe të shoqërisë civile dhe në asnjë rast nuk lejon që qytetarët të mund të protestojnë mbështetur mbi kauzën e vetme kundër krimit të organizuar dhe korrupsionit, shtyllë bazë kjo mbi të cilën ngrihet paqja e mafisë dhe politikës.
Nëse kjo shtyllë vazhdon të ambalazhohet nga LVV-ja me agjenda të ndryshme etnonacionaliste, veç sa ka për t’ia zgjatur jetën krimit të organizuar dhe korrupsionit, niveli i të cilave matet me nivelin e varfërisë. E për sa kohë krimi dhe korrupsioni janë në rritje, në rritje është edhe niveli i varfërisë, përkatësisht përpjekja për të mbijetuar.
E në një gjendje të tillë apatike askush nuk do të çajë kokën për Demarkacionin dhe për Asociacionin, sepse shtylla e së keqes gjendet në Prishtinë e jo në Çakorr e as në Ibër.
Liria shkëlqen në Mitrovicë
Në një takim interesant në Mitrovicë, i cili dhuroi emocione në fundin e tij, Ötuese doli skuadra nga Prizreni, e cila arriti të shënojë plot 4 gola dhe të kthehet
në shtëpi me pikë të plota, duke e siguruar kështu trepikëshin e parë sivjet.
Fillimisht epërsia e prizrenasve erdhi nga Blendi Memaj pas asistimit të Liridon Fetahajt në minutën e 53’.
Më pas, gjërat u lehtësuan edhe më tepër për Lirinë pas përjashtimit të Bujar Ramës, lojtarit të skuadrës vendasve, i cili u largua nga
loja në minutën e 64’ të takimit.
Ndeshja vazhdoi pa gola deri në fund, ndërsa në 10 minutat e fundit të takimit u shënuan plot 4 gola. Për vendasit shënoi Hasan Hyseni, ndërsa Ötoren e
mysaÖrëve e siguruan golat e Berishës, Fetahajt dhe Gashit në çastet e fundit të takimit.
Pas 3 xhirove, Liria ka 3 pikë, ndërsa Trepça mbetet ende pa pikë/borozani/
Tosti i Agimit dhe kiflet e shokut të tij
Arbër Rexhaj
Me ju sot do te ndaj dicka personale, por me rendesi publike. Ndoshta do ta keni durimin ta lexoni, sepse do ta zgjas paksa. Vitin e kaluar djalin e dergoja me veture ne shkolle shpesh here, edhe pse banesa ku jetoj eshte afer. Keshtu bej, sepse me duhet te dal nga shtepia me dhjetra here shkaku i angazhimeve te perditshme dhe rutinore. Afer shkolles fillore “Abdyl Frasheri”, e parkova veturen prane kontenjereve te mbeturinave, ndersa Agimi hante tostin shpejt e shpejt.
Para xhamit te vetures, te dy pame nje burre I cili hynte me gjithe trupin ne kontenjere. Afer e priste me cante ne krah nje femije. Ai doli nga kontenjeret me nje qese ne duar. I kishte gjetur dy kifle te mavijosura. Ato ja dha djalit te tij, ndersa ai filloi menjehere qe t’I hante. E shikova Agimin teksa hante tostin, ndersa jashte xhamit femiun I cili hante nga kontenjeret.
Agimi e hodhi tostin, mu para kembeve te tij. Me tha “babi, shoku im i klases”. Agimi nuk fliste me. Qe te dy shikonim femiun teksa hante dhe mbante qanten ne duar.
Agimi me tha qe te dilja dhe t’ia blija edhe atij nje tost. Jo, I thash bir nuk ben. Dil tash dhe shko ne shkolle. Ai hapi deren dhe shkoi.
Neper shume tubime publike kete e kam treguar shpesh here. Ne jemi njerez, dhe sigurisht nuk ndihemi mire kur dikush heq edhe per kafshaten e bukes. Me kane pyetur shume shpesh pse nuk ia kam blere nje tost edhe atij femiu te bukur me syze. Ne te vertete kush jam une, qe t’i blej atij tost. Tosti kushton 50 cent, para baneses sime. Kush jam une?
Ose me mire, kush mua ma jep ate te drejte qe ta cenoj integritetin e babes. Prindi I shokut te klases se djalit tim, po e fuste veten thelle ne mbeturina per te birin, tosti im do ta lendonte ate, madje do ta kepuste nje pjese te shpirtit te babes se tij. Ai po bente me shume per djalin e tij, sesa une per Agimin. Une po blija per cdo mengjes nga nje tost, ndersa ai per cdo here po e fuste veten ne mbeturina. Duart e mija ishin te pastra, duart e tij ishin ‘’te pista’’. Ne te vertete duart e tij ishin me te ngrohta per te birin, sesa te mijat. Ai kishte integritet moral sepse po e fundoste veten per te birin. Une po i jipja dicka qe te gatshme nga nje page prej nje shteti abnormal. Fundja ai kishte te drjte me shume se une, une jo. Ai po bente perpjkje per te jetuar te tjeret. Ndihma ime, do ta cenonte femiun, baben e tij. Fundja kush jam une qe ta cenoj nje njeri me kaq integritet te larte.
Prandaj me dhjetra here kam kerkuar ne Kuvendin Komunal qe nje projekt – buxhet te parashihen disa kuzhina popullore ne menyre qe, keta femije se paku te kene ku te drejtohen per nje kafshate buke. Ky pushtet asnjehere nuk e ka marre parasysh fjalen time. Ka qene i padrejte me te varferit. Ndersa keta prinder dhe femije po e sfidojne per cdo dite kete pushtet, duke e cenuar ate me mjerimin e tyre. Prandaj edhe ne seancen e neserme serish do te kerkoj qe ne projekt-buxhet te perfshihen dy kuzhina popullore./Marrë nga Facebook-u/
Kjo bukuroshe do t’ju mahnit
Devin Brugman ka realizuar një set fotografish mjaft seksi, teksa ka bërë një shëtitje me jaht.
Modelja e bukur kishte veshur bikini të bardha, që ia nxirrnin në pah sidomos gjoksin mahnitës.